ދިއްދޫ ފުޓުބޯޅަ މުބާރާތުގެ ހަމަނުޖެހުމުގައި ދައުލަތުގެ މުދަލަށް ގެއްލުން ދިން މައްސަލަ ފުލުހުން ބަލަނީ
ދިއްދޫ ފުޓުބޯޅަ ދަނޑުގެ މެޓަށް ގެއްލުން ދީފައި: މި މައްސަލަ ފުލުހުން ވަނީ ބަލަން ފަށާފައި.
13 ޖޫން 2019 - 19:50
9 comments
ހއ. ދިއްދޫ ކައުންސިލުން ބޭއްވި ފުޓުބޯޅަ މުބާރާތެއްގައި ކުޅުނު މެޗެއް ހޫނުވެ ހިނގި ހަމަނުޖެހުންތަކުގެ ތެރެއިން ދައުލަތުގެ މުދަލަށް ގެއްލުން ދިން މައްސަލަ ބަލަން ފުލުހުން ނިންމައިފި އެވެ.
މިދިޔަ ހޯމަ ދުވަހުގެ ރޭ ހިނގި އެ ހަމަނުޖެހުންތަކުގައި ދެ ޓީމުގެ ކުޅުންތެރިންގެ ދެމެދުގައި މާރާމާރީ ހިންގައި، މެޗްު ކުޅުނު ފުޓުސަލް ދަނޑުގެ މެޓު ވެސް ވަނީ ހަލާކުކޮށްލައިފަ އެވެ. އަދި މެޗު އޮފިޝަލުން ތިބޭ ބެންޗަށް ވެސް ގެއްލުން ދިނެވެ.
ދިއްދޫ ފުޓުސަލް ދަނޑަކީ ކުރީގެ ރައީސް އަބްދުﷲ ޔާމީންގެ ސަރުކާރުގެ ދުވަސްވަރު އެ ރަށުގައި އަޅައިދިން ދަނޑެކެވެ.
ފުލުހުން ކުރިން ބުނެފައި ވަނީ ހަމަނުޖެހުމުގެ މައްސަލަ ފުލުހުންނަށް ހުށަހަޅާފައި ނެތް ކަމަށެވެ. އަދި ޓީމުތަކާއި ކުޅުންތެރިންނަށް ދިއްދޫ ކައުންސިލުން ފިޔަވަޅު އަޅާފައިވާކަން ކައުންސިލުން ފުލުހުންނަށް އަންގާފައިވާ ކަމަށް ބުނެފައި ވެ އެވެ.
ދިއްދޫގައި ފުޓްބޯޅަ މެޗެއް ހިންގައި ގޮނޑިތައް ދުރަށް ލާފައި
ފުލުހުންގެ މީޑިއާ އޮފިޝަލް ވިދާޅުވީ، ފުޓުބޯޅަ މެޗުގެ ހަމަނުޖެހުމުގެ ތެރެއިން، ދައުލަތުގެ މުދަލަށް ގެއްލުން ދިން މައްސަލަ ބަލަން ނިންމީ ފުލުހުންގެ އިސްނެގުމަށް ކަމަށެވެ. އެ މައްސަލަ ބަލައި ދިނުމަށް ދިއްދޫ ކައުންސިލުން މިހާތަނަށް ހުށަހަޅައިފައެއް ނެތެވެ.
ކައުންސިލުން ޓީމުތަކާއި ކުޅުންތެރިންނަށް ފިޔަވަޅު އެޅުމުން އެކަމާ ދެކޮޅު ހެދުމުގެ ގޮތުން ކައުންސިލް އިދާރާ ކައިރިއަށް ފަންސާހެއްހާ މީހުން އިއްޔެ ރޭ އެއްވެ ހަމަނުޖެހުން ހިންގަން މަސައްކަތް ކޮށްފައިވެ އެވެ. އެކަމަކު، ފުލުހުން ވަނީ އެ މީހުން ކޮންޓްރޯލް ކޮށްފަ އެވެ.
ފުޓުބޯޅަ މެޗުގެ ހަމަނުޖެހުމުގެ ވީޑިއޯ އިން ފެންނަ ގޮތުގައި ތަޅާ ފޮޅުން ފުރަތަމަ ފެށުނީ ދެ ޓީމުގެ ކުޅުންތެރިންގެ މެދުގަ އެވެ. އެއާ އެކު ސަޕޯޓަރުން ވެސް ދަނޑަށް އަރައި ބޮޑު ތަޅާފޮޅުމަކަށް ބަދަލުވި އެވެ. އެކަން ހުއްޓުވަން ފުލުހުންގެ އިތުރުން ބައެއް ސަޕޯޓަރުން މަސައްކަތްކުރާ ތަން ވެސް ފެނެ އެވެ.
ފުރަތަމަ ބުރުގެ ފަހު މެޗުގެ މި ހަމަނުޖެހުން ކޮންޓްރޯލް ވި އިރު ދަނޑުގެ މެޓު ނައްޓާލުމުގެ އިތުރުން މެޗް އޮފިޝަލުން ތިބޭ ބެންޗަށް ވެސް ވަނީ ގެއްލުންތަކެއް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން ނުވަވަނަ
14 June 2019
އެ ގްރޫޕްގެ ނުވަދިހަ ޕަސެންޓް ނިސްބަތްވަނީ ދޮންރިހަ ޕާޓީއަށް. ދެން މައްސަލަ ނުބަލާ އާއްމުން ކުދި ކިޔަން ފެށީމަ ކަމުގެ މުއާލާތް ކެނޑުނު ފަހުން ކޮން ޑްރާމާއެއް ކުޅެން އެމްސީ ހަމީދު މަސައްކަތް މިކުރަނީ. ތިކަހަލަ މައްސަލަ ތަކުގަ ކުރިން ސްޓާ ފޯސް ފޮނުވައިގެން ވަގުތުން ހައްޔަރުކުރޭ.
އަހައްމާ
14 June 2019
ކޮންމެ ބަޔަކު ވެސް ގޯސްކަމެއް ކޮއްފިއްޔާވނީ ގޯސްކަމަކަށެވެ. ދައުލަތުގެ މުދަލައް ގެއްލުންދީފިއްޔާ އެކަން ބަލަންޖެހޭނެވެ. އެގޮތުން ދިއްދޫ ދަނޑުގެ މެޓު ހަލާކު ކުރިމައްސަލައާޢި 7 ފެބްރުއަރީ 2012 ފުލުހުންގެ މެސްރޫމް ގެ ތަކެތި ހަލާކުކުރި މައްސަލައާޢީ 1 ފެބްރުއަރީ 2018 ސުޕްރީމް ކޯޓު ޓިނުނެގި މައްސަލައާޢި އަދި ކޯޓުގެ ވަރުގަދަ ބޮޑު ދޮރު ހަލާކު ކޮއްލި މައްސަލަ ވެސް ބަލަންޖެހޭނެވެ. ގާނޫނީ ގޮތުން މިދެކަމަކީ ވެސް ކުށެކެވެ.
ދާދޭ
14 June 2019
ޕަބްލިކް ތަންތަނަށް ގެއްލުންދޭ މައްސަލައަކީ ދުނިޔޭގެ ހުރިހާ ގައުމެއްގައިވެސް އަދަބު ދެވޭ މައްސަލައެއް.
ޓެކްސްޕޭޔަރު
14 June 2019
މަގޭމައްސަލައެއްނެތް އެސޮރުމެން އެކަކު އަނެކަކަށް ތަޅާ ރޯނާވިއަސް. އެކަމަކު ބުރަކޮށް މަސައްކަތްކޮށްގެން ނުކައިނުބޮއެހުރެ ދައްކާ ޓެކްސް ފައިސާއިން ގަނެފަހުރި މުދަލާއި ތަންތަން ހަލާކުކުރިމީހުނަށް ފިސާރި ރަނގަޅަށް އަދަބުދެވެންޖެހޭނެ.
އިންސާފު.
13 June 2019
ނުވާނެ އެމްޑީޕީ ވެރިކަމުގަ އޮވެގެން ތިތަރަށު މީހުން ހިންގާ އެއްވެސް ޖަރީމާއެއް ބަލަފައެއް ނެތް.. އޭގެ ބަދަލުގަ އެވެރިން ރުހޭ ގޮތަކަށް އެކަމެއް އިތުރަށް ފުރިހަމަކޮށްދީފަ ހުރީ.. ތިޔަ ކަންކަމް ވެސް ބެލޭނި ސަރުކާރު ބަދަލުވީ ދުވަހަކުން.. އިންސާފޭ ހަމަހަމަކަމޭ ކިޔަނީ ދަޅަދައްކަން..
ކުމުންސާނި
13 June 2019
ދިއްދޫއަކީ ދައުލަތުގެ މުދަލައް ގެއްލުން ދިނުމުގައި ވަރައް ކުރީގަ އުޅޭ ރަށެއް އޮފީސްތަކައް މަސްއެޅުމާ ބަނދަރު ހެދުމައް ގެނާ ސިމެރިތައް އަދި ސިމެތިގަށާ މެސެނު މޫދައް އެއްލާލުމާ މައުމޫންނެރުވުމާ އެދުވަހު ތަކެއްޗައްގެއްލުންދީ ޓާފުދަންޑު ހަލާކޮއް ލުމާ ޖަގަހަތަކައް މަދިރިބޭސް އެޅުމާ މިހެންގޮސް ކުދި އަދި ބޮޑަތި އެތައްގެއްލުމެއްދޭ ކުރަނީ އެއްބައެއް ކުރާމީހުން ޕޮލިހައް ވާއްދާފަ އަނެއްދޮރުން ނެެރޭނެ މާގައްޑާ ރީންދޫ ބަކުޔަކު އުޅޭރަށެކޯ
ބޯންތަށި
13 June 2019
ދިއްދޫ މީހުން ބޮލުން ފަތްފައިބާ މައްސަލަވެސް ބަލާތި . ޜުޅިގަދަވަނީ ދިއްދޫ އޮންނަ ލޮކޭޝަނުގެ ގޮތުންކަމަށް ބަލާ ދިއްދޫމީހުން ހޯރަފުށީފަޅަށް ބަދަލުކުރަންވީ.
ޙަނބެ
13 June 2019
މިކަހަަލަ ކަންކަން މަދުވާނި މިކަންކަން ކުރިބަޔަކައް އަދަބުދެވިގެން މާދަމާ ކަންނޭނގެ ދަނޑުގަ ޓާފު އަޅާނި ދެން ރުޅިއާމަ ވެއްޖެ ޓާފުގަނޑު ދަމާފަ މަގުމައްޗައް ނެރެން ތީތި ކަޑައެ
ޚަނާ
13 June 2019
ކޮންމެ މީހަކު ކުރިޔަސް ގޯސްކަމެއް ވާނި ގޯހައް ހައްގު އަދަބު ދޭންޖެހޭ ރުޅިއަންނަ ކޮންމެ ފަހަރަކީ ތަންތަނައް ގެއްލުން ދޭން ޖެހޭނެ ކަމެއްނޫން ތިކަމުން ގެއްލުން ލިބެނީ މުޅި މުޖުތަމައުއައް