ހަނގުރާމާގައި ބައިވެރިވާ ދިވެހިން އަނބުރާ ގެންނާކަށް ބޭނުމެއް ނޫން: ނަޝީދު

ނަޝީދު: ހަނގުރާމައަށް ދާ ދިވެހިން އަނބުރާ ގެންނަން ނުޖެހޭ ކަމަށް ވިދާޅުވި -- މިހާރު ފޮޓޯ/ހުސެއިން ވަހީދު

މުއިއްޒު އިބްރާހިމް، މިހާރު

15 ޖޫން 2019 - 19:40

ސީރިއާގައި ހިނގަމުންދާ ދާޚިލީ ހަނގުރާމާގައި ބައިވެރިވާ ދިވެހިން އަނބުރާ ރާއްޖެ ގެންނަން ބޭނުން ނުވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

ސްރީ ލަންކާއަށް ނަޝީދު މިހާރު ކުރައްވަމުން ގެންދަވާ ދަތުރުފުޅުގައި ނޫސްވެރިންނާ ބައްދަލު ކުރައްވައި، ނަޝީދު ވިދާޅުވީ މެދުއިރުމަތީގައި ހިނގާ ހަނގުރާމަތަކުގައި ބައިވެރިވުމަށް ފަހު ހަނގުރާމަވެރިން އެހެން ގައުމުތަކަށް ފެތުރިގަންނަން އަބަދުވެސް ބޭނުންވާ ކަމަށާއި އެކަމަކު އޭގެ ތެރޭގައި ހިމެނޭ ދިވެހިންނަށް އެނބުރި ރާއްޖެ ނާދެވޭނެ ގޮތް ހަދަން ބޭނުންވާ ކަމަށެވެ. ނަޝީދު ވިދާޅުވީ އެ މީހުން އަނބުރާ ގެނަޔަސް، އެ މީހުންގެ ފަރާތުން ނުރައްކަލެއް ކުރިމަތި ނުވާނެ ކަމުގެ ޔަގީންކަމެއް ނެތް ކަމަށެވެ.

"އެ މީހުންގެ ފަރާތުން މުޖްތަމައަށް އިތުރު ނުރައްކަލެއް ވިޔަ ނުދިނުމަށްޓަކައި އެ މީހުން ރިހެބިލިޓޭޓް ކުރެވޭނެ ގޮތްތަކެއް ވެސް އަޅުގަނޑުމެންގެ ނެތް،" ނަޝީދު ވިދާޅުވި އެވެ.

ނަޝީދު ވިދާޅުވީ ހަނގުރާމަތަކުގައި ބައިވެރިވެފައި ތިބި މީހުން އަނބުރާ ގެނައުމުގެ މައްސަލަތަކަކީ ބައިނަލްއަގުވާމީ މައްސަލައެއް ކަމަށާއި އެކަމުގައި ހައްލުތަކެއް ހޯދަން ބައިނަލްއަގުވާމީ ގޮތުން މަސައްކަތް ކުރަންޖެހޭ ކަމަށެވެ. އެގޮތުން އެފަދަ މީހުން ސީދާ އެ މީހުންގެ ގައުމަށް އަނބުރާ ނުގެނަޔަސް، އެހެން އިންތިޒާމްތަކެއް ހަމަޖެއްސުން ފަދަ ކަންކަން ކުރެވިދާނެ ކަމަށް ވިދާޅުވި އެވެ.

"އަޅުގަނޑަށް ހިއެއް ނުވޭ އަޅުގަނޑުމެންނަށް މިހެން ތިބެފައި ބުނެވިދާނެހެނެއް އެންމެ ފުރަތަމަ ލިބެން އޮތް ފްލައިޓަކުން އެ މީހުންނަށް އަނބުރާ އާދެވިދާނޭއެކޭ،" ނަޝީދު ވިދާޅުވި އެވެ.

ނަޝީދު ވިދާޅުވި ގޮތުގައި ދިވެހިންގެ ތެރެއިން 160 އަށް ވުރެ ގިނަ މީހުން ބޭރު ގައުމުތަކުގެ ދާޚިލީ ހަނގުރާމަތަކުގައި ބައިވެރިވަމުންދާ ކަމަށެވެ. އަދި އެފަދަ މީހުންނަށް ނިސްބަތްވާ ކަމަށް ބެލެވޭ 40 ވަރަކަށް ކުޑަކުދިން ވެސް އެ މީހުންނާ އެކު ތިބި ކަމުގެ މައުލޫމާތު ލިބިވަޑައިގެންފައިވާ ކަމަށާއި އެކަމަކު އެ ކުދިންނަކީ ހަގީގަތުގައި ކޮންމެ ގައުމަކަށް ނިސްބަތްވާ ބައެއް ކަން ކަށަވަރު ކުރަން އުނދަގޫ ކަމަށް އެމަނިކުފާނު ވިދާޅުވި އެވެ.

ރައީސް މުހައްމަދު ނަޝީދު ޓެރަރިޒަމް ސީރިއާ

111 ކޮމެންޓް, 268 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮންބެއްޔާ

16 June 2019

ރައީސް ނަޝީދުގެ މިވާހަކަފުޅަށް 100 ޕަސެންޓް ތާއީދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންދާނު މޮޔަމީހާ

16 June 2019

ނަށީދޫ ހަރުކަށިކަމާ ޖައްބާރުކަން ދައްކާގެން ނަތީޖާ ރަނގަޅުނުވާނެ ފަހުންހިތާމަ ކުރަންވެސް ޖެހިދާނެ ގަދަބަސްނުބުނެ އެމީހުން ރާއްޖެ އަންނަން ފުރުސަތުނުދީވާނެނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ..ކޮބާ

16 June 2019

ކޮބައިތަ އެމީހުން އެތަނަށް ފޮނުވައިދިން މީހުން...ގެނައުމާ ވެސް ހަވާލު ވާން ޖެހޭނީ ހަމަ ފޮނުވި މީހުން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިލީ

16 June 2019

ޖިހާދުވާން ދާ ފިރިހެނުން ގެނައުމުގެ ބޭނުމެއް ނެތް. އެކަމު އެމީހުން މަޖްބޫރުކުރުވައިގެން އެމީހުންނާއެކު ގެންދާ އަންހެނުންނާ އަދި އެގޮތުން ގެންގޮސްގެން އެ ލިބޭ ކުދިންނަކީ އެއަންހެނުންނާ ކުދިން އެދޭނަމަ އަނބުރާ ރާއްޖެ ގެންނަންވާނެ ބައެއް ކަމަށް ފެނޭ. އެމީހުންނަށް ގައުމުން ހިމާޔަތް ލިބެންވާނެ ކަމަށް ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީނާ

16 June 2019

އެމީހުން ދިޔައީ މަޖުބޫރަކުން ނޫން. ދާން ބޭނުންވެގެން. މިރާއްޖެއަކު ގަދަކަމުން ނުގެންދެވޭނެ. އާއިލާގެ މީހުންނަށްވެސް ނިކުމެ ހުއްޓުވޭނެ. ފުލުހުންނަށްވެސް އެނގީމަ ހުއްޓުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިލްސް

16 June 2019

ނަޝީދު ބުންޏަސް ރަނގަޅު ވާހަކައެއް ތީ. ތިޔަ މީހުން ގެނެސްފިއްޔަ އަހަރެމެން މި އުޅޭ ހާލުގަވެސް ނޫޅެވޭނެ. އެ މީހުން ތިޔަ ތަނަކަށް ދިޔައީވެސް އަމިއްލައަށް ދާން ފެނިގެން. އުޅޭ ގޮތަކަށް އުޅެފާނެއެއްނު. މަގޭ ހަމައެކަނި ކަންބޮޑުވަނީ ތިޔަ މީހުނަށް ނިސްބަތްވާ އެކަމަކު މައުސޫމް ކުޑަކުޑަ ކުދިންވެސް ތިތަނުގަ ހާލުގަ ޖެހިފަ ތިބިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތު

16 June 2019

މިއީ މިގައުމުގެ ރައީސްތަ. ދުވަހަކުވެސް މަޖްލީސް ރައީސްއަކު އުޅުނުގޮތަކަށް ނޫން މި ރައީސް މިއެޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިޗަންޑާނަވާރަ

16 June 2019

ސުވާލަކީ ތިބޭފުޅާ އަކީ ބޮޑުވަޒީރު ނޫން ނަމަ ނުވަތަ ޔާމީނަކީ ރައީސް ނަމަ ހަމަ ތިހެން ހޭ ބުނާނީ؟ އިޙްލާސްތެރި ކަން ހުރިހާ ވެސް އެއްޗަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބުރުކަލޭގެ

16 June 2019

އެމީހުން ގެނެއްސިއްޔާ ދެން ވާނެގޮތަކީ ދަރުބާރުގޭކައިރި ތަންކޮޅެއް ހަލަބޮލިވެގެން ބަލާލާއިރު ދިވެހި ހަނގުރާމަވެރިންގެ ޖަމިއްޔާގެ މަހާސިންތާއެއް ދަރުބާރުގޭ ރަންނަބަނޑޭރިކިލާފަނި މާލަމުގައި މިހިރަ ކުރިއަށްދަނީ، ޝަރަފުވެރި މެހުމާނަކީ ބަގުދާދީ، މައުލޫއު:ޖާނުންފިދާވުމުގައި ތިމާވެއްޓަށް ގެއްލުންކުޑަކުރުން! ހެހެހެހެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަހުމަދު

16 June 2019

ހުމާމު އަތުންވެސް ދިވެހި ރައްޔިތުކަން ނަގަންވީނުން، ޝަހުމް އަތުންވެސް ދިވެހި ރައްޔިތުކަން ނަގަންވީނުން! ހަމަ މީހުން މަރަނީ. ދީނީ ގޯސް ފިކުރެއްގަ ކުރުމާ ޖާހިލުކަމުން ރުންކުރުކަމުންވެސް ހަމަ ކުރަނީ އެއް ކަމެއް. އަދަބު އެއްގޮތްވާންޖެހޭ. ރާއްޖޭގަ ތިބެގެން ކިތައްމީހުން ގަޔަށް ވަޅި ހެރީމަތޯ ރައްޔިތުކަން ގެއްލޭނީ؟ މިކަހަލަ މީހުނަށް ރީހެބިލިޓޭޝަން ސެންޓަރުތައް އެބަހުރިތޯ؟