ހެލްތު މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި އަމީން ވާހަކަ ދައްކަވަނީ. ފަސް ހޮސްޕިޓަލް ތަރައްގީ ކުރުމުގެ ނަތީޖާ ދެ ތިން މަސް ތެރޭގައި ފެންނާނެ ކަމަށް ވިދާޅުވި.--- ފޮޓޯ: ނިޝާން އަލީ/ މިހާރު
16 ޖޫން 2019 - 13:38
55 comments
ރާއްޖޭގެ ފަސް ރަށެއްގައި ހުރި 10 ހޮސްޕިޓަލެއް، 800 މިލިއަން ރުފިޔާ ހޭދަކޮށްގެން، މަތީ ފެންވަރުގެ އެކި ހިދުމަތް ލިބޭ ފެންވަރަށް ތަރައްގީކުރަން ނިންމާފައިވާ ކަމަށް ހެލްތު މިނިސްޓަރު އަބްދުﷲ އަމީން މިއަދު ވިދާޅުވެއްޖެ އެވެ.
މިނިސްޓްރީތަކުން މީޑިއާއަށް މައުލޫމާތު ދޭން އާ ސަރުކާރުން ރައީސް އޮފީހުގައި ބާއްވަން ފެށި ނޫސްވެރިންގެ ބައްދަލުވުމުގެ ފުރަތަމަ ބައްދަލުވުމުގައި ވާހަކަ ދައްކަވަމުން އަމީން ވިދާޅުވީ އޭގެ ތެރެއިިން ފަސް ހޮސްޕިޓަލެއްގެ ހިދުމަތްތައް ތަރައްގީކުރުމުގެ މަސައްކަތް މިހާރު ކުރިއަށް ދާ ކަމަށެވެ. އެތަންތަނަށް 480 މިލިއަނެއްހާ ރުފިޔާ ހަރަދު ކުރަން ނިންމާފައިވާ ކަމަށް އޭނާ ވިދާޅުވި އެވެ.
"މިހާރު"ން ކުރި ސުވާލުގެ ޖަވާބުގައި އަމީން ވިދާޅުވީ ހާއްސަ ސަމާލުކަމެއް ދީގެން މިވަގުތު ހިދުމަތްތައް ފުރިހަމަކުރާނީ ހދ. ކުޅުދުއްފުށި، ރ. އުނގޫފާރު، ލ. ގަމު ރީޖަނަލް ހޮސްޕިޓަލް އާއި ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލްގެ އިތުރުން ސ. ހިތަދޫ ރީޖަނަލް ހޮސްޕިޓަލްގައި ކަމަށެވެ.
އޭނާ ވިދާޅުވި ގޮތުގައި ރައީސް އިބްރާހިމް މުހައްމަދު ސޯލިހްގެ ވިސްނުންފުޅަކީ މި ހޮސްޕިޓަލްތަކާ އެކު، އިތުރު ފަސް ހޮސްޕިޓަލަކަށް ވެސް ބޮޑު ތަރައްގީއެއް ގެނައުން ކަމަށް އޭނާ ވިދާޅުވި އެވެ.
"މިހާރު މަސައްކަތް ފަށައިގަތީ ފަސް ހޮސްޕިޓަލަކަށް ބޭނުންވާ ހުރިހާ ކަމެއް ފުރިހަމަ ކުރުން،" ކުރިއަށް އޮތް ދެ ތިން މަސް ތެރޭގައި ނަތީޖާ ފެންނާނެކަމުގެ ޔަގީންކަން ދެއްވަމުން އަމީން ވިދާޅުވި އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ހެލްތު މިނިސްޓަރު އަމީން ވާހަކަ ދައްކަވަނީ. --- ފޮޓޯ: ނިޝާން އަލީ/ މިހާރު
އަމީން ވިދާޅުވީ މިހާރު މަސައްކަތް ކުރިއަށް ދާ ފަސް ހޮސްޕިޓަލްތަކުގެ ފެންވަރު ނިސްބަތުން ރަނގަޅު ވިޔަސް، އެ ތަންތަނަށް ބޭނުންވާ ވަސީލަތްތަކާއި މީހުން ނެތުމުން ގިނަ ބަޔަކު ހިދުމަތް ހޯދަން މާލެ އަންނަން ޖެހިފައިވާ އެވެ.
އެހެންވެ އަމީން ވިދާޅުވީ އެ ހޮސްޕިޓަލްތަކުން ސްޕެޝަލިސްޓް ޑޮކްޓަރުންނާއި ތަހުލީލް ކުރެވޭނެ ގޮތްތަކާއި ޑޮކްޓަރަށް ދެއްކޭނެ އިންތިޒާމުތައް ހަމަޖައްސައިދޭނެ ކަމަށެވެ. އަދި މާލެ އަށް ޑޮކްޓަރަށް ދައްކަން އަންނަނީ ކޮންކޮން ކަމެއްގައިތޯ ބަލައި އެކަން ކަން ހައްލުކުރުމަކީ ވެސް އަމާޒެއް ކަމަށް އޭނާ ވިދާޅުވި އެވެ.
ސިއްހީ ހިދުމަތް ފޯރުކޮށްދިނުމަށް ހާއްސަ އޮނިގަނޑެއް އޮތަސް އަމީން ވިދާޅުވި ގޮތުގައި "ކަރުދާހުގައި ލިޔުން ފިޔަވައި" އޭގައި އެހެން ކަމެއް ނެތެވެ. އޭނާ ވިދާޅުވީ އެ އޮނިގަނޑުގައި ބުނާ އަދަދަށް ހޮސްޕިޓަލްތަކުގައި މުވައްޒަފުންނާއި ޑޮކްޓަރުންނާއި ނަރުހުންނާއި ހިދުމަތްތައް ވެސް ލިބެން ނެތުމުން ކަމަށެވެ.
ފަސް ހޮސްޕިިޓަލްގެ ތަރައްގީގެ މަސައްކަތް ފަށާފައިވާއިރު، އެންމެ ބޮޑު އިސްކަމެއް ދޭނެ އެއް ކަމަކީ ރަނގަޅު މެނޭޖްމަންޓެއް އުފެއްދުން ކަމަށް މިނިސްޓަރު ވިދާޅުވި އެވެ. އެގޮތުން އަމީން ވިދާޅުވީ ކްލިނިކަލް ކަންތައްތަކުގަ އާއި ނަރުހުންނާއި ހިންގުމާއި ފައިސާއާ ގުޅޭ ކަންކަމުގައި ޒިންމާދާރު މީހުން ބައިތިއްބަން އިސްކަން ދެއްވާނެ ކަމަށެވެ.
ހެލްތު މިނިސްޓްރީގެ ސްޓޭޓް މިނިސްޓަރު ޑރ. ޝާހް މާހިރު ވިދާޅުވީ ހޮސްޕިޓަލްތައް ތަރައްގީ ކުރާނީ ރާއްޖޭގެ އެކި ދިމާލުން ތަފާތު ހިދުމަތްތައް ލިބޭ ގޮތަށް ކަމަށެވެ. އަދި ވަކި ހާއްސަ ފަރުވާ ލިބޭ ތަންތަނުގެ ގޮތުގައި އެ ހޮސްޕިޓަލްތައް ތައާރަފްވެގެން ދިއުމަކީ ސަރުކާރުގެ އަމާޒެއް ކަމަށް އޭނާ ވިދާޅުވި އެވެ.
ހެލްތު މިނިސްޓަރު އަމީން މިއަދު ވާހަކަ ދައްކަވަނީ. --- ފޮޓޯ: ނިޝާން އަލީ/ މިހާރު
ހެލްތު މިނިސްޓްރީން ބުނި ގޮތުގައި ރާއްޖޭގެ ނުވަ ރަށެއްގައި ހުރި ސިއްހީ މަރުކަޒުތައް ހޮސްޕިޓަލްތަކަށް ބަދަލުކުރުމުގެ މަސައްކަތް މިހާރު އޮތީ ހަވާލުކުރާ ހިސާބުގަ އެވެ. އެ ތަންތަން ހޮސްޕިޓަލްތަކަށް ބަދަލު ކުރުމުގެ މަސައްކަތް ކުރިއަށް އޮތް ދެ މަސްތެރޭ ފެށޭނެ ކަމަށް މިނިސްޓްރީން ބުންޏެވެ.
ހެލްތު މިނިސްޓްރީން އާންމުކުރި، ތަފާސްހިސާބުތަކަށް ބަލާއިރު، ރާއްޖޭގައި ދުވާލަކު ގާތްގަނޑަކަށް 7،000 މީހުން ޑޮކްޓަރަށް ދައްކަ އެވެ. އެކަމަކު ބަލި މީހުން ބެލުމުގެ ކަންކަމުގައި އެކަށީގެންވާ ނިޒާމެއް ނެތް ކަމަށް މިނިސްޓްރީން ބުންޏެވެ.
މިނިސްޓްރީން ބުނަނީ ވަސީލަތުގެ ދަތިކަމުގެ އިތުރުން ޑޮކްޓަރުންނާއި ނަރުހުންނާއި ހިދުމަތްތެރިންގެ ގޮތުގައި 2000 އަށް ވުރެ ގިނަ މީހުން ލިބިއްޖެ ނަމަ، ފުރިހަމަ ހިދުމަތެއް ފޯރުކޮށްދެވިދާނެ ކަމަށެވެ.
"ހިދުމަތްތައް ރާއްޖޭގެ ސަރަހައްދުތަކަށް ފެތުރުނީމަ، ތޮއްޖެހުމުގެ މައްސަލަ ހައްލުވާނެ. ރާއްޖޭގެ ސިއްހީ ނިޒާމަށް އިންގިލާބީ ބަދަލުތަކެއް އަންނާނެ. ޝަކުވާތަކާއި މައްސަލަތައް ފެންމަތިވިޔަސް، ކެތްތެރިކަމާ އެކު ޝަކުވާތައް އަޑުއަހައި ހައްލު ކުރުމަށް މަސައްކަތް ކުރާނަން،" އަމީން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާނާ
17 June 2019
ކުޅުދުއްފުަށީ ހޮސްޕިޓަލަށް ސުޕީޗު ތެރަޕިސްޓެއް ވަރަށް މުހިންމު.މިނިސްޓަރަށް މިކަން އެނގެން ޖެހޭނެ އުތުރުގަ އެއްވެސް ރަށަކުން މިހިދުމަތެއް ނުލިބޭ.
ޒިލް
17 June 2019
އައިޖީއެމްއެޗް އަށްފަހު އެންމެ ގިނަ މީހުން ޚިދުމަތް ހޯދާ ކުޅުދުއްފުށީ ހޮސްޕިޓަލް މިހާރުން މިހާރަށް ޚިދުމަތްތައް ރަގަޅުކުރަން ޖެހޭ..
މީރުބަހުރު
17 June 2019
އެންމެ ވާހަކަގިނަ އަމަލު މަދު މިނިސްޓަރު މިއީ. އަބަދުވެސް އިވެނީ މޮޅެތި ވާހަކަ ދައްކާއަޑު ކަންކަން ހައްލުވާތަނެއްް ނުފެނޭ ވިއްޔާ ހޮސްޕިޓަލުތަކުން ކުރިން ދެމުންއައި ހިދުމަތްތައް ހުއްޓިފަ ހުންނަނީ. ކޮންމެ މީހަކަށް ހެލްތެއް ނުހިންގޭނެ.
ގާރީ
17 June 2019
ހަބަރު ރަނގަޅަށް ކިޔާލިންތަ؟ މިއީ ރައީސުލްޖުމްހުރިއްޔާގެ ނިންމެވުމަށް ހުރިހާ މިނިސްޓަރުންވެސް ރައްޔިތުންނާ ހިއްސާ ކުރަންޖެހޭ ވާހަކަ ކޮންމެ ހަފްތާއަކު. މިކަންވެސް ފުރަތަމަ މި ފެށުނީ ހެލްތު މިނިސްޓަރަށް. އަމަލުގިނައީ ކާކުގެ؟
ސައި
17 June 2019
މަނިކުފާނަށް އެގިލައްވާތޯ ދަރިންނުލިބޭމީހުންނަށް ރާއްޖޭން ބޭސްފަރުވާކުރެވެން ނެތްކަން އެމީހުންނަށްވެސް އާސަންދައިން ފަރުވާލިބޭނެގޮތް ހެއްދެވުންކީއްތޯ
ބޭބެ
16 June 2019
ރިކްރޫޓްމަންޓްބައިގައި ކޮރަޕްޝަން.... އިmiިޤުޜޭޝަން ސާފުކުރިހެން ތިތަންވެސް ސާފުކުރައްވާ..
ދޭބަލަ
16 June 2019
ދިހަ ރަށެއްގައި ނުޖެހޭނެއޭ ހޮސްޕިޓާ ތަރައްގީ ކުރަން 800 މިލިއަން ރުފިޔާ ޚަރަދު ކުރަން އެފައިސާ އަށް އެސްޓީއޯ ހޮޓަލުގައި ހޮސްޕިޓަލެއް ތަރައްގީ ކުރިއްޔާ މާ ބޮޑަށް ތާހިރުވާނެ އެއް ނޫންތޭ ތަމެން ދެން މަހަށް ދާންވީއެއް ނޫންތޭ މަހަށް މަހަށް މަހަށް މަހަށް ދޭބަލަ...
ޖަމްހަރު1
16 June 2019
ކޮބާހޭ ބޯހިޔާވަހިކަން
ދާދޭ
16 June 2019
ބޯހިޔާވަހިކަމަކީ ހެލްތު މިނިސްޓްރީގެ މަސައްކަތުގެ ތެރޭގައި ނެތްކަމެއްކަން ހަމަ ނޭގެނީތޯ؟
ޑރ.ނަޒުނާ އަހުމަދު/ހިތަދޫ/ޔޫކޭ
16 June 2019
އަޅުގަނޑުމެން ދިވެހި ރައްޔަތުން ބަނޑަށް ތިބެންޖެނުކަސް އެކަމަށްވެސް ތަހައްމަލް ކޮށް އަދި ސިއްހީ ޚިޒުމަތުންމަހުރޫމުވެގެންވެސް ބޭނުންވަނީ ހަމަ އެއްމެ ކަމެއް، އާދެ! ތިޔަ 800 މިލިއަން ރުފިޔާ ހަރަދުކޮށްގެން ވިޔަސް އިންސާފުވެރި ފަނޑިޔާރުގެޔެއްބޭނުންވަނީ، މަނިކުފާނުގެ ގޯރޑު ފާދަރ އަޑީގައި ހުރެ މުޅި ގައުމު ކުރިޔަށް އޮތް 100 އަހަރަށް ދަރުވާލި ޑިކުޓޭޓަރާއި ގުޅި ހިންގަމުންދާ ޖަރީމާތައް އޭނާގެ ކިބައިން ހުއްޓުވައިދެއްްވާ.. އެއީ ކޮށްދެއްވަންވީ ކަމަކީ...
ބުރާންޗު ޑރ
16 June 2019
ޑރ ރާއްޖޭގައި ކިޔަފިއްޔާ މީހުން އިތުބާރު ނުކުރަނީ މިހެންވީމަތާ. މިކަހަލަ ޑރ ލަގަބު ޖަހައިގެން އުޅޭ ބުރާންޗުން ގިނަވީމަތާ. މާދަމާވެސް ފުރާނަ އަތައްލައިގެން ހޮސްޕިޓަލަށް ދިޔައިމަ ފުރާނަ ސަލާމަތްނުވެ ދުނިޔެ އަޅައި ދިޔައިމަ މައްސަލަ ހިފައިގެން ފަނޑިޔާރަށް ގޮވަންދަނީ ކާކުތަ؟ ދެން ފަނޑިޔާރުގެވެސް ރަނގަޅު ކުރަންވީ އެކަން ކުރަންޖެހޭ އުސޫލުން. ބަދަލު ހިފާ އުސޫލުންނޫން. ރައިސް އިބޫގެ ހިތްތިރި އުސޫލުން. އޭނާގެ ވަޒީރުންވެސް ކަންތައް ކުރަނީ އެގޮތަށް.
ހަމްދު
16 June 2019
އިސްތިއުފާ! ފައިބާ!
ގައުމީވެދުން
16 June 2019
ތިޔައެއް މިހާރަކު ނުވިކޭނެ! އަމީން މާ ބޮޑަށްވެސް ވިކިއްޖެ! ކުރިއަށް ގައުމު!
ފޮނިމުރާދު
16 June 2019
ތިހުރިހާ ފޮންޏެއް ނުކަނޑާ އޖމޗ ސީޓީ ސުކޭނު ހެދޭތޯ ބަލާބަލަ
ވާނުވާ ގާނުވާ
16 June 2019
ކިހާ ދެރަކަމެއް މި ދެން. އައިޖީއެމްއެޗަކީ ހެލްތު މިނިސްޓްރީ ބެލުމުގެ ދަށުގައި އޮތް ތަނެއްނޫން. އެއީ ވަކި ގަވަނިންގ ބޯޑަކުން ހިންގާތަނެއް. ބޯޑު ސުޕަވައިޒްކުރަނީ ރައީސް އޮފީހުގެ މިނިސްޓަރު އަލީ ޝިޔާމް. ވެއްޖެއެއްނު ވާނުވާ އެނގިގެން ކޮމެންޓުކުރަން.
ތތތހހ
16 June 2019
ކޮންމެ މީހަކު ބޮލުން ކަޓްވާލަ. ރައީސް މީހާވެސް ހުރއފަބުނެފާނެ މަށެއްނޫނޭ ކަންކަމާ ހަވާލުވެހުރީ. ދެން ރައްޔިތުން ކާކުކައިރިއަށްތަ މެޝިންގެ މައްސަލައިގަދާނީ. މޯޑި؟
ކަދުރު
16 June 2019
ބޮލުން ކަޓުވާލި ކަމަށްވާނީ ހަވާލުކުރެވިފައޮތް މަސްއޫލިއްޔަތެއް ނަމަތާ. މި ބުނަނީ އެ މަސްއޫލިއްޔަތު ހަވާލުކުރެވިފައިވަނީ އައިޖީއެމްއެޗްގެ ގަވަނިންގ ބޯޑާއޭ. ބޯޑު ސުޕަވައިޒް ކުރުން މަތިކުރެވިފައިވަނީ ރައީސް އޮފީހުގެ މިނިސްޓަރު އަލީ ޝިޔާމްއާއޭ. މިތާ ސާފުނުވެގެން މި އުޅެނީ ކޯއްޗެއް؟ ގަވަނިންގ ބޯޑަކީ ކޮބައިކަން ނޭނގެނީތަ؟ އެއީ ކިހިނެއް މަސައްކަތް ކުރާ އެއްޗެއްކަން ނޭނގެނީތަ؟ އަލީ ޝިޔާމްއަކީވެސް ނެތް މީހަކަށްވަނީތަ؟ މަސްއޫލިއްޔަތު މަދުވަނީތަ؟
ދާދޭ
16 June 2019
އެހެންވެސް ބަޔަކު އުޅޭނެ. ކުރިންވެސް އަމީން ވިދާޅުވެއްޖެ އޖމޗ ކީ ހެލްތު މިނިސްޓްރީން ހިންގާ ބަލަހައްޓާ ތަނެއް ނޫނޭ. އަމީން ކުރައްވާ މަސައްކަތް ކާމިޔާބުވާތީ ހިތްނިރުހޭ ބަޔަކުތިބުން އެއީ މައްސަލައެއްނޫން. ތެދުބަހުން އުދާސް ބޭރުކުރަން ދަސްކުރަމާ!