އިސްލާމިކް ބޭންކުގެ އާ ހެޑް އޮފީސް. މި އޮފީސް ހުންނަނީ މުލިއާގެ ކަންމައްޗަށްވާ ގޮތަށް، މެދުޒިޔާރަތް މަގުގައި. --ފޮޓޯ:ހުސައިން ވަހީދު/މިހާރު
30 ޖޫން 2019 - 12:37
20 comments
މޯލްޑިވްސް އިސްލާމިކް ބޭންކް (އެމްއައިބީ) ޕަބްލިކް ކުންފުންޏަކަށް ބަދަލުކޮށް، 31 ޕަސެންޓް ހިއްސާ އާއްމުންނަށް ވިއްކަން މިއަދު ހުޅުވާލައިފި އެވެ.
މޯލްޑިވްސް ސްޓޮކް އެކްސްޗޭންޖްގައި އެމްއައިބީ ރަޖިސްޓްރީ ކޮށް، އާއްމުންނަށް ވިއްކަން ހުޅުވާލީ 244 މިލިއަން ރުފިޔާގެ ހިއްސާ އެވެ. އެމްއައިބީގެ ހިއްސާ ވިއްކަން ފަށާކަން އިއުލާނުކުރަން މާގިރި ހޮޓަލުގައި މިއަދު ބޭއްވި ނޫސްކޮންފަރެންސެއްގައި ސީއީއޯ އަބުލް އިހުތިޝާމް އަބްދުލް މުހައިމިން ވިދާޅުވީ އެ ބޭންކުގެ ހިއްސާދާރުންނަށް ވުމުގެ ފުރުސަތު ރާއްޖޭގެ ރައްޔިތުންނަށާއި އިންވެސްޓަރުންނަށް ހުޅުވާލެވުމަކީ އުފަލެއް ކަަމަށެވެ.
އެމްއައިބީގެ ޗީފް ފައިނޭންޝަލް އޮފިސަރު އަލީ ވާސިފު ވިދާޅުވީ އެ ބޭންކުގެ ހިއްސާ ގަންނަ ފަރާތްތަކަށް ރާއްޖޭގެ ހިއްސާގެ ބާޒާރުގެ މިންގަނޑުން ރަނގަޅު ފައިދާއެއް ލިބޭނެ ކަމަށެވެ. އަދި އެ ބޭންކަކީ ބާރަށް ކުރިއަރަމުން އަންނަ ބޭންކަކަށް ވާތީ ގަންނަ ހިއްސާ އަކީ ރަނގަޅު ރައުސްމާލަކަށް ވާނެ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން އުއްމީދުކުރަނީ މި ބޭންކް އެތައް ގުނައަކަށް ކުރިއަރައިގެން ދާނެ ކަމަށް. އިންޝާ ﷲ ބޭންކުގެ ހުރިހާ ހިއްސާދާރުންނާއި އިންވެސްޓަރުނަންނަށް ވެސް ބޭންކަށް ލިބޭ ކުރިއެރުމުގެ ފައިދާ ލިބޭނެ،" އޭނާ ވިދާޅުވި އެވެ.
އެމްއައިބީން ހިއްސާ ވިއްކާނީ އަންނަ މަހުގެ 28 އިން ސެޕްޓެމްބަރު 31 އަށެވެ. އެ ބޭންކުން ވިއްކަން ކަނޑައަޅާފައި ވަނީ 6،975،000 ހިއްސާ އެވެ. އެއީ 35 ރުފިޔާ އަށް ހިއްސާއެއްގެ މަގުން 244 މިލިއަން ރުފިޔާގެ ހިއްސާ އެވެ. ހިއްސާ ގަންނަން ބޭނުންވާ މީހުންނަށް އެންމެ މަދުން ގަނެވޭނީ 20 ހިއްސާ އެވެ. އެ އަދަދުގެ ހިއްސާ ގަތުމަށް ހޭދަވާނީ 700 ރުފިޔާ އެވެ. ހިއްސާގެ އަދަދު 20 އަށް ވުރެ އިތުރު ކުރެވޭނީ ފަހަރަކު 10 ހިއްސާގެ މަގުންނެވެ.
ނޫސްވެރިއަކު ކުރި ސުވާލަކަށް ޖަވާބު ދެއްވަމުން އަބުލް އިހްތިޝާމް ވިދާޅުވީ އިންވެސްޓަރުންނަށް އެ ކުންފުނިން އަބަދުވެސް މަރުހަބާ ކިޔާ ކަމަށާއި ބޭރުގެ އިންވެސްޓަރުންނަށް ވެސް ފުރުސަތު އެބަ އޮތް ކަމަށެވެ. ނަމަވެސް ރާއްޖޭގެ ވަކިވަކި ފަރުދުންގެ ބައިވެރިވުން އިތުރު ކުރުމަކީ ކުންފުނީގެ އަމާޒެއް ކަމަށެވެ.
"އަޅުގަނޑުމެން ބޭނުންވޭ ރައްޔިތުންގެ ބައިވެރިވުން. އަޅުގަނޑުމެން ބޭނުންވަނީ މި ބޭންކުގެ ހިއްސާ ފަރުދުންގެ އަތުގައި ހުރުމަށް،" އޭނާ ވިދާޅުވި އެވެ.
އެމްއައިބީގެ ހިއްސާ ވިއްކަން ފަށާއިރު އާއްމުންނަށް މައުލޫމާތު ދިނުމަށް ގިނަ މަސައްކަތްތަކެއް ކުރާނެ އެވެ. އެގޮތުން ކުރާނެ އެއް މަސައްކަތަކީ އެ ބޭންކުން ބުނި ގޮތުގައި މިހާރު ވެސް އެ ބޭންކްގެ ހިދުމަތް ހޯދާ މީހުންނަށް މައުލޫމާތު ދިނުމެވެ.
"އަޅުގަނޑުމެން ބޭނުންވޭ އަޅުގަނޑުމެންގެ ކޮންމެ ކަސްޓަމަރެއް[ހިއްސާދާރަކަށް]ވާން. އެއީ އެބޭފުޅުންނަކީ މިހާރުވެސް ބޭންކްގެ ބައިވެރިން،" އަބުލް އިހްތިޝާމް ވިދާޅުވި އެވެ.
އެމްއައިބީ އަކީ އިސްލާމިކް ބޭންކް އޮފް ދަ ޑިވެލޮޕްމެންޓް އޮފް ޕްރައިވެޓް ސެކްޓާ އާއި ދިވެހި ސަރުކާރު ގުޅިގެން އުފައްދާފައިވާ ބޭންކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮރެންޖްބެރީ
30 June 2019
ރާއްޖެއަކީ އިސްލާމީ ގައުމަކަށް ވާތީ ހުރިހާ ބޭންކެއްވެސް ވާނި އިސްލާމިކަށް. އެހެން ކަމުން އިސްލާމިކް ބޭންކް، ބޭންކް އޮފް މޯލްޑިވްސްގެ އިސްލާމިކް ގޮފީގެ ގޮޅިއަކަށް ބަދަލުކުރުން ކިހިނެތްވާނެބާ؟ މިއީ އިސްލާމިކް ޔުނިވަރސިޓީ އުވާލަން ބުނާ މީހުންގެ ރޭޝަނަލް. ގަބޫލުކުރެވޭތަ؟
ޣަތުމް
30 June 2019
ގަންނަން ބޭނުން މީހުން ގަންނާނެ، ދީނީ އިލްމުވެރިންކުރެ އައްސަވާ އޮޅުންފިލުވަން ބޭނުންވާ ލޯނުދުކުރަމުންދާ އުސޫލާމެދު...
ބޭބެ
30 June 2019
މަހުޖަނަކަށް ބެންކު ވިއްކާލަނީ
ޓަފީ
30 June 2019
ތިޔަ ބޭންކް ތިޔަ ހަފުސްވީ.
އުސްތާޛްޒަކީ
30 June 2019
އާއްމުނަށް ހިއްސާ ވިއްކަން ހުޅުވާލާ އެކަމުގެ މަޢުލޫމާތު ދެއްވާ އިރު، ޙިއްސާ ވިއްކައިގެން ކެޕިޓަލް އިތުރު ކުރަނީ ކޮން ކަމަކަށް އަމާޒުކޮށްގެން ކަމާއި، އަހަރު ޙިއްސާއަކަށް ފައިދާގެ ގޮތުގައި ލިބޭނެ ކަމަށް ލަފާ ކުރެވިފައިވާ މިންވަރު ވެސް ސާފުކޮށްދެއްވަން ވާނެއެވެ. އެއްވެސް ޙާލެއްގައި ބަޔެއްގެ ބޮލުގައި ބޮޑު މަހާޖައްރާފެއް އެޅުވި ފަދަ ކަމަކަށް ވެގެން ނުވާނެ އެވެ. ފައިސާ އަކީ މަދަސް، ގިނަޔަސް ފައިސާއެވެ.
އަހޫ
30 June 2019
މިއަދު ވިއްކަން ހުޅުވާލީ، އެކަމު ވިއްކަން ފަށަނީ ޖުލައި 28 ގަ. ހާދަ މަޖާ ކަމެކޭދޯމީ؟
ޙުސޭނުބެ
30 June 2019
ޙިއްސާ ވިއްކާ މުއްދަތު އޮކްޓޯބަރުގެ ނިޔަލަށް އިތުރުކޮށްލަދީ. ފައިސާކޮޅެއް އެއްކޮށްލެވޭނީ އެހާހިސާބަށް
ބޮލިހިލާ ރަދީފު
30 June 2019
ވަރަށް ރަނގަޅުވާނެ ކަމަށް އުންމީދުކުރަން، އެކަމަކު ހިއްސާ ވިއްކާއިރު ބޮޑަށް އާންމު ފަރުދުން ބައިވެރިކޮށް ކުންފުނިތައް އެއްކައިރިކުރަން ގޮވާލަން، ކުންފުނިތަކަށް ފުރުސަތު ދީފިނަމަ ތި 200 މިލިއަން ހިއްސާ ގަންނާނީ ދެތިން ކުންފުނިން..
އިބްރާހިމް ޝާފިޢު
30 June 2019
އައްޑުއަތޮޅު ހިތަދޫ އިސްލާމިކް ބޭންކްގެ މުވައްޒަފުން ސަމާލުވާށެވެ.ބޭނުންހާ ގޮތަކަށް، އަމިއްލަ ތަނެއްހެން، އަމިއްލަ ވިޔަފާރި ހިންގައި، އަމިއްލަ ފިރިންނާއި އަނބިންގެ ކާރު ވިއްކާތަނަކަށް ހަދައި އުޅުނުދުވަސް މާޒީވީއެވެ.ތަނުގެ ފޯނަށް ޖަވާބު ނުދީ ދެން ނުތިބެވޭނެއެވެ. ތިޔަ އުޅޭގޮތް ހިސާބުކޮށް އަދި ޒިއްމާދާރު ކުރަން މިފެށުނީޢެވެ.ތިޔައީ އެންމެންގެ އިސްލާމިކް ބޭންކެވެ.ވަކި ބަޔަކު މުއްސަންދި ކުރާ ތަނެއް ނޫނެވެ.
އަހްމަދު
30 June 2019
އިސްލާމިކް ބޭންކް ވެސް ބަނގުރޫޓް ވާން ކައިރިވީތާ. ބޮޑުފައިދާ ލިބެންޏާ ހިއްސާވިއްކާކަށް ނުޖެހޭނެ. ހިއްސާވިއްކަނީ ފައިސާނެތިގެން ފައިސާ އިތުރު ކުރަން.