ސްރީ ލަންކާގެ ރައީސް މައިތުރިޕާލާ ސިރިސޭނާ. --ފޮޓޯ:އޭއެފްޕީ
07 ޖުލައި 2019 - 12:04
9 comments
ކޮލަމްބޯ (ޖުލައި 7) - އެމެރިކާ ސިފައިން ލަންކާގެ ބަނދަރުތައް ހިލޭ ބޭނުން ކުރުމުގެ އަސްކަރީ އެއްބަސްވުމަށް ދެކޮޅު ހައްދަވާނެ ކަމަށް ރައީސް މައިތުރިޕާލާ ސިރިސޭނާ ވިދާޅުވެއްޖެ އެވެ.
ލަންކާ އާއި އެމެރިކާގެ އަސްކަރީ ގުޅުން ބަދަހިކުރުމުގެ ގޮތުން ދަނީ ސްޓޭޓަސް އޮފް ފޯސަސް އެގްރީމެންޓް (ސޯފާ)އާ ގުޅޭ ގޮތުން ދެ ގައުމުން މަޝްވަރާ ކުރަމުންނެވެ. މި އެއްބަސްވުމުގެ މައްސަލައިގައި ސިރިސޭނާ އާއި ބޮޑު ވަޒީރު ރަނިލް ވިކްރަމަސިންހައާ ދެމެދު ވަނީ ވަރަށް ބޮޑަށް ޚިޔާލު ތަފާތުވެފަ އެވެ.
"ލަންކާގެ މިނިވަންކަމާއި ސިޔާދަތަށް ބުރޫއަރާ އެއްވެސް އެއްބަސްވުމަކަށް އަޅުގަނޑަކަށް ތާއީދެއް ނުކުރެވޭނެ. މިހާރު މަޝްވަރާ ކުރަމުންދާ ބައެއް އެއްބަސްވުންތަކަކީ ގައުމަށް ނުރައްކަލެއް،" ލަންކާގެ ދެކުނުގައި ބޭއްވި ބައްދަލުވުމެއްގައި ސިރިސޭނާ ވިދާޅުވި އެވެ. "ގައުމަށް ޣައްދާރުވުމުގެ ގޮތުން ސޯފާ އެއްބަސްވުމުގައި އަޅުގަނޑު ސޮޔެއް ނުކުރާނަން. ބޭރުގެ ބައެއް ގައުމުތަކުން ބޭނުންވޭ ސްރީ ލަންކާ އަކީ އެ މީހުންގެ މަރުކަޒަކަށް ހަދަން. އެ މީހުން ލަންކާ އަށް އައިސް މި ގައުމުގެ މިނިވަންކަމާ ކުޅެން އަޅުގަނޑެއް ފުރުސަތެއް ނުދޭނަން."
ސޯފާ އެއްބަސްވުމުގެ ދަށުން ލަންކާގެ ބަނދަރުތައް އެމެރިކާ ސިފައިންނާއި އުޅަނދުތަކަށް ބޭނުން ކުރެވެ އެވެ.
ސިރިސޭނާ ވިދާޅުވީ އެމަނިކުފާން ވެރިކަމުގައި ހުންނެވިހާ ދުވަހަކު ގައުމީ މަސްލަހަތަށް ނުރައްކާވާ ފަދަ އެއްވެސް އެއްބަސްވުމެއްގައި ސޮއި ނުކުރައްވާނެ ކަމަށެވެ. ސިރިސޭނާގެ ރިޔާސީ ދައުރު އަންނަ ޖެނުއަރީ މަހު ހަމަވާނެ އެވެ.
އަސްކަރީ އެއްބަސްވުމުގައި ސޮއި ކުރަން ބާރުއަޅާ ފަރާތްތަކުގެ ނަން ސިރިސޭނާ ވިދާޅެއް ނުވެ އެވެ.
މީގެ އަހަރެއްހާ ދުވަސް ކުރިން އެމެރިކާ އިން ވަނީ މެރިޓައިމް ސެކިއުރިޓީ ވަރުގަދަ ކުރުމުގެ ގޮތުން ލަންކާ އަށް 39 މިލިއަން ޑޮލަރު ދޭނެކަން އިއުލާންކޮށްފަ އެވެ. ލަންކާގައި އެމެރިކާގެ ބައިވެރިވުން ބޮޑު ކުރަމުންދާ އިރު ޗައިނާ އިން މިހާރު ވަނީ ލަންކާގެ އުތުރުގެ ހަމްބަންޓޯޓާ ބަނދަރާ ހަވާލުވެފަ އެވެ. ޗައިނާ އިން ވަނީ ލަންކާގައި މަގު ހެދުމާއި ބަނދަރު ހެދުން ފަދަ ބޮޑެތި އިންފްރާސްޓްރަކްޗާ މަޝްރޫތައް ހިންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
08 July 2019
ކަލޯ ކިހިނެއް ސޮއިކުރާނީ ސޮއިކޮށްފިއްޔާ އަރުތެރޭގައޮތް ކާއެތިކޮޅުވެސްނެރޭނެ ޗައިނާއިން މިކުއަރޓަރގައި ޗައިނާގެ ލޯނުތަކަށް ދައްކަންޖެހޭފައިސާކޮބާ މިރާއްޖެވެސްކިރިޔާ ތިޔަހިސާބަށްނުގޮސް މިއޮތީ
ލަންބެ
07 July 2019
އެއްގޮތަކަށްވެސް ދީގެން ނުވާނެ ތިހަދަނީ ރަނގަޅަށް، ކޮން އެމެރިކާއެއް...
އިސްތިއުމާރު
07 July 2019
ހުޅަނގުގެ އިސްތިއުމާރީކަންކަމަށް މަގުފަހިކުރަން ބޮންގޮއްވާ ސަރުކާރުތަކާ ދެކޮޅަށް ހަތިޔާރު އުފުލަން ދުނިޔޭގެ އެތަންމިތާ މިތިބެނީ މިހާރު އަބަދުވެސް މުސްލިމުން.
ރާއްޖެ
07 July 2019
އަހަރެމެންގެ ވެރިން ވެސް މިހާ ގައުމަށް ވަފާތްތެރި ނަމަ. މިތަން އިންޑިއާ އަވަށަކަށް ވެއްޖެ.
ބަބުރަންޖީ ހާޖީ
07 July 2019
ސާބަހޭ ސިރީ.
ހީތުފަ
07 July 2019
ތިޔަ ބުނާ ސޯފާއި ސަރަންފީއަށް ނޯބުނެފަ މުޅިގައުމު ދަރުވާލާފަ ޔާމީން އެ އޮންނަވަނީ ގޭގަ އޭސީކޮށްލައިގެން ސޯފާގަ ދެފައި ދަމާފައި، ހުރިހާ ގެއްލުމެއް ދައުލަތާއު ރައްޔިތުންނަށް
ފަޒުނާ
07 July 2019
ސޯފާ އަށް އާނބަސް ބުނެފައި ޔާމީނު ގޭގައި އޮތްނަމަ މިއަދު އަހަރެމެން ގޭ ދޮރާށި ދަށުގައި ހުންނާނީ އެމެރިކާ މީހެއް ބަޑި ހިފައިގެން . ޤުރުއާން ކިޔެވިޔައ ނުދޭނެ. މިސްކިތަށް ދިޔަ ނުދޭނެ.
މީރުބަހުރު
07 July 2019
އަންނިއަށް ތިޔަ ސޯފާ ލިބޭތަނުން ސޮއިކުރާނެހެން ހާދަހީވޭ. ސިރިސޭނާއަކީ ގައުމުދެކެ ލޯބިވާ ވެރިއެއްކަން މިބަސްފުޅުން ހާމަވެއްޖެ.
ފަތުހީ
07 July 2019
ރާއްޖޭގައި މިހާރޮ މި އޮތް ސަރުކާރުގެ ވެރިންނަކަށް ނުކެރޭނެ މިކަހަލަ ޓަފް ގަޓުހުރި ނިންމުމެއް ނިންމާކަށް. ޔާމީން ވެސް އޮތީ ތިޔަ ކިޔާ ސޯފާ އެގްރީމަންޓަށް ނޯ ބުނެފައި ބޮޑުކޮށް. ސިރިސޭނާ ނިންމި ނިންމުމަށް ސާބަސް. އިސްތިއުމާރަށް ގޮންޖަހާލަން ކެރުނު ވެރިއެއް ސިރިސޭނާ އަކީ.