ހައްޖަށް ފުރާ އިރު ވެސް ހަރަމައިންގެ މައްސަލަ ނުނިމޭ!

ހަރަމައިން ޖަމާއަތުގެ ވެރިންނާއި އެ ޖަމާއަތުގެ ހަވާލުގައި ހައްޖަށް ދިޔަ ބައެއް މީހުން ސައުދީގައި--

އަހުމަދު ސާއިލް އަލީ، މިހާރު

21 ޖުލައި 2019 - 10:42

ހައްޖަށް ގެންދަން އަލް ހަރަމައިން ހައްޖު ގްރޫޕަށް ހުއްދަ ދީފައިވާ ވަރަށް ވުރެ އިތުރަށް ފައިސާ ނަގާ ކަމަށް ބުނެ ހުށައެޅި މައްސަލަ ބަލައި އަދި ނުނިމޭ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

ދިވެހި ހަައްޖުވެރިންގެ ފުރަތަމަ ގްރޫޕް މިއަދު ވަނީ ފުރައިފަ އެވެ. އޭގެ ތެރޭގައި ހަރަމައިން ޖަމާއަތުގެ އެޑްވާންސް ޓީމު ވެސް ހިމެނެ އެވެ. އެ ޖަމާއަތުގެ ހަވާލުގައި ހައްޖަށް ދާ މީހުން ފުރަން ފަށާނީ އަންނަ ބުރާސްފަތި ދުވަހު އެވެ.

އަލްހަރަމައިން ޖަމާއަތުން ހައްޖުވެރިންގެ އަތުން އެއް ލައްކަ ރުފިޔާ ނަގާތީ އެ ޖަމާއަތުގެ އޮފީހުގައި ބަޔަކު ކަންބޮޑުވުން ފާޅުކޮށް ވާހަކަ ދައްކާ ވީޑިއޯއެއް ސޯޝަލް މީޑިއާގައި މި ފަހުން އާންމުވި އެވެ. އެ ގުރޫޕަށް އިސްލާމިކް މިނިސްޓްރީން ހުއްދަ ދީފައިވަނީ މީހަކަށް 69،965ރ. ނެގުމަށެވެ.

އެއަށް ވުރެ ބޮޑު އަގެއް ނަގާތީ ފުލުހުން ވެސް އެކަން ގެންދަނީ ތަހުގީގު ކުރަމުންނެވެ.

Haramain jamaathuge meehun fuluhah haazirukoh bayaan nagaifi

The most trusted news source in the Maldives

Mihaaru

ހަރަމައިން ޖަމާއަތުގެ މައްސަލަ ފުލުހުން ބެލުން--

އިސްލާމިކް މިނިސްޓްރީގެ ޑެޕިއުޓީ މިނިސްޓަރު ޝާފިއު އަލީ ވިދާޅުވީ އެ މައްސަލާގައި މިހާތަނަށް އެއްވެސް ފިޔަވަޅެއް އަޅާފައިނުވާ ކަމަށެވެ.

އިސްލާމިކް މިނިސްޓްރީން ކަނޑަައަޅާ އަގަށް ވުރެ ބޮޑު އަގު ހައްޖުވެރިންގެ އަތުން ނަގާ މައްސަލަ ކޮންމެ އަހަރަކު ވެސް ދިމާވެ އެވެ. އެކަމަކު ރަސްމީކޮށް އެ މައްސަލަ މި އަހަރު ހުށައެޅީ ހަރަމައިން ޖަމާއަތާ ދެކޮޅަށް އެކަންޏެވެ.

ފުލުހުން އިސްލާމް ހައްޖު އިސްލާމިކް މިނިސްޓްރީ

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހ ޔލ

21 July 2019

މިމައްސަލަ ލާހިކެއްނޫން މިސަރުކާރުން ބަލާކަށް. މި އަންނަ އަހަރުވެސް ޙައްޖު ކޯޓާ ހޯދާނަން. ދެން ލަ ލަ ލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

21 July 2019

ހައްޖު ފައިސާ އިތުރަށް ނެގި މައްސަލަ ވަރަށް ރަގަޅަށް ބަލަންޖެހެނެ ، ހައްޖުގެ އަޅުކަމަށްފަހުގެނަމަވެސް މިކަން ދޫކޮއްލާގެންނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމަނާ

21 July 2019

ތިޔަ މައްސަލައަކީ މިސަރުކާރުގެ މަސްލަހަތު ހިމެނޭ ކަމަކަށްވާތީ މައްސަލަ ވަނީ ފަސްކުރެވިފައި. ހައްޖު ކޯޓާއަށްވީވެސް އެހެންނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާމީން އިދްރީސް

21 July 2019

ކޮން ގުރޫޕަކުން އިތުރަށް ނުނަގަނީ އަދި ކޮން ގުރޫޕަކުުންތޯ ޕްރޮޕޯސަލާއި އެއްގޮތަށް އަމަލުކުރީ. މިނިސްޓްރީއިން މިކަން ރަގަޅުކުރަން ބޭނުންނުވާނަމަ ދުވަހަކުވެސް މިކަމެއް އިސްލާހެއްނުވާނެ. ތީ ހުރިހާ ގުރޫޕަކުންވެސްތިކަން ކުރާގޮތް. މިނިސްޓްރީއިން މިކަން އަތުލާ ހައްޖުކޯޕަރޭޝަނުންކުރާނަމަ ތިމައްސަލަ ދިމާވުން ކުޑަވާނެ. ނުވަތަ މިނިސްޓްރީ އިން ހައްޖަށްދާން އެދޭ ފަރާތަތަކުގެ ދަފްތަރެެއް އެކުލަވާނަމަ ތިކަމެއް ރިޕީޓެއްް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮމމ

21 July 2019

ތެދެއް، ގްރޫޕުތަކުން އިތުރަށް ނަގައެވެ. ނަމަވެސް އެކަން ހުށަހަޅާ، ބަޔާނެއްހާ ހިސާބުވެސް ދޭން ނުކެރެންޏާ މިނިސްޓްރީއިން އެކަން ސާބިތުކުރުމަށް ކުރެވޭނީ ކޮން ކަމެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހ ޔ ލ

21 July 2019

ކަލޭ ކޮންވާހަކައެއް ދައްކާކަށް. ހައްޖު ކޯޕަރޭޝަންގަހުރެ މިއޮއްހާދުވަހު ޖަރީމާ ހިންގާފަ މިހާރު އަލިފަކަށްވާން ތިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިހައް

21 July 2019

ތިޔަ މައްސަލައަކީ ރައްޔިތުންނާ ގުޅުން ހުރި މައްސަލައަކަށް ނުވާތީ ބެލެމުންދަނީ މިސަރުކާރުގެ ސްޕީޑުގަ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮމމ

21 July 2019

މައްސަލަޔަކީ އިހަކަށް ދުވަހު ހުށަހެޅި ހަރަމައިންގެ މައްސަލަ ނުނިމުމެއް ނޫނެވެ. މައްސަލަޔަކީ ދެން ހުރި ގްރޫޕުތަކުންވެސް އިތުރަށް ފައިސާ ނަގަމުންދާއިރު އެ މައްސަލަ އެއްވެސް ބަޔަކަށް ހުށަހަޅަން ނުކެރުމެވެ.