މާލިއްޔަތު ކޮމިޓީގައި ޝަރީފް (ވ) ބައިވެރިވެވަޑައިގަންނަވަނީ ކޮމިޓީގައި ބީއެމްއެލްގެ ވެރިން ދޮގު ހެއްދެވި ކަމަށް މަޖިލިހުގެ ބައެއް މެމްބަރުން ގަބޫލު ކުރައްވާ. --ފޮޓޯ/މަޖިލިސް
21 ޖުލައި 2019 - 14:43
23 comments
ބޭންކް އޮފް މޯލްޑިވްސް (ބީއެމްއެލް) ގެ ޑެޕިއުޓީ ސީއީއޯ މުހައްމަދު ޝަރީފް، ރައްޔިތުންގެ މަޖިލިހުގެ މާލިއްޔަތު ކޮމިޓީގައި ދޮގު މައުލޫމާތު ދިން ކަމަށް ބުނެ، އެ މައްސަލަ ފުލުހުންނަށް ހުށަހަޅައިފި އެވެ.
މަޖިލިހުގައި މިއަދު ބޭއްވި ނޫސްވެރިންގެ ބައްދަލުވުމުގައި އެތަނުގެ އަމީން އާންމު ފާތުމަތު ނިއުޝާ ވިދާޅުވީ ޝަރީފް ކޮމިޓީ އަށް ދޮގު މައުލޫމާތު ދިން މައްސަލަ ތަހުގީގު ކުރަން ޖެހޭ ކަމަށެވެ. އެކަމަކު، މާލިއްޔަތު ކޮމިޓީގައި ޝަރީފް ހެއްދެވީ ކޮން ދޮގުތަކެއް ކަމެއް ނިއުޝާ ވިދާޅެއް ނުވެ އެވެ.
އެ މައްސަލައިގެ އެއްވެސް ތަފްސީލެއް ވެސް ނިއުޝާ ނުދެއްވަ އެވެ.
ބީއެމްއެލްގެ ވެރިން މިދިޔަ އަންގާރަ ދުވަހު މާލިއްޔަތު ކޮމިޓީ އަށް ހާޒިރު ކުރީ އެމްއެމްޕީއާރުސީގެ 1.3 ބިލިއަން ރުފިޔާގެ ޚިޔާނާތާ ގުޅިގެން ބީއެމްއެލް ޖަވާބުދާރީ ކުރުވުމަށެވެ. ޚިޔާނާތުގައި އެ ބޭންކުގެ އެއްވެސް ބައިވެރިވުމެއް ނެތް ކަަމަށް ތަކުރާރުކޮށް ޝަރީފް ވަނީ ވިދާޅުވެފަ އެވެ. ބޭންކުން އަމަލުކުރީ ގާނޫނާއި ގަވައިދުތަކާއި ބޭންކުން އަމަލުކުރަން ހުންނަ ޕްރޮސީޖާތަކާ އެއްގޮތަށް ކަމަށް ވިދާޅުވި އެވެ.
އެކަމަކު، ޚިޔާނާތުގައި ބީއެމްއެލްގެ ބައިވެރިވުން ނެތް ކަން ސާބިތުކޮށްދޭން ރައްޔިތުންގެ މަޖިލީހުގެ މާލިއްޔަތު ކޮމިޓީގައި އެ ބޭންކުން ދެއްކި ވާހަކަތައް މެމްބަރުން ގަބޫލެއް ނުކުރައްވަ އެވެ. އެ މެމްބަރުން ގަބޫލު ކުރައްވާ ގޮތުގައި ބޮޑު ޚިޔާނާތް ހިނގާފައި ވަނީ ބީއެމްއެލްގެ ވެސް ބައިވެރިވުން އޮވެގެންނެވެ.
އެމްއެމްޕީއާރުސީގެ ޗެކްތަކެއް، މި ޚިޔާނާތުގެ އެންމެ އިސްކޮށް އުޅުއްވި ކުރީގެ ނައިބު ރައީސް އަހްމަދު އަދީބުގެ އެކުވެރިންގެ ކުންފުނި، އެސްއޯއެފަށް ޖަމާކުރަމުން ދިޔައިރު އެކަން ނުހުއްޓުވުމުގެ ޒިންމާ ނަގަން ޖެހޭ ފަރާތަކީ، މެމްބަރުން ދެކެވަޑައިގަންނަވާ ގޮތުގައި، ބީއެމްއެލް އެވެ.
ބީއެމްއެލް ޑެޕިއުޓީ ސީއީއޯ ޝަރީފްގެ މައްސަލަ މަޖިލިހުން ފުލުހުންނަށް ހުށަހެޅި އިރު، ސަރުކާރާއި މިނިވަން މުއައްސަސާތަކުގެ އިސް ވެރިން ރައްޔިތުންގެ މަޖިލިހަށް ހާޒިރުވެވަޑައިގެން ދޮގު މައުލޫމާތު ދޭ ކަން ފާހަގަކުރެވިއްޖެ ނަމަ، ތަހުގީގުކޮށް ފިޔަވަޅު އަޅުއްވާނެ ކަމުގެ އިންޒާރު ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުހައްމަދު ނަޝީދު މިދިޔަ ބުދަ ދުވަހު ވަނީ ދެއްވައިފަ އެވެ.
ނަޝީދު ވިދާޅުވީ މަޖިލިހުގެ ކޮމިޓީތަކަށް ހާޒިރުވެވަޑައިގަންނަވާ ބައެއް ބޭފުޅުން "ސާފު ބަހުން ވާހަކަ ނުދައްކަވާ" ކަމަށެވެ. އަދި ކޮމިޓީތަކުގެ މުގައްރިރުން އެމަނިކުފާނު އަރިހު އެ ޝަކުވާ ކުރައްވަމުން ގެންދަވާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙުމަދު
24 July 2019
ޝަރީފު ދޮގު މައުލޫމާތު ދޭން އުޅެންހަދައިގެން ގޮސް މީހާ ޙުނުފެނަށް ތިވެއްޓުނީ. ވެއްޓުނު އިރު ބޭންކުގެ ޗެކުތަކުގައި ލިޔެފައި ހުންނަ އެކައުންޓް ޕޭއީ. ކުރޮސްޗެކްް، ނޮންނެގޯޝީޢެޓެބްލް، ޗެކްވެސް ނޭންގުނު ކަމަށްޓަކާ ހިތާމަކުރަން، ފާޑު ފާޑުގެ ބަޔާންތަށް ބޭންކުގެ ނަމުގައި ނުނެރި ހަޑިހާވަން ތިތާ ހުރުމަށްވުރެ އިސްތިއުފާދީފައި ގެއަށް ވަޑައިގަންނަވާ. ތިޔައީ ބޭކުގެ ހަމަތަކާ އުސޫލުތަށް ދަންނަމީހަކަށް ނުވި.
މާރަނގާ - އައްޑޫ ސިޓީ
22 July 2019
ކޮންކްރީޓަށްވުރެން މީހުންތަރައްޤީކުރުންމުހިންމުވާހަކަދައްކާންޖެހެނީ މިތަނުގައިވެސް ކޮށްފައިވާކޮމެންޓްފަދަކަންކަންދިވެހިންކުރާތީވެ. * * މަނިޓަރީއޮތޯރިޓީއާއި ބޭންކް އޮފް މޯލްޑިވްސްގެ އިސްއޮފިޝަލުން ވައްކަމުގެފައިސާގަނޑު ސާފުކުރުމާއިއަބުރާޖެހުމުގައިކުޅުނުދައުރު ތަޙްޤީގުކޮށްޝަރީއަތަށްފޮނުވުމުންވެސް އެމީހުނަށްގޯސްވީ ސޯލިޙްގެސަރުކާރު. * * އެހެންނޫންތޯވާނީ “ޔާމިން ވައްކަންކުރިޔަސްތަރައްޤީގެނެސްދޭނޫންހޭބުނެ ވައްކަމާއިރުހޭ” މީހުންވެސްއެބަތިބިވީއްޔާ.
ޢެޑްމުންޑޯ
22 July 2019
ޝަރީފަކީ ތެދުވެރި އެއްނަމަ ފޮރުވާކަށް ނޫޅެ ތެދުބަހުން ހުރިހާ މުއާމަލާތްތަކެއް ހާމަކުރީސް
ޢެޑްމުންޑޯ
22 July 2019
ވަރަށްރަގަޅު ނިންމެވުމެއް ، ދޮގުހެދުމަކީ ހަރާމް ކުރައްވާފައިވާ ބޮޑު ފާފައެއް ، ގައުމުގެ އިސްފަރާތްތަކުން ވާހަކަދައްކާ މައުލޫމާތުދޭންޖެހޭނީ ސާފްބަހުން ، އޮޅުވާލުމެއްނެތި ، ދޮގުހަދާ މީހުން ޚިޔާނާތްތެރިވާނެ ، ނުވަތަ އެފަދަ އަމަލުތަކުގައި ބައިވެރިވާނެ ،
މާރަނގާ - އައްޑޫ ސިޓީ
22 July 2019
ޝަރީފާއި ނޫރައްދީން އިހްލާސްތެރިކަމާއިއެކު ގިނަދުވަހު ބޭންކްގައި އުޅުއްވުމަކީ “އިޙްލާސްތެރިކަމެއްނެތް މިއަމަލުގައި އެމީހުންގެ މައްޗަށް ފިޔަވަޅުއަޅައި އަދަބުނުދޭންޖެހޭސަބަބެއްނޫން” އިގޭތޯ. * * ދައުލަތް ކަޅާކޮށްލި ބޮޑުވައްކަމުގައި “ބޭންކް ތެރެއިން ކުޅުނުކުޅިގަނޑު” ތަނުގެ ޖޫނިއަރ ސްޓާފުންގެ ކަމެއްގެ ގޮތަށްދޭހަވާފަދަ ވާހަކައާއި ކަންކަން ކުރެއްވުމަކީވެސް މިކަމުގެ ތަޙްޤީގީ މަރުހަލާއަށްވެސް އޮޅުވާލަން “ރާވައިގެން ހިންގި ނުބައި އަމަލެއް” ކަން ޔަޤީން.
އަޙުމަދު
24 July 2019
ދިވެހި ދައުލަތަށް ލިބެންޖެހޭ އެތަށް މިލިޔަން ރުފިޔާއެއް އެހެން ބައެއްގެ ޖީބަށް އަޅާފުރީމަވެސް ގިނަދުވަހު ބޭންކުގަ އުޅުނު ކަމަށްޓަކާ ހުދުކާފޫރަށް ބަދަލު ވާނެތޯއެވެ. މީ ތި 2 މީހުންގެވެސް އިހުމާލު ހައްދެއް ނެތް މިންވަރަށް އޮތްކަމެއް.
މާރަނގާ - އައްޑޫ ސިޓީ
22 July 2019
ބަޔަކުކޮންމެއެއްޗެކޭކީކަމުގައިވިޔަސް ސޯލިޙްގެސަރުކާރުންތަޙްޤީގުކޮށް ޝަރީއަތަށްފޮނުވާފައިވާ “ދައުލަތްކަޅާކޮށްލި ވައްކަން” އެއީ ޔާމީންގެވެރިކަމުގައިއެގިފާޅުވެހިންގާފައިވާކަމެއް. * * މިވައްކަމުގެފައިސާ ގޮތްގޮތަށްއެބުރުމަށާއި ބައިބަޔަށްމީސްމީހުނަށްފޮނުވުމުގެއިތުރުން “ފައިސާދޮވުމުގެ ނުބައިއަމަލަށްފެތޭގޮތަށް” މަރުކަޒީބޭންކް MMA އާއި ދައުލަތާއި ރައްޔަތްހިއްސާވާ BML ގެ “އިސް ޢޮފިޝަލުންތަކެއް” ވަނީ ހައްދެއްނެތި މަޤާމުގެ ބާރުބޭނުންކޮށް އެހީތެރިވެދީފައި.
ވެރިން
22 July 2019
ކީވެ އިމްރާނުގެ މައްސަލަ ޕޮލިހަށް ހުށަ ނޭޅީ،މަޖިލީހަށް އޭނަވެސް އުމަރުސޮއިނުކޮށް ގެންނޭ ބާއީ ލުތުފީ ނުގެނުވީ ކިޔާފަ ދޮގުމައުލޫމާތުދިން.
ސޮބުރީ
21 July 2019
މަށަށް ފެންނަނީ މިރާއްޖޭގެ ފުލުހުންގެޔާ ކޯޓުތަށް ބަންދުކޮށް އެހުރިހާކަމަކާ މިޖިލިހުން ހަވާލުވެ ވެރިއަކަށް މަޖިލީހުގެ ރައީސްވާން
ދާދޭ
21 July 2019
ނީޒާއެއް ސީދާއެއް ބަލާނެކަމެއްނެތް. އެމީހަކު ބައިވެރިވެފައިވާ ނިސްބަތަކުން އަދަބު ލިބިގެން މެނުވީ މުސްތަގުބަލު ރަނގަޅެއް ނުކުރެވޭނެ.
ީފޮނިޓައްޕު ހަސަނު
21 July 2019
ޔާމީނު ހިންގާފައިވާ ޖަރީމާ ތަކުން ކުށެއް ނެތް އެތަކެއް ބައެއްގެ ކެރިއަރު ޚަރާބުވީ. ޝަރީފަކީ ވަރަށް ރަނގަޅު ތެދުވެރި މީހެއް ނަމަވެސް އެފަކީރު ބޭންކުން ހިންގައިފައިވާ ޖަރީމާތައް ފޮރުވަން އުޅެގެން އަމިއްލައަށް އެ ހަލާކުވީ. އެހެންވީމަ މަބުނަނީ ޔާމީނާއި ވައިއެޅުނު މީހަކު ވެސް އަދި ސަލާމަތެއް ނުވެއޭ.
ފަކީރު
22 July 2019
އެފަކީރު ޖަރީމާ ހިންގާކަން އެނގިހުރެ ބޭންކުގައި ހުރީ ކީއްވެތޯ އެނގޭނެތާ މީތި ކޮންމެވެސް ދުވަހަކު ފަޅައިގެންދާނެކަން
ދޮންދީދީ
22 July 2019
ފަކީރު ތިބުނީ ތެދުވާހަކައެއް. އެސޮރު ހުރި މަގާމު ބޮޑުކަމުން މަގާމު ދިފާއު ކުރަންވެގެން ޗުއްޕުވެސް ނުކިއައި ހުރީ