އައްޑޫ: އެތަން ތަރައްގީ ކުރުމަކީ މި ސަރުކާރުގެ ވައުދަކަށްވެ ތަންފީޒުކުރުން ލަސްވާ މައްސަލައިގައި ރައްޔިތުންގެ ޝަކުވާ ބޮޑު. --ފޮޓޯ/މިހާރު
22 ޖުލައި 2019 - 14:20
24 comments
މި ސަރުކާރުން އެންމެ ފުރަތަމަ ހިންގާ ބޮޑެތި މަޝްރޫއުތަކުގެ ތެރޭގައި އައްޑޫ ތަރައްގީކުރުން ހިމެނޭ ކަމަށާއި ދެން ކުރަން އޮތް ކަމަކީ މަޝްރޫއުތައް އެކުލަވާލައި ފައިސާ ހޯދަން ފޮނުވުން ކަމަށް ޕްލޭނިން މިނިސްޓަރު މުހައްމަދު އަސްލަމް އިއްޔެ ވިދާޅުވެއްޖެ އެވެ.
އިންތިޚާބުތަކުގެ ވޯޓުގައި އެއް އަތޮޅަކުން އެންމެ ބޮޑު ހިއްސާއެއް އޮންނަ އައްޑޫ ތަރައްގީކުރުމަކީ ކޮންމެ ސަރުކާރެއްގެ ވެސް އެންމެ ބޮޑު ވައުދެވެ. އެކަމަކު އެ ވައުދުތައް މިހާތަނަށް ނުފުއްދި އައްޑޫ ރައްޔިތުން ވަނީ މާޔޫސްވެފަ އެވެ.
މި ސަރުކާރުން އައްޑު އަށް ވީ ވައުދުތައް ފުއްދުން ލަސްވާ މައްސަލައިގައި ވެސް އައްޑޫ ރައްޔިތުންގެ ޝަކުވާތަކެއް އެބަ ހުއްޓެވެ.
ޕްލޭނިން މިނިސްޓަރު އަސްލަމް ނޫސްވެރިންނާ ބައްދަލު ކުރައްވައި އިއްޔެ ވިދާޅުވީ މި ސަރުކާރުން އައްޑޫގެ ތަރައްގީ އަށް އިސްކަންދޭ ކަަމަށެވެ. ރާއްޖެ އަށް އިންޑިއާގެ އެގްޒިމް ބޭންކުން ލައިން އޮފް ކްރެޑިޓްގެ ދަށުން ދޭން ނިންމާފައިވާ 800 މިލިއަން ޑޮލަރުގެ ތެރެއިން 180 މިލިއަން ޑޮލަރު ވަނީ އައްޑޫގެ ތަރައްގީ އަށް ހަމަޖައްސައިފައިވާ ކަމުގެ ޔަގީންކަން ދެއްވި އެވެ.
އެ ފައިސާ ލިބޭނެ ކަމާ މެދު ވެސް އުފައްދާނެ ސުވާލެއް ނެތް ކަމަށް މިނިސްޓަރު ވިދާޅުވި އެވެ.
"އެ ފައިސާ މި ދެންނެވި 800 މިލިއަން ޑޮލަރުގެ ތެރެއިން ހަމަޖެހިފައި އެ ހުރީ. ނަމަވެސް އެ ފައިސާ އަޅުގަނޑުމެންނަށް ޑިސްޕާސް ކުރެވެން ފަށާނީ ތަރައްގީގެ އެ ވިޝަނަށް އަޅުގަނޑުމެން މަޝްރޫއުތަކެއް އެކުލަވާލައި އެ މަޝްރޫއުތައް އަޅުގަނޑުމެން އިންޑިއާއާ އެކު ހިއްސާކޮށް އެ ހިންގާ ޕްރޮސެސްއެއް ހިންގުނީމަ،" އަސްލަމް ވިދާޅުވި އެވެ.
އައްޑޫގެ ތަރައްގީގައި ދެން ކުރަން އޮތް ކަަމަކީ މަޝްރޫއުތައް އެކުލަވާލުން ކަމަށް މިނިސްޓަރު ވިދާޅުވި އިރު އައްޑު އަށް ބޭނުންވާ ކަންކަން ހިމަނައި ކައުންސިލުން އޮތީ މި ސަރުކާރަށް ކަރުދާހެއް ހުށަހަޅައިފަ އެވެ. އޭގައި އައްޑޫ ރައްޔިތުން ބޭނުންވާ ގިނަ ކަންކަން ހިމަނާފައިވެ އެވެ.
މާލެ ފިޔަވައި އައްޑު އަކީ އެންމެ ބޮޑު ސިޓީ ކަމަށް ވިޔަސް އެތަނުގައި ފެނާއި ނަރުދަމާގެ ނިޒާމެއް ގާއިމްކޮށްފައެއް ނެތެވެ. ނަރުދަމާގެ ނިޒާމު ގާއިމްކުރުމުގެ މަޝްރޫއު ފެށިތާ 10 ވަރަކަށް އަހަރު ވީއިރު ވެސް ބޭނުންކުރެވޭ ވަރެއް ނުވެ އެވެ. ކަރަންޓާއި ސާފު ބޯފެނުމުގެ މައްސަލަ ވެސް ބޮޑެވެ. ތާރު އަޅައިގެން ހަދާފައި އޮތް ލިންކް ރޯޑުގެ ހާލަތު އެހާ ގޯސް އިރު، މަގުތަކުގައި ފެންބޮޑުވާ މައްސަލަ އަށް ވެސް ކުރީގެ ސަރުކާރުތަކަށް ހޯދުނު ހައްލެއް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޝްރަފު
22 July 2019
އެޖެންޑާ 19 އޭ ކިޔާފަ އެދެއްކީ ކޯންޗެއް؟ އެއްޗެއް އެކުލަވާނުލާ! ކަރުދާހުގަ ހުރި ހުވަފެންތަކަކަށް ވޯޓުލާފަ ހުރިހާ ގޮނޑި ދިނީމަ އަދި ހިތައް އެރި އަދަދެއްޖަހާފަ ބަޖެޓް ހުށަހެޅީމަ ފާސްކޮށްފަ އައްޑޫ ރައްޔިތުންނަށް ހަދާލި ގޮތްދޯ؟
ކަނބިލި
22 July 2019
ޕްލޭން ރޭވުން!؟
ވަޑްޔައްތޮކިނަބާ
22 July 2019
"ތާރު އަޅައިގެން ހަދާފައި އޮތް ލިންކް ރޯޑުގެ ހާލަތު އެހާ ގޯސް އިރު، މަގުތަކުގައި ފެންބޮޑުވާ މައްސަލަ އަށް ވެސް ކުރީގެ ސަރުކާރުތަކަށް ހޯދުނު ހައްލެއް ނެތެވެ." މީގެ އިތުރުން ސްރީލަންކާ ސަރުކާރުން ޒަމާނީފެންވަރަށް ހެދި މަރަދޫ، މަރަދޫފޭދޫ، ފޭދޫގެ ބޮޑުމަގު އެއޮތީ މުޅިން ހަލާކުކޮށް އެމަގުން ދުއްވާއެއްޗެތި ނުދުއްވޭ ހާލަތަކަށް ވައްޓާލާފައެވެ.
Ahmed Rasheed
22 July 2019
ކޮށްދޭނަ ކަމަށް ވައުދު ވީކަންތަށް ކޮށްދިނުމަށް ކޮންމެހެން އައްޑޫ ތަރައްގީގެ ޕުލޭނެއް ހަދަން ޖެހޭތޯ ؟ މިސާލަކަށް ، އައްޑޫ ފުަލައިން ސްކޫލް ހުއްޓާލުމަށްފަހު އެމީހުން ފުރައިގެން ދާންއުޅޭހަބަރު އެބައިވޭ އެއީވެސް އައްޑު އަތޮޅަށް ލިބޭނެ ވަރަށް ބޮޑު ގެއްލުމަކަށްވާނީ ސަރުކާރުން އެކަން ހައްލުކުރަން އުޅޭތަނެއްވެސް ނުފެނޭ އެކަމަކު އިއުލާން ކުރީ ފުލައިންސްކޫލެއް ހިންގާނެ ބަޔަކު ހޯދަން މާނަޔަކީ ސަރުކާރުގެ އޮތީ އެމީހުން ފޮނުވާލުމުގެ ވިސްނުން.....
ބެއްޔާއައްޑޫ
22 July 2019
ތިބުނާ ޓޫރިޒަމް ޕްރޮޖެކްތައް، ތިބުނާގޮތަށް ފީޒިބްލް ނުވާނެކަމަށް އޭރުގެ އެމްޑީޕީ ސަރުކާރުގއި ވެސް އިންޑިޔާ ބޭންކުން ބުނި. އެކަމަކު އޭރުވެސް އަޑެއް ނޭހި.
ސާމީ
22 July 2019
ޢައްޑޫ ތަރައްގީ ޕްލޭނުގަ ފުރަތަމަ އޮތީ ޖަލުތަކުގައި ބަންދު ކޮއްފައި ތިބި ހުރިހާ ވަގުންނާއި ކުއްވެރިން ދޫކޮށްލުން މިހާރު އައްޑޫގެ ހާލަތަކީ ރޯމާދުވާލުވެސް ކުރަނީ ވައްކަން އެއްވެސް މީހަކަށް އެއްވެސް ރައްކާތެރިކަމެއް ނެތް....
ޙަބީބު
22 July 2019
އައްޑޫ އައްތަރައްގީ ބޭނުމެއްނުވޭ އައްޑޫގެ ބޮޑުބައިއޮތީ މާލެދަފުތަރުގަ ޖެހިގެންމާލޭގަ
މާރަނގާ - އައްޑޫ ސިޓީ
22 July 2019
އިޒްރޭލު ސަރުކާރުން ގުދުސްގެރަށްވެހިން ރަށުންބޭރުކޮށް ގުދުސްވީރާނާކޮށް ގުދުސްގައި މުސްތަޤުބަލެއްނެތްކަން ފަލަސްތީނުމީހުނަށާއި އެހެންމީހުނަށްވެސް އިޙްސާސްކޮށްދިނުމަށް ތާއަބަދު މަސައްކަތްއެބަކުރޭ. * * ގުދުސްގެ ވަސީލަތްތަކާއި މުައްސަނދިކަންބޭނުންކޮށް އިޒްރޭލުމީހުނަށް ބޯހިޔާވަހިކަން ހޯދަދޭއިރު ގުދުސްރައްޔިތުން އަޅުންގެ ދަރަޖައަށްވެއްޓި އެމީހުނާއި ދަރިންނަށް ހެހިފައިވަނީ ގުއިވަޅުންފެންބޮއެ ނަޖިސްފެނުންފެންވަރާން. މިއީ އިންސާފުތޯ؟
މާރަނގާ - އައްޑޫ ސިޓީ
22 July 2019
ސޯލިޙްގެސަރުކާރުންވިސްނާންވީ “ސްލަމްސިޓިއަކަށްބަދަލުވެ ހުރިހާގޮތަކުންވެސްނުރައްކާތެރިދަރަޖައަކަށް ކަންކަންގޯސްވެފައިވާ މާލޭގައި އަދިވެސް ދައުލަތުންހޭދަކޮށްގެން ހައުސިންސްކީމް ހިންގާނީތޯ” ނުވަތަ އައްޑޫސިޓީފަދަ ފަސޭހައިން ތަރައްޤީކޮށް ބަދަލުކޮށްލެވެންއޮތް ސަރަހައްދެއް ތަރައްޤީކޮށް “އެއްރަށްދައުލަތް ސިޔާސަތުދޫކޮށް” މުޅިރާއްޖެއަށް ތަރައްޤީފަތުރާލައްވާނީތޯ؟! * * މިރާއްޖޭގެ ތަރައްޤީގައި އައްޑޫ އެކަހެރިކުރުމަކީ ބޭއިންސާފެއް ނަތީޖާގޯސްވާނެ ގޯސްކަމެއް.
ދޭސީ
22 July 2019
މާލެ ނަގާފަ އެއް އަތޮޅަކުން އެންމެ ގިނަ ވޯޓު ދިނީ ތިލަދުންމަތިން. ތިލަދުންމައްޗައް މިސަރުކާރުން ދެނީ ޖަލެއް. ޑިވައިޑް އެންޑް ރޫލް ހުއްޓުވަން ޖެހޭ! ރައްޔިތުން އަޑު އުފުލަން ޖެހޭ.
ޓޯޓޮއިސް
22 July 2019
އައްޑުއާއިބެހޭ ހިޔާލީ ވާހަކަތައް މިހެން ސުރުހީތަކަށްއަރާއިރަށް އުތުރުމީހުން ކެކިގަންނައިރު ކ.އަތޮޅު ހުޅުމާލޭގަ ފަސްފުންޏެއް އަތަކަށް ޖައްސާލަން އެކަނި 17 މިލިއަން ހަރަދުކޮށްލާއިރުވެސް ތަމެންނަށް ހަދައިދެނީ ޖަލެއް އެކަނިކަން އެނގިގެން ކޮމެންޓެއް ޖަހާލާކަށްނުކެރޭދޯ.
ތިލަދުންމަތި
22 July 2019
ރަނގަޅު 11 ގޮނޑިން 10 ގޮނޑިވެސް ދީފިހއ ގެ ހުރިހާ ގޮނޑިއެއް ދިން ހދ ގަވެސް 1 ގޮނޑިއެއް މިނިވަން ކެނޑިޑޭޓަށް ބާކީ 5 ގޮނޑި ދިން.. އެވަރުން ވެސް ޖަލުގަނޑެއް.ޔާމީނު ވާ އައިހެވަނެކޭ ކިޔާ ހުވަފެންދައްކަން ކުރެހުމެއް ނަމަވެސް ކުރަހާލި.. މިވެރިންނަށް އެވަރުވެސް ނުވޭ.. ޓްރާންސްޝިޕްމަންޓު ޕޯޓެކޭ ކިޔާ އަންނަ މަސް އަންމަ މަސް ކިޔަކިޔާ ތިބެނީ އެވެސް އަދި ނޭނގެ އަޅާނެ ދިމާލެއް.. ތިލަދުންމަތިން މީގެ ކުރިންވެސް ބޮނޑި ދިން އިހުމާލުވީމަ އެކަން ހަނދާން ނައްތާނުލާތި