ބަންޑާރަ ނައިބު ރިފްއަތު: ޓެކްސް ނިންމުންތައް އިސްތިއުނާފް ކުރުމުގެ އުސޫލަށް ލުއިތަކެއް ދޭން ގާނޫނަށް އިސްލާހު ގެންނަން ވަނީ ނިންމާފައި -- ފޮޓޯ/މިހާރު
24 ޖުލައި 2019 - 19:03
17 comments
ޓެކްސްގެ އަދަދާ މެދު މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ނިންމާ ނިންމުންތައް އިސްތިއުނާފް ކުރުމުގެ އުސޫލަށް ލުއިތަކެއް ދޭން ގާނޫނަށް އިސްލާހު ގެނައުމުގެ ބިލެއް ސަރުކާރުން އެކުލަވާލައިފި އެވެ.
ޓެކްސް ނެގުމާ ބެހޭ އިދާރީ ގާނޫނު މިހާރު އޮންނަ ގޮތުން ޓެކްސްގެ ގޮތުގައި ދައްކަން ޖެހޭ އަދަދު ކަނޑައެޅުމުގައި މީރާއިން ނިންމާ ނިންމުމާ މެދު ހިތްހަމަނުޖެހުނަސް، ޓެކްސް އެޕީލް ޓްރައިބިއުނަލްގައި އެ މައްސަލައެއް އިސްތިއުނާފް ކުރެވޭނީ މީރާއިން ކަނޑައެޅި އަދަދު އެއްކޮށް ދެއްކުމަށް ފަހު އެވެ. އަދި އެ ފައިސާ ނުދައްކާ ނަމަ، އިސްތިއުނާފް ކުރުމުގެ ހައްގެއް ނުލިބެ އެވެ.
ބަންޑާރަ ނައިބުގެ އޮފީހުން މިއަދު ނެރުނު ބަޔާނެއްގައިވަނީ އެ ގާނޫނަށް އިސްލާހު ގެންނަން އެ އޮފީހުން އެކުލަވާލި ބިލުގެ ދަށުން، މީރާއިން ކަނޑައަޅާ އަދަދުގެ 30 ޕަސެންޓް ދެއްކުމަށް ފަހު އެ މައްސަލައެއް ޓްރައިބިއުނަލްގައި އިސްތިއުނާފް ކުރެވޭނެ ކަމަށެވެ. އަދި މީރާގެ ނިންމުމާ މެދު ހިތްހަމަނުޖެހިގެން އެ ނިންމުން ރިވިއު ކުރަން މީރާއަށް ހުށަހަޅާ މައްސަލަތައް ވެސް ވަކި މުއްދަތެއްގެ ތެރޭގައި ނިންމަންޖެހޭ ގޮތަށް ވެސް އެ ބިލުގައި ހިމަނާފައިވާ ކަމަށް އެ ބަޔާނުގައިވެ އެވެ.
ޓެކްސް ދެއްކުމަށް ފަހު ނޫނީ އިސްތިއުނާފް ނުކުރެވޭ ގޮތަށް ގާނޫނުގައި އޮތް މާއްދާ ބާތިލް ކުރަން އަމިއްލަ ފަރާތަކުން ހައި ކޯޓަށް ކުރިން ދުސްތޫރީ މައްސަލައެއް ވެސް ހުށަހެޅި އެވެ. އެކަމަކު އެ މައްސަލާގައި 2015 ވަނަ އަހަރު އެ ކޯޓުން ނިންމާފައި އޮތީ ގާނޫނު އެ މާއްދާ ރަނގަޅު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީރާރާ
25 July 2019
އެއްވެސް މީހަކު ކުރާމަސައްކަތަކަށް ލިބޭނެކަމަށް ނުބެލެވޭ މަންފާއެއްގެ ކަރުދާހެއް ބިލެއް ނެތް ނަމަވެސް، މީރާއާއި ސަރުކާރުގެ މުވައްޒިފުންނަށް ޢާމްދަނީ ހޯދުމުގެ ގޮތުން ޤަވާޢިދު ހަދައި ޢާމުން ނިކަމެތިކުރުމަކީ އިސްލާމީ ޝަރީޢަތާ ދުނިޔެވީ ޤާނޫނުތަކާ ޚިލާފްކަމެއް. ޢަދަބެއް ޖޫރިމަނާއެއް ކުޑަ ވިޔަފާރިއަކަށް އަންނަންވާނީ ތަޙްޤީގަކަށްފަހު ދައުލަތަށް ކޮންމެހެން ލިބެންޖެހޭ އެއްޗެއް ފާހަގަކުރެވޭނަމަ. ބޮޑެތި ޚިޔާނާތާއި ކުށުގެ އަޑީގައި ތިބީ ބޮޑެތިކޮށްލިބޭ މީހުން
ފައްތާހ
24 July 2019
އެހެން ވީމާ ޓެކްސް ޕޭޔަރުންނަށް 30% ދައްކާފއި ޓައިމް ބައި ކުރެވޭނެ ދޯ. ސަޅި. މަދެން ހުރިހާ ފަހަރަކު ދާނީ ޓްރައިބިއުނަލް އަށް، 100% އެއްފަހަރާ ދައްކަން ނުޖެހޭނެއްނުން. އިބޫ ބަރާބަރު
ޏިޔާޒް
24 July 2019
ތީހަމަ އޭޖީ އާ ދެން ޖެހުނުމީހަކު ޖަރީމާ ހިންގަ ން ވެގެން ކުރާހާ ކަންތައްތައް،
މީރާސޮރު
24 July 2019
އެއްދުވަހު މި ބުނަނީ މީރާގަ އުޅެމުން ހޯދާ ތަޖުރިބާ މީރާގެ އެޕްރޫވްޑް އޮޑިޓަރަކަށް ވުމަށް ކަމަކު ނުދެޔޭ ނަމަވެސް މިހާރު ހާލަތުބަދަލުވެ މަތީފަޑީގާ ތިއްބެވި ބޭއްފުޅުން ޕްރައިވެޓް ޕްރެކްޓިހަށް ނިކުންނަން ވަގުތު ކުޑަތަންވީމާ މޮޅު ރޫލިންގ އެއް ނެއްލާ މި ބުނަނީ މީރާގެ ވަޒީފާގަ ހުރެ ލިބުނު ތަޖުރިބާވެސް އޯކޭޔޭ! އެހެންވީމާ ދަންނަވަންޖެހެނީ ރޫލިންގ ހަދަނީ މީހުންގެ މޫނަށް ބަލައިގެންނޭ!
ނަޒާހަތު
24 July 2019
ތީ އޭޖީ އާ ގުޅުން ހުރި ވަކި ބަޔެއްގެ ވިޔަފާރި ކޮޅަށް ޖަހަން ކުރާ ކަމެއް. މިހާރު ތިޔަ އޭޖީގެ ވެސް އެއްވެސް ނަޒާހަތްތެރިކަމެއް ނެތް
އެކްސްޕާރޓް
24 July 2019
ގާނޫނުތަކާ ގަވާއިދުތަކުގައިވާ ކަންތައްތައް ކަމާބެހޭ ހުރިހާ ފަރާތްތަކަކުން ވެސް ވަރަށް ރަނގަޅަށް ބައްލަވަން ރަނގަޅު. ރަނަގޅަށް ނުބައްލަވާ ވާހަކަ ދައްކަވާކަން ވަރަށް ބޮޑަށް ފާހަގަވޭ.
ކޮރަލް
24 July 2019
ޖޫރިމަނާ ހުއްޓުމެއް ނެތި ދަނީ ކުރިއަށެވެ. ކުދި ވިޔަފާރިތައް ބަނގުރޫޓް ވަނީއެވެ.
ސަރުވަޝް
25 July 2019
އެވެރިން ހަދަނީ ހުސްމަކަރު. ދެން މީރާއިން ބެލީމަ އެކަން ފަޅާއެރުން މައްސަލައަކީ، ކޮންމެވެސް ބަޔަކު ގައިމު ބަލަންވެސް ތިބެން ޖެހެެއެއް ނުން. ބޯހަލާކު، ޓެކްސް އާ ގުޅިގެން ވާ ޖުރިމަނާ އަކީ ސުމެއް ޕޮއިންޓް ސުމެއް ފަހެއް އިންސައްތައިން ގާނޫނުގެ ދަށުން ވާ އެއްޗެއް. ކަރަންޓް ބިލު އަދި ފެންބިލު އަދި އެހެނިހެން އެއޗިއްސާ ގުޅިގެން ވާ ޖޫރިމަނާ އަކީ ޓެކުހާ ބެހޭ އެއޗެއްނޫން.
ރަދީފު ބިން ރަފައިދާ
24 July 2019
ހުރިހާ ލުޔެއް މަހުޖަނުންނަށް. ނިކަމެތިން ނިކަމެތިކަމުގާ އަބަދަށް. ވައްސަލާމް.
ހަބީ
24 July 2019
ޔަޒީދޫ ތިބޭޅާ ފޮށިތަންމަތި ރެޑީތޯ؟
ނަރުގިސް2
24 July 2019
އެކޮއި...ހާދަވަރަކަށް ޖޭ ތިވަނީ..
ަހަމްޕި
24 July 2019
ޤާނޫނުގަ މައްސަލަތަކެއް ހުރިކަން މީގެން މި އިނގެނީ. ޤާނޫނު ފުރިހަމަކުރުމުން ކޮންމެ މީހަކު ހިންގަން ހުއްޓަސް ފުރިހަމަ ވާނެ. ކަމިޝަނަރުގެ ޓަރމުވެސް މިހާރުއޮތް ޤާނޫނުން ސާފުނުވާކަން މީގެން އެނގުނީ. ޢެހެންވީމަ މިހާރުތިބި މީހުން އެތިބީ ޤާނޫނާ ހިލާފަށޭ ބުނެވޭކަށް ނެތް މުޅިއަކުން
މީރާސޮރު
24 July 2019
ގާނޫނުއަކު ނުބުނޭ މުއްދަތުން ބޭރުން އޮޑިޓްކޮށް ބޮޑެތި އަދަދު ކަނޑައަޅާކަށް އަދި އެކަން އެނގޭ މީނުންނަށް ލުއިދީ ނޭންގޭ މީހާ ހަފުސްކޮށްލާކަށްވެސް. އެއީ ޓެކުހުގެ ނިޒާމު ހަމަހަމަކަމާ އެކު ތަންފީޒުކުރުމެއްނޫން. ގާނޫނުން ލިބިދީފައިވާ އެންމެހާ ބާރުތައް ބޭނުންކުރަންވާނީ އަދުލުއިންސާފުގެ ހަމަތަކާއެކު އިހުލާސްތެރިކަމާވެސް އެކު. ވެދުމާ ސަލާމް
ސަތޯ
25 July 2019
ހޫނ ޔަޒީދަށް ކިހާވަރަކަށް ޓެކްސް ލާރިން ބައި އެޅޭތޯ އެގޭ ކުއްޖަކު ބުނެ ދީބަލަ. ތިހާ ބައިވަރު ފައިސާ އޭނާ ދަމައިގަންނާނީ ގައިމު ޖީބަށް އެއްޗެއް ވަންނާތީތާ. ކޮބާ ކިހާވަރެއްގެ ބޯނަސް ޕެކޭޖެއް އޮންނީ މީރާގެ ވެރިންނަށް. ޔަޒީދު ހާދަ ފޯރިއެއް އެބަހުރެއޭ ދޯ ގިނަލާރި ނަގަން. މީނާގެ އެކައުންޓު އެބަޖެހެއްނުން ބަލަން. ކޮބާ މަޖިލިސް