ރައީސް އިބްރާހިމް މުހައްމަދު ސޯލިހް---ފޮޓޯ: ރައީސް އޮފީސް
29 ޖުލައި 2019 - 16:16
25 comments
ރައީސް އިބްރާހިމް މުހައްމަދު ސޯލިހު، ރަސްމީ ދަތުރުފުޅެއްގައި ސީޝެލްސް އަށް ވަޑައިގަންނަވަން ނިންމަވައިފި އެވެ.
ރައީސް އޮފީހުން މިއަދު ބުނީ އަންނަ ހުކުރު ދުވަހުން ފެށިގެން އަންގާރަ ދުވަހުގެ ނިޔަލަށް ސީޝެލްސް އަށް އެމަނިކުފާނު ވަޑައިގަންނަވަނީ އެ ގައުމުގެ ރައީސް ޑެނީ ފޯރޭގެ ދައުވަތަކަށް ކަމަށެވެ.
ސީޝެލްސް އަށް ވަޑައިގަތުމުގެ ދައުވަތު ދެއްވީ، ރައީސް ޑެނީގެ މަންދޫބެއްގެ ހައިސިއްޔަތުން އެ ގައުމުގެ ސެކްރެޓަރީ އޮފް ސްޓޭޓް ފޯ ކެބިނެޓް އެފެއާޒް، މުހައްމަދު އަފީފް ރާއްޖެ އަށް ދާދި ފަހުން ކުރެއްވި ރަސްމީ ޒިޔާރަތުގަ އެވެ.
ރައީސް، ސީޝެލްސްއަށް ކުރައްވާ މި ދަތުރުފުޅުގައި ދެ ގައުމު ދެމެދުގައި ގިނަ އެއްބަސްވުންތަކެއްގައި ސޮއިކުރައްވައި، އެންމެ މަތީ ފެންވަރުގެ މަޝްވަރާތައް ބޭއްވުމަށް ވަނީ ހަމަޖެހިފަ އެވެ. މި ދަތުރުފުޅުގެ ސަބަބުން ރާއްޖެ އާއި ސީޝެލްސްގެ ގުޅުން އިތުރަށް ބަދަހިވާނެ ކަމަށް ރައީސް އޮފީހުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލި
30 July 2019
މުޅިންވެސް އިންޑިއާ ޕްރޮޕެގަންޑާ އޮންނަ ތަންތަނަށް ރައީސް ވަޑައިގަންނަވަނީ ކީއްވެ؟؟؟
ދުުނިފޫ
29 July 2019
ފައިސާ އެއް ލާރިއެއް އިންވެސްޓްމަންޓެއް ލިބޭ ތަނަކަށް ނުދާތި. މޯޑީ ރަތައް އަރާނެ.
ދސދަަައެ
29 July 2019
ކަނޑު ވިއްކަންތަ؟
މާރަނގާ - އައްޑޫ ސިޓީ
29 July 2019
ރައީސް. Seychelles އާއި އައްޑުއަކީ ތާރީޙީގުޅުމެއްއޮތް 2 ޤައުމެއް. * * ޤައުމީއެއަރލައިނުގައި ތިދަތުރުކުރައްވާއިރު މާލެއިން ފުރުމުގެ ބަދަލުގައި ގޭން އައިލެންޑްއިން ސޭޝަލްގެ ވިކްޓޯރިއާ އަށް އަދި އެތަނުން އެބުރި ގަމަށް ވަޑައިގަންނަވާއިރުނޫސްވެރިންނާއި، ކުޅިވަރުގެ އޮފިޝަލުންނާއި، ވިޔަފާރިވެރިންގެވަފުދަކާއިއެކު އަފީފުދީދީގެ ބޭފުޅުންވެސްބައިވެރިކޮށްގެން ގަމަށް އެބުރިވަޑައިގެން މާލެނޫންއެއަރޕޯޓަކުން ރަސްމީދަތުރުކުރެއްވި ފުރަތަމަރައީސްގެލަޤަބުހޯއްދެވުން.
އެގޮތަކަށް
29 July 2019
100 މިލިޔަން ހަރަދަށް!؟
އަށްޑޫ ކަތީބު
29 July 2019
މި ސަރުކާރު އައީ ދައުލަތުގެ ހަޒާނާއިން ދަތުރު ފަތުރުކުރުމަށް އެކަނިބާ. މިހާ ތަނަށް މިގައުމުގެ އެންމެ ބޮޑު ބަޖެޓް ފާސްކޮށްގެން ކުރެވުނީ ހުސް ދަތުރު. މުޅީ ދުނިޔެ ބަލާލަންވާނެ ސާބަސް. މިއޮތީވާ ގައުމެއްގެ ވެރިކަމަކާ ބަޔަކު ހަވާލުވެފައި.
ބެހޮއްކޮ
29 July 2019
ގައުމަށް ކަމެއްކޮށް ނުދެވުނަސް ފުރަފުރައިގެން ގައުމުން ބެރަށްދެވޭތޯ ބަލާތޭ
އިސްމާލްކަލޭފާނު
29 July 2019
ތިތަނުން ދެން ކެނޑާލާ ސޯމާލިޔާއަށް ނުވަތަ އިތިއޯޕިޔާއަށް. ދެން އެއްބަސްވުންތަކެއްގައި ސޮއިކޮށްލާފައި އައިމާ ދިވެހިން ތިބޭނެ ހޭވައްޓާލާފާ އަތްޖަހަން. ދިވެހިން ދިވެހިންގެގޮތުގާ ގަމާރުކަންމަތީ އަބަދަށް.
ފުންއަސަރު
29 July 2019
މަރްހަބާ ރައީސް އިބޫ. އުންމީދަކީ ރާއްޖެއަށް ގިނަގުނަ ކަންތައްތަކަކުން ބޮޑެތި ކާމިޔާބީ ލިބުން. ގިނަމީހުނާ ރަހްމަތްތެރިކަން އުފެދުނީމާ ގިނަކަންކަން ވާނެ. ލޮލުގެ ކުޑަކޮޅުން ބައްލަވާނޭ ހަމަ އެންމެ ގައުމެއްވެސް ބާއްވާނޭކަމެއް ނެތް. ބޭނުންވަނީ އެކުވެރިކަމާއެކު ސުލްހައަށް މަސައްކަތްކޮށް ދައުރު ނިންމާލުން.
ރަދީފް
29 July 2019
ރަނގަޅު.ތިޔަ ލިސްޓަސް މިގައުމުތައް ވެސް އިތުރުކޮށްލާތި. (ތުވާލޫ ، ނައުރު ، ސެއިންޓް ކިޓްސް އަދި މާޝަލް އައިލެންޑްސް) ވ.ވެދުން
ސަރީފު
29 July 2019
މިލިއަނުން ލޯނު ނަގައިގެން އަބަދު ދަތުރު ކުރިޔަސް އޯކޭ! ކަރަޕްސަން އެއްނޫން! ޔާމީނުް އެކައުންޓުން 1 މިލިއަން ފެނުނީމާ މައްސަލައަކަށްވީ! ޔާމީނުް ކޮއްދިން ކަމެއްފެންނަމީހަކު ނެތް!
ރަދީފް
29 July 2019
''ސީޝެލްސް އަށް އެމަނިކުފާނު ވަޑައިގަންނަވަނީ އެ ގައުމުގެ ރައީސް ޑެނީ ފޯރޭގެ ދައުވަތަކަށް ކަމަށެވެ.''