އައްޑު އަށް އެތެރެ ކުރަން އުޅެނިކޮށް ފުލުހުން އަތުލައިގަނެފައިވާ މަސްތުވާތަކެތި. މަސްތުވާތަކެތީގެ ޑީލަރަކާ އެކު އިއްޔެ ވަނީ ހަތަރު މީހަކު ހައްޔަރުކޮށްފައި. --ފޮޓޯ/ ޕޮލިސް
31 ޖުލައި 2019 - 12:17
18 comments
ޑްރަގުގެ ވަރުގަދަ ޑީލަރަކާ އެކު ހަ ކިލޯގެ މަސްތުވާތަކެތި އަތުލައިގަތް މައްސަލައިގައި ހައްޔަރުކުރި މީހުން އުޅުނީ އެކަކު އެ ތަކެއްޗާ ހަވާލުވެ އެހެން މީހުން ސަލާމަތްކޮށްދޭން ކަން އެނގިއްޖެ އެވެ.
ފުލުހުން ހިންގި މަސްތުވާތަކެތީގެ އޮޕަރޭޝަނެއްގައި ފަސް މީހަކު އިއްޔެ ހައްޔަރުކުރި އެވެ. މި މީހުން އަތުލައިގަތް އިރު އެ މީހުންގެ ކޮނޑުގައި އަޅައިގެން ތިބި ދަބަސްތަކުން ހަ ކިލޯގެ ޑްރަގްސް ފެނުނު ކަމަށް ފުލުހުން ބުންޏެވެ.
އެނގިފައިވާ ގޮތުގައި މި އެންމެންގެ ބަންދުގެ މުއްދަތު ޖަހަން އިއްޔެ ކްރިމިނަލް ކޯޓަށް ހާޒިރުކުރުމުން ހަ ކިލޯގެ މަސްތުވާތަކެއްޗާ އެކަކު ހަވާލުވެ ދެން ތިބި މީހުން ސަލާމަތްކުރަން ވަނީ މަސައްކަތްކޮށްފަ އެވެ. ސަލާމަތްކުރަން މަސައްކަތް ކުރި މީހުންގެ ތެރޭގައި ޑީލަރު ވެސް ހިމެނެ އެވެ.
އެކަމަކު ކްރިމިނަލް ކޯޓުން ވަނީ ފަސް މީހުންގެ ބަންދަށް ވެސް 15 ދުވަސް ޖަހައިފަ އެވެ.
މި މީހުން ހައްޔަރުކުރީ ފުލުހުން ހއ. އަތޮޅާ ހިސާބުން ފާރަލަމުން އައިސް މާލޭގެ ޓީޖެޓީ ސަރަހައްދުންނެވެ. ފުލުހުން ބުނެފައިވާ ގޮތުގައި މަސްތުވާތަކެތި ބަންދުކޮށްފައި ހުރި ހަތަރު ރަބަރުގަނޑު މި މީހުންގެ އަތުން ވަނީ ފެނިފަ އެވެ.
މި އޮޕަރޭޝަން ފެށީ ރާއްޖެ އަށް ގިނަ އަދަދެއްގެ މަސްތުވާތަކެތި އެތެރެކޮށް ވިޔަފާރިކުރަން އުޅޭ ކަމުގެ މައުލޫމާތު ލިބިގެންނެވެ. މަސްތުވާތަކެތީގެ އޮޕަރޭޝަންތަކުގައި ފަހަކަށް އައިސް ގިނަ އަދަދެއްގެ މަސްތުވާތަކެތި އަތުލައިގަނެފައިވެ އެވެ. އަދި މި ވިޔަފާރީގައި އިސްކޮށް އުޅޭ މީހުން ވެސް އަންނަނީ ހައްޔަރުކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏަމްމަން
01 August 2019
ޑީލަރުން ކިޔަނީ ވާހަކަ ބޮޑުކުރަން. ޑީލަރުން ތިބެނީ ފިނިކޮޓަރީގަ ޓައީ އަޅައިގެން އިއްޒަތުގަ. އަތުލައިގަނެވެނޭ ހައެއްކަ ރޮނގާލި. އެވެސް ދޫވާނެ. ހުންނަނީ ގުލިފަ
އަދާލަތު
01 August 2019
ދިވެހި ފުލުހުންނަށް އައްސަރިބަހާއި ސާބަސް އަރިސްކުރަން. ހިތާމަޔަކީ، އެތަކެއްދުވަހުގެ ބުރަމަސައްކަތުން، އެފަދަ ގޭންގްތައް ހޯދާ އަތުލައިގަނެގެން، އިންޞާފުގެ ކުރިމައްޗަށް ގެންދިޔައިމާ، ސާބިތުނުވެގެން ދޫކޮށްލެވޭ މަންޒަރު ޢާއްމުވެފައިވާކަން. ދެން އެފަދަމީހުންގެ ޝިކާރަޔަކަށްވަނީ، އޮޕަރޭޝަންގައި އުޅުއްވި ފުލުހުންނާއި، އެބޭފުޅުންގެ ޢާއިލާޔަށްވާކަން.
ޖައްބާރު
01 August 2019
ވާހަކަ މުޅިން ރަނގަޅެއް ނޫން. މިއީ ޑީލަރުންނެއ ްނޫން. މިއީ ކުދި މީހުން ޕެޑްލަޒްއާއި ޕުޝަރުން ފަންތީގެ މީހުން. މިމީހުންގެ ބޮޑުން ސަލާމަތް ކުރުމަކީ މިމީހުން ކުރަން ޖެހޭ ކަމެއް. އެއީ އެއްވެސް ވާހަކައެއްލީކު ކޮށްފިނަމަ މުޅި އާއިލާ ދުއްލާވާނެކަމުގެ އިންޒާރު ވެސް މިމީހުންނަށް ވާނީ ދީފަ. އަދި މި ވަރު ނުފުދޭނެ. މީގަ ގާނޫނީ ވަކީލުގެ ކަނެކްޝަނެއްވެސް އުޅޭނެ. އޭނާ އުޅޭނީ މެދުވެރިއަކަށް ދެކޮޅުގެ ވާހަކަތައް ބަދަލުކޮށް ދިނުމަށް.
މީރުބަހުރު
01 August 2019
މިތަކެތި އެތެރެވާ ދިމާ ބަލައި ހޯދައިގެން ނޫނީ މިކަމެއް ނުހުޓުވޭނެ. އެތެރެކުރާ ރޫޓް ދެނެގަންނަން އެބަޖެހޭ. ކަޑުމަތިން ކަމަށް ސައްކު ކުރެވޭނަމަ ސިފައިން ނުކުމެ ބަލަންޖެހޭ
އަލިފްލައިލާ
31 July 2019
ތި ގޮތަށް އެކަކު ހަވާލު ވުމަކީ ވަރަށް އާއްމު ކަމެއް ރާއްޖޭގެ ބޮޑެތި ޑީލަރުން ސަލާމަތް ވެފަ އެބަހުރި މިގޮތައް.މިކޭސްގަ މިހާރު މުއްދައް ޖެހިޔަސް އެމީހުން ވަކީލުން އައްޔަން ކުރާ ހިސާހިބުން ސަލާމަތް ވާނެ
ބޮއިކަޓް ޢަލީ
31 July 2019
މަސްތުވާތަކެތި ހުއްދަކުރާ ޤާނޫނުތައް ބަދަލުކުރޭ
ނަން
31 July 2019
މަގުމަތީގަ ކުނިކޮތަޅުބަހައްޓާމީހުންގެ ނަމާ ހުރިހާއެއްޗެއް ގޮވާ. މިމީހުންގެ ނަމެއް ރަށެއް ނެތްތަ?
ދެރަވ
31 July 2019
ތިޔައެންމެން ދޫނުކުރާތި. މުޅި ގައުމުގެ ޒުވާނުން ހަލާކުކޮށްފިއޭ. އާދޭސްކޮށްފަބުނަން. މިބައިމީހުންނަށް މަރުގެ އަދަބުދީބަލަ. ނޫނީ އުމުރުދުވަހުގެ ޖަލުހުކުމެއް ދީބަލަ. އަދި އަފުއާމު ނުދީބަލަ. އޭރުންނޭ ސަލާމަތްކަންއޮތީ.
ޢާދަނުބެ
31 July 2019
ތިމީހުންނަށް މަރުގެ އަދަބު ދީބަލަ ތިމީހުންގެ ސަބަބުން ކިތަށްމޫހުން ހަލާކުވެގެންދާނެ ކިތަށް މައިންގެ ބަފައިނގެ އުންމީދުތަށް ވިއްސިވިހާލިވެގެންދާނެ ހައްޔަރު ކުރުމަކީ ހައްލެއްނޫން ތިމީހުން ކޯޓުން ދޫކޮށްލާނެ ފަނޑިޔާރުންނަށް ރުފިޔާ އަޅާލާއިރަށް މިގައުމުގެ ފަނޑިޔާރުންގެ ވާހަކަ ނުދެއްކިއްޔާ ރަނގަޅުވާނީ
ޙަލްކު
31 July 2019
ތިމީހުންގެ ނަމެއް ފޮޓޯ ގަނޑެއްވެސް ނެތީތަ
ތުނިޔަ
31 July 2019
ނެތް...ނެތް....އެއީ އިހުތިރާމް ލިބިގެންވާ ބައެއް! އެމީހުންގެ ޒާތީ މައުލޫމާތު ހިމާޔަތް ކުރެވެންޖެހޭނެނު!