މޭވާ އާއި ތަރުކާރީ ވިއްކަން އެސްޓީއޯގެ ރެކްތައް ކުއްޔަށް ދެނީ

އެސްޓީއޯ ސުޕަމާޓް ފިހާރައިން ބަޔަކު ވިޔަފާރި ކުރަނީ--ފޮޓޯ:ހުސައިން ވަހީދު

ފާތިމަތު ޝަނާ މުހައްމަދު، މިހާރު

31 ޖުލައި 2019 - 19:34

އެސްޓީއޯ މާލެ އަދި ހުޅުމާލޭ ސުޕަމާޓުގައި ތަރުކާރީ އާއި މޭވާ ވިއްކަން ބަހައްޓަން ރެކްތަކެއް ކުއްޔަށް ދޭން އިއުލާނުކޮށްފި އެވެ.

އެސްޓީއޯ އިން ގެޒެޓްކޮށްފައިވާ އިއުލާނުގައިވާ ގޮތުން ކުއްޔަށް ދޫކުރާނީ މާލޭ ސުޕަމާޓުން 320 އަކަފޫޓުގެ ސަރަހައްދަކާއި ހުޅުމާލެ ސުޕަމާޓުން ދެ ރެކަކާއި ދޮންކެޔޮ ހަރެކެވެ. މާލެ އިން ދޫކުރާ ތަނުގައި ދެ ޗިލާ އާއި ފަސް ލަކުޑި ހަރު ހުންނާނެ އެވެ.

މިރެކުތައް ކުއްޔަށް ނަގަން ބޭނުންވާ ނަމަ އަންނަ މަހުގެ 6 ގެ ކުރިން އެސްޓީއޯ ހެޑް އޮފީހުގައި ރަޖިސްޓްރީކުރުމަށް އެދިފައިވެ އެވެ.

އެސްޓީއޯ ޕީޕަލްސް ޗޮއިސްގެ ޖެނެރަލް މެނޭޖަރު ހުސައިން ސޮބާހު ވިދާޅުވީ، މިއީ ރީޓެއިލް ވިޔަފާރިކުރާ މީހުންނަށް ލިބުނު ވަރަށް ރަނގަޅު ފުރުސަތެއް ކަމަށެވެ. އެއްވެސް އިޝްތިހާރެއް ކުރުމެއް ނެތި އެމީހުންގެ މުދާ އެސްޓީއޯ އިން ވިއްކުމުން، އެ ފިހާރަތަކުގެ ހަރަދުތައް ކުޑަވެ ފައިދާ ބޮޑުވާނެ ކަމަށް ވިދާޅުވި އެވެ.

މިގޮތަށް ހަރު ނެގުމުން، އެއްވެސް މުވައްޒަފެއް ނުނަގައި، ފިހާރައިގެ ހިންގުމުގެ ކަންކަން ބަލަހައްޓަން ނުޖެހި މަހު ކުލި ދައްކައިގެން އެސްޓީއޯގެ ރެކްތަކުގައި ތަކެތި ވިއްކޭނެ އެވެ. އެސްޓީއޯ އިން މި ރެކްތައް ދިނުމަށް ފަހު އެ ކުންފުނިން އަމިއްލަ އަށް ގަނެގެން މޭވާ އާއި ތަރުކާރީ ވިއްކުން ހުއްޓާލާނެ އެވެ

ސޮބާހު ވިދާޅުވީ، މޭވާ އާއި ތަރުކާރީ ވިއްކުމަކީ މިހާރު ވެސް އެސްޓީއޯ އަށް މާބޮޑު އާމްދަނީއެއް ލިބޭ ތަކެއްޗެއް ނޫން ކަމަށާއި، އެހެން ރީޓެއިލް ފިހާރަތަކަށް ރެކްތައް ދީގެން އެސްޓީއޯ އަށް އަދި އެފަދަ ރީޓެއިލް ފިހާރަތަކަށް ވެސް މާބޮޑަށް ފައިދާ ވާނެ ކަމަށެވެ.

އެސްޓީއޯ އިން މާލެއާ ހުޅުމާލޭގެ ސުޕަމާޓުން ދޫކުރާ ރެކްތައް ދިނުމަށް ނިންމާފައިވަނީ އެއް އަހަރުގެ މުއްދަތަކަށެވެ.

އެސްޓީއޯ ރީޓެއިލް ވިޔަފާރި އެސްޓީއޯ ސުޕަމާޓް

5 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުންއަސަރު

01 August 2019

އެސްޓީއޯއިން ހުޅުމާލޭގާ ހަދާފާވާ ބޮޑު ސްޕްމާޓަށް އަހަރެންގެ ނަމުގާ ޝުކުރު ދަންނަވަން. އަދި 50000 މީހުންގެ އާބާދީއެއް މިހާރުވެސް ދިރިއުޅޭ ތާކަށް އެވަރުގެ ބޮޑުތަނެއް ހައްދަވާ އެތަނުގެ ރެކްތައް ފުރާލާ ތަކެތި ބަހައްޓާފާ ހުރީތީ، އެކަމަށްވެސް ޝުކުރު އަދާކުރަން. އަދި މާލޭގެ ސްޕަމާޓުގާ ހުރި ބާވަތްތަކަށްވުރެ އިތުރަށް ހުޅުމާލޭގެ ސްޕަމާޓްގާ އެއްޗެތި ބަހައްޓާފަ ހުރީތީ އެކަމުންލިބޭ ފަސޭހައަށްޓަކާ އެސްޓީއޯއަށާ ކުންފުނީގެ ބޮޑުމީހާއަށް ވަކިން ޝުކުރު ދަންނަވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަވ

01 August 2019

ތިޔައީ އިއްތިފާގެއްނޫން. ތިޔަތަން ތިޔައުޅެނީ އިންޑިއާގެ ކޮންމެވެސް ކުންފުންޏަކަށް ދޭން. ބަލާތި. މާދަމާ ނޫހުގައި އޮންނާނެ އިންޑިޔާގެ ކޮންމެވެސް ބަޔަކަށް އެސްޓީއޯގެ ފުރުޓް ހަޓް ތައް ދިންވާހަކަ. މިގައުމު މިދަނީ އަޅުވެތިކަމާ ދިމާއަށް. ނަޝީދޫ އަޙުމަދުގެ ދަރި ރިސޯޓް ވަޒީފާއިން އެނބުރި ރަށަށްދާއިރު ރަށް އޮންނާނީ އިންޑިއާ މީހުންނަށް ދީ ނިމިފަ. މިއީތަ މިނިވަންކަމަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލްބެ

01 August 2019

ތިޔަކުރީ ރަގަޅު ކަމެއް.އެކަމަކު 2 ފަރާތުގެ އެއްބަސްވުމެއް މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

buddy

01 August 2019

ރަގަޅުކަމެއް އެކަމު ކޮލިޓީ ހިފެހެއްޓުން ވަރަށް މުހިއްމު. ތިފަދަ ފުރުޞަތުތައް ހުޅުވާލުމުން ވަރަށްގިނަ ބަޔަކަށް ވިޔަފާރީގެ ތެރެއަށް ވަންނަން މަގުފަހިވާނެ.