ބިޝާމް ވަކިކުރަން އެމްޑީޕީގެ ޕީޖީއަށް ހުށަހަޅައިފި

މަޖިލީހުގެ ޖުޑީޝަރީ ކޮމެޓީގެ ބައްދަލުވުމުގައި، ޕީޖީ ބިޝާމް (ކ)، އެ ކޮމެޓީގެ މުގައްރިރް އިމްތިޔާޒު (ވ-2) އާ ސަލާމްކުރައްވާއިރު ސިރާޖު މަޑުކޮށްލައްވައިގެން.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

09 އޯގަސްޓް 2019 - 19:17

18 comments

ޕްރޮސެކިއުޓާ ޖެނެރަލް (ޕީޖީ) އައިޝަތު ބިޝާމް މަގާމުން ވަކިކުރުމަށް އެމްޑީޕީގެ ޕާލިމަންޓަރީ ގްރޫޕަށް، ފޮނަދޫ ދާއިރާގެ މެމްބަރު މޫސާ ސިރާޖު ހުށަހަޅައިފި އެވެ.

ސިރާޖު "މިހާރު" އަށް މިއަދު ވިދާޅުވީ ބިޝާމަށް އިތުބާރު ނުކުރެވޭތީ އޭނާ މަގާމުން ވަކިކުރުމާ މެދު ގޮތެއް ނިންމުމަށް ޕާޓީގެ ޕާލިމަންޓަރީ ގްރޫޕަށް މީގެ ތިން ހަފުތާ ކުރިން ހުށަހަޅާފައިވާ ކަމަށެވެ. ނަމަވެސް އެކަމާ މެދު އަދި ވަކިގޮތެއް ނުނިންމަ އެވެ.

އޭނާ ވިދާޅުވީ މިނިވަން މުއައްސަސާތަކުން މީހުން ވަކިކުރުމަށް މެމްބަރުންނަށް މަޖިލީހަށް ހުށަހެޅުނަސް، އެންމެ ރަނގަޅުގޮތަކީ އެކަމާ މެދު ޕާޓީގެ ޕީޖީން ގޮތެއް ނިންމުން ކަމަށެވެ. އެކަން ޕާޓީގެ ޕީޖީ އަށް ހުށަހެޅީ ވެސް އެ ސަބަބާ ހުރެ ކަމަށް ވިދާޅުވި އެވެ.

"މައްސަލަ މަޖިލީހަށް ހުށަހެޅުނަސް، ވޯޓު ދޭން ތިބޭނީ ހަމަ އެ މެމްބަރުން ދެއްތޯ. އެހެންވެ އެންމެ ރަނގަޅު ގޮތަކީ އެކަން މަޝްވަރާކޮށްގެން މަޖިލީހަށް ހުށަހެޅުން،" ސިރާޖު ވިދާޅުވި އެވެ.

ބިޝާމް ވަކިކުރުމާ މެދު ގޮތެއް ނިންމަން އެމްޑީޕީގެ ޕާލިމަންޓަރީ ގްރޫޕަށް ހުށަހެޅިއިރު، ވަގަށް ނަގާފައިވާ ނޫސްވެރިޔާ އަހުމަދު ރިލްވާނާއި މޭޑޭގެ ގައިދީ އަބްދުﷲ ރަޝީދުގެ މަރުގެ މައްސަލައިގައި ޕީޖީން ކަންތައް ކުރިގޮތުން ސޯޝަލް މީޑިއާގައި ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ.

ކުރީގެ ރައީސް އަބްދުﷲ ޔާމީންގެ ސަރުކާރާ ދެކޮޅަށް މެއި 1، 2015 ގައި އޭރުގެ އިދިކޮޅު ފަރާތްތަކުން ބޭއްވި މުޒާހަރާގައި ފުލުހަކަށް ހަމަލާދިންކަން ސާބިތުވެ އަބްދުﷲ ރަޝީދު ފަސް އަހަރަށް ޖަލަށް ލުމަށް ކްރިމިނަލް ކޯޓުން ހުކުމްކުރި އެވެ. މާފުށީ ޖަލުގައި ހުކުމް ތަންފީޒުކުރަނިކޮށް އޭނާ މަރުވުމުގައި ސިއްހީ ފަރުވާ ދިނުމުގައި އިހުމާލުވެފައިވާ ކަމުގެ ތުހުމަތު ކުރެ އެވެ. އެހެންވެ ހިއުމަން ރައިޓްސް ކޮމިޝަން (އެޗްއާރުސީއެމް) އިން ވަނީ އަބްދުﷲ، 51، ގެ މަރުގެ މައްސަލައިގައި އިހުމާލުވާ ކަރެކްޝަންސްއާ ދެކޮޅަށް ދައުވާކޮށްދިނުމަށް އެދި ހުށަހަޅައިފަ އެވެ. ނަމަވެސް ޕީޖީން ވަނީ ދައުވާނުކޮށްދީ މައްސަލަ އަނބުރާ ފޮނުވާލައިފަ އެވެ.

ރިލްވާން ވަގަށް ނެގި މައްސަލައިގައި ދައުލަތުން ދައުވާކުރި މީހުންގެ މައްޗަށް ކްރިމިނަލް ކޯޓުގައި ކުށް ސާބިތު ނުވާކަމަށް ހުކުމް ކުރި ދުވަހު، އެ މައްސަލަ އިސްތިއުނާފުކުރުމުގެ ހުއްދަ އަށް ހައި ކޯޓުގައި އެދިފައި ވާނެ ކަމަށް ޕީޖީ އޮފީހުން ވަނީ ބުނެފަ އެވެ. ނަމަވެސް އެގޮތަށް އަމަލުކޮށްފައި ނުވާކަން ހައި ކޯޓުން ރިލްވާންގެ އާއިލާ އަށް ލިޔުމުން އިއްޔެ ދިން ޖަވާބުގައި ބުނެފައިވެ އެވެ.

އެމްޑީޕީ ޕްރޮސެކިއުޓާ ޖެނެރަލް ޖުޑީޝަރީ އައިޝަތު ބިޝާމް މެމްބަރު މޫސާ ސިރާޖު (ފޮނަދޫ)

18 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާރަނގާ - އައްޑޫ ސިޓީ

10 August 2019

ބިޝާމް ހަމައެކަނި ވަކިކުރުމަކުން ނުފުދޭ. އޭނާ ދައުލަތުގެ މަޤާމެއްގައިހުރެ “މަޤާމްގެ ނުފޫޒާއި ހައިސީއްޔަތު ނަހަމަ ގޮތުގައި ބޭނުންކޮށްފައިވާނަމަ އެކަން، އަދި އޭނާގެ ޤާނޫނީ މަސްއޫލީއްޔަތު އަދާކުރުމުގައި އިހްމާލުވެ ފަރުވާކުޑަކޮށް ހުވަޔާއި ހިލާފުވެފައިވާނަމަ އެމަައްސަލަވެސް ބަލާ ފިޔަވަޅުއަޅާންޖެހޭ” ހަމައެކަނި މަޤާމުން ދުރުކުރުމަކުން ނުފުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣުލާމް

10 August 2019

3 ހަފްތާ ވީއިރު އެއްޗެއް ހުށަހެޅިކަން ނޭންގި ސިއްރުވެފައި އޮވެ، އެއަށް ގޮތެއް ނުނިމުނީ ކަމެއް ވެގެން، އެބޭފުޅާ އަކާ ނުކުޅެވޭނެ. މީ ވަރަށް ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސް

10 August 2019

ވަކިކުރަން މާލަސްވެއްޖެ. މިދައުލަތް ހުއްޓުމަކަށް އައިސް މަޖިލީހާ ސްޕްރީމްކޯޓްގެ ހިނގުން ހުއްޓިފައި އޮތީ ބިސާމްގެ އިހުމާލުން ނުވަތަ ނުލަފާކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

10 August 2019

އަވަހަށް ވަކިކުރޭ. މާލަސްވެސް ވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާެ

10 August 2019

ތިކަލޭގެ ބޭރުކުރަންވިތާ ކޮންދުވަހެއް.. ފާޑު ފާޑުގެ އުސޫލުތަށް ހަދައިގެން މިމުޖުތަމަޢު ހަލާކުކޮއްފި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާގުރެޓު

10 August 2019

ރައްޔިތުން ޖަގަޑާނަހަދާނެނަމަ ޔާމީނަށްވެސް ބޮޑުމަގާމެއް ދީފަ ތިމީހުން މިހާރު ހުންނާނީ. އަހަރެއްވާއިރުވެސް ތިޔަމީހާ ކޯޓަށް ހާޒިރުނުކުރެވުނުތާގަ މަގާމުންވެސްދުރުނުވެ ހުރީމަ ހައިރާނެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެއްޔާ، އެކުވެރިސުވައިދީބް

09 August 2019

ޖަޒީރާރާއްޖެ > އެޖެންޑާ19 > ވައުދުނާމާ > ނޫ އިޤްތިސާދު މިހެންގޮސް ނަން ހުސްކޮށް ފޮނިބައިސާ ކެނޑިއެވެ. ކަންކަން ނުވާތީ އެކަން ފޫބައްދައި މަތިޖަހަން ކުރާހާ ކަންތައް. މުޒާހަރާ ކުރާ ކުދިންނަށް ގައުމެއް ނުހިންގޭނޭ އެކަންވަނީ މާޒީވެ ދިޔަހާތަނުން ވެސް ފެނިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

09 August 2019

ކީއްކުރަންތޯ ވަކި ބިޝާމްވަކިކުރަނީ، ތިޔަބޭފުޅުން ތިޔަވިދާޅުވާ އަނިޔާވެރިކަމަށް ތަރުޙިބުދިން ކުރީ ސަރުކާރުގެ އެތައްބަޔަކަށް ސިޔާސީ މަޤާމުތައް ދީފަނުންތޯއެތިބީ، އަދި ވަޒީފާ ދެއްވާނަމޭ ވަޢުދުވި، ސިޔާސީގޮތުން ޤުރުބާންވީ އެތައްބައެއްގެ މަތިން ހަދާން ނައްތާލާފަ ނޫންތޯ ތިޔަތިބީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެޓަލް

09 August 2019

މިހާރު ނޫހުން ސާފުކޮށްލަ ދީބަލަ ޕީޖީ ގޯސްވެގެން، އިންސާފު ނުލިބިގެން ބޮޑު އަގުލަބިއްޔަތަކުން ރައްޔިތުން ގެނައި ސަރުކާރަކުން މިއޮތް ހުރިހާ ދުވަހު އޭނަ ވަކި ނުކޮށް ބަހައްޓަން ޖެހުނީ ކޮންކަހަލަ ޑީލްއެއް ހަދައިގެންތޯ؟ ހަމަ މިގޮތަށް އޮތީ މިނިވަން މުއައްސަސާތަކާ ކޯޓުތައްވެސް. މަ ހަމަ ހައިރާންވެފަ މިހިރީ. ދެންވެސް ގޯސްވާނީ ކަންކަން ކޮޅުންލައިގެން ސަރުކާރު ވައްޓާލާ މީހާ.