ރާއްޖެއަށް ފުރަތަމަ ފަހަރަށް ޔޮޓުވިލާ ތައާރަފު ކުރީ ޖުމެއިރާ ވިއްޓަވެލިން-- ފޮޓޯ: ޖުމެއިރާ ވިއްޓަވެލި
03 ސެޕްޓެމްބަރ 2019 - 13:06
4 comments
ބީޗް ވިލާތަކާއި ވޯޓާ ވިލާތަކަށް ފަހު ޔޮޓު ވިލާ ޖުމެއިރާ ވިޓަވެލިން ތައާރަފު ކޮށްފި އެވެ.
"މައި ވިއްޓަވެލި"ގެ ނަމުގައި ތައާރަފު ކުރި މި ވިލާ އަކީ އެ ރިސޯޓަށް ދާ ޓޫރިސްޓުންނަށް އިންޑިއާ ކަނޑުގެ ހިތްގައިމުކަން ކައިރިން އިހުސާސް ކޮށްދިނުމުގެ ބޭނުމުގައި ތައާރަފުކުރި ވިލާއެއް ކަމަށް ވިޓަވެލިން ބުންޏެވެ.
މި ޔޮޓު ވިލާގައި 85 ފޫޓު ހުންނައިރު ތިން ޑެކާއި ހަތަރު ކެބިން ހުރެ އެވެ. މީގެ ތެރޭގައި މާސްޓާ ކެބިން އަކާއި ވީއައިޕީ ކެބިންއެއްގެ އިތުރުން ޓުވިން ކެބިން ހިމެނެ އެވެ. މާސްޓާ ކެބިންގައި ކިންގް ސައިޒް އެނދެއް ހުންނައިރު ވީއައިޕީ ކެބިންގައި ހުންނާނީ ކުއީން އެނދެކެވެ.
ޔޮޓު ވިލާ ތައްޔާރުކޮށްފައި ވަނީ ހުރިހާ މޫސުމެއްގައި ވެސް ފަސޭހައިން ދުއްވާލެވޭނެހެން-- ފޮޓޯ: ޖުމެއިރާ ވިޓަވެލި
މި ވިލާގައި ބާބަކިއު ހެދުމަށް ހާއްސަ އޭރިއާއަކާއި މަސާޖް ބާތު ޓަބެއްގެ އިތުރުން އެއްފަހަރާ ހަތަރު މީހުންނަށް ބޭނުން ކުރެވޭނެ ޖަކޫޒީއެއް ހުރެ އެވެ. މީގެ އިތުރުން ވައިފައި އާއި ޓީވީ ގެ ހިދުމަތުގެ އިތުރުން ބްލޫޓޫތު ބޭނުންކޮށްގެން ލަވަ ވެސް ޖަހާލެވޭނެ އެވެ.
އިންޑިއާ ކަނޑުގެ ރީތިކަން ކައިރިން ބަލާލުމުގެ އިތުރުން މޫދު ކުޅިވަރުތަކަށް ލޯބި ކުރާ ފަރާތްތަކަށް ޖެޓް ސްކީ ވެސް ދުއްވޭނެ އެވެ. މައި ވިއްޓަވެލި ވިލާގައި ޓޫރިސްޓުންގެ ހިދުމަތުގައި ތިބޭނީ ކަމަށް ގާބިލް ތަޖުރިބާކާރު މުވައްޒަފުންކަމަށް ޖުމެއިރާ ވިޓަވެލިން ބުންޏެވެ.
ޖުމައިރާ ވިޓަވެލިން ތައާރަފު ކޮށްފައިވާ ޔޮޓު ވިލާގައި އެމްޓީޔޫ ބްރޭންޑުގެ 1500 ހޯސް ޕަވަރުގެ ދެ އިންޖީނު ހުރެ އެވެ. މި ވިލާ ތައްޔާރުކޮށްފައިވަނީ ކޮންމެ މޫސުމެއްގައި ވެސް ޓޫރިސްޓުންނަށް ފަސޭހަ ދަތުރެއް ތަޖުރިބާ ކުރެވޭނެހެން ކަމަށް ޖުމެއިރާ ވިއްޓަވެލިން މައުލޫމާތު ދެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޯޒްސް
03 September 2019
ކެ ކެ ކެ؟ ފުރަތަމ ފަހަރަށް ޔޮޓް ވިލާ؟؟؟ ތީ މިގައުމުުގައި މިހާރުވެސް ގިނަ ރިސޯތް ތަކަކުން ކުރަމުން އަންނަ ކަމެއް. ރިސޯޓް ތަކުގެ ބޭރުގައި އަޅާފައި އެހުންނަ ބޮޑެތި ޔޮޓްތަކަކީ އެއީ. ޔނުވާސަލުން ތިކަން ކުރާތާ ކިތަންމެ ޒަމާނެއް.
ބުއްޅަބ/ޭ
03 September 2019
ތިމައުލޫމާތު ނޫސްތަކަށް ފޮނުވަނީ، ރާއްޖޭގެ ރިސޯޓްތަކާއި ރެިސޯޓްތަކުން ދޭ ޚިދުމަތް އެއްވެސް ގޮތަކަށް ނޭގޭ ވަރަށް '\މޮޅު' އެކަމަކު ހަމަ އެކަނި ފަސްފޫޓް ދުރު ފެއްނަ މީހެއް!
ސަލާމ
03 September 2019
މި ކަމުން ދިވެހި އާމުންނަށް ވަނީ ކޮން ކަމެއް. ވަޒީފާ ނުލިބޭތާ އުމުރު ހުއްސިވިޔަސް ގިނަ ދިވެހިންނަށް ތި ހިދުމަތްތަށް އިހްސާސް ކުރެވޭކަށް ނެތެވެ.
ނޯޓިލަސް
03 September 2019
އޭގެ ހިދުމަތް ހޯދާ ގެސްޓުންގެ އަތުން ނަގާ ޓީޖީއެސްޓީ ވަންނާ ރާއްޖޭގެ ބައިތުލް މާލަށް. އެއަށް އަޅާ ތެޔޮ ގަންނަން ޖެހޭނީ ރާއްޖޭގެ ކޮންމެވެސް ކުންފުންޏެއްގެ އަތުން. އޭގައި ކާންބޯން ބޭނުންކުރާ ބާވަތްތަށް ގަންނާނީ ރާއްޖޭގެ ކޮންމެވެސް ކުންފުންޏެއް މެދުވެރިކޮށް. މިއީ އަދި ސީދާ ވަޒީފާތަށް ނުލާ ލިބޭ ފައިދާތަށް.