ހިޔާ މަޝްރޫއުގެ ދަށުން ފްލެޓަށް އެދި ފޯމު ހުށަހަޅަން ބަޔަކު މަޑުކޮށްލައިގެން.---ފޮޓޯ: ނިޝާން އަލީ/މިހާރު
06 ސެޕްޓެމްބަރ 2019 - 15:19
48 comments
ހިޔާ މަޝްރޫއުގެ ދަށުން ފްލެޓް ހޯދުމަށް އެދި ފޯމު ހުށަހަޅާފައިވާ މީހުންގެ ދިިރިއުޅުމުގެ ހާލަތު ދެނެގަތުމުގެ މަސައްކަތް ކޮށްދޭނެ ބަޔަކު ހޯދަން ރައީސް އޮފީހުން އިއްޔެ އިއުލާންކޮށްފި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ފެށި ހިޔާ މަޝްރޫއުގެ 12 ކެޓަގަރީއަކަށް 22،000 އަށް ވުރެ ގިނަ މީހުން ފޯމު ހުށަހެޅި އެވެ. އޭގެ ތެރެއިން 6،723 މީހަކަށް ފްލެޓް ލިބޭކަން ޔާމީންގެ ސަރުކާރުން ވަނީ އަންގައިފަ އެވެ. ނަމަވެސް، އެކަން ކޮށްފައިވަނީ ދިރިއުޅުމުގެ ހާލަތު ބަލަން ގޭގެ އަށް ނުގޮސް ކަމަށް، ފްލެޓުގެ މައްސަލަ ބެލުމަށް މިހާރުގެ ރައީސް އިބްރާހިމް މުހައްމަދު ސޯލިހު އުފެއްދެވި ކޮމެޓީން ވަނީ ބުނެފަ އެވެ.
ރައީސް އޮފީހުން އިއްޔެ ކުރި އިއުލާނުގައި ބުނީ ހިޔާ މަޝްރޫއަށް ފޯމު ހުށަހެޅި މީހުންގެ ދިރިއުޅުމުގެ ހާލަތު ބެލުމުގެ މަސައްކަތް ކޮށްދިނުމަށް ޝައުގުވެރިވާ ފަރާތްތަކުން އަންނަ ބުދަ ދުވަހުގެ މެންދުރު 1:00 އަށް އެ އޮފީހަށް ހާޒިރުވެ މައުލޫމާތު ސާފުކުރުމަށް ފަހު މި މަހުގެ 17 ވަނަ ދުވަހު އަންދާސީ ހިސާބު ހުށަހެޅުމަށް އެދޭ ކަމަށެވެ.
ފްލެޓް ދޫކޮށްފައި ވަނީ އިންސާފުންތޯ ބަލަން އެކުލަވާލި ކޮމިޓީން މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި އެ ކޮމެޓީގެ މެމްބަރުން ބައިވެރިވެވަޑައިގަންނަވަނީ.-- މިހާރު ފޮޓޯ
ހިޔާ މަޝްރޫއުގެ އިތުރުން ފްލެޓް ކޮމިޓީން އަންނަނީ ގެދޮރުވެރި ކުރުމުގެ މަޝްރޫއާއި ގުޅިފަޅު ޕްރޮޖެކްޓުގެ މައްސަލަތައް ވެސް ބަލަމުންނެވެ. ގުޅިފަޅު ޕްރޮޖެކްޓާ ގުޅޭ ޝަކުވާތައް ބެލުމަށް ފަހު ކޮމިޓީން ނިންމާފައި ވަނީ މި ސަރުކާރުން ހުޅުމާލޭގައި އިމާރާތް ކުރާ 4،000 ފްލެޓުގެ ތެރެއިން ފުރަތަމަ ބުރުގައި އެ އާއިލާތަކަށް ފްލެޓް ދިނުމަށެވެ.
މި ކޮމިޓީގެ މަސައްކަތް ނިންމަން އަންނަ ޑިސެމްބަރު 15 އަށް ރައީސް އޮފީހުން މުއްދަތެއް ދީފައި ވެ އެވެ.
ޗައިނާގެ ކޮންޓްރެކްޓަރު، ޗައިނާ ސްޓޭޓް އިންޖިނިއަރިން އެންޑް ކޮންސްޓްރަކްޝަން ކޮމްޕެނީ (ސީއެސްއީސީ)އާ ހަވާލުކޮށްފައިވާ މަޝްރޫއު އަށް ކުރީގެ ސަރުކާރުން ވަނީ ޗައިނާގެ އެގްޒިމް ބޭންކުން 437 މިލިއަން ޑޮލަރުގެ ލޯނެއް ނަގައިފަ އެވެ. އެ ލޯނު ހޯދާފައި ވަނީ ސަރުކާރުގެ ސޮވެރިން ގެރެންޓީއާ އެކު ހަ ޕަސެންޓްގެ އިންޓަރެސްޓް ރޭޓްގަ އެވެ. އެގޮތުން ލޯނުގެ 15 ޕަސެންޓް، ފަސް އަހަރުގެ ތެރޭގައި އަދި އަނެއް 85 ޕަސެންޓް 15 އަހަރުގެ ތެރޭގައި ދަައްކަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެހެންތަ ހީވަނީ
07 September 2019
ތިފަދަކަންކަމަށް މެޓާ ފުޅި ބަހައްޓައިގެން މަސައްކަތް ކޮއްދޭ ކުދިން ތިބޭ އެމްޑީޕީ ގަ .ކީއްކުރަން ކުރި އިއުލާނެއް ކަމަށް ހުސްވެގެން ތިބޭ ބަޔަކު ތިބޭއިރު .އަމިއްލަޕާޓީ ތެރޭގަ ކުރާނެ ކަމެއް ނެތިފަ ތިބޭ ބަޔަކު ތިބޭއިރު .
ޕީޓާ
07 September 2019
ޙިޔާ މަޝްރޫއު ފްލެޓް ބޭނުމެއް ނޫން.. ގޭގަ އެއްމެ ދަތިކޮޢް އުޅޭ މީހުން ތިއްބަ (ކޮޑަ ތަންކޮޅުގަ އުލޭ މީހުން ތިއްބަ) ޕީޕީ އެމް އަށް ކެން ޕޭން ކޮށް ދިން މީހުނާ ޕީޕީ އްމް މީހުނަށް ލިބުނީ .އަމިއްލަ ގެއިން ތަޖްރިބާ ކޮށްފަ މިބުނީ.. ބޭނުމީ ވެށިފަހި ފްލެޓް.
ގެއިން ގެޔަށް
07 September 2019
މިއީ މީހުން ފަޟީހަ ކުރުމާ ގަނަތެޅުވުމާއި ނިކަމެތި ކުރުމުގެ ގޮތުން ގޭގެޔަށް ވަންނަން ހިނގުން ލިޔުން އޮތީ ލިބޭ ފަރާތްތަކަށް ދީފަ ދެން ކޮންހާ ލަންބާ ޗޯޅާގެ ފޮނިކެނޑުމެއްތޯ ތި ހިންގަވަނީ ލޯކަލް ކައުންސިލް އިންތިކާބު ބޮޕމަތިވެފަވަނިކޮން ގޭގެޔަށް ވަންނަން ހިނގަނީ ރައްޔިތުންގެ ވިންދާކުޅެން ނޫޅޭ
އަލި
07 September 2019
އަހަރެންނަށް ލަފާކުރެވޭގޮތުން ކުރަންމިއުޅޭ ކަމަކީ ޕެޕަރ ސްޕްރޭގެ އަސަރު ކުރި ކުދިންކޮޅަށް ފްލެޓް ހޯދައިދިނުން.
އިބުނިހަޖަރު
07 September 2019
އިގިރޭސި ކުންފުނިތަކުން ތިކަންކޮށްދީފާނޭ އަވަސްކުރޭޭ؟؟؟؟؟؟؟
ގަޓް ބްރޯ
07 September 2019
ހައުސިންގ މިނިސްޓްރީއާ ސިޓީ ކައުންސިލް ތަކާ ރަށު ކައުންސިލްތަކުން ތިކަން ވާންޖެހޭނެ. އެތަންތަނަށް މުއައްޒަފުންލާފަ ބޮޑު މުސާރަދީފަ ތިބެނީ އިއުލާނެއް ނެރެފަ ކަމެއްނުކޮށް ތިބޭކަށްނޫން. ދައުލަތުން ބޭކާރު ފައިސާ ހޭދަކުރުން ހުއްޓަންޖެހޭ. އަދި މި ސަރުކާރުން ރައީސް ނަޝީދު ހިންގެވި ބޯހިޔާވަހިލަމުގެ މަޝްރޫއު ކޮޕީކުރަންޖެހޭ.
ދުވާ
07 September 2019
މިފަހަރު ފުލެޓު ލިބުނުމީހުން ނުދީ އޮޅުވާލައިގެން ގޭސްއަބުރާން ތިއުޅެނީ ތިހަދަންއުޅޭތެތި ވަރަސާފު
ޒަކަރިއްޔާ
07 September 2019
ރޭވުމަކުން ޕާޓީކުދިންނަ ފުލެޓާލާރިކޮޅެއް ލިބޭގޮހަދަނީ....
ސުންަ
07 September 2019
ތިޔަފޯމުންވެސް އިގޭނެހެވާ ނުބާ...
ރެވީ
07 September 2019
ކޮނެޓީއަކާއި ހަވާލުކޮއްގެން ނޭކިޔާފަ ބޮނޑު ލާރިގަޑެއް ނަގަނަވެގެން ރާވާރޭވުމެއް....