އޯ ލެވެލްގައި ދުނިޔެއިން އެއް ވަނަ ހޯދި ދަރިވަރުންނާއެކު، ނައިބު ރައީސް ފައިސަލް ނަސީމް އަދި އެޑިއުކޭޝަން މިނިސްޓަރު ޑރ. އައިޝަތު އަލީ ފޮޓޯއަކަށް ހުއްޓިވަަޑައިގެން.-- ފޮޓޯ: ރައީސް އޮފީސް
12 ސެޕްޓެމްބަރ 2019 - 23:57
28 comments
މިދިޔަ އަހަރުގެ ސާނަވީ އިމްތިހާނުގައި އެކި މާއްދާތަކުން މުޅި ދުނިޔެ އިން އެއް ވަނަ ރާއްޖޭގެ ހަ ދަރިވަރަކު ހޯދައިފި އެވެ.
ސާނަވީ އިމްތިހާންގައި ބައިވެރިވެ ވަނަތައް ހޯދި ދަރިވަރުންނަށް އިނާމު ދިނުމަށް ދަރުބާރުގޭގައި މިރޭ ބޭއްވި ރަސްމިއްޔާތުގައި، އެކިއެކި މާއްދާތަކުން 53 ދަރިވަރަކު ވަނީ ދުނިޔޭގެ ފެންވަރުގައި ހިމެނިފަ އެވެ. އޭގެ ތެރެއިން ހަ ދަރިވަރަކު ދުނިޔޭގެ އެއް ވަނަ ހޯދިކަމުގައި ވިޔަސް މިރޭ އެވޯޑު ދީފައިވަނީ އޭގެ ތެރެއިން ފަސް ދަރިވަރަކަށެވެ.
ދުނިޔެއިން އެއް ވަނަ ހޯދި ދަރިވަރުން
1- އިބްރާހިމް ޔައިޝް ޝާކިރު، ދަރުމަވަންތަ ސްކޫލް، މެރިން ސައިންސުން
2- ޒަޔާން ސައުދުﷲ، ހއ. އުލިގަމު ސްކޫލް، މެތަމެޓިކްސް އިން
3- އަހުމަދު ރަސަލް ތަސްލީމް، އަހުމަދިއްޔާ ސްކޫލް. ބިޒްނަސް އަދި އިކޮނޮމިކްސް އިން
4- ޒަޔާން އަބްދުﷲ ނާޒިލް، އިސްކަންދަރު ސްކޫލް، ބަޔޮލޮޖީންލ
5- އާމިނަތު ލާމިއާ މަގްބޫލް، އިސްކަންދަރު ސްކޫލް، ޓްރެވެލް އެންޑް ޓޫރިޒަމް އިން
6- އަޒްމާން އަބްދުﷲ، ބިލަބޮންގް ސްކޫލް، ސޯޝަލޮޖީން
އޯ ލެވެލް އިމްތިހާނުގައި 6،000 އަށް ވުރެ ގިނަ ދަރިވަރުން ބައިވެރިވި އިރު އޭގެ ތެރެއިން 404 ދަރިިވަރަކު ވަނީ ރާއްޖޭގެ 10 ގައި ހިމެނިފަ އެވެ. ހުރިހާ މާއްދާއަކުން އޭ ސްޓާ ހޯދައިގެން އަށް ދަރިވަރަކު ރާއްޖޭން އެއް ވަނަ ހޯދާފައި ވެ އެވެ.
އޯ ލެވެލް އިމްތިޚާނުން، ރާއްޖެއިން އެއް ވަނަ ހޯދި ދަރިވަރުންނާއެކު ރައީސް އިބްރާހިމް މުހައްމަދު ސޯލިހާއި އެޑިއުކޭޝަން މިނިސްޓަރު ޑރ. އައިޝަތު އަލީ ފޮޓޯއަކަށް ހުއްޓިވަޑައިގެން.-- ފޮޓޯ: ރައީސް އޮފީސް
ރާއްޖެއިން 1 ވަނަ ހޯދި ދަރިވަރުން
1- އަހުމަދު އީޖާޒް ހުސެއިން، ޣިޔާސުއްދީން އިންޓަނޭޝަނަލް ސްކޫލު
2- އާމިނަތު ޖަންނަ، އަމީނިއްޔާ ސްކޫލް
3- އާމިނަތު ނޫހާ ނިމާލް، ކަލާފާން ސްކޫލް
4- ހާޝިމް އިބްރާހިމް. ފ. އަތޮޅު ތައުލީމީ މަރުކަޒު
5- އިބްރާހިމް ޔައިޝް ޝާކިރު، ދަރުމަވަންތަ ސްކޫލް
6- މަރިޔަމްް އިނާން އިބްރާހިމް ރަޝީދު، އަމީނިއްޔާ ސްލޫލް
7- މުހައްމަދު އައިލަމް ހުސެއިން، އަހުމަދިއްޔާ ސްކޫލް
8- ޔޫސުފް ޔާނިއު އަހުމަދު، ޖަމާލުއްދީން ސްކޫލް
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޅަވިޔަނިމީހާ
13 September 2019
ކޮބާ މާމޮޅުކިރާ އިސްކަންދަރު
ވިކިޕީޑިއާ
13 September 2019
އެޑިޔުކޭޝަން މިނިސްޓަރ ހާދަ ލޯބިއޭ!
ފިނރުޓޭ
13 September 2019
ވަރަށް ބޮނޑަށް އައްސަރިބަހާ ސާބަސް ރަންވަނަ ހޯދި ކުދިންނަށް! ބުނެލަން އޮތީ މޮޅެތި މީހުންނަކަށް ނުވާނެއޭ ގިއްގެޅެއްންދެން ޕާސްޓް ޕޭޕަރު ހަދައިގެން ހިތުން ފިލާވަޅުތައް ދަސްކޮށްގެންނެން! މޮޅެތި މީހުންނަށް ވާނީ ތަފާތު ގިނަ ނަޒަރިއްޔާތަކަށް ލިޔެފެ ހުންނަ ފޮތް ކިޔާ، އަމިއްލަ ސިނކުޑިން ފޮތުގަ އޮންނަ އެއްޗަކާ ދޭތެރޭ ވިސްނަން އެނގޭ މީސްމީހުންނަށޭ!
ކިޔަވާދައިތަ
13 September 2019
އެކުދިންވެސް ޖެހޭނީ ވަޒީފާ އެއް ނެތި ތިބެން ބަންގާޅުންނަށް ވަޒީފާ ދި ހުސްވެފަ
އައްދޭދޭ
13 September 2019
މައިންބަފައިންގެ ޒިންމާ އަދާކުރީމަ ހުރިހާކުދިން ކާމިޔާބުވާނެ ބެލެނިވެރިޔާ އިހްލާސްތެރި ވީމަ ސުކޫލަކަށް ބޭނުން ގޮތެއް ނުހެދޭނެ
ސަކީނާ
13 September 2019
ދިރިއުޅުމުގައި ކާމިޔާބުވެ މިލިޔަނަރުން ނުވަތަ ބިލިއަނަރުންނަށް ވަނީ އެންމެ ފަހަތުން ރިޕޯޓް ލިބޭކުދިންކަން ދިރާސާތަކުން ދައްކަނީ. ފާސްނުވި ކުދިންނާއި ދަށުން މާކުސް ލިބުނު ކުދިންނަށް މަރުހަބާ!!!
ކައިޒީން
13 September 2019
އެއްވަނަ ލިބޭ ކުއްޖާ އާއި ދިހަ ވަނަ ލިބޭ ކުއްޖާ އަށް މިދެނީ އެއްވައްތަރު ޓްރޮފީ އެއް. މީތި ކަޑަ އެއް ނު؟ ދެން އަންނަ ފަހަރު މިކަން ރަނގަޅު ކޮއްބަލަ..
ރެޓޭ
13 September 2019
ކޮންމެ މާއްދާއެއް 200 ފަހަރު ޕާސް ޕޭޕަރު ހަދާ ހުކުރެއް ހޮނިހިރެއް ނުބަލާ ކުދިންލައްވާ 24 ގަޑިއިރު ފޮތްކިއުއްވައިގެން ތިހަދާ އިމްތިހާންތަކުން ހަގީގީ މޮޅެތި ދަރިވަރުން ނުއުފުދޭނެ! އަހަރެމެން ވިހެއީން ސުރު ތިޔަ އިމްތިހާނެއް ހަދާ އެކަމަކު މިގައުމުގަ ފަސްޓު ކުލާސް އެކައުންޓެންޓުންނެއް ނުތިބޭ! މޮޅެތި މެޑިކަލް ޑޮކްޓަރުން ތިބީ އެންމެ 2 މީހަކު! ހިސާބު އިލްމުގެ 1 ކަކު. އެހެންވީމާ ތަޢުލީމު ދިނުމުގެ މިސްރާބު ބަދަލު ކުރަން އެބަޖެހޭ!
ފިނރުޓޭ
13 September 2019
ހަމަ އެއްވަަނައިގެ ވާހަކަ އެއް ތީ! މި ދިޔަ ދިހަ ބާރަ އަހަރު އެކި އެކި މާއްދާއިން ދުނިޔޭން އެއްވަނަ ހޯދި ކުދިންތައް ކޮނބާހޭ އަސްލު! ދުނިޔޭގެ ފެންވަރު ދެއްކުނުހޭ އެ ކުދިންނަށް!
ނަންނޭގޭ މީ ކާކު؟
14 September 2019
ޕާސްޕަެޕަރު ހަދައިގެން ވަޒީފާ ލިބޭނެ ނަަމައޭ ދޯ ރީތި ނަމެއްއެބަލިބެއެެއްނު?
ގައުމުގެ ދޫ
13 September 2019
ކުޅިވަރަކުން ވަނައެއް ލިބިއްޖެނަމަ މުޅިގައުމު ކެކިއަރާ، މަރުހަބާކިޔާ. މިލިޔަނުން އިނާމު ހުށައަޅާ. ދިހަ ބާރަ އަހަރުގެ ބުރަ މަސައްކަތުން ކިޔަވައި މޮޅުވެ، ޅަ ދަރިން ވަނަ ހޯދީމާ އިސްކުރަނީ ހަސަދަލުމާއި އެކުދިންނާ ދިމާކުރުން. ސަރުކާރަށްވެސް ދޭންލިބެނީ 250 ރުފިޔާގެ އެވޯޑެއް އެކަނި. އެކުދިން މޮޅުވެ ގައުމަށް ހިދުމަތެއް ކޮށްނުދިނީމާ މިވަރުންވެސް ގޯސްކުރާނީ އެކުދިން. ގައުމުގެ ހާލަތާމެދު ލަދުވެތިވަން.
ދޯފައްޓާ
13 September 2019
އަބަދުވެސް އޮންނާނީ ރާއްޖެ ނުވަތަ ކޮންމެވެސް އެހެން ގައުމަކުން ދުނިޔޭގެ 1 ވަނައަށް މިހާ ދަރިވަރުން ގޮއްސިއޭ. ދެން ކޮންމެ މީހަކުވެސް ބޭނުންވާނީ މިއީ ކިހިނެއް ހިނގާ ކަމެއްތޯ ބަލަން. ބަލާއިރު ދުނިޔޭގެ އެކިތަންތަނުން ދުނިޔެއިން 1 ވަނައަށް ގޮސްގެން އުޅެނީ ޖުމްލަ ކިތައް ދަރިވަރުންތޯ އެނގޭ މީހަކު ދުނިޔެމައްޗަކު ނުހުރޭ، ބޮޑު ސިއްރަކަށް ހަދާފަ އޮންނަނީ.