އައިޝަތު ޝައުނާގެ މަހާނަ ކައިރީ އޭނާގެ ބޭބެ ދުއާކުރަނީ. -- ފޮޓޯ: ސޯޝަލް މީޑިއާ
21 ސެޕްޓެމްބަރ 2019 - 14:12
11 comments
މާލޭގެ ގުދަންތަކެއްގައި ރޯވެގެން ހިނގި އަލިފާނުގެ ހާދިސާގައި ރޭ މަރުވި ތ. ބުރުނީ، ފެންފިޔާޒުގޭ، އައިޝަތު ޝައުނާގެ ޖަނާޒާ މިއަދު ބާއްވައިފި އެވެ.
ހ. ރަދުވާނިއާގޭގައި ދިރިއުޅުނު ޝައުނާ، 46، މަރުވީ އަލިފާން ރޯވެ އެ ގޭގެ ދޮރު ތާށިވެ ނުނިކުމެވިގެން ކަމަށް ވެ އެވެ. އެހީ އަށް އެދި އާއިލާގެ މެމްބަރަކަށް ގުޅި އެވެ. އެކަމަކު ފަޔަ އެންޑް ރެސްކިއު ޓީމަށް ފެނުނުއިރު އޭނާގެ ހަށިގަނޑު އޮތީ ވަރަށް ބޮޑަށް އަނދައިފަ އެވެ.
އޭނާގެ ކަށުނަމާދު އޮތީ، މެންދުރު ނަމާދަށް ފަހު އިސްލާމީ މަރުކަޒުގަ އެވެ. ޖަނާޒާގައި ގިނަ އަދަދެއްގެ ބަޔަކު ބައިވެރިވި އެވެ.
ކުރިން ކައިވެންޏެއްކޮށް ޝައުނާގެ ދެ ފިރިހެން ކުދިން ތިބެ އެވެ. އެ ދެ ކުދިން ދިރިއުޅެނީ ބައްޕައާ އެކުގައި ކަަމަށް ވެ އެވެ. މަންމަ އާއި ބައްޕަ ވެސް މަރުވެފައިވާ ޝައުނާގެ އެއްބަނޑު އެއްބަފާ ހުންނަނީ އެންމެ ފިރިހެނެކެވެ.
އިސްލާމިކް ޔުނިވާސިޓީން ގުރުއާނުން ޑިގްރީ ހަދާފައިވާ ޝައުނާ އަކީ ގުރުއާން ޓީޗަރެކެވެ. ދަރުމަވަންތަ ސްކޫލުގައި ޓީޗަރަކަށް ވެސް އުޅުނު ޝައުނާ ގެންދިޔައީ ކުޑަކުދިންނަށް ގުރުއާން އިލްމު އުގަންނައި ދެމުންނެވެ.
ޝައުނާގެ ފޭސްބުކްގައި ބައެއް މީހުން ލިއެފައިވާ ގޮތުގައި އޭނާ އަކީ ހިތްހެޔޮ، ރަނގަޅު އެކުވެރި އެކެވެ. އާއިލާ އާއި ރަހުމަތްތެރިންނަށް އަޅާލައި ކަންކަން ގާތުން ބަލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަވަޖުދީ
22 September 2019
އެއްވެސް ގުދަނެއް ހަދަން ހުއްދަދޭނެކަމެއްނެތް. އަދި މާލެއިން ވިޔަފާރިކުރުމުގެ ހުއްދަވެސް ދޭންވީ ލުއިކާނާއާއި ކިރުބާވަތްތައް ވިއްކަން 1000 ފޫޓް ދުރުން. މަޖީދީމަގުން އެއްގޮތަކަށްވެސް ވިޔަފާރިކުރުމުގެ ހުއްދަދޭނެކަމެއްނެތް. ވިޔަފާރިއަށް ހުޅުމާލޭ އިރުމަތިން ނޫނީ ވިލިނގިލީ ބިއްދަށުން ސަރަހައްދެއް ހަދާ ފޮތިފިހާރަތަކާއި ފަހާތަންތަނާ ބުކްޝޮޕްތައް ބަދަލުކޮށްފިނަމަ މި މާލޭ ހިނގާލާފަ އުޅެވޭނެ.
މޫސަބޯ
22 September 2019
އިންސާނާ މަރުވުމުން އޭނަގެ ފުރާނަ 25 ޖީގެ ޒަރިއްޔާއިން ދާކަން ވަރަށް ފަހުންވަނީ ސައިންސް ވެރިން ހޯދާފަ، މިކަން ޖެހޭ ގަބޫލު ކުރަން
މޮގޮމްބޯ
22 September 2019
ކަންކަމުގައި ތިޔަބައި މީހުން ކެއްތެރިވާށެވެ. އަޅެފަހެ ކޮންމެ ކަމެއްގައިވެސް އެކަލާގެ މަތިވެރި ނޫރު ވަނީ ކަންކަމުގައި ތިޔަބައި މީހުން ކުރާ ދުއާގެ މައްޗަށެވެ. ފުރާނަޔަކީ އެކަލާގެ މިލްކެކެވެ. އެއަބުރާ އަންނަ ހުށީ އެކަލާގެ ހަޒުރަތަށެވެ.
ވަހީދު
21 September 2019
ޝައުނާގެ ދަރިން ކޮބާތޯ؟
ތުނިޔަ
21 September 2019
އެކުދިންތިބެނީ ބައްޕަކައިރީ...ޖަނާޒާގެ ފޮޓޯތަކުން ފެނޭ ދެކުދިންވެސް..
ހިތް ފަޅެއްޖެ އެވެ...!
21 September 2019
އެއްމެ ފަހު ވަޤުތު ސަލާމަތަށް އެދި ޝައުނާ ގޮވާލި ހަނދާން ޝައުނާގެ ބޭބެގެ ހިތަކުން ނުފިލާނެ އެވެ.އަބަދު އެ އަޑު އިވޭނެ ކަހަލަ އެވެ ޔާ ﷲ! ޝައުނާގެ ފުރާނަށް ހެޔޮ ރަހުމަތް ލައްވާށި އެވެ. ޝައުނާގެ ދެ ދަރިން ނާއި ބޭބެއަށް ކެއްތެރިކަން ދެއްވާށިއެވެ.އާމީން.
ރާފިއު
21 September 2019
ހަތަރު ފުރޮޅިލީ ވެހިކަލްތައް ރަޖިސްޓްރީ ކުރަނީ ގަރާޖެއްގައި މިހެންވީއިރު ކީއްވެތަ މިވެހިކަލްތައް މަގުމަތީގައި ޕާރކްކުރަންވީ ރަގިސްޓްރީކުރި ގަރާޖައް ވައްދާފަބޭއްވޭނެދޯ..އަލިފާން ނިއްވާލަން އެއްމެ އުދަނގޫވީ ވެހިކަލްތަކުގެ ސަބަބުން. މިހާރުން މިހާރަން މިކަންކަމަށް ހައްލު ހޯދަންޖެހޭ..
އިބުރާ
21 September 2019
އެމް އެން ޑީއެފް އިން އަމިއްލަ ތަނައް ފޯމް ޓްރަކެއް ހޯދަންވީނުން ފުރަތަމަ ކޮންމެފަހަރަކު އެއާޕޯޓް ގެ ފަޔަރ ގެސްގެން އަލިފާން ކޮންޓްރޯލް މިކުރެވެނީ އެންވީމަ ތިތަނުގެ ހިންގުން ރަނގަޅު ކުރަން ފެނޭ އެއްކަމެއް ނުކޮއްވެސް
ސަލްމ
22 September 2019
ޢެމްއެންޑީ އެފްގަ ލެޑަރފޯމް ޓްރަކްއޮވޭ ، އެކަމްއެއީ އުސް އިމާރަތްތަކަށް ފޯމް ޖަހަން ބޭނުންކުރާ ފޯމް ލޮރީ ، އެއަރޕޯރޓް ފަޔަރލޮރީ އަކީ ލޭންޓް ލޭންޑްއަށް ދުރަށް ފޯމް ޖެހޭނެ ވެހިކަލްތަކެއް
ހިތް ފަޅެއްޖެ އެވެ
21 September 2019
އަސަރުގަދަ މަންޒަރެއްގެ ފޮޓޯއެކެވެ.
ހެޔޮ ހިތުން
21 September 2019
އެއްމެ ފަހު ވަޤުތު ސަލާމަތަށް އެދި ޝައުނާ ގޮވާލި ހަނދާން ޝައުނާގެ ބޭބެގެ ހިތަކުން ނުފިލާނެ އެވެ.އަބަދު އެ އަޑު އިވޭނެ ކަހަލަ އެވެ ޔާ ﷲ! ޝައުނާގެ ފުރާނަށް ހެޔޮ ރަހުމަތް ލައްވާށި އެވެ. ޝައުނާގެ ދެ ދަރިން ނާއި ބޭބެއަށް ކެއްތެރިކަން ދެއްވާށިއެވެ.އާމީން.