އއ. މަތިވެރީގައި ހުންނަ ބޮޑު ގެސްޓްހައުސް. އެ ތަން ޖާބިރުގެ ކުންފުންޏެއް ކަމަށްވާ ރިޗް ކްލަބް މޯލްޑިވްސް އަށް ދިނުމަށް ޓޫރިޒަމް މިނިސްޓްރީން އޮތީ ނިންމާފައި.
30 ސެޕްޓެމްބަރ 2019 - 10:54
21 comments
އއ. މަތިވެރީގައި ހިންގާ އެންމެ ބޮޑު ގެސްޓް ހައުސް، ރައްޔިތުންގެ މަޖިލިހުގެ ކާށިދޫ ދާއިރާގެ މެމްބަރު އަދި ދިވެހި ރައްޔިތުންގެ ޕާޓީ (ޑީއާރުޕީ) ގެ ލީޑަރު އަބްދުﷲ ޖާބިރުގެ ކުންފުންޏެއް ކަމަށްވާ ރިޗް ކްލަބް މޯލްޑިވްސް އަށް ޓޫރިޒަމް މިނިސްޓްރީން 50 އަހަރަށް ކުއްޔަށް ދީފި އެވެ.
މަތިވެރީ ކައުންސިލުން އެންމެ ފުރަތަމަ އެ ރަށުގެ 21،000 ފޫޓުގެ ބިމަކާއި 25،000 ފޫޓުގެ ބިމެއްގައި ގެސްޓް ހައުސްއެއް ހިންގުމަށް އަމިއްލަ މީހަކާ ދެމެދު އެއްބަސްވުމެއް ހަދައި ކުއްޔަށް ދިނީ 10 އަހަރުގެ މުއްދަތަކަށެވެ. އަދި އެ ދެ ބިމުގައި ބޮޑު އިންވެސްޓްމަންޓަކާ އެކު "ކާސާ މިއާ މޯލްޑިވްސް" ގެ ނަމުގައި ތަނެއް ހުޅުވި އެވެ. ހަތަރު ތަރީގެ ގެސްޓް ހައުސް އަކީ ދިވެހިންނާއި ޓޫރިސްޓުންގެ މެދުގައި މަގުބޫލު ތަނެކެވެ.
އެކަމަކު، ގެސްޓް ހައުސްގެ ވެރިންތަކަކާ ޖެހުނު މައްސަލައެއް ހައްލު ނުވެ އޮއްވައި، އެ ތަން ވަނީ ޖާބިރުގެ ރިޗް ކްލަބަށް އެ އިންވެސްޓްމަންޓް ވިއްކާލައިފަ އެވެ. ނަމަވެސް، މިއަދާ ހަމައަށް އައި އިރު ވެސް، ޓޫރިޒަމް މިނިސްޓްރީން ނުވަތަ ކައުންސިލުން ވެސް އެއްބަސްވުމެއް ހަދައިފައެއް ނުވެ އެވެ.
ޖާބިރު "މިހާރު" އަށް މިއަދު ވިދާޅުވީ މަތިވެރީގެ ދެ ބިމެއް އެއްކޮށްލައިގެން އަމިއްލަ މީހަކު ހެދި ބޮޑު ގެސްޓް ހައުސް އަކީ 100 މިލިއަން ރުފިޔާގެ ބޮޑު އިންވެސްޓްމަންޓެއް ކަމަށެވެ. ޖާބިރު ސިފަ ކުރެއްވި ގޮތުގައި އެ ގެސްޓް ހައުސްއާ އެ ސަރަހައްދަކީ ރިސޯޓަކާ އެއް ފެންވަރެއްގެ ތަނެކެވެ.
ކާށިދޫ ދާއިރާގެ މެމްބަރު އަބްދުﷲ ޖާބިރު މަޖިލިހުގައި ވާހަކަ ދައްކަވަނީ. --- ފޮޓޯ: މަޖިލިސް
އޭނާ ވިދާޅުވި ގޮތުގައި ރިޗް ކްލަބުން މާ ކުރިން އޮތީ އެ "އިންވެސްޓަމަންޓް" ގަނެފަ އެވެ. އަދި ގެސްޓް ހައުސް ރިޗް ކްލަބަށް 50 އަހަރަށް ކުއްޔަށް ދިނުމުގެ އެއްބަސްވުމުގައި ޓޫރިޒަމް މިނިސްޓަރު އަލީ ވަހީދާއި އޭނާއާ މެދު އިއްޔެ ޓޫރިޒަމް މިނިސްޓްރީގައި ސޮއިކޮށްފައިވާ ކަމަށް ޖާބިރު ވިދާޅުވި އެވެ.
އެކަމާ ގުޅިގެން ޓޫރިޒަމް މިނިސްޓަރު އަލީ ވަހީދު "މިހާރު" އަށް ވިދާޅުވީ މަތިވެރި ގެސްޓްހައުސްއާ ގުޅޭ ގޮތުން މިއަދު ބާއްވާ ޕްރެސް ކޮންފަރެންސްގައި މައުލޫމާތު ހިއްސާ ކުރައްވާނެ ކަމަށެވެ. އެކަމަކު، ޖާބިރުގެ ކުންފުންޏަކަށް އެ ތަން ކުއްޔަށް ދިން ވާހަކަ އޭނާ ދޮގު ކުރައްވާފައެއް ނުވެ އެވެ.
އަލީ ވަހީދު އިއްޔެ ބޭއްވެވި ނޫސްވެރިންގެ ބައްދަލުވުމުގައި ވިދާޅުވީ، މަތިވެރި ގެސްޓް ހައުސްގެ މައްސަލައިގައި ދިމާވި ކަންކަން ޑިސްޕިއުޓް މަރުހަލާގައި ހައްލުކޮށްފައިވާ ކަމަށެވެ. އަދި ބަންޑާރަ ނައިބު އިބްރާހިމް ރިއްފަތުގެ ލަފާ ލިބުމާ ގުޅިގެން ގެސްޓް ހައުސްއާ މެދު ގޮތެއް ނިންމާފައިވާ ކަމަށް އޭނާ ވިދާޅުވި އެވެ. އެކަމަކު، އެކަމާ ގުޅޭ އިތުރު އެއްވެސް ތަފްސީލެއް މިނިސްޓަރު ނުދެއްވަ އެވެ.
އެނގިފައިވާ ގޮތުގައި ބަންޑާރަ ނައިބުގެ ލަފާގެ މަތިން ޓޫރިޒަމް މިނިސްޓްރީން ނިންމާފައި އޮތީ މަތިވެރީގައި ހަދާފައި ހުރި ގެސްޓް ހައުސް ރިޗް ކްލަބަށް 50 އަހަރަށް ކުއްޔަށް ދިނުމަށެވެ.
"މިހާރު ހުރި ގެސްޓް ހައުސްއަކީ 100 މީހުންގެ ޖާގައިގެ ތަނެއް. އެތަނުގައި 43 ކޮޓަރި ހުންނަނީ. އަޅުގަނޑުގެ ވިސްނުމަކީ ދުނިޔޭގެ ފެންވަރުގައި އޮޕަރޭޓް ކުރާ ތަނަކަށް ހަދަން،" ޖާބިރު ވިދާޅުވި އެވެ.
"އަޅުގަނޑު ބޭނުން ވަނީ އެ ތަނަކީ ހަތަރު ތަރީގެ ޕްލަސްއަކަށް އެ ތަން ހަދަން."
ޖާބިރު ވިދާޅުވި ގޮތުގައި ރިޗް ކްލަބަށް އެ ގެސްޓް ހައުސް ލިބުމާ ގުޅިގެން މަތިވެރީގައި ތަރައްގީގެ ގިނަ މަޝްރޫއުތަކެއް ހިންގުމުގެ ވިސްނުން ގެންގުޅުއްވާ ކަމަށެވެ. ގެސްޓް ހައުސް ތަރައްގީ ކުރާ އިރު، ދަތުރުފަތުރުގެ ނިޒާމާ އެހެން ކަންކަން ތަރައްގީ ކުރަން ބޭނުންވާ ކަމަށް ވެސް ޖާބިރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޑުބަ
01 October 2019
ހއ.އިން އއ އަށް ޖާބިރު ބަދަލްވީ ރިސޯރޓް ޒޯނު ތެރޭގަ ފައި ހަރުކުރަނީ ޖާބިރަކީ މި ސަރުކާރުގަ އަޑީގަ ހުރި މީހެއް
ަސދސ
30 September 2019
މަޖިލިހުގައި ދެން އަނގަގަދަ ނުކުރާނެ
ޖާބިރޫ
30 September 2019
އިހު އޮތް ދަރަށް
ކޮރަޕްޝަބް ޗޭނު
30 September 2019
ކޮރަޕްޝަނަށް ތުހުމަތު ކުރެވޭ ބަނޑާރަ ނައިބެއްގެ ލަފާގެ މައްޗަށް ޤައުމުގެ ބޮޑެތި މާލީ މުޢާމަލާތް ތަށް ނިންމުމަކީ ކަންބޮޑުވާ ކަމެކެވެ. ރަގަޅު މުޢާމަލާތެއް ކަމާ މެދު ޝައްކު އުފެދޭ ކަމެކެވެ
ވޯލް
30 September 2019
ތިޔަ ޖާބިރު ލޯލާރިއެއްވެސް ނުދޭނެ އޭނައަށް ފައިދާ ނުވާ ގޮތަކަށް، ތިޔަ ރަށަށްވެސް ވާނެ ފައިދާއެއް ނޯންނާނެ ޖާބިރު ފުށުން. އެހެންނެއް ނުން، އެތަން ހިނގީމަ ނުސީދާގޮތުގައި ރަށައި ރަށްޔިތުންނަށް ފައިދާ ވާނެ.
Dhaadhey
30 September 2019
މީހުން އުޅޭ ރަށްރަށްވެސް ޓޫރިޒަމް މިނިސްޓްރީން ކުއްޔަށްދޭ ތަންތަނަށް ހެދީތޯ؟ ކޮބައިތޯ ރަށުކައުންސިލާއި އަތޮޅު ކައުންސިލުގެ ދައުރު. މުޅިންވެސް މާލޭ ސަރުކާރުން ގޮތްނިންމާފައި ހަޑިގަނޑު ކައުންސިލާ މިޙަވާލުކުރަނީ.
ވާލުސޮރު
30 September 2019
މި ހަބަރުން ނޭންގުނު ރަށެއްގެ ބިމެއް ޓުއަރިޒަމް މިނިސްޓްރީން ކުއްޔަށް ދެވުނު ސަބަބެއް، އަނެއްކޮޅުން މަތިވެރި ކައުންސިލުގެ ތަނެއް ކިހިނެތްތޯ ޑިސްޕިއުޓް މަރުހަލާގައި ނިންމީ. ޖާބިރުތޯ އެކަމުގަ އުޅުނީ،
ގަޓް ބްރޯ
30 September 2019
އެއް ޚަބަރަކުން ފެންނާނެ ދައުލަތަށް މިލިއަނުން ދަރާ އެބައޮތޭ އަނެއް ޚަބަރަކުން ފެންނާނެ ދިގު މުއްދަތަކަށް ރާއްޖޭގެ ބިންތަކެއް ޖާބިރަށް ދީފިއޭ. މިވެސް ފާޑެއްގެ އަރަތެއް ތޯއްޗެ!
ޖާބިރު ފަނޑިޔާރު
30 September 2019
ދަނޑުވެރި ކަމަށް ދޭ ފަޅުރަށް ރަށް 21 އަހަރަށް ދެނީ ކީއްވެތޯ؟ ދަނޑުވެރި ކަމަށް ދޭ ފަޅު ރަށް ރަށުގެ މުއްދަތު ވެސް ތަން ކޮޅެއް އިތުރު ކުރަންވީ ނޫން ތޯއެވެ؟ ރުކެއް ހައްދާ ބޮޑު ކުރަން ވެސް 5 އަހަރު ބޭނުން ވެއެވެ އެރުކުން އާއްމު ދަނީ އެއް ލިބެން 10 އަހަރު ބޭނުން ވެއެވެ. ވީމާ 10 އަހަރު ފަނޑުވެރިކަން ކުރަން ޖެހެނީ ގެއްލުމުގައެވެ. ނުވަތަ އެއްޗެއް ނުލިބި އެވެ
ވިދާދު
30 September 2019
ދިޔާނާއަށް އުއްތަމަ ފަނޑިތާރުކަން ނުދީ ތިކަން ހައްލެއް ނުވާނެއެވެ