ރާއްޖެ އާއި މަލިކާ ދެމެދު ލޯންޗު ދަތުރު ފެށުމަށް މަސައްކަތްކުރަނީ

ދިވެހިންތަކެއް މަލިކު ޒުވާނުންތަކަކާއެކު އެ ރަށުގައި: މަލިކަށް ފަސޭހައިން ދެވޭ ގޮތްވުމަކީ ދިވެހިން ދެކޭ ހުވަފެނެއް-- ފޮޓޯ: އަންޑަ ވޯޓާ ޓްރެވަލް ފޭސްބުކް

އާމިނަތު ޝިފްލީން، މިހާރު

23 ސެޕްޓެމްބަރ 2016 - 14:11

30 comments

ކުރީގައި ރާއްޖޭގެ ރަށެއްގެ ގޮތުގައި އޮތް މަލިކާއި ރާއްޖެއާ ދެމެދު ލޯންޗު ދަތުރުތައް ފެށުމަށް އަމިއްލަ ކުންފުންޏަކުން މަސައްކަތް ފަށައިފި އެވެ.

މިހާރު ވެސް ދިވެހިން މަލިކަށް ފޮނުވުމުގެ ހިދުމަތް ދެމުން އަންނަ، އަންޑަ ވޯޓާ ޓްރެވަލް އެންޑް ޓުއާސް އިން ބުނިގޮތުގައި ސްޕީޑު ލޯންޗެއްގައި މަލިކުން ފުރައިގެން ރާއްޖޭގެ އެންމެ އުތުރުގެ ރަށަކަށް ދާން ހޭދަވާނީ ދެ ގަޑިއިރެއްހާއިރެވެ.

އެ ކުންފުނިން ވިސްނާފައިވަނީ ހދ. ހަނިމާދުއަށް ނުވަތަ ހއ. ތުރާކުނަށް ދަތުރު ކުރާށެވެ.

މަލިކުގެ ބަޔަކާ ގުޅިގެން އުފައްދާފައިވާ އެ ކުންފުނީގެ ޑިރެކްޓަރު މުހައްމަދު އިމްތިޔާޒު ވިދާޅުވި ގޮތުގައި ރާއްޖެ އާއި މަލިކާ ދެމެދު ދަތުރު ކުރުމަށް އިންޑިއާގެ ކަމާ ބެހޭ ފަރާތްތަކުން މިހާރު ހުއްދަތައް ވަނީ ލިބިފަ އެވެ. އެކަމަކު އަދި ރާއްޖޭން އެކަމަށް ނުލިބޭއިރު ކަމާ ގުޅޭ ފަރާތްތަކާ އެކު މަޝްވަރާ ކުރަމުން އަންނަ ކަމަށް އޭނާ ވިދާޅުވި އެވެ.

"އިންޑިއާގެ އޮތޯރިޓީތަކުން އޮތީ އެކަމަށް ފެހި ސިގްނަލް ދީފައި. އަޅުގަނޑުމެން އެކަމަށް މަޝްވަރާތައް ކުރާތާ މިހާރު މަހެއްހާ ދުވަސް ވެއްޖެ،" އިމްތިޔާޒު ވިދާޅުވި އެވެ.

ބައިނަލްއަގްވާމީ ކަނޑެއް ހުރަސްކުރާއިރު އެކަމަށް ހޯދަން ޖެހެނީ ބައިނަލްއަގްވާމީ ގަވައިދުތަކަށް ފެތޭ ފަދަ އުޅަނދެކެވެ. އެހެންވެ، އުޅަނދެއް ހޯދުމުގެ މަސައްކަތް ކުރަމުން އަންނަ ކަމަށާއި އެ ލިބުނުހާ އަވަހަށް ދަތުރުތައް ފެށޭނެ ކަމަށް ލަފާ ކުރެވޭ ދުވަހެއް އާއްމު ކުރާނެ ކަމަށް އެތަނުން ބުންޏެވެ.

މަލިކު ޒުވާނުންތަކެއް އެ ރަށު އަތިރިމަތީގައި-- ފޮޓޯ: އަންޑަ ވޯޓާ ޓްރެވަލް ފޭސްބުކް

ވަރަށް ފަހުން ހިދުމަތް ދޭންފެށި އަންޑަވޯޓާ ކުންފުނީގެ ހަވާލުގައި ދިވެހި ދެ ގުރޫޕަކުން މިހާރު ވަނީ މަލިކަށް ގޮސްފަ އެވެ.

އިމްތިޔާޒު ވިދާޅުވި ގޮތުގައި މަލިކަށް ދާން ބޭނުން ދިވެހިން އަމިއްލަ ޓިކެޓުގައި އަންނަން ޖެހޭނީ އިންޑިއާގެ ކޮޗިންއާ ހަމައަށެވެ. އޭގެ ފަހުން، އެ މީހުންނާ ކުންފުނިން ހަވާލު ވާނެ ކަމަށާއި މަލިކަށް ގޮސް އެނބުރި އަންނަން ދެން ތިބޭނީ އެތަނުގެ ހަވާލުގައި ކަމަށް އޭނާ ވިދާޅުވި އެވެ.

ކޮޗިންގައި ތިބުމާއި މަލިކުގައި ހަތް ރޭ މަޑުކުރުމާއެކު މުޅި ޖުމްލަ 11 ރޭގެ އެ ޕެކޭޖު އެ ކުންފުނިން ވިއްކަނީ 750 ޑޮލަރާއި 800 ޑޮލަރުގެ އަގެއްގަ އެވެ. އެކަމަކު ގިނަ ބަޔަކު ބައިވެރިވާ ނަމަ އެއަށް ވުރެ އަގުހެޔޮ ވާނެ ކަމަށް އިމްތިޔާޒު ވިދާޅުވި އެވެ.

"ކޮޗިން އިން މަލިކަށް ފެރީގައި ދެވޭނީ 12 ގަޑިއިރުން. އެކަމަކު އަޅުގަނޑުމެން ޕެކޭޖުގެ ދަށުން ދަތުރު ކުރާއިރު ބައިވެރިންނަށް ފެރީގައި އެއާކޮންޑިޝަން ކެބިންއެއްގައި ތިބެވޭނެ،" އޭނާ ވިދާޅުވި އެވެ.

މި ޕެކޭޖުގެ ދަށުން މަލިކުގެ އެކި ތަންތަނަށް ޒިިޔާރަތް ކުރުން ވެސް ހިމެނެ އެވެ.

ރާއްޖޭގެ ރަށެއްގެ ގޮތުގައި ކުރިން އޮތް މަލިކުގެ ގުރޫޕެއް، އީދު ފާހަގަ ކުރުމަށް މިދިޔަ ބޮޑު އީދުގައި ހއ. އިހަވަންދުއަށް ވަނީ ގޮސްފަ އެވެ.

އިންޑިއާ މަލިކު މަލިކު

30 ކޮމެންޓް, 258 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިޒާ

25 September 2016

ތިއީ އަހަރެންވެސް ވަރަށްޝައުޤްވެރިވާކަމެއް ތިފަދަ ދުވަހެއް ފެނިއްޖެނަމަ އަހަރެންވެސް މަލިކަށް ދެވޭތޯ މަސައްކަތް ކުރާނަން ވަރަށް މަލިކުދެކޭހިތްވޭ އެއީކުރިން ރާއްޖޭގެ ރަށެއްކަމުގައި ކިޔުއްވާތީ އިތުރަށް ޝައުޤްވެރި ވެއްޖެ ﷲ ގެ ވާގިފުޅާއެކު ތިކުރައްވާ މަސައްކަތްޕުޅު ކާމިޔާބު ކުރައްވާށި .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލިކުބެ

24 September 2016

އެހެން ކަމަކާ އުޅުބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޒާމް

24 September 2016

ތި ދަތުރު ހއ. ދިއްދޫން ފުރާގޮތަށް ހަމަޖައްސަން ވީނުން އަތޮޅުގެ އެންމެ ވަރުގަދަ ފެރީ ޓާރމިނަލް ޓްރާންސްޕޯރޓުން ހަދާފަ ހުރީ އެރަށުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

24 September 2016

އަޑުއެހިން ތިތަނަށް ދާ މީހުން ތިބެންޖެހެނީ އިރިއޮއްސި 6 ން އަނެއްދުވަހު ހެނދުނު 6 އަކަށް ހޮޓަލުން ބޭރަށް ނުދެވޭގޮތަށް ބަންދުވެފައޭ. ރޭގަނޑު ބޭރަށް ނުކުތުން މަނާ. މީ ހަމަ ތެދެއްބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތަން

24 September 2016

މިދަތުރު ރާވާ ބޭފުޅުންނަށް ރާއްޖޭގެ ދަތުރުފަތުރާއި ބަނދަރުތަކުގެ މައުލޫމާތު އެކަށީގެންވާ ވަރާ ގާތަށްވެސް ލިބިފައިނެތްކަން ފާހަގަ ކުރެވެއެވެ. ތުރާކުނަށް ނުވަތަ ހަނިމާދުއަށް ރާއްޖެކޮޅުން ދަތުރުތައް ހަމަޖައްސަން ގަސްތުކުރާއިރު، ތުރާކުނާ ޖެހިގެން، ސްޕީޑް ލޯންޗްގައި އެންމެ ދެމިނެޓުން ދެވޭ ހިސާބުގައި އޮތް އުލިގަމަކީ ކަނޑުމަގުން ރާއްޖެއަށް އެތެރެވުމާއި ބޭރުވުމަށް ފުރިހަމަކުރަންޖެހޭ ރަސްމީ ހުރިހާ ކަމެއް ފުރިހަމަ ކުރެވޭ ރަސްމީ ބަނދަރެކެވެ. ކަސްޓަމްސް، އިމިގްރޭޝަން، ކޯސްޓް ގާޑު، ޕޯރޓް ހެލްތު ގެ ޚިދުމަތް އުލިގަމުގައި ދެމުން އަންނަތާ އެތަކެއް އަހަރުވެ، އެ ޚިދުމަތްތައް ހޯދައިގެން ރާއްޖެއާއި ރާއްޖޭން ބޭރުގެ އެތަކެއް އުޅަނދުފަހަރު ކޮންމެ އަހަރަކުވެސް އުލިގަމު ބަނދަރުން ދަތުރުކުރާއިރު، މަލިކު ދަތުރު ރާވާ ރާއްޖެ ބަޔަކަށް މިވަރު ނޭނގުނީމާ ދެރައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިން

24 September 2016

މަލިކުން 2 ގަޑި އިރުން ހއ އަތޮޅައް އަންނަން ނަގަނީ އެކަމަކު ކޮޗިން އިން މަލިކައް ދާން 12ގަްޑިއިރު ނަގާ ، އަދިވެސް ރާއްޖޭގެ ރަށަކައް ހަދަން ބޭނުނުނަމަ އެކަން ކުރެވޭނެޔޭ ، ރާއްޖެޔާ ބޮޑައްކާރީ މަލިކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނޮން.

24 September 2016

މަލިކު މީހުން ހަލާކުކުރަން ނޫޅޭ. ކިހާ ހިތްހައިމު އެތަން އަދި އެމީހުންގެ ލައިފް ރާއްޖެއާއި އަޅާ ބަލާއިރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކްރިޓިކަލް

24 September 2016

1000 ޑޮލަރު ދީފަވެސް ހަމަ ދާން މިހުރީ... ލައްކަ ތަންތަނައް ދެވިއްޖެ، ރާއްޖޭގެ ހުރިހާ އަތޮޅުތަކައް އަދި އިންޑިޔާ ކަނޑުގައި އޮންނަ ރީޔުނިއަން، މޮރިޝަޝް، ސީޝެލެސްއައްވެސް ދެވިއްޖެ... ދިވެހީން ދަންނަ އިހުގެ މިނިކާ ރާއްޖެ (އެންޑަމަން އެން ނިކޮބާ އައިލެންޑްސް) އައްވެސް ދެވިއްޖެ... ދެން އޮތީ މަލިކު އަތޮޅު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭނުމީ މިނިވަންކަން / އައްޑޫ ސިޓީ

23 September 2016

މިހާރު ނޫހަށް ''މަލިކު'' މުހިންމުެ ވެގެން މަލިކުގެ ހަބަރުތައް މިހާ ގިނައިން ޖަހަންޖެހުނު ސަބަބަކީ ކޮބާތޯ ؟؟ !! . . . ކިތަންމެ ވަރަކަށް ''މަލިކަކީ ދިވެހިންގެ ތަނެކޭ'' އަހަރުމެން ކީ ކަމުގައި ވިޔަސް އަދި ސަރުކާރުގެ ފަރާތުން ނުސިޔާރުކޮށް އެވާހަކަ ދެއްކި ކަމުގައި ވިޔަސް ''ދިވެހި ރާއްޖޭގެ ދިދައިގެ ދަށަށް'' އަންނާކަށް މަލިކު މީހުން ކުރިންވެސް ރާއްޖޭގެ ރަށެއްގެ ގޮތުގައި އޮންނާން ބޭނުން ނުވިފަދައިން މިހާރުވެސް ރާއްޖޭގެ ދިދައިގެ ދަށަށް އަންނާކަށް ނޭދޭ. . . . . އަދި އަހަރުމެން ''ދިވެހިންނަށް'' އިންޑިޔާގެ ކިބައިން މަލިކު ''ޖަހައިގަތުމުގެ'' ބާރެއްވެސް ލިބިފައި ނެތް. . . ރަގަޅުވާނީ އިތުރަށް މަލިކުގެ ވާހަކަ ނޫހުގައި ޖަހައި އިންޑިޔާ ''ރުޅިއެރުވުމުގެ ބަދަލުގައި'' ތިވާހަކަ ނޫސްތަކުގައި ލިއުން ހުއްޓާލުން. . . މިނިވަންކަން ، އައްޑޫ ސިޓީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާޢީލް

24 September 2016

މިނިވަންކަމަކީ ހަތަރެސްފައި ބަނދެވި، ޖެހިގެންއޮތް ރަށަށްވެސް އައުމުގެ ފުރުސަތު ގެއްލި، އެކަހެރި ދިރިއުަޅުމެއްގައި މުަޅި އުމުރު ހޭދަކުރުންތަޯ؟ މިނިވަންކަމުގެ އަގުވަޒަން ކުރެވޭނީ މިނިވަންކަން ގެއްލި ދިޔުމުން. ދާދި މިދާކަށް ދުވަހު، އިންޑިޔާގެ ކޮަށްމެވެސް ސްޓޭޓެއްގައި މުސްލިމުން ކައްކާ ބިރިޔާނީއަށް ގެރިމަސް އަޅާފައި ހުރިތަޯ އެތަނުގެ ފުލުހުން ޗެކުކުރުރި ވާހަކަ އަޑުއެހިން! އަޅުވެތިކަމަކީ ހިތްދަތި ކަމެއް!