މިދިޔަ މަހުގެ 20 ގައި މާލޭގައި ރޯވި އަލިފާންގަނޑު ކޮންޓްރޯލް ކުރުމަށް ވެލާނާ އިންޓަނޭޝަނަލް އެއާޕޯޓުގެ ފަޔާ ޓީމުން ކުރި މަސައްކަތުގެ އަގުވަޒަން ކުރުމަށް ރޭ ބޭއްވި ހަފުލާގައި މިނިސްޓަރު މާރިޔާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
04 އޮކްޓޯބަރ 2019 - 08:31
14 comments
ރާއްޖޭގައި އަލިފާން ނިއްވުމުގެ ޚިދުމަތް ސިވިލް ބަޔަކަށް ހެދުމަށް ބޭނުންވާ ވަސީލަތް އެކަށީގެންވާ ވަރަށް ނެތް ކަމަށް ޑިފެންސް މިނިސްޓަރު މާރިޔާ އަހުމަދު ދީދީ ރޭ ވިދާޅުވެއްޖެ އެވެ.
މިދިޔަ މަހުގެ 20 ގައި މާލޭގައި ހިނގި އަލިފާނުގެ ބޮޑު ހާދިސާގައި ވެލާނާ އިންޓަނޭޝަނަލް އެއާޕޯޓުގެ ފަޔާ ޓީމުން ކުރި މަސައްކަތުގެ އަގުވަޒަން ކުރުމަށް ބޭއްވި ހަފުލާގައި މިނިސްޓަރު މާރިޔާ ވިދާޅުވީ، އަލިފާން ނިއްވުމުގެ ޚިދުމަތް ސިވިލް ބަޔަކަށް ބަދަލު ކުރުމަށް ބައެއް ފަރާތްތަކުން އެދެމުން އަންނަ ކަމަށެވެ. ނަމަވެސް އެގޮތަށް ހަދައިފި ނަމަ ރާއްޖޭގައި މިހާރު ހުރި ވަސީލަތްތަކުން ނުފުއްދޭނެ ކަމަށް މިނިސްޓަރު ވިދާޅުވި އެވެ.
"އެމްއެންޑީއެފް ގައި ފަޔާ ސާވިސް އެއް. ފަޔާ ބްރިގޭޑެއް. ސިވިލް ހިދުމަތެއްގެ ގޮތުގައި ކޮންމެ ރަށެއްގައި ފަޔާ ސާވިސްއެއް. މި ގޮތަށް ބަހައްޓަން ޖެހިއްޖިއްޔާ އަޅުގަނޑުމެންގެ ވަސީލަތްތައް އެބަ ޖެހޭ ބަހާލަން،" މިނިސްޓަރު ވިދާޅުވި އެވެ.
މާރިޔާ ވިދާޅުވި ގޮތުގައި، އެމްއެންޑީއެފްގެ ދަށުގައި ފަޔާ އެންޑް ރެސްކިއު ސާވިސް އޮންނާތީ ބައެއް މީހުންގެ ފާޑުކިޔުންތައް އެބަހުއްޓެވެ. އެގޮތުން އެ ހިދުމަތަށް ލިބެން ޖެހޭ އެހީތެރިކަން އެމްއެންޑީއެފްގެ ފަރާތުން ނުލިބޭ ކަމަށް މީހުން ބުނަމުން ދާ ކަމަށް މިނިސްޓަރު ވިދާޅުވި އެވެ.
އޭނާ ވިދާޅުވީ، ރާއްޖޭގައި އަލިފާން ނިއްވުމުގެ ޚިދުމަތަށް އެހީތެރިކަން ބޭނުންވާ ނަމަ އެކަން ބޭރުގެ ގައުމުތަކުން ލިބޭނެ ކަމަށެވެ.
"އަޅުގަނޑު ކައިރީގައި ވާހަކަ ދައްކަވާ ބޭފުޅުން ހަމަ ވިދާޅުވޭ އެމްއެންޑީއެފް ދަށުގައި ފަޔާ އެންޑް ރެސްކިއު އޮތީމާ އެ ލިބެން ޖެހޭ އެހީތެރިކަން ނުލިބެއޭ. އަޅުގަނޑަށް ދެންނެވޭނީ އޭގައި ބޭނުންވަނީ ޕޮލިޓިކަލް ވިލް އެކޭ. އެހީތެރިކަން ބޭރު ގައުމުތަކުން ފޯރުކޮށްދޭ،" މިނިސްޓަރު މާރިޔާ ވިދާޅުވި އެވެ.
މިނިސްޓަރު ވިދާޅުވި ގޮތުގައި، އަލިފާނުގެ ހާދިސާތަކަކީ ރާއްޖޭގައި މަދުން ހިނގާ ކަމަކަށް ވާތީ، އެ ކަމަށް ހާއްސަ ކޮށްގެން ސިވިލް ބަޔަކު ތިބުން މުހިންމެއް ނޫނެވެ. އެމްއެންޑީއެފްގެ ފަޔާ ޓީމުން ފަޔާ އެންޑް ރެސްކިއުގެ އިތުރުން އެހެން ކަންތައް ކުރާކަން ފާހަގަކުރައްވައި މިިނިސްޓަރު ވިދާޅުވީ އެއީ ރާއްޖޭގެ ވަސީލަތްތައް ބެހުމަށް އޮތް ރަނގަޅު ހައްލު ކަމަށެވެ.
ހުރިހާ ހިދުމަތަކީ ވެސް ރައްޔިތުންގެ ފައިސާ އިން ކުރިއަށް ގެންދަން ޖެހޭ ހިދުމަތްތަކަށް ވުމުން އިގްތިސާދަށް އެންމެ ފައިދާ ކުރާނެ ގޮތަކާ މެދު ވިސްނުން މުހިންމު ކަމަށް ވެސް މާރިޔާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރިނބީ
04 October 2019
އަލިފާން ނިއްވަން އުޅޭ ކޮންމެ މީހަކީ އަސްކަރީ ތަމްރީނު ހަދާފައިހުރި މީހަކަށްވުން މުހިއްމެއްނޫން. ކާރިޘާތަކަށް ޚާއްޞަ މަދަނީ މުއައްސަސާއެއް މުހިންމު، މިކަން ނުވަންޏާ އެންމެ ކުޑަމިނުން ފުލުހުންގެ ތެރޭގައި ކާރިޘާތަކަށް ޚާއްޞަ ގޮތްޕެއް އޮތުން މުހިއްމު.
ޙަލީމު
05 October 2019
އެކި ނަންނަ މުގައި ފުލުހުން ތިކުރާ ކެ މްޕެއިން ކާ މިޔާބެއް ނުވާނެ. އެން މެ 6 ކިލޯ މީޓަރގެ މާލެ ނުބެލެހެއްޓިގެން އުޅޭ ބަޔަކަށް އަލިފާން ނިއްވަން ހަވާލުކޮށްފިނަ މަ ވާނެގޮތް އެނގޭ.
ބޮޑުމީހާ
04 October 2019
އެއްވެސް ކަމެއް އެބަވޭތަ؟ މުޅިން އޮންނަނީ މޮޅެތި ވާހަކަ ދެއްކުން. ދެން ބުނާނެ ޕްލޭނޭ. އިންޓަރނެޓް އަގުހެޔޮ ކުރަން ޕްލޭން އައިގޮތްވެސް އެގިއްޖެ.
ސިވިލް
04 October 2019
ވަރަށް ސިވިލްވެގެން އަލިފާން ނިއްވޭނީ އެކަމަކި. ގެއްލުން ކުޑަކުރެވޭނީ ސިވިލްވެގެން.
ބުރިޖް
04 October 2019
އަލިފާން ނިންވުނީ ކުޑަ ވަގުތު ކޮޅެއްތެރޭ އެއާޕޯރޓް ފަޔަރ ލޮރީ އަށް އާދެވިގެން. މީގަ ބުރިޖްގެ ބޮޑު ރޯލެއް އެބައޮތް. ޝުކުރިއްޔާ ޔާމީން.
ހުނިގޮނޑި
04 October 2019
އަލިފާން ރޯވާނީ މާލޭގަ އެކަނިތަ.
ދައްސޫރަ
04 October 2019
އަލިފާން ރޯވީމމމމ މަ ނިއްވާކަށްވެސް މުހިން މެއްނޫ އަނދާބަޔަކާ އަނދާތަނަކާ އަނދާހުލިވީ މަ ނި މުނީ ޑިފެންސް މިނިސްޓަރ ހުންނާނެ ބައްލަވާލަށްވަން
ހުނިގޮނޑި
04 October 2019
200 ރަށުގަ މީހުންއުޅޭއިރު ކ އަތޮޅު އެންމެ ރަށަކަށް ހުރިހާ އަލިފާންނިވާ ސާމާނު ފުނިޖަހައިގެން ހެވިފަ އެތިބީ. މިރަށު އުނދުނެއްގަ ރޯވިއަސް އަލިފާންނިވާ ބަޔަކަށް އާދެވޭނީ އަނެއްދުވަހު.
މާއިރާ
04 October 2019
މާލޭގަ ލޮނު ހޮޅި އަޅާފަ ބެހެއްޓުން މުހިންމުތަ؟ މުހިއްމެއް ނޫން މުހިންމު ވާނީ ކޮންމެ މެންބަރަކަށް ދެ މަގާމް އޭނާ ބުނާ މީަހަކަށް ހަމަޖެއްސުން
ގެދާނޯމޮސް
04 October 2019
ކޮންދުވަހަކުން ތޯ ތިތާތިބޭ ބްރި ގޭޑިޔަރ މީހުންނަށް ކެމިކަލް ގުދަންތައް ރޯވީމާ ފެނުގެ ބަދަލު އަނގައިން ފުމެގެން އަލިފާން ނިއްވަން ވިސްނޭނީ :
އައްބޭބެ
04 October 2019
އެމްޑިޕީގެ ވެރިކަމުގެ ފުރަތަމަ އަހަރު ރައީސް ނަޝީދު ތިޔަބުނާ ސިވިލް ފަޔާރ ސަރވިސްއެއް ފަށައި ކުޅުދުއްފުށީގައި ތިބި ފަޔަރ މަނުން އެއްބަޔަކު ކަނޑާލައި އަނެއްބަޔަކު އެއްއަހަރުގެ ކޮންޓްރެކްޓު ވަޒީފާއަކަށް ބަދަލުކޮށް ގަތްގަނޑެއްގަތީ. އެހެންވީމައި މާރިޔާ ތިޔަ ގަޅިއުއްކެވުނީ ނަޝީދުއަށް ދެއްތޯ!
ނީރާ
04 October 2019
ދިވެހިރައްޔިތުންގެ އަސާސީ ބޭނުންތަކަށްވުރެ މުހިންމު އެއްކަމެއްވެސް ސަރުކާރަކަށް އޮވެގެނެއް ނުވާނެ. ރައްޔިތުންގެ ފުރަތަމަ ސަލާމަތާ ރައްކާތެރިކަމަކި އަލިފާން ނިއްވާނެ ވަސީލަތްތަކެއް ނޫން. ރައްޔިތުންގެ ފުރަތަމަ ސަލާމަތާ ރައްކާތެރިކަމަކީ ބަނޑުފުރާނަ މުއްތިކުރުން. ކާނާޔާ ބޯފެނާއެކު ހަމަނިދި ލިބުން. މިކަމަށް ބޭނުންވަނީ ގެދޮރުގެ އަގުތައް ކޮންތްރޯލްކޮށް ކަރަންޓާ ފެނުގެ އަގު ކުޑަކުރުން. އޭގެ ފަހުގަ އެހެން ވަސީލަތްޔައް ޤާއިމުކުރަނީ. މީ ހެޔޮވެރިކަމކީ.