ކޯސްޓްގާޑާއި ފުލުހުން ހިންގި އޮޕަރޭޝަންގައި ބޭރުގެ ބޯޓު ހިފަހައްޓަނީ: އެ ބޯޓުގައި ކޮން ބައެއް ކަން ނޭނގޭ ހަ މީހަކު އެބަތިބި ކަމަށް ފުލުހުން ބުނޭ -- ފޮޓޯ/އެމްއެންޑީއެފް
07 އޮކްޓޯބަރ 2019 - 18:33
20 comments
ރާއްޖޭގެ ކަނޑުގެ ސަރަހައްދުން 150 ކިލޯގެ މަސްތުވާތަކެއްޗާ އެކު ދަތުރު ކުރަމުން ދަނިކޮށް އަތުލައިގަތް ބޭރުގެ ބޯޓުގައި ކޮން ބައެއް ކަން ނޭނގޭ ހަ މީހަކު އެބަތިބި ކަމަށް ފުލުހުން މިއަދު ބުނެފި އެވެ.
މިދިޔަ ހޮނިހިރު ދުވަހުގެ ރޭ ފުލުހުންނާއި ކޯސްޓްގާޑް ގުޅިގެން ހިންގި އޮޕަރޭޝަނެއްގައި ރާއްޖޭގެ ކަނޑުގެ ސަރަހައްދުން، ހއ. ތުރާކުނާ ދިމާލުން ވަނީ މަސްތުވާތަކެތި ހުރި ބޭރުގެ ބޯޓެއް އަތުލައިގެންފަ އެވެ. އަދި އެ ބޯޓުން މަސްތުވާތަކެތި ނެގުމަށްޓަކައި ދަތުރުކުރި ކަމުގެ ތުހުމަތުގައި ރާއްޖޭގެ ދޯންޏެއް ވެސް ފުލުހުން ވަނީ ހިފަހައްޓައިފަ އެވެ.
ފުލުހުން ބުނިގޮތުގައި އެ އޮޕަރޭޝަންގައި ހިފެހެއްޓި ބޭރުގެ ބޯޓުގައި ކޮން ބައެއް ކަން ކަށަވަރު ނުވާ ހަ މީހަކު ތިބިކަން މިހާތަނަށް ފާހަގަ ކުރެވޭ ކަމަށާއި އަދި އެ އޮޕަރޭޝަންގައި ހިފެހެއްޓި ދިވެހި ދޯނީގައި ދެ ދިވެއްސަކާއި ބަންގްލަދޭޝްގެ ދެ މީހަކު ތިބި ކަމަށް ވެސް ފުލުހުން ބުންޏެވެ.
އެކަމަކު ބޭރުގެ އެ ބޯޓަކީ ކޮން ގައުމެއްގެ ބޯޓެއް ކަން ފުލުހުން ހާމައެއް ނުކުރެ އެެ.
ފުލުހުން ބުނިގޮތުގައި އެ ދެ އުޅަނދު ވެސް މާލެ ގެނައުމުގެ މަސައްކަތް ދަނީ ކުރަމުންނެވެ. މިރޭގެ ވަގުތެއްގައި ދޫނިދޫއަށް އެ ދެ އުޅަނދު ވެސް ގެނެވޭނެ ކަމަށް ލަފާ ކުރެވޭ ކަމަށް ފުލުހުން ބުންޏެވެ.
ދާދިފަހުން ވެސް ރާއްޖެއަށް 49 ކިލޯގެ މަސްތުވާތަކެތި ހިފައިގެން އައި އީރާނުގެ ބޯޓެއް ވެސް ވަނީ ހިފަހައްޓައިފަ އެވެ. އެ މައްސަލާގައި އީރާނުގެ ފަސް މީހެއްގެ މައްޗަށް ދައުލަތުން ވަނީ ދައުވާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮންފަދަ
09 October 2019
އިރާނުގެ ބޯޓެއްވީމަ ގައުމުގެ ނަން ހާމަކުރެވިފަ މިފަހަރުގެ ބޯޓުގެ ގައުމު ހާމަނުކުރެވެނީ ހާދަ ކަމެއް ހުރީމައޭ...ދެން ތިބި ގޮތް ނޭނގޭ މީހުން ވާނީ މަތިން ކޮންމެވެސް ދިމާލަކުން އެ ބޯޓަށް ވެއްޓުނު ބަޔަކަށް.
ކޮލެޖު ބޯއި
09 October 2019
ކޮން ބައެއް ކަން ނޭގޭ މީހުން ތިބުން އެއީ މައްސަލަ އެއްތަ؟ މަނީ ލޯންޑްރިންގް ހިންގި ބަންގްލަދޭޝް މީހުން ވެސް ތަހުގީގު ނުކޮށް ޑިޕޯޓްކޮށްލި އިމިގްރޭޝަން އަކަށް ތިޔަ ގޮތް ނޭނގޭ މީހުން ގަވައިދަށް ފައްތާފަ ވީސާ ދޭން އުނދަގުލެއް ނުވާނެ. މައްސަލައަކަށް މިވަނީ އަހަރެމެން ގުނބޯ ހައްދަން މިކަހަލަ ވާހަކަ މީޑިއާ އަށް ތިލަކުރާތީ. ދެން އަނެއްކޮޅުން މިބާވަތުގެ މައްސަލަ ހުސް. އެހެންވީމަ މީޑިއާ އިން ފޮލޯއަޕް ހަދާފަ ނުހަދާނީ ވެސް ވަކި ކޮން މައްސަލަ އެއް؟
ރައްޔަތުމީހާ
09 October 2019
ކޮންބައެއްކަން ނޭނގޭ މީހުންގެ (ނަމާ އުމުރާ އުފަންރަށާ) މުއްދަތު ޖަހަނީ ކޮން ގާނޫނެއްގެ ދަށުންބާ؟ " އޭ! ކަލޭ 15 ދުވަހަށް ބަންދުކުރަން އަމުރުކޮށްފިން!" މިހެންތޯ؟ ކޮންތަނެއްގެ ބޯޓެއްކަމެއް ނޭނގޭ. ކޮންބައެއްކަމެއް ނޭނގޭ. 3 ގޯންޏެއްގައި ހުރި ޝައްކުކުރެވޭ އެއްޗެއް. މިނޫންވަރެއް ވޭތަ އެބަ. މި"ސްޓޯރީ" މިހިސާބުން ނިމުނީ. މީގެ ފޮލޯއަޕް އެއްކުރާނެ ނޫހެއް ވެސް މިތާކުނޫޅޭ. ވާނުވާގަ މީހުންތަކެއް ބަންދުގަ އެތިބެނީ މިހެންވެ.
އާދު
08 October 2019
ތިއެންމެނާހަވާލުވޭ މިނިސްޓަރ ވަރައްހާލު އުޅޭބައެއް އެއީ
ސްޓޭޑިއަމް
08 October 2019
ބަންގްލަދޭޝްގެ ދެ މީހުން ވާނެ ރަޖިސްޓްރީ ކޮއްލަން
ސޯބު
08 October 2019
ބޭކާރު ކަމެއް. މާދަމާ ކޯޓުން ދޫކޮށްލާނެ. މަށަށް އެނގޭހާވެސް އެއްޗަކީ ތީގައި ތިބި މީހުންގެ ފޯނާއި މުވާސަލާތީ ވަސީލަތްތަކުން ތިމީހުން ކޮންޓެކްޓް ކުރަމުންދިޔަ މީހުން ދެނެގަނެވޭނެކަން. މިކަހަލަ ޝިޕްމެންޓްތަކެއް ޑީލެއް ނުކުރެވޭނެ އައިދާގެ މީހަކަށް.
ތުނިޔަ
07 October 2019
ތިހެން ކުރިން ހިފެހެއްޓި އީރާނު ދިދަޖެހި ބޯޓުގެ ދެފަޅުވެރިންވެސް ބަލި ހާލަތު ހުރިގޮތުން ދައުވާނުކުރާގޮތަށް ނިން މާ މިނިވަންކޮށްލީ! ތިމީހުންވެސް ބަލިހާލުގަ އަމުދުން ކޮންބައެއްކަމެއްވެސް ނޭނގޭބައެއް...ދެން ކިހިނެތްވާނީ؟
ބަނބޫ
07 October 2019
ކޮންބައެއްކަމެއް ނޭގެންޔާ އެއީ ތިބިބަޔަކަށްވެސް ނުވާނެ. ވަރަށް ވާހަކަ
222222
07 October 2019
ހިތާމައިގެ ކޮޅެއް ނެތް. ތީގޭ މާނައަކީ ރާއްޖެއަކީ ޑްރަގް ދުނިޔޭގެ ނެޓްވޯރކްގެ އެއްބޮޅޭ. އެަކަން ކޯޑިނޭޓް ތިވަރަށް ކުރެވޭނީ ރާއްޖޭގެ ވަރަށް ބޮޑެތި އެކި ދިމަ ދމާލުން ބޮޑުންގެ އެހީތެރިކަމާއެކު. ވަރަށް ލާޜިވެސް ބޭނުންވާނެ. އެވަރަށް ލާރި ދެވޭނީޯ މަދު ބަޔަކަށް. މިމައްސަލަ ދޫނުކުރާތި
ގަޓް ބްރޯ
07 October 2019
ދެން އެ 6 މީހުން ގެނެސް ރާއްޖޭގެ ގަވައިދަށް ފައްތާފަ ސަރުކާރުން ހަވާލުވީމަ ހުންނާނީ ރަނގަޅަށް.