ޓޫރިޒަމް ފުޅާކޮށް، އާއްމުންނަށް ފައިދާ ހޯދައި ދެވޭނީ ގެސްޓްހައުސް ވިޔަފާރިން: މުނައްވަރު

މިއަދު ކުރިއަށް ގެންދާ ގެސްޓްހައުސް ކޮންފަރެންސްގެ ތެރެއިން މިނިސްޓަރު މުނައްވަރު (ވ)، ބީއެމްއެލްގެ ސީއީއޯ އެންޑްރޫއާ ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

އަލީ ނާފިޒް، މިހާރު

24 ސެޕްޓެމްބަރ 2016 - 12:29

14 comments

ރާއްޖޭގެ ޓޫރިޒަމް ސިނާއަތް ފުޅާކޮށް، އާއްމުންނަށް އޭގެ ފައިދާ ލިބޭނެ ގޮތަކީ ގެސްޓްހައުސް ވިޔަފާރި ކަމަށް ފިނޭންސް މިނިސްޓަރު އަހުމަދު މުނައްވަރު މިއަދު ވިދާޅުވެއްޖެ އެވެ.

ރާއްޖޭގައި ބާއްވާ ފުރަތަމަ ގެސްޓްހައުސް ކޮންފަރެންސް ފެށުމުގެ ރަސްމިއްޔާތުގައި މުނައްވަރު ވިދާޅުވި ގޮތުގައި ރާއްޖޭގެ ޓޫރިޒަމް ސިނާއަތް ކުރިއަރަމުން ގޮސް، ދުނިޔޭގެ އެންމެ މަގުބޫލު މަންޒިލަށް ރާއްޖެ ވަނީ ވެފަ އެވެ. އެކަމަކު، މިދިޔަ ފަންސާހަކަށް އަހަރު ދުވަހުގެ ތެރޭގައި އައި އެ ތަރައްގީގެ ފައިދާ އެންމެ އެދެވޭ ގޮތުގައި އާއްމުންނަށް ކޮށްފައި ނުވާ ކަމަށް އޭނާ ވިދާޅުވި އެވެ.

ގެސްޓްހައުސް ވިޔަފާރި އަންނަނީ، މުނައްވަރު ފާހަގަކުރެއްވި ގޮތުގައި، އެ ހަގީގަތް ބަދަލުކުރަމުންނެވެ. މިވީ މަދު އަހަރުތަކުގެ ތެރޭގައި އެ ވިޔަފާރި ކުރިއަރައިގެން ގޮސް، ޓޫރިޒަމް ސިނާއަތުގެ ވަރަށް މުހިއްމު ބަޔަކަށް ގެސްޓްހައުސް ވިޔަފާރި ވެފައިވާކަން އޭނާ ފާހަގަކުރެއްވި އެވެ.

"ކުރިއެރުން އަދި ފެންނަން އޮތީ. ސަރުކާރުން ބޭނުންވޭ މި ވިޔަފާރި އިތުރަށް ކުރިއަރުވަން،" ބޭންކް އޮފް މޯލްޑިވްސް (ބީއެމްއެލް) އިން ޓައިޓްލް ސްޕޮންސަ ނަގާފައިވާ ކޮންފަރެންސްގައި މިނިސްޓަރު ވިދާޅުވި އެވެ.

މިއަދު ކުރިއަށް ގެންދާ ގެސްޓްހައުސް ކޮންފަރެންސްގެ ތެރެއިން މިނިސްޓަރު މުނައްވަރު (ކ)، ބީއެމްއެލްގެ ސީއީއޯ އެންޑްރޫއާ ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

އެއީ، އޭނާ ވިދާޅުވި ގޮތުގައި، ސަރުކާރުގެ ވަރަށް މުހިއްމު ތިން ސިޔާސަތަކާ ގެސްޓްހައުސް ވިޔަފާރި ގުޅިލާމެހިފައިވާތީ އެވެ. އެ ތިން ސިޔާސަތަކީ، މިނިސްޓަރު ފާހަގަކުރެއްވި ގޮތުގައި، ޒުވާނުންނަށް އިތުރު ފުރުސަތުތައް ފަހިކޮށް ދިނުމާއި އަންހެނުން ބާރުވެރިކުރުުވުމާއި ކުދި އަދި މެދުފަންތީގެ ވިޔަފާރި ތަރައްގީ ކުރުމެވެ.

ގެސްޓްހައުސް ވިޔަފާރި މެދުވެރިކޮށް އެ ސިޔާސަތުތައް ތަންފީޒު ކުރެވެނީ، މިނިސްޓަރު ވިދާޅުވި ގޮތުގައި، އަމިއްލަ ރަށުގައި ތިބެގެން ވަޒީދާ އަދާކުރުމުގެ ފުރުސަތު ލިބޭތީ އެވެ. ގެސްޓްހައުސްތައް ހިންގައި ބެލެހެއްޓުމުން ފެށިގެން އެކަމާ ގުޅިފައިވާ އެހެން ވިޔަފާރިތަކުގައި މިހާރު ވެސް ވަަރަށް ގިނަ އަދަދެއްގެ ޒުވާނުން އުޅޭކަން ފާހަގަކުރައްވައި އޭނާ ވިދާޅުވީ އާއިލާއާ ވަކިން ވަޒީފާ އަދާކުރަން ޖެހުމުން އަންހެނުން ރިސޯޓުތަކުގައި މަސައްކަތް ކުރަން ފަސް ޖެހުނަސް، ގެސްޓްހައުސްތަކާ އެކު އެކަން ވެސް ބަދަލުވަމުން އަންނަ ކަމަށެވެ.

"ވިޔަފާރިވެރިން އުފައްދައި އާ ވިޔަފާރިތައް ކުރިއެރުވުމަކީ ސީދާ ރައީސް [އަބްދުﷲ] ޔާމީންގެ އަމާޒެއް. އެ މަނިކުފާނު އަބަދު ވެސް ވިދާޅުވޭ އިގްތިސާދު ކުރިއެރުވޭނީ ވިޔަފާރި ފުޅާކޮށްގެންނޭ،" މުޅިއެކު 160 އަށް ވުރެ ގިނަ ގެސްޓްހައުސްގެ ވެރިން ބައިވެރިވެވަޑައިގަންނަވާ ކޮންފަރެންސްގައި މުނައްވަރު ވިދާޅުވި އެވެ.

މިއަދު ކުރިއަށް ގެންދާ ގެސްޓްހައުސް ކޮންފަރެންސްގައި މިނިސްޓަރު މުނައްވަރު ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

މީގެ އިތުރުން، ޗައިނާ އިން އަންނަ ޓޫރިސްޓުންގެ އަދަދު އިތުރުކުރަން ވެސް ގެސްޓްހައުސް ވިޔަފާރީގެ ދައުރު އެބައޮތްކަން މިނިސްޓަރު ފާހަގަކުރެއްވި އެވެ. އެހެންވެ، ގެސްޓްހައުސް ވިޔަފާރި އަަށް ކުރިމަތިވާ ގޮންޖެހުންތަކަށް ހައްލު ހޯދައިދިނުމަކީ ވެސް ސަރުކާރުގެ ވަރަށް މުހިއްމު އަމާޒެއް ކަމަށް މުނައްވަރު ވިދާޅުވި އެވެ. ހާއްސަކޮށް، ދަތުރުކުރުމުގައި ދިމާވާ ދަތިތައް ހައްލުކޮށް، ދަތުރުފަތުރުގެ އަގުހެޔޮ ކުރަން މަސައްކަތް ކުރާ ކަމަށާއި ރާއްޖޭގެ އެކި ހިސާބުތަކުގައި އެއާޕޯޓުތައް އަޅަނީ އެ ބޭނުމުގައިކަން އޭނާ ފާހަގަކުރެއްވި އެވެ.

ގެސްޓްހައުސް ވިޔަފާރި އަށް ހާއްސަކޮށް ފުރަތަމަ ފަހަރަށް ކޮންފަރެންސެއް ބޭއްވިއިރު، ރާއްޖޭގައި 390 އަށް ވުރެ ގިނަ ގެސްޓްހައުސް އެބަހުއްޓެވެ. ގެސްޓްހައުސް ވިޔަފާރި އެންމެ ފުޅާކޮށް ކުރާ ކ. މާފުށީގައި 45 އަށް ވުރެ ގިނަ ގެސްޓަހައުސް ހުރިއިރު، ރާއްޖޭގެ އެކި ހިސާބުތަކުގައި ވެސް މި ވިޔަފާރި އަންނަނީ ވަރަށް ބޮޑަށް ފުޅާވަމުންނެވެ. އަދި ގެސްޓްހައުސްތަކުގައި ޗުއްޓީ ހޭދަކުރަން ރާއްޖެ އަންނަ މީހުންގެ އަދަދު ވަރަށް ބާރަށް އިތުރުވަމުން އަންނަކަން ތަފާސްހިސާބުތަކުން ވެސް ދައްކަ އެވެ.

ޓޫރިސްޓުން ޓޫރިޒަމް ފިނޭންސް މިނިސްޓަރު ގެސްޓް ހައުސް އަހުމަދު މުނައްވަރު (ގަވަރުނަރު)

14 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެންލަލާ

25 September 2016

ކޮންސެޕްޓް ގެނައި މީހާ .. ރައީސް ނަޝީދަށް.. ކްރެޑިޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

25 September 2016

ދުނިޔެ " ލާގުޅައަކަށް " ކުޑަވާތަން ފެންނަން ފެށީމާ އެހެންމީހުން ފެށި މަސައްކަތަކީ ކަލޭމެން ކުރިކަމަކަށް ހަދަންއުޅުނަކަސް އެ " ޓެގެއް " ކަލޭމެންގެ ކަރުގައެއް ނޭޅުވޭނެ ! ކަލޭމެން އުޅުނީ ފާޑު ފާޑުގެ ޤާނޫނުތައް ހަދައިގެން ގެސްޓްހައުސް ގެ ވިޔަފާރި އިދަޖައްސާލަން ! މިހާރު ގޮތްހުސްވާހިސާބަށް ދާންފެށީމާ އާންމުން " ޅޮސްއުދޯއްޔަށް " ލާން އުޅުނަކަސް އެކަން ބަލައެއް ނުގަންނާނެ ! އެހެރީނު ރިޔާޒް ރަޝީދު ! އޭނައަށް ހުވަފެން ދެއްކީމަ ކަލޭމެން ބޭނުންވާގޮތައް ވާހަކަ ދައްކަން ނިކުމެދޭނެ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިސްޓަރު

24 September 2016

އޮޅުވާލަން ނޫޅޭ. ގެސްޓް ހައުސް ވިޔަފާރި އަކީ މި ސަރުކާރުން ކުރި އަރުވަން ނޫނީ ކުރި އެރުވި އެއަޗެއް ވެސް ނޫން. މި ހުރިހާ ކަމަކީ ވެސް ސީދާ ރައީސް ނަޝީދުގެ ވިސުނުމާއި ފިކުރު. ޓެކުހެއް ވިޔަސް ގައުމު ހިންގާނެ ގޮތުގެ މޮޅު ތަސައްވަރެއް ވިޔަސް އެއީ ހަމަ ސީދާ ރައީސް ނަޝީދުގެ ލީޑާރ ޝިޕްގެ ދަށުން ޕްލޭން ހެދުމަށް ހަވާލުވެ ތިބި އިލްމީ އެމް ޑީ ޕީ އިން ލިޔެ ތައްޔާރު ކޮށްފައިވާ މެނިފެސްޓޯ ތަކުގައި ހުރި ވާހަކަ ތަށް. އެހެން ސަރުކާރު ތަކުގެ ކަމަކީ ކޮޕީ ކުރުން ނޫނީ ފެލާލުން. އެޔަށް ފަހު އެ އެއްޗެއް ނެތި ކޮށްލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މރ.ކުޑަހުވަދޫ

24 September 2016

ރައީސް ނަޝީދަށް ހަޖޫޖެހި މީހުން ކުޑަހުވަދޫގައިވެސް މިކަމާއިގެން އުޅެނީ. ޙަމަ ހިނިއަންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަހުވަދޫ މީހާ

24 September 2016

ރައީސް ނަޝީދުގެ ސިޔާސަތުތައް ހަމަ ވަރުގަދައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

24 September 2016

ދެރަކަމަކީ ސަރުކާރުން ޓުއަރިޒަމް ޕްރޮމޯޓްކުރުމަށް ކުރާ ޚަރަދުގެ ކުޑަޕަސެންޓެއްވެސް ގެސްޓްހައުސް ޓުއަރިޒަމް ޕްރޮމޯޓްކުރުމަށް ޚަރަދުނުކުރާކަން. ބިލިޔަނުން ޑޮލަރުލިބޭ ޕްރޮމޯޝަން ޚަރަދު ކުރެވޭނެ ރިސޯޓުތަކަށް ސަރުކާރަށްލިބޭ ޓެކްސްފައިދާއިން ހިލޭ ޚަރަދުކުރާއިރު އާއްމުމީހާއަށް އެކަން ކޮށްނުދޭކަން. ގެސްޓްހައުސްތަކަށް ލިބޭފައިސާ ވަންނަނީ ލޯކަލް އިކޮނޮމީއަށް. ރިސޯޓުތަކުން ލޯކަލްއިކޮނޮމީއަށް ވަންނަނީ ޓެކްސްފައިސާއިން އެމީހުނަށް ހިލޭޕްރޮމޯޓްކޮށްދީފަބާކީވާ އެތިކޮޅު. ދެންބާކީހުރި ހުރިހާ ބިލިޔަން ޑޮލަރުތައް ދަނީ ބޭރުގައުމުތަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޔާތޮށި ރީދޫ އަސުރުމާ

24 September 2016

ގެސްޓްހައުސް ވިޔަފާރި ކޮޅަޖަހަން ބަޔަކުކުރިމަސައްކަތް ނުފެނޭ. ދެންމިހާރު އެކަންކުރި އެރީމަ ކޯޗެއްކިޔާކަށް. އަދިވެސްބަލަނީ ދަތިކުރެވޭތޯ. އެކިކުލަކުލައިގެ ޓެސްޓްނަގައިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

24 September 2016

ޓޫރިސްޓް ހިދުމަތްދޭތަންތަން އެޅުމަށް އެންމެ ކަމުދަނީ މީހުން ދިރިއުޅޭރަށްތަށް، އަދި ނުސީދާކޮށް ޓޫރިޒަމްގެ އާމްދަނީ ބެހިގެންދާނީވެސް މީހުން ދިރިއުޅޭ ރަށްތަކުގައި ޓޫރިސްޓް ހިދުމަތް ތައާރަފްކޮށްގެން އެއީ ރާއްޖޭގެ އިޤްތިސާދަށްއޮތް އެންމެ ދުޅަހެޔޮގޮތަކީ، އެހެންކަމުން މީހުން ދިރުއުޅޭ ހުރިހައި ރަށެއްގެ ތުނޑީކޮޅު ޓޫރިސްޓް ގެސްޓްހައުސްހެދުމަށް ހުއްދަދީ އަދި އެތަންތަނުގައި ރާއްޖޭގެ ރިސޯޓްތަކުގައި ދެވޭ ހުރިހައި ހިދުމަތެއް ދިނުމަށް ހުއްދަދިނުމަށް ގޮވާލަމެވެ. އެކަން ކުރެވޭނީ ޑރ. މުއިއްޒު ހިފަހައްޓައިގެންއުޅުއްވާ ލޭންޑްޔޫސްޕްލޭން ނިންމައި ކައުންސިލްތަކަށް ދޫކޮށްގެން، ރާއްޖޭގެ ބިމުގައި ބަގުޑިބައްދައިގެންތިބޭތާ މިހާރު 40 އަހަރުވެއްޖެ، އެކަމަކު އެބިންތަކުން އެކަށީގެންވާ ފައިދާއެއް ދިވެހިންނަށްނުލިބޭ، ގެސްޓްހައުސްއެޅުންކީއްކުރަން ގެދޮރުއެޅުމަށްވެސް ބިމެއް ދޫނުކުރޭ، އެހެންކަމުން މިއީ ކަންބޮޑުވާކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާފުށި

24 September 2016

ގެސްޓހައުސް ވިޔަފާރި....މިއީ ރައިސްނަޝީދުގެ ދުރުވިސްނުމުގެ ސިޔާސަތެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުޅު ނަޝީދު

24 September 2016

ތި ބުނާ ގެސްޓް ހައުސްއެއް އަޅައިގެން ރައްޔިތުންނަށް ވިފައިދާއެއްކޮބާ؟ ވެރިކަށް ތިން އަހަރު ވީއިރު އައިޖީއެމްއެޗް ވީރާނާ ކޮށްލައިފި. ސިއްހީ ނިޒާމް ފުނޑާލައިލފި. އިގްތިސޯދަށް ފައިދާ ވާ އެއްކަމެއް ވެސް ނުކުރެވުނު. އޮޅުމަކުނ ްކުރެވިފައި އޮތް ކަމެއްގެ ވާހަކަ ދައްކާލަ ދައްކާލާ ދެން ތިބޭ. ހިތްހަމަ ޖެހުމެއް ލިބިދާނެ.