އަލިފާން ނިއްވާ މީހުން ތަމްރީނުކުރަން ޔޫއޭއީން އެހީވަނީ

ޑިފެންސް މިނިސްޓަރު މާރިޔާ އަހުމަދު ދީދީ ޔޫއޭއީގެ ބޮޑުވަޒީރުގެ ނައިބު ސައިފް ބިން ޒާއިދާ ބައްދަލުކުރައްވަނީ.

މުހައްމަދު ނަސީމް، މިހާރު

10 އޮކްޓޯބަރ 2019 - 14:29

ރާއްޖޭގެ ފަޔަމަނުން ޔުނައިޓެޑް އަރަބް އެމިރޭޓްސް (ޔޫއޭއީ)ގެ މަޝްހޫރު އިންސްޓިއުޓެއްގައި ތަމްރީނުކޮށްދޭން އެ ގައުމުން އެއްބަސްވެއްޖެ އެވެ.

ޑިފެންސް މިނިސްޓަރު މާރިޔާ އަހުމަދު ދީދީ ޔޫއޭއީ އަށް މިހާރު ކުރައްވާ ދަތުރުގައި އެ ގައުމުގެ ބޮޑުވަޒީރުގެ ނައިބު ސައިފް ބިން ޒައިދާ ބައްދަލުކުރެއްވުމަށް ފަހު ކުރެއްވި ޓްވީޓެއްގައި ވިދާޅުވީ ދިވެހި ސިފައިންގެ، އަލިފާން ނިއްވާ މީހުން ތަމްރީނުކޮށްދޭން ސައިފް ބިން ޒައިދު ހުށަހެޅުއްވި ކަމަށެވެ. ޔޫއޭއީގެ ބޮޑުވަޒީރުގެ ނައިބުގެ އެ ހުށަހެޅުއްވުމަށް ވަރަށް އުފާކުރައްވާ ކަަމަށް ޓްވީޓްގައި މާރިޔާ ވިދާޅުވި އެވެ.

It was lovely meeting His Royal Highness Saif bin Zayed / Deputy Prime Minister and Interior Minister of UAE. HRH Saif’s simplicity struck me. HRH offered to train @MNDF_Official Firemen at the very reputable Institute in UAE. Thank you, Your Highnesses 🙏 https://t.co/gVZpHbYYzl
— Mariya Didi 🎈 (@MariyaDidi) October 9, 2019

އަލިފާން ނިވާ މީހުން ތަމްރީނުކޮށްދޭން ހުށަހަޅާފައި މިވަނީ ރާއްޖޭގައި އަލިފާނުގެ ބޮޑު ދެ ހާދިސާއެއް ވަރަށް ގާތްގާތުގައި ހިނގާފައި ވަނިކޮށެވެ. އޭގެ އެންމެ ބޮޑު ހާދިސާ އަކީ ހ.ތިލަަފުށީ ގޭގަގައި ހުރި ގުދަނެއްގައި ރޯވެ، ކައިރީގައި ހުރި އެހެން ގެތަކުގައި ރޯވުމެވެ. އެހާދިސާގައި އެކަކު މަރުވެ 400 ވަރަކަށް މީހުންނަށް އެހީތެރިކަން ބޭނުންވި އެވެ.

ދެވަަނަ ހާދިސާގައި އިންޑަސްޓްރިއަލް ވިލެޖް ސަރަހައްދު ބަނދަރުގައި އޮތް ލޯންޗެއްގައި ރޯވެ، އެ ތަނުގައި ހުރި ތެޔޮ ބައުޒަރުތަކުގައި ވެސް ރޯވި އެވެ. އެހާދިސާގައި ނުވަ މީހަކު ފިހުނެވެ.

ރާއްޖޭގެ އަލިފާން ނިވާ މީހުން ތަމްރީނު ކުރުމަށާއި އަލިފާން ނިވަން ބޭނުންވާ އާލާތްތައް އިތުރުކުރުމަށް އެކުވެރި ގައުމުތަކުން އަންނަނީ ގިނަ އެހީތަކެެއް ވަމުންނެވެ. އެގޮތުން ޖަޕާން ސަރުކާރުން ވެސް ދާދިފަހުން ވަނީ އަލިފާން ނިއްވަން ބޭނުންކުރާ އުޅަނދުތަކެއް ރާއްޖެއަށް ހަދިޔާކޮށްފަ އެވެ.

އަލިފާނުގެ ހާދިސާ އެމްއެންޑީއެފް ޔޫއޭއީ ފަޔާ އެންޑް ރެސްކިއު މާރިޔާ އަހުމަދު ދީދީ، ޑިފެންސް މިނިސްޓަރު ރާއްޖެ-ޔޫއޭއީ

4 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުހާ

10 October 2019

ސާބަހޭ ޑިފެންސް މިނިސްޓަރ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

10 October 2019

މަހީކުރީ އިންޑިޔާއިންކަމަ. އިންޑިޔައިން ރައްޖެއަ ކޯޖެދިނީ. މުޅިންސުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓައިސޭ

10 October 2019

އަރަބިގައުމަކުން ލިބޭނެ ތަމްރީނެއް ނޯންނާނެ، ގަލްފު ގައުމުތަކަކީ އެހެންމީހުން (އެމެރިކާފިޔަވައި) ނަކީ ކުނި ކަމުގައިދެކޭ ބޮޑާ ރޭސިސްޓު ބައެެއް. ތަމްރީނު ހޯދަން ފޮނުވަންވީ ސައުތުކޮރެޔާ، ޖަޕާން، ސިންގަޕޯރ ފަދަ ގައުމުތަކަށް