ކުނިން ހަކަތަ އުފައްދާ މަޝްރޫއު އައްޑޫގައި ފަށަން ތައްޔާރުވެއްޖެ

އަހުމަދު އަދްޝަން، މިހާރު

10 އޮކްޓޯބަރ 2019 - 16:55

ގްރީން ޓެކްސް ފަންޑުގެ ޚަރަދުގައި ކުނިން ހަކަތަ އުފައްދަން އައްޑޫގައި ކުރިއަށް ގެންދާ މަޝްރޫއުގެ މަސައްކަތް އަންނަ ޑިސެމްބަރު މަހު ފަށާނެ ކަމަށް އައްޑޫ ސިޓީ ކައުންސިލުން މިއަދު ބުނެފި އެވެ.

"ސްމޯލް ސްކޭލް ވޭސްޓް ޓު އެނަޖީ" ގެ ނަމުގައި ކުރިއަށް ގެންދާ މި މަޝްރޫއު ފެށުމާ ގުޅޭ ގޮތުން، އެ މަސައްކަތް ހަވާލުކޮށްފައިވާ ދެކުނު ކޮރެއާގެ ލޮޓަސް-ކުންވާ ޖޮއިންޓް ވެންޗާ ކުންފުނީގެ އޮފިޝަލުންނާއި އެންވަޔަރުމެންޓް މިނިސްޓަރު ޑރ. ހުސައިން ރަޝީދު ހަސަން މިއަދު ވަނީ އައްޑޫގައި އައްޑޫ ސިޓީ ކައުންސިލާ ވެސް ބައްދަލުކުރައްވައިފަ އެވެ.

މިނިސްޓްރީގެ ފަރާތުން އައްޑޫސިޓީ ހިތަދޫގައި ކުރިއަށް ގެންދާ ކުނިން ހަކަތަ އުފެއްދުމުގެ މަޝްރޫޢު "ސްމޯލް ސްކޭލް ވޭސްޓް ޓު އެނަރޖީ" ޕްރޮޖެކްޓު ފެށުމުގެ ގޮތުން މިއަދު ކިކްއޮފް މީޓިންގ ބާއްވައިފި. pic.twitter.com/EpQpaAYewZ
— Ministry of Environment (@MoEnvmv) October 10, 2019

އައްޑު އާއި ފުވައްމުލަކުގައި އުފެދޭ ކުނި މެނޭޖްކުރަން ރީޖަނަލް ވޭސްޓް މެނޭޖްމަންޓް ފެސިލިޓީއެއް ގާއިމްކޮށް، އެ ތަނަށް ޖަމާކުރާ ކުނި ބޭނުންކޮށްގެން 1.5 މެގަވޮޓްގެ ކަރަންޓު މި މަޝްރޫއުގައި އުފެއްދޭނެ ކަމަށް މިނިސްޓްރީން ބުންޏެވެ. އޭގެ ތެރެއިން އެއް މެގަވޮޓް ސަޕްލައި ކުރާނީ ފެނަކައިގެ ޕަވަ ހައުސް އަށް ކަމަށާއި އަދި އަނެއް 500 ކިލޮވޮޓް ބޭނުން ކުރާނީ ކުނި މެނޭޖް ކުރާ ފެސިލިޓީ ހިންގަން ކަމަށް މިނިސްޓްރީން ބުންޏެވެ.

ޑިސެމްބަރު މަހު ފަށާ މި މަސައްކަތް ނިންމަން ހަމަޖެހިފައި ވަނީ އަންނަ އަހަރުގެ ފަހުކޮޅު އެވެ.

Addu aai Fuvamulakuge kuni manage kuraa facility Korea ge kunfunyakaa havaalukoffi

The most trusted news source in the Maldives

Mihaaru

ކުނިން ހަކަތަ އުފެއްދުމުގެ މަޝްރޫއުގައި ކައުންސިލާއި ތިމާވެއްޓާ ބެހޭ މިނިސްޓްރީ އާއި ލޮޓަސް-ކުންވާ ޖޮއިންޓް ވެންޗާ އާއި އައްޑޫ ސިޓީ ކައުންސިލާއި ފުވައްމުލަކު ސިޓީ ކައުންސިލާ ދެމެދު އެއްބަސްވުމުގައި ސޮއިކުރީ މިދިޔަ މާޗް މަހުގެ 18 ގަ އެވެ.

ފުވައްމުލައް އައްޑޫ ހަކަތަ އައްޑޫ ސިޓީ ކައުންސިލް އެންވަޔަރްމެންޓް މިނިސްޓްރީ އެންވަޔަރްމެންޓް މިނިސްޓަރު ފުވައްމުލަކު ސިޓީ ކައުންސިލް ވޭސްޓް މެނެޖްމެންޓް މިނިސްޓަރު ޑރ. ހުސެއިން ރަޝީދު ހަސަން

3 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރޯނުއެދުރު123

10 October 2019

ތިތާ ތިމޭޔަރެއް ހުރެގެން ނުކުރެވޭނެ އެއްކަމެއް ވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުރެކިއުލާ

10 October 2019

ކުނި އަވީލައި ވަޅޯކޮށްގެން ތެޔޮހާނައިގެން އަލފާންޖެހުމަށްވުރެ މާ ސިންޕަލްއޭ ޑީސަލްކޮޅަކުން ކަރަންޓު އުފައްދަން، އެޖެހެނީ އިންޖީނަށް އަޅާލަން. އެކަމަކު މިއުޅެނީ ދެއިރުން އެއްއިފު ކަރަންޓުކެނޑޭތީ. މީގެކުރިން ފަންކާވެސްޖެހި، އައްޑޫއަކީ ކަލޭމެން އެކްސްޕެރިމެންޓު ހަދަންއޮތް ލެބޯޓަރީއެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ

10 October 2019

ދުނިޔެއިން ތެޔޮ އަގުބޮޑު ވަމުންދާއިރު އައްޑޫގަ އެހެރަ މާސިންގާ ކުނި ފަރުބަދަ ތަކުން ކަމެއްކުރިއްޔާ މާރަނގަޅެއްނު. ބަލަގަ ދުނިޔޭ އެހެން ގައުމުތަކުގައި ވެސް ކުރާކަމެއް އެއީ. އާ އެކުސްޕަރިމަންޓެއް ނޫން. އަދިވެސް ވިސްނުން ބޯދާ.