މީގެ ކުރިން ފުލުހުން ހިންގި އޮޕަރޭޝަނެއްގައި ހޯދި މަސްތުވާތަކެތި.-- ފޮޓޯ: ޕޮލިސް
14 އޮކްޓޯބަރ 2019 - 12:48
7 comments
ބްރެޒިލް އިން ރާއްޖެ އައި މީހެއްގެ އަތުން 4.67 ކިލޯގެ މަސްތުވާތަކެތި އަތުލައިގެންފައިވާ ކަމަށް ކަސްޓަމްސް އިން މިއަދު ބުނެފި އެވެ.
ކަސްޓަމްސް އިން ބުނީ ވައިގެ މަގުން ރާއްޖެ އެތެރެވި، އުމުރުން 66 އަހަރުގެ، އޮސްޓްރޭލިއާގެ އެ ފިރިހެން މީހާގެ އަތުން ފެނުނު މަސްތުވާތަކެތީގެ އަގު 16.3 މިލިއަން ރުފިޔާ އަށް އަރާ ކަމަށެވެ.
ކަސްޓަމްސް އިން ބުނީ މި މަހުގެ އެއްވަނަ ދުވަހު ރާއްޖެ އައި އެ މީހާ އަށް ޝައްކު ކުރެވިގެން، ބަލައި ފާސްކުރުމުގެ ތެރޭގައި އޭނާގެ ފޮށިން މަސްތުވާތަކެތި ފެނިފައިވާ ކަމަށެވެ. އަދި ފުރަތަމަ މަރުހަލާގައި ކަސްޓަމްސް އިން އެ ތަކެތި ޓެސްޓް ކުރިއިރު ކޮކެއިން އަށް ޕޮޒިޓިވް ވެފައިވާ ކަމަށް އެ އިދާރާ އިން ބުނެ އެވެ.
އެ މައްސަލައިގައި ކަސްޓަމްސް އިން ހިފެހެއްޓި މީހާ އާއި މަސްތުވާތަކެތި މިހާރު ވަނީ ފުލުހުންނާ ހަވާލުކޮށްފައި ކަމަށް ކަސްޓަމްސް އިން ބުންޏެވެ.
މި އަހަރުގެ މިހާތަނަށް ކަސްޓަމްސް އިން ވަނީ 33.16 ކިލޯގެ މަސްތުވާތަކެތި އަތުލައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކީމް
14 October 2019
އެމީހުން ރަށުގެ އުޅޭ ހާލަށް ވެރު ރާއްޖޭ ޖަލުތައް މާ ރަނގަޅު. މިހެން ވުމުން ރާއްޖެއަށް އުފަލާދޭން މީހުން ވޮލަންޓިޔަރ ކުރާލެއް ވަރަށް ގިނަ.
ރާއްޖެތެރޭއިބުރޭ
14 October 2019
އެތެރެކުރާ މީހާގެ އަދަބު ބޮޑުވާން ޖެހޭ
އައްޔުބް
14 October 2019
އޮސްޓްރޭލިއާ މީހާ ދޫކޮށް ދިނުމަށް އެ ޤައުމުގެ ބޮޑު ވަޒީރު ވަރަށް އަވަހަށް އެދޭނެ. އެކަމަކު މިޤައުމަށް ތި ޑްރަގް އެތެރެކުރި މީހާ ނަމަނަމަ ދޫ ނުކުރާތި ކިތައްމެ ޑިމާންޑްކުރިއަސް. ކުޑައެއްކަމަކު މިޤައުމަކީވެސް ޤާނޫން ހިގާ ޤަަައުމެއްކަން އޮސީ އަށް އަންގާލާ ލައިކް ސިންގަޕޯރ.
ބަބުރަންޖީ ހާޖީ
14 October 2019
ދެން މިމީސްމީހުންނަށް ވާގަތެއް ނޭންގޭނެ.
ރައްޔަތުމީހާ
14 October 2019
މަސްތުވާތަކެތި އެތެރެކުރުމާއި އޭގެ ވިޔަފާރިކުރާ މީހުނަށް މަރުގެ އަދަބު ކަނޑައަޅައި ތަންފީޒުކުރުމުން މެނުވީ މިރާއްޖެ ދެން ސަލާމަތެއް ނުވާނެ.
ކަނޑު ފަތާފަތަ އެމީހާއައީ؟
14 October 2019
ކަނޑު ފަތާފަތަ އެމީހާއައީ؟
ހޭޝްޓެގް
14 October 2019
ޚަބަރުގައި އެއޮތީނު ވައިގެ މަގުންނޭ!