ޚަބަރު / އާއިޝަތު ނަހުލާ (އާއިޝާ)، ކުރީގެ މިނިސްޓަރު

ފަރުވާކުޑަކޮށް ޚިދުމަތްދޭ ނަމަ ފިޔަވަޅު އަޅާނަން: ނަހުލާ

ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީގައި ޓްރާންސްޕޯޓު މިނިސްޓަރު ނަހުލާ ވާހަކަދައްކަވަނީ.-- ފޮޓޯ: މަޖިލިސް

އާސިމާ ނިޒާރު، މިހާރު

14 އޮކްޓޯބަރ 2019 - 19:57

26 comments

ފަރުވާކުޑަކޮށް ޚިދުމަތްދިނުމަކީ ބަލައިގަންނަ ކަމެއް ނޫން ކަމަށާއި އެގޮތަށް އަމަލުކުރާ ހުރިހާ މުވައްޒަފުންނާ ދޭތެރޭގައި ފިޔަވަޅު އަޅުއްވާނެ ކަމަށް ރައްޔިތުންގެ މަޖިލީހުގެ ކޮމިޓީގައި ވެސް ޓްރާންސްޕޯޓު މިނިސްޓަރު އައިޝަތު ނަހުލާ މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީގައި މިނިސްޓަރު މިގޮތަށް މި ވިދާޅުވީ ޓްރާންސްޕޯޓް އޮތޯރިޓީގެ މުވައްޒަފުންތަކެއް ވަޒީފާ އިން ވަކިކުރަން އުޅޭ މައްސަލައިގައި އޭނާ މުވައްޒަފުންނާ އެކު ބޭއްވި ބައްދަލުވުމެއްގައި ވެސް މި މޭރަމުން ވާހަކަ ދެއްކެވުމަށް ފަހު އެވެ. މިނިސްޓަރު ވާހަކަ ދެއްކެވި ގޮތާ މެދު ނުރުހުންވެ، ބައެއް މުވައްޒަފުން ވަނީ އެ ބައްދަލުވުމުގެ އޯޑިއޯ ވެސް އާއްމުކޮށްފަ އެވެ.

މިނިސްޓަރު ނަހުލާ ކޮމިޓީގައި ވިދާޅުވީ ހިދުމަތް ހޯދަން އަންނަ މީހައާ މެދު ނިކަމެތިކޮށް އަމަލު ކުރާތަން ފެނުމަކީ އެއްގޮތަކަށް ވެސް ގަބޫލުކުރައްވާނެ ކަމެއް ނޫން ކަމަށެވެ. އޭނާ މަގާމުގައި ދެމިހުންނެވިހާ ދުވަހަކު ޓްރާންސްޕޯޓް މިނިސްޓްރީގައި އެގޮތަށް އަމަލު ނުކުރެއްވޭނެ ކަމަށް ވިދާޅުވި އެވެ.

"ޓްރާންސްޕޯޓު މިނިސްޓަރުގެ ހައިސިއްޔަތުން، ޓްރާންސްޕޯޓު މިނިސްޓްރީ ނޫނީ ޓްރާންސްޕޯޓު އޮތޯރިޓީ ނޫނީ ޓްރާންސްޕޯޓު މިނިސްޓްރީ ހިނގަމުންދާ އެހެން އޮފީހެއްގައި އަޅުގަނޑުމެން ހިދުމަތް ހޯދަން އަންނަ ރައްޔިތު މީހައާ މެދު ނިކަމެތިކޮށް އަމަލުކުރާތަން ފެނުމަކީ އަޅުގަނޑު ގަބޫލުކުރާނެ ކަމެއް ނޫން،" މެމްބަރަކު ކުރެއްވި ސުވާލަކާ ގުޅިގެން މިނިސްޓަރު ވިދާޅުވި އެވެ.

އޭނާ ވިދާޅުވި ގޮތުގައި ވަޒީފާއަށް ފަރުވާ ކުޑަކުރާ ނުވަތަ ދެރަކޮށް ހިދުމަތްދޭ މުވައްޒަފުން ފިޔަވައި އެހެން ބަޔަކާ ދޭތެރޭ ފިޔަވަޅެއް ނާޅުއްވާނެ އެވެ.

ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީގެ ބައްދަލުވުމުގައި ޓްރާންސްޕޯޓު މިނިސްޓްރީގެ އިސްވެރިން ބައިވެރިވެވަޑައިގަންނަވަނީ .-- ފޮޓޯ: މަޖިލިސް

"ސަބަބަކީ އަޅުގަނޑަކީ ވެސް ރައްޔިތުންގެ ހާދިމެއް. އަޅުގަނޑުގެ ވެރިއަކީ ރައްޔިތުން ކަމަށް ވީހިނދު ހުވައެއް ކޮށްގެން މިއަދު މިތަނަށް އައިސް މިއިނީ އެ ބޭފުޅުންގެ ރައްކާތެރިކަމުގައި އެ ބޭފުޅުންނަށް އެކަން ކަށަވަރު ކޮށްދިނުމަށްޓަކައި. އެގޮތުގެ މަތިން ހިދުމަތުގެ ފެންވަރު ދަށްވެ ނޫނީ ޕާފޯމަންސް ދަށްވެ ނޫނީ ވަޒީފާގެ އެޓެންޑެންސް ދަށްވެ، އެކަހަލަ މައްސަލައެއް ނޫނީ ހަގީގަތުގައި ވެސް ފިޔަވަޅު އަޅަން ޖެހޭ ބޭފުޅަކަށް ފިޔަވައި ފިޔަވަޅު ނާޅާނެކަން ޔަގީންކަމާ އެކު ދަންނަވަން،" މިނިސްޓަރު ވިދާޅުވި އެވެ.

ސަރުކާރުގެ އިދާރާތަކުގެ ތެރެއިން އެންމެ ދަށްފެންވަރުގައި ޚިދުމަތް ދޭ އެއް ތަނުގެ ގޮތުގައި ޓްރާންސްޕޯޓް އޮތޯރިޓީ ލޭބަލްވެފައި އޮންނަތާ ކިތަންމެ ދުވަހެކެވެ. އެހެންވެ އެކަން ބަދަލުކޮށް ރައްޔިތުންނަށް ވީހާވެސް ލުއި ފަސޭހަކޮށް ޚިދުމަތް ދޭ ތަނެއްގެ ގޮތުގައި ހެދުމަށް އަންނަނީ މަސައްކަތް ކުރަމުންނެވެ. އޭގެ ތެރެއިން އެއް ކަމަކީ މުވައްޒަފުންގެ ފެންވަރު މަތިކުުރުމެވެ.

ޓްރާންސްޕޯޓު އޮތޯރިޓީގެ މުވައްޒަފުންގެ ހާޒިރީ ރިޕޯޓެއް ނަގައި ސިވިލް ސާވިސް ކޮމިޝަނަށް ފޮނުވާފައިވާ އިރު އެއީ، ގިނަ މުވައްޒަފުންތަކެއް ވަޒީފާ އިން ވަކިކުރުމުގެ ޕްލޭންގެ ދަށުން މިނިސްޓަރު ކުރެއްވި ކަމެއް ކަމަށް އެ އޮތޯރިޓީގެ މުވައްޒަފުން ތުހުމަތުކުރެ އެވެ. އެ ކަމުގެ ކަންބޮޑުވުންތަކާއެކު ގިނަ އަދަދެއްގެ މުވައްޒަފުން ސޮއިކޮށް ރައީސް އިބްރާހިމް މުހައްމަދު ސޯލިހަށް ވަނީ ޕެޓިޝަނެއް ވެސް ހުށަހަޅައިފަ އެވެ.

ދަތުރުފަތުރު ޓްރާންސްޕޯޓް މިނިސްޓްރީ ޓްރާންސްޕޯޓް އޮތޯރިޓީ އާއިޝަތު ނަހުލާ (އާއިޝާ)، ކުރީގެ މިނިސްޓަރު

26 ކޮމެންޓް, 90 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަން

15 October 2019

މި ދެން މަޝްހޫރުވާން ކިޔާ ލަވައެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

15 October 2019

ޓްރާންސްޕޯޓް އެކަންޏެއްނޫން މުޅި ސިިވިލް ސާޜވިސްގެ ހާލަތަކީތީ! މުސާރަތައް ރިވިއުކުރާއިރު އެޓެންޑެންސް އެލަވެންސްލާ ޕާރފޯމިންގ އެލަވަންސް ދިނީމަ ހެޔޮ ބަދަލެއް ފެންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިރާޖު

15 October 2019

ޓްރާންސްޕޯޓުން ހައްދަވައިފައި ހުންނަ ފޯމުތަކުގައި ހުންނަ އެއްޗެތި ހަމަކޮށްގެން ދިޔަކަމުގައިވިޔަސް ބައެއްބޭފުޅުން އަދި އިތުރު އެއްޗެތި ގެން ނަން އެ ވިދާޅުވަނީ ކޮން އުސޫލެއްގަ އޮތީމަ ތޯ؟ އައިޑީ ކާޑްގެ އަސްލުތައްވެސް އެބަޖެހޭ މިހާރު ގެންދަން އެކަމު ފޯމުގަ އޮންނަނީ ކޮޕީގެންނަން އަސްލު ގެންދިއުމަކީ ވަރަށް ދަތިކަމެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދަމް

15 October 2019

އަސްލު ވަރަށް އުނދަގޫ ބޮޑު އޮފީހެއް މީހަކު ގުޅަންއުޅެ އުޅެ ހަންކެޑުނަސް ފޯނު ހިއްލާލާނެ މީހަކުވެސް އެ މިނިސްޓްރީގަ ނޫޅޭނެ އަދި އެހާމެ ޤަވާޢިދާ އުސޫލު ބޮޑުވާނެ ދުވަހަކު ރަނގަޅު ފޯމެއް ފުރާފަ ހުށަހެޅޭކަމަކަށް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާސާނުކުރޭ

15 October 2019

އޮފީސްތަކުގައި ވަރަށް ފެންވަރުދަށް މުއައްޒަފުން އެބަތިބި. ޚިދުމަތްދިނުމުގައި އެއްވެސް އަޅާލުމެއްނުހުންނަ އަންހެން މުއައްޒަފުން ގިންކަން ފާހަގަކުރެވޭ. އަދި ހާޟިރީއަށް ފަރުވާކުޑަކުރާ މުއައްޒަފުން ވެސް ވަރަށް ގިނައެވެ. ޓައީއެއް އަޅާލައިގެން އެމީހުން ބޭނުންގަޑިއަކު އޮފިހަށްގޮސް ބޭނުންގަޑިއަކު ނިކުމެގެންދާ މުއައްޒަފުންނަށް ސަޕޯޓްކޮށް މިތާނގައި ކޮމެންޓްކުރަނީވެސް ހަމަ އެމީހުންނެވެ. މިބައިމީހުންނާމެދު ހަރުކަށި ފިޔަވަޅު އަޅަންޖެހެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދަލުނުވި ހާލަތު

15 October 2019

ތިޔަ ކަހަލަ މިނިސްޓަރެއް ބޭނުން އެޑިޔުކޭޝަނަށްވެސް. މިހާރުވެސް ހުރިހާ ޕްރެޝަރެއް ފުލުފުލުގަ ސްކޫލްތަކުގެ އެޑްމިން މަސައްކަތް ކުރާ މީހުނަށް. އެކަމަކު މިނިސްޓްރީގަ ބޮޑު މުސާރަ ނަގައިގެން އަންލިމިޓެޑް އޯޓީގަ މިނިސްޓްރީ މުވައްޒަފުން. ޓީޗަރުންނަށް އިންކްރިމެންޓާ ޕްރޮމޯޝަނާ ދެންވެސް ލެއްވިހާ އެއްޗެއް. އެނޫން މީހުން ކުރާ މަސައްކަތް ބަލައިގަންނާނެ ދުވަހެއް ދެކެން ބޭނުން. އައިޝަތު އަލީއަށް ހަމަ ހޭވެސް ހީނުވޭ!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަހު

15 October 2019

ސިވިލް ސާރވިސްގެ އޮފީސްތަކުގައި ގިނަ މުވައްޒަފުންނަކީ ހަމަ ވަރަށް ފަރުވާކުޑަ މީހުން. ޚާއްޞަކޮށް ޅަޒުވާން ކުދިން. އެކަމު ވާކަމެއްނޯވޭ. އެއީ އެކުދިންގެ ޒުވާންކަން ފެނި ޕީއެސް ފަދަ ބޭފުޅުން ތިބެނޭ ދަތްބާރުވެފަ. އެއީ ހުރިހާވެސްކަމަކީ. ސައިން އިން ވެފަ ސައިން އައުޓުނުވެ ދާ ބައިވަރު މުވައްޒަފުން ސިވިލްގަ އުޅޭ އެގުނަސް ބަލާނެ މީހަކު ނުހުރޭ. އަންނަގޮތަށް ދަނީ ސަޔަށް ޚިދުމަތެއް ނުލިބޭނެ 10 ގެފަހުން ނޫނީ 11 ގެ ފަހުންވެސް. މީހާލަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީ ލޯބީގާ

15 October 2019

ބޮނޑާ ކަމާއި ކިބުރުވެރިކަން އަރުއްވަވައިގަނެފަ ހުރިވަރުން ތިމާއަކީވެސް ތިމާގެ ދަށުން މަަސައްކަތް ކުރާ މުއައްޒަފުންނާމެދު ނިކަމެތިކޮއްކަންކޮއްފައިވާ މީހެއް .ލިބޭމުސާރައި ގެ ދަހިވެތިކަމެއް ނެތްނަމަ ޒަކާތުފައްޑަށް ޖަމާކޮއްބަލަ .ތިހާއަމިއްލައެދުމެއްނެތި ރައްޔިތުންނަށް ހިދްމަތްކުރަންބޭނުންވާނަމަ .ލިބޭބައިވަރު މަދުވެގެން މުސާރަ ގެއަށް ގެންދާނީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާޒާ ޖަބަލުން

15 October 2019

ނާގބިލް މީހުން ގޮވައިގެން މައުމޫނުގެ 30 އަހަރުގެ މިނިސްޓަރުން އުޅެފި. އަދި އަންނިގެ 2 އަހަރު ބައިގަ ތިބި މިނިސްޓަރުން މަސައްކަތްކޮށް ނަތީޖާ ނެރެފި. ޔާމީންގެ އުޖާލާ ތަނަވަސް 5 އަހަރުގެ މިނިސްޓަރުން ތި ކާމް ޗޯރުންނާއެކު މަސައްކަތްކޮށްފި. މިނިސްޓަރު ނުކުމެ އެޗްއާރްގެ އެޑްމިން އޮފިސަރަކަށް ނުހުރޭ. އެކަމަކު ވަކިކުރަންޖެހޭ މީހުން ވަކިކުރި. އަލަށްވީމަ ކަމެއް ކުރަންވީގޮތެއްވެސް ނޭނގެނީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމަދައިތަ

15 October 2019

މުވައްޒަފުން ފަރުވާކުޑަވާނަމަ އެމީހުން ވަކިކުރުމަކީ އޮޓަމެޓިކް ޕްރޮސެސްއެއް. މިނިސްޓަރު ނުވެސް ޖެހޭނެ އެކަމާ އުޅޭކަށް. އެތާނގަ ހުންނަ ޕީއެސްގެ މަަސައްކަތެއް އެއީ. މިނިސްޓަރު ޖެހޭނީ މެންޑޭޓް ތަންފީޒް ވޭތޯ ނުވަތަ ނުވޭތޯ ބަލަން. މިހާރު ތިއުޅެނީ އޮޕަރޭޝަން ލެވަލްގަ.މިނިސްޓަރަށް ލިޔަސް އަލަށްވީމަ މަސައްކަތު މީހުން ލެވަލްއިން ދޯ ތި ފެއްޓެވީ.