ދައުލަތުން ޓީބިލް ވިއްކި އަދަދު 3.2 ބިލިއަނަށް!

އެމްއެމްއޭ އިމާރާތް-- ފޮޓޯ: އާކައިވް

ފާތިމަތު ޝަނާ މުހައްމަދު، މިހާރު

24 އޮކްޓޯބަރ 2019 - 12:45

ދައުލަތުގެ ހަރަދުތައް މެނޭޖް ކުރުމަށްޓަކައި މިއަހަރުގެ މިހާތަނަށް 3.2 ބިލިއަން ރުފިޔާގެ ޓީބިލް ވިއްކާފައިވާ ކަން ފިނޭންސްގެ ތަފާސްހިސާބުތަކުން އެނގިއްޖެ އެވެ.

އެ ތަފާސްހިސާބުތަކުން އެނގޭ ގޮތުގައި މި އަހަރުގެ މިހާތަނަށް ދިވެހި ރުފިޔާއިން ޓީބިލް ވިއްކި ވަރު 931 މިލިއަން ރުފިޔާ އަށް އަރަ އެވެ. ޑޮލަރުން ޓީބިލް ވިއްކި ވަރު 150 މިލިއަނަށް އަރާއިރު މިއީ އިންޑިޔާ ސަރުކާރަށް ވިއްކާފައިވާ ވަރެވެ. ފިނޭންސް މިނިސްޓްރީން ބުނީ، ޓީބިލްގެ އަދަދު އެހާ ބޮޑު ކަމަށް ދައްކަނީ އިންޑިޔާ އަށް ޓީބިލް ވިއްކުމުގެ ސަބަބުންނެވެ. އިންޑިޔާ އަށް ޓީބިލް ވިއްކާފައި ވުމާ އެކު މި އަހަރު ސަރުކާރުން އިތުރަށް ސޮވެރިން ބޮންޑު ވިއްކައިފައެއް ނުވެ އެވެ.

މިދިޔަ ހަފްތާގައި 226 މިލިއަން ރުފިޔާގެ ޓީބިލް ދައުލަތުން ވިއްކާފައިވެ އެވެ. ޓީބިލަކީ އިންޓަރެސްޓާ އެކު އަނބުރާ ދައްކާ ގޮތަށް ސަރުކާރުން ނަގާ ފައިސާ އެވެ.

އެމްއެމްއޭ އިން ހަތަރު މިންގަނޑެއްގެ ތެރެއިން ޓީބިލު އަންނަނީ ވިއްކަމުންނެވެ. އެއީ 28 ދުވަހާއި 98 ދުވަހާއި 182 ދުވަހުގެ އިތުރުން 364 ދުވަހުގެ ތެރޭގައި ފައިސާ އަނބުރާ ދައްކަންޖެހޭ ޓީބިލެވެ. ޓީބިލު އަނބުރާ ދައްކަންޖެހޭ މުއްދަތު އިތުރުވާ މިންވަރަކަށް އިންޓްރެސްޓް ރޭޓް ދާނީ ބޮޑުވަމުންނެވެ.

ސަރުކާރުން މި އަހަރުގެ ބަޖެޓުގައި ހަތަރު ބިލިއަން ރުފިޔާ ބަޖެޓުގެ ބޭރުން ހޯދުމަށް ކަނޑައަޅާފައިވެ އެވެ. މި އަހަރު ނިމޭއިރު ކުރިއަށް އޮތް ދެ މަސް ތެރޭގައި ވެސް ބޮޑެތި އަދަދުތަކުން ޓީބިލް ވިއްކާނެ ކަމަށް ފިނޭންސުން ބުނެ އެވެ.

ސަރުކާރުގެ ކޭޝްޕްލޯ ހަމަޖެއްސުމަށް ޓީބިލް ވިއްކާ އިރު މިިދިޔަ އަހަރު ނިމުނުއިރު ގާތްގަނޑަކަށް 700 މިލިއަން ރުފިޔާގެ ޓީބިލް ވިއްކާފައިވެ އެވެ. އެހެންކަމުން ޓީބިލް ވިއްކި އަދަދު ހިސާބުތަކުން އެންމެ ބޮޑު އަހަރަކަށް މި އަހަރު ވެގެންދާނެ އެވެ. ދައުލަތުގެ ޑެފިސިޓް ބަޖެޓަށް ބޭނުންވާ ފައިސާ ހޯދުމަށް މީގެ ކުރީ ސަރުކާރުތަކުން ވެސް ބޮޑެތި އަދަދުތަކުން ޓީބިލް ވިއްކާފައިވެ އެވެ. އެގޮތުން 2017 ވަނަ އަހަރުގެ އޮގަސްޓް މަހު ކޭޝްފްލޯ ހަމަޖެއްސުމަށް 1.2 ބިލިއަން ރުފިޔާގެ ޓީބިލް ވިއްކާފައިވެ އެވެ. އެއީ އެއްފަހަރާ ޓީބިލް އެންމެ ގިނަ އަދަދަކަށް ވިއްކި އެއް ފަހަރެވެ.

މަރުކަޒީ ބޭންކް، އެމްއެމްއޭ މެދުވެރިކޮށް ސަރުކާރުން ޓީބިލް ވިއްކުމަށް ހަފްތާއަކު އެއް ފަހަރު ހުޅުވާލަ އެވެ. ސަރުކާރުގެ ކޭޝް ފްލޯ ހަމަޖެއްސުމަށް އެމްއެމްއޭ މެދުވެރިކޮށް ސަރުކާރުން ޓީބިލް އާންމު ގޮތެއްގައި ވިއްކަނީ ޕެންޝަން ފަންޑާއި ބައެއް ބޭންކްތަކާއި ސަރުކާރު ހިއްސާވާ ބައެއް ކުންފުނިތަކާއި އަމިއްލަ ކުންފުނިތަކަށެވެ.

ފިނޭންސް މިނިސްޓްރީ އެމްއެމްއޭ ޓްރެޝަރީ ބިލް އިގްތިސާދު ރާއްޖޭގެ އިގްތިސާދު

23 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަބުރޭ

24 October 2019

އަޅުގަނޑައްފެންނަނީ ޓީ ބިލްގެ އިތުރައްް ކޮފީބިލާ ކިރުސައި ބިލްވެސް ވިއްކަން، ދަރަނި 3 ގުނަ ކޮއްލެވޭނެދޯ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައްޓަމަސް

24 October 2019

ގައުމު ނޭންގިތިއްބާ މިއޮއްގެން ހުސްވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްޅަބޭ

25 October 2019

ނޭގިތިއްބައޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާސިމް އިބްރާހިމް

24 October 2019

ތި ހެޑްލައިންތައް ތައްކޮޅެއް ރަގަޅު ކޮށްބަލަ. "ޗަންޕާއަށް ދައުލަތުން ޓީބިލް ވިއްކި އަދަދު 3.2 ބިލިއަނަށް!" މިހަން ޖެހީމަ ދޯ މީހުންނަށް މިވާގޮތެއް އިގޭނީ؟!؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު.

24 October 2019

އެކަމަކު ގާސިމާ އެ އޮތީ އޭގެތެރެއިން އިންޑިއާއަށް 150 މިލިއަން ޑޮލަރުގެ ޓީބިލް ވިއްކި ވާހަކަ. ތިވަރުން ކިހިނިއް ހެޑްލައިން ޖަހާނެގޮތް ކިޔާދޭނީ.. އަދިވެސް ކޮމެންޓް ކުރެވޭތޯ ބަލާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

24 October 2019

ޤައުމު ދަރުވާފަ ދެން ފިލާ! އެއީ ނުވެ އޮތް ކަމެކީ.. ކަމެއް ނުކޮއް ހަަވަޔަށް ރާއްޖޭބަޖެޓް ދިރުވާލީ ޕާޓީ ކުދިން ކޮޅާ ގުޅުން ހުރި މީހުންނަށް ބަދަލު ދިނުމުގެ ނަމުގައި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދުރޭ2

25 October 2019

ޔެލޯ ފީވަރ އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގޯ

24 October 2019

ވަގު ވަގު ކިޔަކިޔާއެނަޔަށް އިނގިލި ދިއްކުޮއގެންހުރެ މަވައްކަންކުރީމަ ގިނައިން ކެވޭނެނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

24 October 2019

ޓީބިލްގެ އަދަދު އެހާ ބޮޑު ކަމަށް ދައްކަނީ އިންޑިޔާ އަށް ޓީބިލް ވިއްކުމުގެ ސަބަބުންނެވެ. މީކޮންވާހަކައެއް. އިންޑިއާ އެމެރިކާ އިރާގަށް ވިއްކިޔަސް ޓީބިލްގެ ވިއްކި އަދަދު ވާނީ އަދަދަކަށް ނޫންތަ. ހަސަންބެއަށް އަށް ތައުލީމީ ކުއްޖަކު އަޅެ މިޓީބިލަކީ ކޯޗެއްތޯބުނެދީބަލަ. ހަސަންބެމެން މަސްވިއްކީމާ މިފްކޯއިންދޭ ބިލަކަށް ފައިސާއެއްވެސް ނުލިބޭ.