ހިބަޅިދޫ މައްސަލާގައި ފަނޑިޔާރުން ރިޝްވަތަށް އެދުނު ކަމަށް ބުުނާ މައްސަލަ ތަހުގީގުކުރަން ހައި ކޯޓުން ފުލުހުންނަށް ހުށަހަޅައިފި
ހައި ކޯޓު: ހިބަޅިދޫގެ މައްސަލާގައި ފަނޑިޔާރުން ރިޝްވަތަށް އެދުުނު ކަމުގެ ތުހުމަތު ބަލަން އެ ކޯޓުން ވަނީ ފުލުހުންނަށް ހުށަހަޅާފައި -- ފޮޓޯ/މިހާރު
27 އޮކްޓޯބަރ 2019 - 19:55
15 comments
ބ. ހިބަޅިދޫގެ މައްސަލަ ހައި ކޯޓުން ވަކި ގޮތަކަށް ނިންމުމަށް ރިޝްވަތުގެ ގޮތުގައި ފައިސާ ދޭން ބައެއް ފަނޑިޔާރުން އެދިވަޑައިގަތް ކަމަށް ބުނާ މައްސަލަ ތަހުގީގުކޮށް، އޭގެ ހަގީގަތް ހޯދަން ހައި ކޯޓުން ފުލުހުންނަށް މިއަދު ހުށަހަޅައިފި އެވެ.
ބ. ހިބަޅިދޫގެ އެއްބަސްވުން ބާތިލްކޮށް، އެތަން ސަރުކާރުން އަތުލި މައްސަލާގައި އެ ރަށް އޭރު ހަވާލު ކޮށްފައިވާ ބިޒްނާސް މޯލްޑިވްސް އިން ދައުވާކުރި މައްސަލާގައި ސިވިލް ކޯޓުން ވަނީ އެ ރަށް އަނބުރާ ދޭން ދައުލަތުގެ މައްޗަށް ހުކުމްކޮށްފަ އެވެ. އެކަމަކު ފަހުން އެ ހުކުމް ހައި ކޯޓުން ބާތިލްކުރި އެވެ.
އެ މައްސަލަ ހައި ކޯޓުން ބިޒްނާސްއާ އެއްކޮޅަށް ނިންމުމަށްޓަކައި ފަނޑިޔާރުން ރިޝްވަތުގެ ފައިސާ ހޯދަން އުޅުނު ކަމުގެ ތުހުމަތުތަކެއް ޓޫރިޒަމް މިނިސްޓަރު އަލީ ވަހީދު ދާދިފަހުން ވަނީ ފެންމަތި ކުރައްވައިފަ އެވެ. އެގޮތުން ފަނޑިޔާރުން ފައިސާ ބޭނުންވާ ކަމުގެ ފޯން ކޯލްތަކެއްގެ އިތުރުން ރާއްޖެއިން ބޭރުގައި ފަނޑިޔާރުންނާ ބައްދަލު ކުރެވޭނެ އިންތިޒާމް ހަމަޖެހިދާނެ ކަމަށް ބުނެ ބިޒްނާސް ކުންފުނީގެ މެޖޯރިޓީ ހިއްސާ އޮންނަ މުހައްމަދު ރިޔާޒާ ބައްދަލު ކުރި ކަމަށާއި އެކަމަކު އެކަމަށް ރިޔާޒް އިންކާރު ކުރެއްވީ ކަމަށް އަލީ ވަހީދު ވިދާޅުވެފައިވެ އެވެ. އަދި ކުރީގެ މިނިސްޓަރެއްގެ ޚަރަދުގައި ފަނޑިޔާރުންތަކެއް ރާއްޖެއިން ބޭރަށް ގެންދިޔަ ކަމަށް ވެސް އަލީ ވަހީދު ވިދާޅުވެފައިވެ އެވެ.
އެކަމާ ގުޅިގެން ހައި ކޯޓުން ނެރުނު ބަޔާނެއްގައިވަނީ އެ ތުހުމަތުތައް ބެލުމަށް ފުލުހުންނަށް ހުށަހެޅީ އެއީ ސީރިއަސް ކަންތައްތަކެއް ކަމަށްވާތީ ކަމަށާއި ފަނޑިޔާރުން ފޮނުވައިގެން ކަމަށް ބުނެ ރިޝްވަތު ހޯދަން ދިޔައީ ކޮން ބައެއްތޯ އާއި ގުޅީ ކޮން ބައެއްތޯ ބެލުމަށާއި އަދި ކުރީގެ މިނިސްޓަރެއްގެ ޚަރަދުގައި ދަތުރު ކުރެއްވީ ކޮން ފަނޑިޔާރުންތަކެއްތޯ ބަލަން އެ މައްސަލާގައި ފުލުހުންގެ ކިބައިން އެދިފައިވާނެ ކަމަށެވެ.
"މި މައްސަލައިގެ ތަހުގީގަށް ފުރިހަމަ އެއްބާރުލުން ދެއްވުމަށް ދިވެހިރާއްޖޭގެ ހައި ކޯޓުގެ ފަނޑިޔާރުން ތިއްބެވީ ތައްޔާރަށެވެ." އެ ބަޔާނުގައިވެ އެވެ.
އެ ބަޔާނުގައިވާ ގޮތުން އެފަދަ މައްސަލަތަކަކީ ޝަރުއީ ދާއިރާގެ އިތުބާރާ ގުޅުންހުރި ކަމަކަށް ވާތީ އެފަދަ ކަންކަން ބަލަން ޖެހޭނެ އެވެ. އެހެންވެ، އެކަމުގައި ފުރިހަމަ ތަހުގީގެއްކޮށް ދިނުމަށް ފުލުހުންގެ ކިބައިން އެދިފައިވާނެ ކަމަށް ވެސް އެ ބަޔާނުގައިވެ އެވެ.
ހިބަޅިދޫ 50 އަހަރަށް ކުއްޔަށް ދިނުމުގެ އެއްބަސްވުން ކުރީގެ ސަރުކާރުން ބާތިލްކުރީ އެރަށުގެ އިކިއުޒިޝަންސް ކޮސްޓްގެ ގޮތުގައި ދައްކަންޖެހޭ ތިން މިލިއަން ޑޮލަރު ދައުލަތަށް ނުލިބޭ ކަމަށް ބުނެ އެވެ. އެކަމަކު ބިޒްނާސް ކުންފުނިން އެކަމަށް އިންކާރު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަައްޕޫ
29 October 2019
މިމައްސަލަ މިހެން ދިގު ދެންމުމުގެ އެއްވެސް ބޭނުމެއް ނެތް ހުރިހާ ގެއްލުމެއް ލިބެނީ ބިޒްނާޒް އަށާއި ސަރުކާރަށް، ސަރުކާރަށް ލިބެންޖެހޭ ރެވެނިއު އަށްވިސްނަވާ އަވަހަށް މައްސަލަ ނިންމަންޖެހޭ މީގެ އިތުރުން ކޯޓްތަކުގެ ފަޑިޔާރުން މައްސަލަތައް ނިންމާ ގޮތާއިމެދު އެތައް އާންމު ފަރުދުންގެ މަސްލަހަތު ގެއްލިގެންދޭ މިމައްސަލައަކީ މިކަމުގެ މިސާލެއް ވީމާސަރުކާރުން މިމައްސަލަ އިންސާފު ވެރިކޮށް ބިޒަނާސް ހައްޤު ހޯދާ ދޭންޖެހޭ
ަިްނާހިދާ
28 October 2019
ހެޔޮނުވާނެ، އެސޮރު މިހާރު ހުރީ ދަރާ ވިކިފަ، ހުރިހާ ގެއްލުމެއް އެސޮރަށް. ކަންކުރީ އޭރުގެ ވަޒީރުން، ދެން ލާރިހޯދަން އަައީ ތިބުނާ މައްސަލަބަލާ ބޭފުޅުން. ހެޔޮނުވާނެ.
ަިްނާހިދާ
28 October 2019
އެހާދުވަހު މައްސަލަ ބޭއްވި ސަބަބަކީ، ޒަމީރު އަންގައިގެން، ރިޔާޒް ކުށަކީ ކޮބައިތޯ ރިސްވަތަށް ނުހެލުނީމަތޯ. ކޯޓުތައް އިސްލާހު ކުރައްވާ، މިސަރުކާރަށް ތާއީދު، ތިޔަ މައްސަލަބަލާ ބޭފުޅުން ނުޖެހޭ އޮންކޮމާންޑަށް ހުންނާކަށް. ރިޔާޒަކީ ހެޔޮލަފާ ދަރިއެއް.
ހެކި
28 October 2019
ދިވެހިރާއްޖޭގައި ކޮރަޕްޓީ ކޮންބައެއްކަން އެބައެގޭނޫންތޯ؟ އެމް.އެމް.ޕީ އާރު ސީގެ ރުފިޔާ ލިބުނު މީހުންގެ ތެރޭގައި މަޖިލީހުގެ 46+16 އެބައުޅޭ. ފަނޑިޔާރުންގެ ތެރޭގައި އުޅެނީ 05 ކަމަށްވަނީ. ފުލުހުންގެ ތެރޭގައިވެސް އެކަށީގެންވާ ޢަދަދެއް އެބައުޅޭ. ވީމާ ފަނޑިޔާރުގެ ތޯ މަޖިލީސްތޯ ކޮރަޕްޓީ އެބަ ނިންމަންޖެހޭ.
ވެރިން
28 October 2019
ސޫދުއާ ހަވާލުކުރޭ ތިމައްސަލަ ތަހްގީގް ކުރަން
އަލީމު
28 October 2019
ހާދަ ވަރަކަށް ހިނަޅިދޫ ސުރުހީގަ މިއެނބުރެނީ؟؟ ކޮން ގޭސް ގަނޑެއްބާ މި އަނބުރަނީ؟؟ ދުވަސްކޮޅަކުން އެނގިދާނެ
ރަންދެލި
28 October 2019
ރިޔާޒު ދައްކާ ވާހަކަ ޤަބޫލު ކުރަން ހެޔޮ ވެސް ނުވާނެ! ތިއީ ކޮން ބައެއް ކަން ނޭގޭ މީހަކު މި ރަށުގަ މަދުވާނެ.
ޒަކް
28 October 2019
ތި ފަނޑިޔާރުންގެ ހާލު އަދި މާގޯސްވާނެ.. އެމީހުންގެ ގޮތް ނުދަންނަ ބަޔަކު މި ދިވެހި އުޑު ދަށަކުވެސް ނޫޅޭނެ.. ރިޔާޒުގެ ވާހަކައަށް ބާރު ލިބޭ ކަންތައްތަކެއް އެބަހުރި..މުއްދަތު ހަމަވެފަ އޮއްވާ މައްސަލަ ބަލައިގަތުމާ، އަޑުއެހުން ނިންމާލާފަ ދޮޅުއަހަރު ހުކުމް ނުކޮށް ތެޅުވުންފަދަ އެތަށްކަމެއް
ޢައްޓަމަސް
28 October 2019
މުޅިގައުމު މިހިންގަނީ މަޖިލީހުން ސިވިލްސަވީސް ކޮމިސަނުން ބުނަންޖިހޭ އެއްޗެއްވެސް އެހެންތާކުންކުން ބުނަނަން ޖިހޭއެއްޗެއްވެސް މިބުނަނީ މަޖިލީހުގެ ރައީސް
ަިްނާހިދާ
28 October 2019
ރިޔާޒު އަށް ސާބަސް، ހުރިހާ ގެލުމެން އެފަކީރަށް، އެފަކީރުގެ ކުށެކީ މިފަހަރު، ރިސްވަތު ނުދިނުން ތޯ.. މިސަރުކާރަށް ތާއިދު، ކޯޓުތަށް އިސްލާހުކުރަށްވާ، މީހުންގެ ހައްގު ހޯދާކަށް ރިސްވަތު ދޭކަށް ނުވާނެ. ޚަރާމް ޙަރާމް.
ޒައީމް
28 October 2019
ރިޔާޒުގެ ވާހަކައަށް ބާރު ލިބޭ ދެ ކަމެއް އަޅުގަނޑަށް ފާހަގަވި މި މައްސަލައަށް ބެލުމުން.. ފުރަތަމަކަމަކީ އިސްތިޢުނާފުގެ މުއްދަތު ފާެިތުވެ ދިޔަތާ އެތަށް ދުވަހެއް ފަހުން މަޤުބޫލު އުޒުރެެއް ނެތި މައްސަލަ ހައިކޯޓަށް ބަލައިގަތުން.. އަނެއް ކަމަކީ އަޑުއެހުންތައް ނިންމާފަ އަހަރަކަށްވުރެއް ގިނަ ދުވަހު ހުކުމުން ނުކޮށް ބޭއްވުން.. ޑިމާންޑުކުރުންތަކެއް ނާންނާނެއޭ ދަންނަވަން ދަތި މިހިރަކަންތަކުން.. ނުވާނެކަން އެނގުނީމަ މައްސަލަ ނިންމާލީކަމަށްވެސް ވެދާނެ.