ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

މުއިއްޒު އާބިޓްރޭޝަނަށް ދެއްވި ބަޔާންތައް ދިރާސާކުރަނީ

އަހުމަދު ސާއިލް އަލީ، މިހާރު

30 އޮކްޓޯބަރ 2019 - 15:55

ހައުސިން ޔުނިޓްތަކެއް އަޅަން އަމިއްލަ ކުންފުންޏެއް ކަމަށްވާ ނޫމަޑިއާ އެކު ސަރުކާރުން ހެދި އެއްބަސްވުން އުވާލުމާ ބެހޭ ގޮތުން ކުރީގެ ހައުސިން މިނިސްޓަރު ޑރ. މުހަންމަދު މުއިއްޒު ނެދަލޭންޑްސްގެ އާބިޓްރޭޝަނަކަށް ދެއްވާފައިވާ ބަޔާން ރައްޔިތުންގެ މަޖިލީހުން ދިރާސާކުރަން ފަށައިފި އެވެ.

އެކަމާ ބެހޭ ގޮތުން މިއަދު ފުރަތަމަ ފަހަރަށް މާލިއްޔަތު ކޮމެޓީގެ ބައްދަލުވުމެއް ވަނީ ބާއްވައިފަ އެވެ. އެކަމަކު އެ ބައްދަލުވުން ވަނީ ސިއްރުކޮށްފަ އެވެ.

ނެދަލޭންޑްސްގެ ދަ ހޭގްގައި ހުންނަ ޕާމަނަންޓް ކޯޓް އޮފް އާބިޓްރޭޝަނަށް މުއިއްޒު ދެއްވި ބަޔާނާ ގުޅިގެން މައުލޫމާތު ސާފުކުރަން އަންނަ ހޯމަ ދުވަހު ކޮމެޓީ އަށް ހާޒިރުކުރާނެ އެވެ.

ނޫމަޑި ރިސޯޓްސް އެންޑް ރެސިޑެންސަސް (ނޫމަޑި) އަށް ދައުލަތުން 55 މިލިއަން ޑޮލަރު (849،750،000ރ.) ވަނީ ދީފަ އެވެ.

Noomadi ah bodu badhaleh dheyn jehumun Muizz Committee ah

The most trusted news source in the Maldives

Mihaaru

މުއިއްޒު ކޮމެޓީއަށް ހާޒިރުކުރަން ނިންމުން---

ދައުލަތުން މިހާ ބޮޑު ބަދަލެއް ދޭން ޖެހުނީ ހައުސިން ޔުނިޓްތަކެއް އަޅަން އެ ކުންފުންޏާ ހަވާލުކުރި ދެ އެއްބަސްވުން ގާނޫނާ ޚިލާފަށް ކުރީގެ ސަރުކާރުން އުވާލުމުން ކަމަށް މި ސަރުކާރުން ވަނީ ބުނެފަ އެވެ. ކޯޓުން ބޭރުގައި ހައްލުކުރުމަކީ މި މައްސަލައިގައި ދައުލަތަށް އެންމެ ފައިދާ ހުރި ގޮތް ކަމަށް ވެސް ބުންޏެވެ.

ސަރުކާރުގެ އިސް ބޭފުޅުން ވިދާޅުވާ ގޮތުގައި، ނޫމަޑި އެއްބަސްވުންތައް ބާތިލްކުރީ ގޯސްކޮށް ކަމަށް އާބިޓްރޭޝަނަށް ހުށަހެޅުއްވި ލިއުމެއްގައި މުއިއްޒު އޮތީ އިއުތިރާފްވެވަޑައިގެން، ދައުލަތާ ދެކޮޅަށް ވާހަކަ ދައްކަވައިފަ އެވެ. މި ތުހުމަތާ މެދު މިނިސްޓަރު މުއިއްޒު މިހާތަނަށް އެއްޗެއް ވިދާޅެއް ނުވެ އެވެ.

އެއްބަސްވުން އުވާލި މައްސަލައިގައި ނޫމަޑިން، އާބިޓްރޭޝަނަށް ހުށަހެޅީ 155 މިލިއަން ޑޮލަރު (2.3 ބިލިއަން ރުފިޔާ) އަދި އާބިޓްރޭޝަނާ ގުޅޭ އެހެން ޚަރަދުތައް ހޯދާށެވެ. ކޯޓުގައި މި މައްސަލަ ހިނގަމުން ދަނިކޮށް އެ ކުންފުންޏާ ވާހަކަ ދައްކައި ބަދަލު ދިނީ، ރައީސް އޮފީހުގައި އޮންނަ ސެޓްލްމެންޓް ކޮމިޓީން ނިންމައިގެންނެވެ.

ނޫމަޑި އަށް ބޮޑު ބަދަލެއް ދައުލަތުން ދިނީ، ނޫމަޑިއާ ގުޅޭ ޚާއްސަ އޮޑިޓެއް، އޮޑިޓް އޮފީހުން ކުރަމުން އަންނަނިކޮށެވެ. އަދި އެ ކުންފުނިން ހިންގި ހައުސިން މަޝްރޫއުތަކާ ގުޅޭ މައްސަލައެއް އެންޓި ކޮރަޕްޝަން ކޮމިޝަން (އޭސީސީ) އިން ވެސް ތަހުގީގު ކުރި އެވެ.

ރައްޔިތުންގެ މަޖިލިސް ބޯހިޔާވަހިކަން މަޖިލީހުގެ މާލިއްޔަތު ކޮމިޓީ ޑރ. މުހައްމަދު މުއިއްޒު، މާލޭގެ މޭޔަރު

9 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަގީގަތް23

31 October 2019

155 މިލިއަން ޑޮލަރ ލިބެން އޮއްވާ ކީއްވެޔޯ 55 މިލިއަން ޑޮލަރަށް އެއްބަސްވީ.. އަރަތެއް ނޫންބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެގުނުކަތީބު

31 October 2019

ރައްޔިތުންނަށް ގެއްލުންވާގޮތަށް އެއްބަސްވުންތަވެ އެއްބަސްުންތަށް ގަވާޢިދާ ޚިލާފަށް އުވާލާފަރާތްތަށް އެ ގެއްލުމާއި ޒިއްމާކުރުވެންޖެހޭނެ. ހަމައެކަނި ރަށެއްގެ ކައުންސިލަރަކު ކުރާކަމެއް ނޫން ޒިއްމާވާންޖެހޭނީ. ދަޢުލަތުގެ ކޮންމެ މުއައްސަސާއަކުންވިޔަސް ކަމަކާއި ޒިއްމާކުރުވާފައިވާ ފަރާތެއް ޒިއްމާ އަދާކުރުމުގައިވާ އިހުމާލުގެ ބަދަލު ދޭންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބްލާ

31 October 2019

ކީއްކުރަން؟ ބަދަލު ދީ ނިމިފަ އެއްނު އެއޮތީ؟ އެހެން ނޫނަސް ތިއަށް ވުރެ މާބޮޑެތި ޖަރީމާ ހިންގާފަ ހުރި މީހެއްތީ... އެއް ކަމެއްވެސް އެބަ ބެލޭތަ؟ ސަރުކާރު އައިތާ 1 އަހަރު މިއޮއް ވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރޭ

31 October 2019

ތިޔަށްވުރެ މާ ރަނގަޅުވާނެ ކުރީގެ ރައީސް ނަޝީދު ޑެންމާކުގައި ދީފައިވާ ބަޔާން ދިރާސާކޮށް އޭނާ އާއި މެދު އަޅަންޖެހޭ ފިޔަވަޅު އެޅިއްޔާ. މި ސިަރުކާރާ މަޖިލީހުގެ މެންޑޭޓަކީ މެދުތެރެއިން ތައްނކޮޅެއްގައި ހިފާ ދެމުން. ކުރިން ހިނގާފައިވާ ކަންކަމާއި މިހާރު ހިނގަމުންދާ ކަންކަން ބަލާ ފިޔަވަޅޫ އެޅުމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބު-9

30 October 2019

މިއިއްޒަކީ ރޯޑު ކޯޕަރޭޝަނެއްހަދާ އެތަނަކީ މުއިއްޒުގެ މީހުންނަށް މަސައްކަތް ހޯދަން އޮތް ރޯޑު ކޯޕަރޭޝަނެއްގެ ގޮތުގައި އުޅެމުން އައި މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔުބެ

30 October 2019

މިކިޔަނީ އެމްޑީއެން އުވާލާ އަދި ލާދީނީ ފިކުރުގެ އެ ރިޕޯޓް ދިފާއުކުރާ އެންމެން ހިފާހައްޔަރުކުރޭ. އެކަންކޮށްފައި ދެން ޑްރާމާކުޅުނީމައި ބަލާނެމީހަކުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިދިގުބޯވަ

30 October 2019

މިކަމުގެ ބަދަލު މުއިޒުގެ އަތުން ރައްޔިތުންނަށް ލިބެންޖެހޭނެ. އޭނަގެ ގޯތި ގެދޮރާއި މުދާ ވިއްކައިގެންވިއަސް. މި ހުންނަނީ ގަސްތުގައި ރައްޔިތުންނަށް ދޭ އަނިޔާ. މި މައްސަލާގެ ކޮމެޓީ ރައްޔިތުންނަށް ސިއްރު ކުރުމަކީ މި ސަރުކާރުން ރައްޔިތުންނަށް ބެވޭ ބޭ އިންސާފެއް ކަމުގައި ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

30 October 2019

ދަރިއަކުނެތް އޭނަގެ ޕާރޓީ ކިތައް އެކްޓިވިސްޓުންނަށް މި ނުލަފާ އިންސާނާ ވަނީ ފްލެޓް ދީފަ. އެކަމަކު އަހަރުމެން ފްލެޓް ހައްގު ވެރިން މިތިބީ. މިކަން ބަލަނީ ކާކު؟ ނުހައްގުން ފްލެޓް ދިނީމަވެސް މުއިއްޒު ހައްޔަރު ނުކުރަނީ ކީއްވެ؟