ކުރީގެ ރައީސް އަބްދުﷲ ޔާމީން. އެމަނިކުފާނުގެ ޝަރީއަތް މިމަހު 17 އަށް ވަނީ ތާވަލްކޮށްފައި
07 ނޮވެމްބަރ 2019 - 10:24
22 comments
ކުރީގެ ރައީސް އަބްދުﷲ ޔާމީނަށް ދައުލަތުން ދައުވާކުރާ މަނީ ލޯންޑްރިންގެ ދައުވާގެ ޝަރީއަތުގެ އަޑުއެހުމެއް މި މަހުގެ 17 ވަނަ ދުވަހު ބާއްވަން ކްރިމިނަލް ކޯޓުން ތާވަލުކޮށްފި އެވެ.
ޔާމީންގެ ޝަރީއަތުގެ ހުރިހާ އަޑުއެހުންތަކެއް ނިމި، ހުުކުމްކުރަން އޮތީ މިދިޔަ އަންގާރަދުވަހު އެވެ. އެކަމަކު އެ މައްސަލަ ބައްލަވާ ކްރިމިނަލް ކޯޓުގެ އިސް ގާޒީ އަހުމަަދު ހައިލަމް ޖުޑީޝަލް ސާވިސް ކޮމިޝަން (ޖޭއެސްސީ) އިން ސަސްޕެންޑްކުރުމުން ޝަރީއަތް ކެންސަލްކުރީ އެވެ.
ޖޭއެސްސީ އިން ހައިލަމަށް ފިޔަވަޅު އެޅީ ނަސްރުގެ ދުވަހުގެ ތަހުނިޔާ ފޮނުވުމުގެ ގޮތުން އޭނާ ކްރިމިނަލް ކޯޓުގެ ވައިބާ ގްރޫޕަކަށް ފޮނުއްވި ކުރެހުމެއްގެ މައްސަލައިގަ އެވެ. އެ ކުރެހުމުގައި، ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކަރުުގައި ޗޭނު ޖަހާފައި ހުރެ އެވެ.
ހައިލަމް ސަސްޕެންޑް ކުރުމަށް ފަހު ކްރިމިނަލް ކޯޓު ހިންގުން ގާޒީ އަލީ ރަޝީދު ހުސައިނާ ހަވާލުކޮށްފައި ވާއިރު، ޝަރީއަތް އަލުން ޝެޑިއުލްކޮށްފައި ވަނީ ވެސް އިސް ގާޒީ ސެކްޝަނުން ކަމަށް އެނގިފައިވެ އެވެ.
ޖިނާއީ އިޖްރާއާތުގެ ގާނޫނު ބުނާގޮތުން ދެން އެ މައްސަލާގައި އަމަލު ކުރާނެ ގޮތެއް ކަނޑައަޅާނީ ކޯޓު ހިންގުމާ ހަވާލުވެ ވަޑައިގަންނަވާ ފަނޑިޔާރެކެވެ. އެގޮތުން އެ މައްސަލަ ގޮސްފައި އޮތް ހިސާބުން ފެށިގެން އެހެން ފަނޑިޔާރަކާ މައްސަލަ ހަވާލު ކޮށްގެން އެ މައްސަލަ ކުރިއަށް ގެންދަން ނިންމުން ނުވަތަ ޝަރީއަތް އަލުން ފަށަން ނިންމިދާނެ ކަމަށް އެ ގާނޫނުގައިވެ އެވެ.
ޔާމީންގެ މައްޗަށް ދައުލަތުން މަނީ ލޯންޑްރިންގެ ދައުވާކުރަނީ އެމަނިކުފާނުގެ ނަމުގައި އޮތް އެކައުންޓަކަށް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ ފައިސާ ދައުރުކުރި ކަމަށް ތުހުމަތު ކުރެވޭ އެސްއޯއެފް ކުންފުނިން އެއް މިލިއަން ޑޮލަރު ޖަމާކުރި މައްސަލާގަ އެވެ. އެ ފައިސާ އެންޓި ކޮރަޕްޝަން ކޮމިޝަން (އޭސީސީ) އާ އެކު ހަދާ އެސްކްރޯ އެކައުންޓެއްގައި ބަހައްޓަން އެއްބަސްވެ ވަޑައިގަތުމަށް ފަހު އެހެން ފައިސާތަކެއް އެސްކްރޯ އެކައުންޓަށް ޖަމާކޮށް އަދި އެސްއޯއެފް އިން ޖަމާކުރި ފައިސާ އިސްލާމިކް ބޭންކްގެ ޖެނެރަލް އިންވެސްޓްމަންޓް އެކައުންޓަކަށް ބަދަލުކޮށް އެ ފައިސާގެ އަސްލު އޮޅުވާލީ ކަމަށް އެ ދައުވާގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަންޕަ ދަރި
07 November 2019
އެމްސް އަށް ބުނެލަން އޮތީ ޔާމީނާ އިދިކޮޅަށް ތިޔަ މައްސަލަ ނިމިއްޖެނަމަ ރާއްޖޭގައި ދައުރުވާ ހުރިހާ ފައިސާ އެއްގަ ކާކުގެ އެއްޗެއްކަން އެނގޭނެހެން ވެރިފަރާތުގެ ފޮޓޯއެއް ނަމަވެސް ޖެހުމަށް މަޖުބޫރުވާނެކަމަށް. އަދި އޮފީސްތަކުން ބޭންކަށް މުސާރަ ފޮނުވާއިރު ނޫޓުގަ އިންނަ ސީރިއަލްނަމްބަރު ޖަހަންޖެހޭނެ. އަދި ބޭންކުން ދޭންވެސް ޖެހޭނީ ހަމަ އެނޫޓް.
އެމްސް
07 November 2019
މަނީލޯންޑަރ ކުރުމަކީ ކޮބާ؟ ދައުލަތުން މަދުވާ ބިލިޔަންތައް ކޮބާ؟
ތިލަދުންމަތި
07 November 2019
ޔާމީނު ވީމާ، ސިޔާސީ ބިރަކަށްވާތީ، ފަހީހަތްކުރާނަމޭ ހިތާ ލައިވްކޮށްގެން ބޭއްވި ޝަރީއަތުން، ހުކުމާ ހަމައަށް ދިޔަތަނާ، އުންމީދުކުރި ހުކުމް ނާތުވެދާނެތީ، ގާޒީ ފްރީޒްކޮށް އެންނެފަހުން އަތަށް ގޮވާއިރުވެސް، އެމީހުންގެ މީހުންނަން އެބުނާ ފައިސާއެއް ލިބުނީމާ،- ޑޮލަރު ގަތުމަށް، ލައިސަންސް ނެތަަސް ހިންގި ސައްޙަ މުޢާމަލާތް!- ލިބުނު ގޮތެއް ނޭގޭ ފައިސާއިން ގެސްޓް ހައުސް ހަދާފައިވެސް، ބޭރުގެ އިންވެސްޓަރުން!- ލައްކަ ލައްކައިން ބްރޯ ފައިސާ ދިންކަން ފަޅާއެރުމުން، ލިބެންޖެހޭ ޙައްގު ފައިސާ!- މިހާރުގެ ޙާކިމާ އަށް ބޮޑު ތުހުމަތު ކުރާއިރުވެސް މުއައްސަސާތައް ހައްޕު! ، ނޫނޭ، މީވާ ގައުމެއް!
މާޖީ
07 November 2019
ހާދަ ލަހެކޭ. މިހާރު ކިހާދުވަހެއް މިވަނީ ބޮނޑި ބަތް ކައްކަން ތައްޔާރުކޮށްގެން މަ ހުންނަތާ. 9 ، ހުކުރު ދުވަހު ނޫނީ ނޮވެމްބަރު 11 ވަނަދުވަހު ކުރިޔަސް އޯކޭ.
ހެޔޮބަސް
07 November 2019
ކެއްކި ބޮނޑިބަތް ހިހޫނުވަނީސް ބޮނޑިބަތް ކުނިވާތަންވެސް ފެނިދާނެ.. ބާރު އެގާރައަށްވެސް ވެދާނެ... 13އަހަރުގެ ޓެރަރިސްޓް ހުކުމެއިތް މީހަކު މިއަދު ބާރުވެރިކަން ލިބުނުގޮތަށް މިކަމަކީ ނިމުނެތް އިމެނެތް ކަމެހެންހީވާނަމަ އަވާމެންދުރުގަ ތިހުރެވެނީ.. ކަމެއްގެ ނިމުމާ ފެށުންވެސްވަނީ ކުޅަދުންވަތަ ﷲގެކިބައިން.. މިތަންކޮޅު ހަދާންކުރާތި ބޮނޑިބަތް ކައްކަންއުދުމުގެކުރިން.. މާދަމާއަކީ އަންނާނެދުވަހެ އެދުވަހަށް ބޮނޑިބަތަށް ބޭނުންވާބާވަތްތަ ހުސްނުކޮށް ބަހައްޓާތި..
އާރީ
07 November 2019
ޔާމީނަށް އިންސާފް ހޯދައި ނިންމަށް ލަސްވެއްޖެ.
ފަޅުވެރިން
07 November 2019
ޢަލީ ރަޝީދަކީ ޖިންސީ ފުރައްސާރައިގެ ތުހުމަތު އުފުލިފައިވާ މީހެއް. ޝަރީޢަތުގެ ކުރިން އޭނަވެސް ސަސްޕެންޑް ކުރަން ޖެހޭނެ އެއްނު؟
ޔާނު
07 November 2019
ބުހުތާނު ދޮގުވާހަކައެއް ތިޔަ ބުނީ.... ފަޅުވެރިންގެ މައްޗަށް ދަޢުވާ ކުރަންޖެހޭ
އެމްސް
07 November 2019
ވަރަށްސާފު ދަޢުވާއެއް، މީހެއްގެ ދަރިއެއް ވަގަށް ނަގާ، އެކުއްޖާގެ ބަދަލަކަށް އެހެން ކުއްޖަކު ދިނުމީ އެކުއްޖާ ލިބުމެއް ނޫން
ޒިންމާ
07 November 2019
ކޮއްކޯ ފައިސާ އަކީ އެކަހަލަ އެއްޗެއް ނޫން. މީހަކު އަތުން 100 ރުފިޔާ ގެ ނޫޓެއް ދަރަންޏަށް ނަަގާފަ 50 ރުފިޔާ ގެ 2 ނޫޓުން 100 ރުފިޔާ އަބުރާދިނަސް ޖެއްސޭނެ އެއްވެސް މައްސަލައެއް ނޯންނާނެ. ފައިސާ އަކީ ފައިސާ އަދަދު ހަމަވަންޏާ.
އަހުމަދުބޭ
07 November 2019
ޒިންމާ މިސުވާލަށް ޖަވާބުދީބަލަ؟ ފައިސާގެ ވާހަކަ ބާއްވާ، ވައްކަން ކޮށް ވައްކަން ކުރާނެ ގޮތުގެ އިންސްޓުރަކްސަން ދީ ކަންކޮއްނިމުނު ތަނުން މިވައްކަން ކުރިމީހުން ފަޅައި އެރީމާ ދެން މިބުނަނީ މަހަމަބުނާ ކަމެއް ކުރަންޖެހޭ ހޭ، ދެން ތިޔަ ވައްކަން ކުރިކަމަށް ބުނާ ލާރިހުންނާނީ މިހާރު ދީފައޭ، އަހަރެން އެކަން ކުރީ ވަރަށް ރަގަނޅު ނިޔަތުގައޭ، ކޮބައިހޭ މައްސަލައަކީ، ސުވާލަކީ މިހެން އޮތް ކަމެއްގައި ވައްކަން ނުކުރާ ކަމަށްވާނެހޭ،؟ ސަރިއަތުން ކޮންމެ ހުކުމެއް އަޔަސް؟
އެމްސް
07 November 2019
ދަރިޔާ 'ޒިއްމާ' މަނީ ލޯނޑަރ ގެ ޤާނޫނު ކިޔައިގެންތޯ ތި އުޅެނީ؟ ނުހަމަ ފައިސާއަކުން ނާޖާއިޒް ނަގަމުން، އެކަން ނުހުއްޓާ، ކަން އޮޅުވާލަން އުޅެގެން މިފަހަރު އޮޅުނީ އަމިއްލަ އަށް ނުން!
އަލިބެއްޔާ!
07 November 2019
ގާނޫނީގޮތުން މިމަހު 9ގެ ކުރިން ހުކުމް ކުރަންޖެހޭ. މީ ކުޅިވަރަކަށް ނަހައްދަވާ.
ފަޅުވެރިން
07 November 2019
ނޮވެމްބަރ 17 ޚިޔާރު ކުރީ ސަބަބަކަށް ޓަކައި. ޖުޑިޝަރީގެ މައްޗަށް އޮތް މިސަރުކާރުގެ ނުފޫޒު ހަމައެކަނި މިކަމުން ވެސް ދޭހަކުރޭ! ތިއީ ޝަރީޢަތެއް ނޫން. ތިއީ ޑްރާމާ އެއް!
ސާދާސީދާ
07 November 2019
ޤާނޫނުގެ އެއް މާއްދާ ވިދާޅުވީމައި ވާގޮތް ތިޔައީ. މިހާރު ނޫހުން ވެސް މިކަން ތަފްޞީލްކޮށް ޚަބަރެއް ގެނެސްދީފި. މިލިއުމާއި ގުޅޭ ޚަބަރުތައް ވިދާޅުވީމައި ވެސް އެކަން ސާފުވާނެ.
އިންސާނާ
07 November 2019
އަޑުއެހުން ލައިވްކުރަން ކަމާގުޅުންހުރިފަރާއްތަކަށް ކެރިވަޑައިގަންނަވާނެބާ
ކާލާމަންނަނ
07 November 2019
ޔާނަށް ހުކުމް ކުރަން އެންމެ ފައްކާ ވާނީ އަލީ ހަމީދު.
ޕޮޕޮޕ
07 November 2019
ކަލޯ މަރަށު ގާސީމީހާވެސް ފަސް ޖެހޭ ހަކުރު ސޮރަކަށް ކުޑަ ގޮތެއް ހަދާލަން ވިޔަސް. ރޯމާ ދުވާލު ހިފާފަ ދިނީމަވެސް. އެހެންވީމާ މަގޭ ވާހަކައަކީ ނިކަން ގާސީމީހާ ކައިރިއަށް ޕޮލިސް ސްޓޭސަނު ސޮރަކު ފޮނިވައިދޭށޭ. ހަށި ފާރައަށް. އޭރުން ތިޔަކަން ވެދާނޭ!