މުސްހަފް މާލްދީފްގެ 50،000 ފޮތް ޗާޕުކޮށްފި، އެއް ކޮޕީ ރައީސަށް އަރުވައިފި

އިސްލާމިކް މިނިސްޓަރު ޒިޔާދު މުސްހަފް މާލްދީފް ރައީސް ޔާމީނަށް މިއަދު އަރުވަނީ: މިއީ ދިވެހި ހުރިހާ ރައްޔިތުންނަށް ދިނުމަށް ތައްޔާރު ކުރި މުސްހަފެއް-- ފޮޓޯ: ރައީސް އޮފީސް

އާމިނަތު ޝިފްލީން، މިހާރު

27 ސެޕްޓެމްބަރ 2016 - 16:21

10 comments

ކޮންމެ ދިވެއްސަކަށް މުސްހަފެއް ހަދިޔާކުރުމަށް އިސްލާމިކް މިނިސްޓްރީން ފެށި ޕްރޮގްރާމްގެ ދަށުން "މުސްހަފް މާލްދީފް"ގެ 50،000 ހަތިމެއް ފުރަތަމަ ބުރުގައި ޗާޕުކޮށްފި އެވެ.

މީގެ ދެ އަހަރު ކުރިން މަސައްކަތް ފެށި މި މަޝްރޫއުގެ ދަށުން ޗާޕްކުރި ކުރި ފުރަތަމަ މުސްހަފް ރައީސް އަބްދުﷲ ޔާމީނަށް މިއަދު ވަނީ އަރުވައިފަ އެވެ.

ރައީސް އޮފީހުގައި ބޭއްވި ރަސްމިއްޔާތެއްގައި މި މުސްހަފް ރައީސް ޔާމީނަށް އެރުވީ އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރެވެ.

ރައީސް ޔާމީނަށް މިއަދު އެރުވި މުސްހަފް މާލްދީފްގެ ކޮޕީއެއް: ފުރަތަމަ ބުރުގައި 50،000 މުސްހަފް ވަނީ ޗާޕުކޮށްފައި-- ފޮޓޯ: ރައީސް އޮފީސް

އިސްލާމިކް މިނިސްޓްރީން ބުނިގޮތުގައި ރާއްޖޭގެ ބައެއް އާސާރީ މިސްކިތްތަކާއި ކުރެހުންތައް ހިމަނައިގެން ތައްޔާރުކުރި މުސްހަފުތަކުގެ ފުރަތަމަ ޗާޕް ނިމިފައިވާއިރު، ދެތިން ހަފުތާ ތެރޭގައި އެ މުސްހަފުތައް ރާއްޖެ ގެންނާނެ އެވެ.

މުސްހަފުގެ ބޭރުގަނޑާއި އެތެރޭގެ ކުރެހުންތަކާއި ލޭއައުޓްގައި، ހުކުރު މިސްކިތުގައި ހިމެނޭ އަތްތެރި މަސައްކަތުގެ ފަންނުވެރި ކުރެހުންތައް އެކުލެވޭ ކަމަށް ސަރުކާރުން ބުންޏެވެ.

ކުރީގެ އިސްލާމިކް މިނިސްޓަރު މުހައްމަދު ޝަހީމްގެ ބެއްލެވުމުގެ ދަށުން ފެށި މަޝްރޫއުގެ ދަށުން މުސްހަފު ޗާޕުކުރަނީ ބަހުރެއިނުންނެވެ.

"މުސްހަފުތައް ޗާޕު މިކުރަނީ އެކި ބުރުތައް ބަހާލައިގެން. މިހާރު ރާއްޖެ މި ގެންނަނީ ފުރަތަމަ ބުރުގައި ހިމެނޭ 50،000 ފޮތް،" މިނިސްޓްރީގެ އޮފިޝަލަކު ވިދާޅުވި އެވެ.

އޭނާ ވިދާޅުވީ ހުރިހާ ދިވެހިންނަށް ދިނުމަށް ހަމަޖައްސާފައިވާ އެ މުސްހަފުތައް ރާއްޖެ ގެނައުމާއެކު، އެ ބަހާނެ ގޮތެއް ނިންމާނެ ކަމަށެވެ. އަދި ކޮންމެ ދިވެއްސަކަށް މުސްހަފެއް ލިބެންދެން އެ މަޝްރޫއު ކުރިއަށް ގެންދާނެ ކަމަށް ވިދާޅުވި އެވެ.

ބަހުރައިންގެ ޤުރުއާން ކެއާ ސޮސައިޓީ އާއި ރާއްޖޭގެ ޤުރުއާނާ ބެހޭ މަރުކަޒާ ގުޅިގެން ކުރިއަށް ގެންދިޔަ މި މަޝްރޫއުގެ މަސައްކަތް ގިނަ ދުވަސްތަކަކަށް މަޑު ޖެހުނެވެ. ސަރުކާރުން މި މަޝްރޫއު ކުރިއަށް ގެންދަނީ ދިވެހި ބައެއް ކުންފުނިތަކާއި އާންމުން ހަދިޔާ ކުރި ގިނަ އަދަދެއްގެ ފައިސާ އިންނެވެ. އަދި ޖިއްދާގައި ހުންނަ އިސްލާމިކް ކޯޕަރޭޝަން ފޯ ދަ ޑިވެލޮޕްމަންޓް އޮފް ދަ ޕްރައިވެޓް ސެކްޓަ (އައިސީޑީ) އިން ވަރަށް ބޮޑު އެހީތެރިކަމެއް މުސްހަފް މަޝްރޫއަށް ލިބުނު ކަމަށް ދިވެހި ސަރުކާރުން ބުންޏެވެ.

ރައީސް އޮފީސް އިސްލާމިކް މިނިސްޓްރީ ރައީސް އަބްދުﷲ ޔާމީން ޤުރުއާން ދީން ކުރީގެ މިނިސްޓަރު ޑރ. އަހުމަދު ޒިޔާދު ބާގިރު އިސްލާމިކް މިނިސްޓަރު

10 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންބޭ

28 September 2016

ޗާޕުނުކޮށް ޑިޖިޓަލް ވާށަން ނެރުން ރަގަޅުކަމަށް ފެނޭ ، މިޒަމާނުގައި ގިނަމީހުން ކިޔަވަނީ ފޯނު އަދި ކޮމްޕިއުޓަރުގައި ވާ ޑިޖިޓަލް ވާށަނުންކަމަށްވުމުން ފޮތް ބޭނުންކުރުން ދަނީ މަދުވަމުން . ހަރަދުގެގޮތުން ބަލާއިރުވެސް އެންމެ ރަގަޅީ ޗާޕުކުރާއަދަދު މަދުކޮށް ޑިޖިޓަލައިޒުކުރުން... ކޮންމެ ޕްރޮޖެކްޓެއް ފެށުމުގެކުރިން މޮޅެތިމީހުންގެ ހިޔާލު ހޯދުމަކީ ވަރަށް ގިނަފައިދާތަކެއް ކުރާނެކަމެއް ، އެހެންކަމުން މިވިސްނުން ގެންގުޅޭނެކަމަ އުއްމީދުކުރަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮޕޮ

28 September 2016

އިސްލާމިކް މިނިސްޓްރީ އަކީ ވަރަށް ބޭކާރު ޚަރަދު ކުރާ މިނިސްޓަރީއެއް..ނިކަން ބަލާ އިސްލާމީ މަރުކަޒުގެ ވަށަިގެން ޖަހާފަ ހުރި މާބްލް..އެތާ މަތީ ނަމާދު ކުރަން ޖެހޭނެ ދުވަހެއް ނާންނާނެ ދުވަހަކުވެސް..އެކަމުވެސް އެތަނަށް އެއޮތް ކުރި ބޭކާރު ޚަރަދުދޯ..އަދި ކޮބާ އެ މަގުތައް ބަންދު ކުރީމަ މާލޭގަ އެއްޗެހި ދުއްވަން ވާ އުނދަގުތައް..ބޯ ހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

28 September 2016

އަދި ކޮބާތޯ އިސްލާމީ މަރުކަޒުގެ ހަރިންމަ އަކީ ހުކުރުދުވަސް ދުވަހު ބިދޭސީ މަސައްކަތު މީހުން ހިތްއުފާލާ އެކުވެރިންނާ ބައްދަލުކޮށްލަން ދާތަނަކަށްވަނީ ބަދަލުވެފަ. މިދިޔަ ހުކުރު ދުވަހުވެސް މުންނާރުވަށައިގެންވެސް އެއުރެން ތިބި މަޣްރިބް ނަމާދުން މީހުންފޭބި އިރު، ސަރުކާރުގެ އިސްވެރިންނަށް ނުފެންނަނީބާ ނޫނީ އެއީ ރަނގަޅުކަމެއް ކަމަށް އެބޭފުޅުން ދެކެނީބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

28 September 2016

ޤުރުއާނަކީ ހަމަކަށަވަރުން މާތްﷲ ގެ ބަސްފުޅު.... މޫނުމަތިން ހިނިތުން ވުމެއް އުފާވެރިކަމެއް ފެންނާން ނެތް ސަބަބަކީ، އަދި މިއުޅެވޭ ގޮތް ކަމު ނުދިޔުނ ްކަމުގާ ވެދާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޗަނު

28 September 2016

ފުރެންޑު. ކަލެޔަށްވެސް އަނގަ އޮތިއްޔާ ބުނެވިދާނެ ތިޔަހެން. ކަލޭ ތިޔަބުނަނީ ތެދެއްކަމެއް ނުވަތަ ދޮގެއް ކަމެއް ކިހިނެތް ސާބިތުކޮށްދޭނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފަ

27 September 2016

މިހާރުގެ ގިނަ މީހުން ކިޔަވައި އުޅެނީ ފޯނު އައިޕެޑް ފަދަ ތަކެތިން .ބައެއް މީހުން މިގޮތަށް ކިޔަވަނީ ޤާރީންގެ އަޑުދަށުން ވެސް ކިޔެވޭނެތީ. މަމެންފަދަ ކުރީޒަމާނުގެ މީހުންނަކީ ރަގަޅަށް ތަޖުވީދުމަގަށް ކިޔަވަން އެނގޭބަޔަކަށް ވެސް ނުވާތީ .މީހަކަށް މުސްޙަފެއް ދިނީމަ މަހިތުން ހަމަ ވަތްގަޑުގަ އޮންނާނީ ގެޔަކަށް މުސްޙަފެއް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަކިއްޔާ

27 September 2016

މިހާރު ދެން މި ގައުމުގެ ވާރޝަންވެސް ލިބިއްޖެތާ، މަތިވެރި ބަސްފުޅުތައް ވިދާޅުވެސް އެ ބަސްފުޅުތަކުގެ މާނައަށް ވިސްނަވައި ކުރިމަގު ބައްޓަންކޮށްފިއްޔާމު ކިތަންމެހައިވެސް ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްކަލާ

27 September 2016

ކޮންމެސް ސަބަބަކާހުރެ ހުއްޓިފަ އޮންނަތާ ވަރަށް ދުވަސްވެއްޖެ ކަމެއް. އަލުން ކުރިއަށް ގެންދަވާ ގޮތަށް ނިންމެވީތީ ޝުކުރިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން އާމިރު

27 September 2016

ޙަތިމް ނެތިގެންތޯ މިއުޅެނީ......އިސްލާމީ ޝަރީޢަތް މިތާ ގާއިމުކޮށްބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްމުދިޝް

27 September 2016

މިހާތަނަށް އެންމެ ރީތިޚަތިމް އުފައްދާފައި އެވަނީ ސައޫދީން މީގެ އަހަރުތަކެއް ކުރިންނެވެ. މިހާރު އެފޮތްތަކުގެ ބޭރުގަނޑު ދަނީ ފޮތާއި ވަކިވަމުންނެވެ. ގަދަފެހި ބޭރުގަނޑެއް ގައި ގަނޑުތައް މަޑުކަފަކޮޅެއްހެން ހުންނަ މިޚަތިމް މިހާރު ލިބޭކަށް ނުހުރެއެވެ. މިފަދަ ގޮތަކަށް ދިވެހިވަންތަ މިއުފެއްދުންވެސް ހެދިފަވާނަމަ ކިތަންމެހާވެސް ރަނގަޅެވެ.