ފަރުތައް ބެލެހެއްޓުމުގެ އެެއްބަސްވުމުގައި ރިސޯޓުތަކުގެ މަންދޫބުން މިއަދު ސޮއިކުރައްވަނީ.-- ފޮޓޯ: ނިޝާން އަލީ/ މިހާރު
27 ސެޕްޓެމްބަރ 2016 - 16:01
9 comments
ރަށުގެ ފަރުން ވަކި ބައެއް ކަނޑައަޅައި އެ ސަރަހައްދަށް ބަދަލު ނުގެނެސް ބަލަހައްޓަން 30 ރިސޯޓަކުން މިއަދު އެއްބަސްވެއްޖެ އެވެ.
ދުނިޔޭގެ ޓޫރިޒަމް ދުވަހާ ގުޅިގެން ބާއްވާ ފޯރަމްގެ ތެރެއިން މިއަދު މެންދުރުފަހު ވަނީ 27 ރިސޯޓަކުން އެއްބަސްވުމެއްގައި ސޮއިކޮށްފަ އެވެ. އެއީ ޖުމެއިރާ ވިޓަވެއްޔާއި އޮޓްމޮސްފިއާ ކަނިފުއްޓާއި ކޮމަންޑޫ އާއި މީރު އައިލެންޑާއި ވެލިގަނޑު އައިލެންޑާއި ކުރެއްދޫ އާއި ވިލަމެންދޫ އާއި ހުރަވަޅި އާއި ބަނޑޮހާއި ރޯޔަލް އާއި ސޮނޭވާ ފުއްޓާއި ޕެރަޑައިސް އާއި ސިކްސް ސެންސަސް ލާމާއި ކުރަމައްޗާއި ބަނިޔަން ޓްރީ އާއި އަންސާނާ ވެލަވަރާއި ބިޔާދޫ އާއި ތާޖު އެގްޒޮޓިކާ އާއި ވިވަންޓާ ބައި ތާޖާއި ކަނޑޫމާ އާއި ސިނަމަން ދޮންވެއްޔާއި ފިހާޅޮއްސާއި ސަން އައިލެންޑާއި ރީތި ބީޗާއި ޕާކު ހަޔަޓް ހަޑަހާ އެވެ. އަދި ސޮނޭވާ އިން އަލަށް ހުޅުވާ ޖާނީން ވެސް ސޮރިކުރި އެވެ.
ފަރުތައް ބެލެހެއްޓުމުގެ އެެއްބަސްވުމުގައި ރިސޯޓުތަކުގެ މަންދޫބުން މިއަދު ސޮއިކުރައްވަނީ.-- ފޮޓޯ: ނިޝާން އަލީ/ މިހާރު
މީގެ އިތުރުން، އަދާރަން ސެލެކްޓު މީދުއްޕަރާއި އަމިއްލަފުށި އަދި ފިނޮޅުން ވެސް ވަނީ އެއްބަސްވުމުގައި ސޮއިކުރަން ނިންމާފަ އެވެ. އެކަމަކު، މިއަދު ދަރުބާރުގޭގައި ބޭއްވި ސޮއިކުރުމުގެ ރަސްމިއްޔާތަށް އެ ރިސޯޓުތަކުގެ މަންދޫބުންނަށް ވަޑައިނުގެންނެވުމުން އެ ފަރާތްތަކުން ސޮއިކުރުން ވަނީ ފަސްކޮށްފަ އެވެ.
ޓޫރިޒަމް މިނިސްޓްރީގެ އޮފިޝަލަކު "މިހާރު" އަށް ވިދާޅުވި ގޮތުގައި އެއީ އަންނަ އަހަރު ނިމުމުގެ ކުރިން މުޅި ރާއްޖެ ބަޔޮސްފިއާ ރިޒާވަކަށް ހަދަން 2013 ގައި އެކުލަވާލި ޕްލޭނުގެ ދަށުން ހެދި އެއްބަސްވުމެކެވެ. މި އެއްބަސްވުމުގެ ދަށުން ކޮންމެ ރިސޯޓެއްގެ ފަރުން ވެސް ވަކި ބައެއް ކަނޑައަޅައި ގުދުރަތީ ގޮތުން އުފެދިފައިވާ ގޮތަށް އެ ތަން ބަލަހައްޓަން ޖެހޭނެ ކަމަށް އޭނާ ވިދާޅުވި އެވެ.
ފަރު ބަލަހައްޓަން ޖެހޭ ގޮތް ވަނީ، އޮފިޝަލް ވިދާޅުވި ގޮތުގައި، އެއްބަސްވުމުގައި ހަތް ކެޓަގަރީއަކަށް ބަހާލާފަ އެވެ. އޭނާ ވިދާޅުވީ ފަރަށް ގެނެވޭނެ ބަދަލާއި ބަދަލު ގެނެވޭ މިންވަރު އެކި ކެޓަގަރީގައި ތަފާތު ވާނެ ކަމަށާއި ރިސޯޓުން ބޭނުންވާ ކެޓަގަރީއެއް ހިޔާރު ކުރެވޭނެ ކަމަށެވެ.
މި އެއްބަސްވުމުގެ ދަށުން ކަނޑައަޅާ ފަރުގެ ބައި ބަލަހައްޓާ މިންވަރު ބަލައި ދިރާސާ ކުރަނީ އެންވަޔަރަމެންޓް މިނިސްޓްރީ އާއި ތިމާވެށި ރައްކާތެރިކުރަން މަސައްކަތް ކުރާ ބައިނަލްއަގުވާމީ ޖަމިއްޔާއެއް ކަމަށް ވާ އިންޓަނޭޝަނަލް ޔޫނިއަން ފޯ ކޮންޒަވޭޝަން އޮފް ނޭޗާ (އައިޔޫސީއެން) އިންނެވެ.
އަންނަ އަހަރުގެ ނިޔަލަށް ރާއްޖެ ބަޔޮސްފިއާ ރިޒާވަކަށް ހަދާނެކަން އިއުލާންކުރެއްވީ 2012 ގައި ބްރެޒިލްގައި ބޭއްވި މޫސުމާ ބެހޭ އދ.ގެ ސަމިޓުގައި އޭރުގެ ރައީސް މުހައްމަދު ވަހީދެވެ. އަދި ޖެހިގެން އައި އަހަރުގެ ޖެނުއަރީ މަހު ކެބިނެޓުން ވަނީ އެ ލަނޑުދަނޑި ހާސިލުކުރާނެ ގޮތުގެ ޕްލޭނެއް އެކުލަވާލައި ފާސްކޮށްފަ އެވެ.
ޔުނެސްކޯ އިން ބަލަހައްޓާ ބަޔޮސްފިއާ ރިޒާވްތަކުގެ ލިސްޓުގައި ރާއްޖޭން މިހާތަނަށް ހިމަނާފައި ވަނީ ބ. އަތޮޅެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެއިނާ
28 September 2016
މިރާއްޖޭގައި ކަންއޮންނަގޮތަކީ އެމީހަކު އުޅޭނެގޮތަކަށް އުޅެ ކަންކުރާނެގޮތަކަށް ކުރަނީއެވެ. ރިސޯޓުތައް ހިންގާފަރާތްތަކުންވެސް ހިތަށްއެރީމަ މުޅި ފަރާއި ފަޅު ކޮނެލަނީއެވެ. ސަރުކާރަކުން ކަންކަން ރެގިލޭޓު ކުރާތަނެއް ކުރެވޭތަނެއް ދުވަހަކު ނުފެނެއެވެ. ތިމާވެއްޓޭ ދެމެހެއްޓެނިވި ޓުއަރިޒަމޭ ރަންބިސް އަޅާކުކުޅުގެ ބަނޑަނުފިތާށޭ ކިޔާ ވާހަކަ ދައްކަން ލަދުގަނެއެވެ
މަހީހީހީ
27 September 2016
ދެން އެއްބަސް ނުވާ ރިސޯރޓުތަކުން ފަރަށް ބޭނުން ބަދަލެއް ގެނެވޭނެތޯ؟؟؟؟؟؟؟
GAN Island
27 September 2016
ފަރަށް ބަދަލު ނުގެނެސް މާލެ އަތޮޅުގެ ގިރިފަޅު ހިއްކާ ހުސްކުރިޔަސް އެންމެ ރަގަޅުދޯ ؟؟ ތިއީ ފައިސާ އަށްޓަކައި ކޮންމެ ފަދަ ކަމެއްވެސް ކޮށްފާނެ ބައެއް. އަދި ތިމާވެއްޓަށް ރައްޔިތުންނަށް ޤައުމަށް ހެޔޮއެދިގެން ލިބެންއޮތް މަންފާ އެއް ދޫކޮށްލާނެ ބައެއްނޫން. ވިޔަފާރީގެ ސާފު ފައިދާއިން ކޮންމެ 1000ރ އަކުން 10ރ ރައްޔިތުންނަށް ހަރަދު ކުރުމަށް ދައުލަތަށް ދޭން ދެކޮޅުހަދާ Income Tax ޤާނޫނު ފުރިހަމަ ކުރުމަށް އެއްބާރުލުން ނުދިން ބަޔަކު ތިޔަފަދަ ''ހެޔޮކަމެއް'' ރައްޔިތުންނަށްޓަކާ ކޮށްފާނެ ކަމަކަށް ޤަބޫލެއް ނުކުރާނަން.
ހަސަން
27 September 2016
ބ. އަތޮޅު ލަނޑާގިރާވަރރު ރިސޯޓުގެ ރަށުތެރެއަށް ވެލި އެޅުމަށާ އެހެންވެސް ބޭނުންތަކަށް މުޅިންވެސް ވެލި ނަގަނީ ސީދާ ރިޒޯޓް ގޮނޑުދޮށުން. މިކަން ހުއްޓުވައިދޭނެ މިނިސްޓްރީއެއް ސަރުކާރުގެ އިދާރާއެއް ނެތް.
ފީލިންކޮންފިއުސްޑް
27 September 2016
"އޭނާ ވިދާޅުވީ ފަރަށް ގެނެވޭނެ ބަދަލާއި ބަދަލު ގެނެވޭ މިންވަރު އެކި ކެޓަގަރީގައި ތަފާތު ވާނެ ކަމަށާއި ރިސޯޓުން ބޭނުންވާ ކެޓަގަރީއެއް ހިޔާރު ކުރެވޭނެ ކަމަށެވެ." ރަށްތައް ކުއްޔަށް ހިފީމަ ރިސޯޓް ހިންގާފަރާތަށް އެ ރަށުގެ ވެށްޓަށް ބޭނުންހާ ބަދަލެއްގެނައުމާ ނުހެދުމުގެ އިހްތިޔާރު އޮޓޯއިން ލިބޭތަ؟ މަ މިއޮށްހާދުވަހު ހީކުރީ އެއީ ސަރުކާރުން ނިންމާ ނިންމުމެއްކަމަށް.
ހުސެން
27 September 2016
އެއްޗެކޭ ކިޔާފަ ބަޔަކަށް ޓެކުސްތަކެއް މާފުކޮށްދިނީކީ ނޫންތަ.
ސުޒީ
27 September 2016
ރާއްޖެ ބަޔޮސްފިއާ ރިޒާވަކަށް ހަދާނެކަން އިއުލާންކުރެއްވުން ތިއީ ވަރައް ބޮޑުޖޯކެއް! ސަބަކީ ރާއްޖޭގަ ނަރުދަމާ ނިސާމަކީ މޫދައް ފެންހިންދައިގެން މަސައްކަތް ކުރާ ނިސާމެއްކަމުން، ބުލިޗާއި ފާހާނާ ސާފުކުރާ ކެމިކަލުތަކާއި ދޮންނަ މެސެންނައް އަޅާ ތިމާވައްޓާ ރައްޓެހިނޫން އެޗެތިތަކުން މޫދުގެ ދިރުންތަކައް ކުރާއަސަރު އެއްފަރާތުގަ ބާއްވައިގެން ތިކަންތައް ކުރާތި
އުމަރު
27 September 2016
ސަރުކާރުގެ ވައުދުކޮބާ؟ ސަރުކާރުން އެއްބަސްވާންޖެހެ ކޮންމެ އަތޮޅެއްގައި ގުދުރަތީގޮތުން ހެދިފައި އޮންނަ ފަޅާއި ފަރުތަށް ރިސޯޓްހަދަން ކުއްޔައްނުދިނުމަށް އޭގެ ބަދަލުގައި ރާއްޖޭގެ ގުދުރަތީގޮތުން ހެދިފައިވާ ސޭންޑް ބޭންކުތަކާއި ފަޅުރަށްތަށް ދިނުމަށް، އެއީ އެތަކެއް ބިލިއަން ޑޮލަރުގެ އިންވެސްޓްމަންޓެއް ޓޫރިޒަމް އިންޑަސްޓްރީއަކީ، އެހެންކަމުން އެއިންޑަސްޓްރީގެ އެއްބައި ފަޅުރަތާއި ފަރުތަކަކީ، ހަގީގަތުގައި ސަރުކާރަށް ފަޅުތަކާއި ފަރުތަކުންވެސް އާމްދަނީ މިހާރުވެސްލިބޭ އެއީ ސްނޯކްލިންގް ކޮށްގެން އަދި ޑައިވްކޮށްގެން، އެހެންކަމުން ސަރުކާރުން ފަޅުތަށް ހިއްކައިގެން ރިސޯޓްހެދުން މިހާރުން މިހާރަށް ހުއްޓާލަންޖެހޭ އަދި ޓޫރިޒަމް އިންޑަސްޓްރީން މިކަމަށް ގޮވާލަން އެބަޖެހޭ
ދޮން އާމިރު
27 September 2016
ތީއެބޭފުޅުން އެއްބަސްވާންޖެހޭކަމެއްނޫނޭ......ތީ ސަރުކާރުން ނިންމާފަ އޮންނަންޖެހޭ ނިންމުންތައް....