ބަޖެޓް ކޮމިޓީގައި ފިނޭންސް މިނިސްޓަރު އިބްރާހިމް އަމީރު ވާހަކަދައްކަވަނީ-- ފޮޓޯ: ނިޝާން އަލީ/ މިހާރު
11 ނޮވެމްބަރ 2019 - 14:05
13 comments
ރާއްޖޭގައި ކަނޑު ދަތުރުފަތުރުތަކަށް ހާއްސަކޮށް އައިލެންޑް ޓްރާންސްޕޯޓް ނެޓްވޯކެއް ގާއިމުކުރަން ސަރުކާރު ހިއްސާވާ ކުންފުންޏެއް އުފައްދަން ނިންމާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
ރައްޔިތުންގެ މަޖިލީހުގައި ބޭއްވި ބަޖެޓް ކޮމިޓީގައި އަމީރު ވިދާޅުވީ، ދަތުރުފަތުރުގެ ނިޒާމު ގާއިމުކުރުމަށް 150 މިލިއަން ރުފިޔާ ބަޖެޓުގައި ހިމަނާފައިވާ ކަމަށެވެ.
"އެކަމަށް ބޭނުންވާ ކެޕިޓަލް ކޮންޓްރިބިއުޝަންސް ބަޖެޓްކޮށްފައިވާނެ،" އޭނާ ވިދާޅުވި އެވެ.
ސަރުކާރުން އަންނަ އަހަރަށް ކަނޑައަޅާފައިވާ ބަޖެޓުގައި، އަލަށް އުފައްދާ ސަރުކާރު ހިއްސާވާ ކުންފުނިތަކަށް 60 މިލިއަން ރުފިޔާ ހިމަނާފައިވެ އެވެ. އެގޮތުން ދާދި ފަހުން އުފައްދާފައިވާ ރޯޑް ޑިވެލޮޕްމެންޓް ކޯޕަރޭޝަނަށް ވެސް ސަރުކާރުން ވަނީ ބަޖެޓް ކަނޑައަޅައިފަ އެވެ.
އަމީރު ވިދާޅުވީ، ސަރުކާރުގެ އަމާޒަކީ ޕްރައިވެޓް ސެކްޓާ އިން ކުރެވޭ ކަންކަން ދޫކޮށްލައި ސަރުކާރު ކުންފުނިތަކުން މުހިއްމު ކަންކަމަށް އިސްކަން ދިނުން ކަމަށެވެ.
ސަރުކާރުގެ ކުންފުނިތައް ދެބަޔަކަށް ބެހިފައިވެ އެވެ. އެގޮތުން ހިދުމަތްދޭ ކުންފުނިތަކާއި ވިޔަފާރިކުރާ ކުންފުނިތައް ހިމެނޭ އިރު ގިނަ ކުންފުނިތަކަކީ ހިންގުން އެހާ ރަނގަޅު ނޫން، ސަރުކާރަށް ފައިދާއެއް ނުވާ ކުންފުނިތައް ކަމަށް އޭނާ ވިދާޅުވި އެވެ.
"އެމްޓީސީސީ އަށް ބެލިކަމުގައި ވިޔަސް އެޗްޑީސީ އަށް ބެލި ކަމުގައި ވިޔަސް އަދި އެހެނިހެން ކުންފުނިތަކަށް ބެލި ކަމުގައި ވިޔަސް ރާއްޖޭގައި ސަރުކާރު ހިއްސާވާ އެބަ ހުރޭ 100 ކުންފުންޏާއި ސަރުކާރުގެ ޝެއާ އޮންނަ ކުންފުނިތައް. ސަރުކާރުގެ ޝެއާ އޮންނަ ގިނަ ކުންފުނިތަކަކީ މިހާރު ވެސް ލިސްޓް ކުރެވިފައި ހުރި ކުންފުނިތައް،" އޭނާ ވިދާޅުވި އެވެ.
އަމާޒަކީ ކުރިއަށް އޮތްތަނުގައި މިފްކޯ ވެސް ފައިދާވާ ކުންފުންޏަކަށް ބަދަލުކޮށްގެން ޕްރައިވެޓް ސެކްޓާ އަށް ދޫކޮށްލެވޭނެ ގޮތަށް ބަދަލުކުރުން ކަމަށް އޭނާ ވިދާޅުވި އެވެ.
ސަރުކާރު ހިއްސާވާ 23 ވަރަކަށް ކުންފުނި ހިމެނޭ އިރު މި އަހަރު ވެސް ޑިވިޑެންޑްގެ ގޮތުގައި ސަރުކާރަށް ފައިސާ ދައްކަނީ 11 ކުންފުންޏަކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަމިދަން
20 December 2021
މިކަން ކޮބާތޯ ސުވާލުކޮއްލަދޯފާނަންތޯ
ބޮޑުމީހާ
12 November 2019
ތި ދަތުރުފަތުރަށް ހަދާ ކުންފުންޏެއް ނޫން. ގާތް ބަޔަކަށް ދައުލަތުން ބޮޑު މުސާރައާއި އިނާޔަތްދީ އިތުރު ރައްޔިތުންތަކެއް ވަޒީފާގެ ނަމުގައި އަޅުވެތިކުރުން ތީ
އަޙްމަދު ޒަކީ
12 November 2019
އެޗް.ޑީ.ސީ އިން ގެއްލުންވާއިރު މުވައްޒަފުންގެ މަސައްކަތާއި ނުބައްދަލު މުސާރައެއް ދެނީ ކީއްވެ؟
ޙާހާ
12 November 2019
ކަމަކުނުދޭ. ކެޕިޓަލިސަމް އިޒް ދަ އޮންލީ ވޭ ފޯވާރޑް.
ކައްކާ
11 November 2019
3 ލައްކައެއްހާ މީހުން މިއުޅެނީ، މުސްކުޅިންނާއި ކުޑަކުދިން ކަނޑާލީމަ އުޅޭނީ ދޮޅުލައްކައެއްހާ މީހުންކަންނެ. އެކަމަކު ދައުލަތުގެ މުވައްޒަފުން 50 ހާހަށް އެބައަރާ، ދުވާލަކު ކޮމިޝަނެއް އެބަހަދާ، ދެދުވަހުން އެއްދުވަހު ވުޒާރާއެއް، 100 އެއްހާ ކުންފުނި އެބައޮވޭ، އެވަރުންވެސް ހަމަ އޮބިނޯވެފަ މިދަނީ.
ކަލުބެ
11 November 2019
ރޯޑް ޑިވެލޮޕްމެންޓް ކޯޕަަރޭޝަން އޮފީސް ކޮބައިތޯ؟ ޢެއްވެސް ކަމެއް އެތަނުން ކުރޭތޯ ؟
ޓްރާންސް
11 November 2019
އެމްޓީސީސީ2؟
falcon_autho
11 November 2019
ސާބަހޭ! "މޯލްޑިވްސް ޓްރާންސްޕޯޓް" އަދި މީގެ ފަހަތަށް އިމާރާތް ކުރުމުގެ ބައި އޮތީމާދޯ ނޭގުނީ އެއީ ދައުލަތުން ހަދާފައި އޮތް ޓްރާންސްޕޯޓް ކުންފުންޏެއްކަމެއް. މިހާރު ތިރާވަނީ ރައްޔިތުންގެ އެކައުންޓުން އަނެއްކާވެސް ފައިސާ ގަނޑެއް ކަހާލާނޭ ގޮތެއްދޯ؟ އަޅެ ރައީސް އިބޫއަށް ކޮންމެވެސް މީހަކު ކިޔާލަދީބަލަ ދައުލަތުގެ ނަމުގައި ސަރުކާރުތަކުން އުފައްދާފައިހުރި ކުންފުނިތަކުގެ ނަންތަކާއި އެތަންތާނގެ މަގްސަދުގެ ތެރޭގައި ހިމެނޭ ކަންކަން.
އެމް
11 November 2019
ރައީސް ނަޝީދުގެ ވެރިކަމުގަ ފެރީ ނިޒާމް ޤާއިމު ކުރަން ހަވާލުކުރި ކުންފުނިތަކުން ކުރީ ކޮންކަމެއް. ފެރީއެއް ނުދުއްވުނު. އެކަމަކު ފެރީ ނިޒާމާއިއެކު ހަވާލުކުރި ރައްތަކުގަ ރިސޯޓް އަޅައިފި. ކާކު މި މައްސަލަތައް ބަލަނީ.
ސަބަބް
11 November 2019
ސާބަހޭ ކެވެން އޮތް ގޮތަކަށް ކައި ހުސްކުރޭ. މަކަރުވެރި ސަރުކާރު.