ޚަބަރު / ތޯރިގް އިބްރާހިމް (އެންވަޔަރުމެންޓް މިނިސްޓަރު)

ސަފާރީތަކުން ކުނި އަޅާ މައްސަލަ ހައްލުކޮށްދޭން މިނިސްޓަރު އެދިވަޑައިގެންފި

ހުޅުމާލޭގައި ކުރިއަށްދާ މެރިން އެކްސްޕޯ މިނިސްޓަރު ތޯރިގް ބައްލަވާލައްވަނީ: ސަފާރީތަކުން މޫދަށް ކުނި އަޅާތީ މިނިސްޓަރު ކަންބޮޑުވުން ފާޅުކުރެއްވި. - ފޮޓޯ: ހުސެއިން ޝަޔާހު/ މިހާރު

މުހައްމަދު ޔާމީން، މިހާރު

27 ސެޕްޓެމްބަރ 2016 - 19:26

7 comments

ސަފާރީތަކުން މޫދަށް ކުނި އެޅުން އާންމު ކަމަކަށް ވެފައިވާތީ އެކަން ހައްލުކޮށްދިނުމަށް އެންވަޔަރަމަންޓް މިނިސްޓަރު ތޯރިގް އިބްރާހިމް ލިވަބޯޑު އެސޯސިއޭޝަން އޮފް މޯލްޑިވްސް އަށް މިއަދު ގޮވާލައްވައިފި އެވެ.

"މޯލްޑިވްސް މެރިން އެކްސްޕޯ 2016" ހުޅުވުމަށް ހުޅުމާލޭގައި ބޭއްވި ރަސްމިއްޔާތުގައި މިނިސްޓަރު ވިދާޅުވީ ރާއްޖޭގެ އިގްތިސާދާއި ޓޫރިޒަމް ކުރިއަރުވާ ނަމަ، ތިމާވެށި ހިމާޔަތް ކުރަން ޖެހޭ ކަމަށެވެ.

މިނިސްޓަރު ތޯރިގް ވާހަކަ ދައްކަވަނީ: ސަފާރީތަކުން މޫދަށް ކުނި އެޅުން ހުއްޓުވަން ޖެހޭ ކަމަށް އޭނާ ވިދާޅުވި. - ފޮޓޯ: ހުސެއިން ޝަޔާހު/ މިހާރު

ކުނީގެ މައްސަލައަކީ ރާއްޖެ އަށް ދިމާވެފައި އޮތް ބޮޑު މައްސަލައަކަށްވުމުން ސަފާރީތަކުން ރައްކާތެރި ގޮތުގައި ކުނި އުކާލުމަކީ މުހިންމު ކަމެއް ކަމަށް އޭނާ ވިދާޅުވި އެވެ.

"ލިވަބޯޑުން އިސް ނަގައިގެން ރައްކާތެރި ގޮތުގައި ކުނި މެނޭޖް ކުރުމުގެ ކަންތައްތައް ކުރިއަށް ގެންދަވާ، ސަރުކާރުން މިތިބީ ތިޔަބޭފުޅުންނާ އެކު މިކަމުގައި މަސައްކަތް ކުރަން،" ތޯރިގް ވިދާޅުވި އެވެ.

ގިނަ ބަޔަކު ބައިވެރިވެގެން ނޫނީ ރައްކާތެރި ގޮތުގައި ކުނި މެނޭޖް ނުކުރެވޭނެކަން ފާހަގަ ކުރައްވާ މިނިސްޓަރު ވިދާޅުވީ އިގްތިސާދު ފުޅާކޮށް، ތިމާވެށި ސާފުތާހިރު ކަމާއެކު ބޭއްވުމަށް ސަފާރީތައް އޮޕަރޭޓް ކުރާ ފަރާތްތަކާ ގުޅިގެން ލިވަބޯޑުން ވެސް އިސް ދައުރެއް އަދާ ކުރެވޭނެ ކަމަށެވެ.

މެރިން އެކްސްޕޯ ހުޅުވުމަށް ބޭއްވި ރަސްމިއްޔާތު. މި ރަސްމިއްޔާތުގައި ގިނަ ކުންފުނިތަކުގެ އިސްވެރިން ބައިވެރިވެވަޑައިގެންނެވި. - ފޮޓޯ: ހުސެއިން ޝަޔާހު/ މިހާރު

މިނިސްޓަރު ވަނީ ހުޅުމާލެ ފަޅު ތެރެއިން ގިނަ އަދަދެއްގެ ކުނި ފެނިފައިވާތީ އެކަމުގެ ޝަކުވާ ކުރައްވައިފަ އެވެ. ނަމަވެސް އެއީ ކޮން ބަޔަކު އެޅި ކުންޏެއް ކަން މިނިސްޓަރު ފާހަގަ ނުކުރެއްވިޔަސް، އެ ކުންޏަކީ ހުޅުމާލޭގައި އުޅޭ މީހުން އެޅި ކުނި ނޫން ކަމަށް ތޯރިގް ވިދާޅުވި އެވެ.

ހުޅުމާލެ އާއި ބައެއް ރަށްރަށުގެ ފަޅު ތެރޭގައި ގިނަ އަދަދެއްގެ ކުނި ހުންނާތީ ރަށް ރަށުގައި ދިރިއުޅޭ ގިނަ ބަޔަކު ހިތްހަމަނުޖެހުން ފާޅުކުރެ އެވެ. ބައެއް މީހުން ގަބޫލު ކުރާ ގޮތުގައި އެއީ ސަފާރީތަކުން އުކާލާ ކުންޏެވެ.

ތިމާވެށި ސަފާރީ ލިވްއެބޯޑް އެސޯސިއޭޝަން ތޯރިގް އިބްރާހިމް (އެންވަޔަރުމެންޓް މިނިސްޓަރު)

7 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރު

28 September 2016

ސަފާރީތަކުން އެކަންޏެއްނޫން، ރާއްޖޭގައި ދުއްވާ ހުރިހައި އޮޑިދޯނިފަހަރާއި ރާއްޖެއަށް އަންނަ ބޯޓްފަހަރުންވެސް ރާއްޖެއަށް ވަނުމާއެކު އަދި ރާއްޖެއިން ފުރުމާއަކު ކުނިއަޅަންފަށާ، އެކަން ބެލޭނެ ނިޒާމެއްނެއް، އެންވައިރުމެންޓް މިނިސްޓްރީގައި ހުންނަންޖެހޭނެ އެފަދަ ވަސީލަތްތަށް އެކަންކަން ބެލުމަށް، ހަމައެކަނި މަގުމަތީގައި ދުއްވާ ސައިކަލްގައި ޔުނިފޯމްއެޅި މީހުންގޮސް /750 ރުފިޔާގެ ސްޓިކާއެއްޖެހިޔަސް އަދި ނުފުދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުމީހާ

28 September 2016

ސަފާރީތަކަށް ވުރެ ބޮޑަށް ތިކަންތައް ކުރަނީ ރިސޯރޓުތަކުން، ކުނިއުކާލަން ސަޕްލައި ދޯންޔައް އަރުވައިގެން ގޮސް ކަނޑުބޭރަށް އަޅާލަނީ ، ދެން ހުރިހާ ކުންޔެއް ލައްގާނީ މީހުން އުޅޭ ރަށް ރަށަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީރާ

28 September 2016

ކޮންމެ ދެތިންމަހަކުން 1 ފަހަރުއެބަފެނޭ ކޮންމެސް ރަށެއްގެ ކުނިއުކަން ކޮންވެވެސް ބަޔަކާ ހަވާލު ކުރާތަން އަޅުގަނޑުގެ ސުވާލަކީ މީކިހާވަރަކަށް ބަލާފަތޯ މިހަވާލުކުރާ ބަޔަކާ މިކުރަނީ؟.ނޫނީ ނޫސްތަކުގެ ހެޑުލައިން އަށް އަރަންވެގެން މީނަ ކުރާކަމެއް ކަމެއްތޯ؟އައްޑޫ ގަ ކުނިއުކަން ލާރިމިނަގަނީ ހަފްތާގެ 3ދުވަހު ކުނިނަގާ ގޮތަައް .އެކަމަކު ލާރިނަގާފަ ކުނިމިނެގެނީ ހަފްތާގެ 1 ދުވަހު.އަދި މިހަފްތާގެ 1ދުވަހުވެސް ނުނަގާ.ކުނިނުނަގައިގެން ގުޅާއިރަށް މިބުނަނީ ކީއްހޭކުރާނީ ތިމަންނަމެން މީހުންވެސް އެހާމަދޭ ކުނިއުފުލާއެއްޗިއްސެއްވެސް އެހާވަރަކަށް ނެތޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން

28 September 2016

ތިއީވަރައް ބޮޑުތެދެއް ސަފާރީތަކުން ބާބުކިއުހަދަން ފަޅުރައްތަކައް ފައިބާފަވެސް ބޭނުކުރި ހުރިހާއެއްޗެއް އެރަށައް ދޫކޮއްލާފަދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕައްލަންބެ

27 September 2016

ހުޅޫމާލޭ ފަޅުން ރާފުޅި ނުފެންނަ ގޮތެއް ވެދާނެތޯ ... ފްލޯޓިން ބާ ހުންނަ ކަމަށް ވަނީ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިވްއަބޯޑް

27 September 2016

ކަލޯ ސަފާރީ ތަކަށް ވުރެ ބޮޑަށް ހޭލުން ތެރި ބައެއް ނޫޅޭނެވެ. އެމީހުން ކައި ބޮއި އެހަދަނީ މަސް މަހާއި މުރަކަ ބަލަން އަންނަ މީހުންނަށް ފީނާގެންނެވެ. އެހެންވީމައި ތީ ކުރާނެ ކަމެއްކަމަށް ނުބަލަމެވެ.