ހުޅުމާލޭގައި މިރޭ ހިނގި ނުރައްކާތެރި އެކްސިޑެންޓުގއި މަރުވި އަންޖުން.
12 ނޮވެމްބަރ 2019 - 23:48
147 comments
ހުޅުމާލޭގައި ނިރޮޅު މަގުން، ބްރިޖަށް އަރާ ހިސާބުގައި މިރޭ ސައިކަލަކާއި އެމްޓީސީސީގެ ބަހެއް ޖެހި، ހިނގި ނުރައްކާތެރި އެކްސިޑެންޓެއްގައި އުމުރުން 13 އަހަރުގެ އަންހެން ކުއްޖަކު މަރުވެއްޖެ އެވެ.
މި ހާދިސާގައި މަރުވެފައި ވަނީ ކ. ތުލުސްދޫ ބޮނަސޭރާ، ފާތިމަތު އަންޖުން ޝަފީގެވެ.
އެކްސިޑެންޓްވުމާ އެކު އެ ކުއްޖާ ވަނީ ޓްރީޓޮޕް ހޮސްޕިޓަލަށް ގެންގޮސްފަ އެވެ. ފުލުހުން ބުނީ ހޮސްޕިޓަލަށް ގެންދިޔަ އިރު ވެސް އޭނާ މަރުވެފައިވާ ކަމަށެވެ.
ކުޑަކުއްޖާ ސައިކަލްގައި ދިޔައީ އޭނާގެ މަންމައާ އެކު ކަމަށް ވެ އެވެ. މަރުވި ކުއްޖާގެ މަންމަ ގެންގޮސްފައި ވަނީ ހުޅުމާލޭ ހޮސްޕިޓަލަށެވެ. އޭނާ އަށް މާ ބޮޑު އަނިޔާއެއް ވެފައެއް ނެތެވެ.
މަންޒަރު ދުށް މީހުން ބުނީ ފަހަތުން އައި ބަސް، ސައިކަލްގައި ޖެހުމާ އެކު އެ ސައިކަލްގެ ފަހަތުގައި އިން ކުއްޖާ ވިއްސައިގެން ގޮސް ބިންމަތީގައި ބޯޖެހުނު ކަމަށެވެ.
އެކްސިޑެންޓްވި ސަރަހައްދުގައި ފުލުހުން މިރޭ ހަރަކާތްތެރިވަނީ -- ފޮޓޯ: މިހާރު
"އޭނާ އަޅައިގެން އިންް ހެލްމެޓް ވެސް ހަލާކުވެ، ބޮލުގެ ނާށިގަނޑު ފެޅި ސިކުނޑީގެ ބައިތައް ވެސް އޮތީ މަގުމަތީގައި،" މަންޒަރު ދުށް މީހުން ބުންޏެވެ.
އެ ކުއްޖާ ހޮސްޕިޓަލަށް ގެންދިޔައީ އެ ސަރަހައްދުގައި ޓްރެފިކް ބަލަހައްޓަން ތިބި ފުލުހުންނެވެ. މި އެކްސިޑެންޓް ހިނގިކަން، އުމުރުން 54 އަހަރުގެ ޑްރައިވަރަށް ނޭނގޭ ކަމަށް ވެސް މަންޒަރު ދުށް މީހުން ބުނެ އެވެ. އޭނާ ދުއްވި ބަސް ފުލުހުން ހިފެހެއްޓީ އެކްސިޑެންޓް ހިނގި ސަރަހައްދާ 100 ވަރަކަށް ފޫޓު ދުރުންނެވެ.
ފުލުހުން ވަނީ އޭގެ ޑްރައިވަރު ފަހުން ހައްޔަރުކޮށްފަ އެވެ.
ފުލުހުން ބުނިގޮތުގައި، އެކްސިޑެންޓު ވުމުން ބަސް މަޑުނުކޮށް ވަނީ ގޮސްފަ އެވެ. ބަސް ހުއްޓުވީ ބްރިޖުގެ ހައިވޭގައި ޔޫ-ޓާން ނަގާ ސަރަހައްދުން ކަމަށް ފުލުހުން ބުނެ އެވެ.
މި އަހަރުގެ ރޯދަ މަހު ހުޅުމާލޭގައި ދުއްވާފައި ދިޔަ އެމްޓީސީސީގެ ބަހަކުން ޖެހި ޔޫކްރެއިންގެ އަންހެން ޓޫރިސްޓަކު ވެސް މަރުވެފައި ވެ އެވެ. އެ އެކްސިޑެންޓު ހިނގީ ޑްރައިވަރަށް ނިދިޖެހުމުންނެވެ. އެ އެކްސިޑެންޓުގައި މަރުވީ ފަތިހު ހިނގާލަން ނުކުމެ އުޅުނު ޓޫރިސްޓެކެވެ. ބަސް ދުއްވާފައި ދިޔައީ އެ މީހާގެ ގައިގެ މަތިން ކަމަށް މަންޒަރު ދުށް މީހުން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަޝީރާ ހުސަން
13 November 2019
މިރާއްޖޭގައި ދުއްވަން ހަމަޖެހިފައި އޮންނަ ސްޕީޑަކީ 20 އާއި 40 އާއި ދެމެދު، އަދި ކޮންމެ ދެވެހިކަލް ދޭތެރޭގައި 10 ފޫޓް ހުންނަންޖެހޭ ދުއްވަމުންދާއިރު، އެއްލަކިން ލައިސަންދިނީމަވެސް މިސަރުކާރުން އައިސް އެމީހުންނަށް އިތުރު ޓެސްޓްދީގެން އެކަން ރަނގަޅު ނުކުރޭ، ދެން އެމްޓީސީސީގައި އޮންނަނީ ޖަންގަލީގެ އުސޫލު، ގިނަމީހުން ތިބެނީ ބޮވެގެން އެކަން ބެލޭނެ އެއްވެސްގޮތެއްނެއް
ކިރިޔަ ކިރިޔާ
13 November 2019
މި ބަސް ޱްރައިވަރުން ތަންކޮޅެއް ބަލާލަން ޖެހިއްޖެ.
އެޑްމުންޑޯ
13 November 2019
އާދޭސް ކޮއްފަ ބުނަން ، މިފަދަ ހިތާމަވެރި ހާދިސާތަށް މަދުކުރުމަށް މިފަދަ ޑްރައިވަރުން ވަގުތުން ހައްޔަރުކޮށް ކުރުމުއްދަތެއްގައި އަދަބްލިބޭނެ ނިޒާމެއް ގައިމުކޮއްދޭށެވެ. ޔުކުރައިންގެ އަންހެން މީހާ ގައިމަތިން ބަސްދުއްވި ޑްރައިވަރު އެހުރީ އަދިވެސް ހުކުމެއްނެތި ހެވިފައެވެ.
އަހުމަދުއަލޯ
13 November 2019
މިރާއްޖެއަކީ، ޓްރެފިކް ޕޮލިހުން 'ޑެސްކް ޖޮބް' އަދާ ކުރާ ހަމައެކަނި ގައުމު. އަޑުގަދަކޮށް ބޮޑެތި މިސައިލުހެން ސައިކަލު ދުއްވާމީހުންނާމެދެ ފިޔަވަޅު އަޅަންޖެހޭ. ބްރިޖް އިން ދުއްވަމުން ލޭން ބަދަލުކުރާއިރަކުވެސް ބަލާވެސް ނުލާ ބަސްޑްރައިވަރުން. ކިރިޔާ މަވެސް އެއްދުވަހު ޗިސްނުވީ. ރަނގަޅަށް އޮވާޓޭކު ނުކޮށް ސައިކަލު ލޭނަށް ބަސް އަރަން އުޅުނީ އެދުވަހު. ފުލުހުންނަށް ފެނިގެން އެދުވަހުވެސް އެ ބަސް ހުއްޓުވި. މަރުހޫމުގެ ފުރާނައަށް ރަހުމަތް ލައްވާށި. އަމީން.
ޒުވާނާ.
13 November 2019
ޢިންޑިޔާ މީހުން ވަރައް މޮޅުވާނެ ބަސްދުއްވަން ދިވެހިންނައް ނޭނގޭނެ ދެކަ މެއް ހެލްކޮޕްޓަރު ދުއްވު މާ ބަސްދުއްވުން
ޢަފްލަ
13 November 2019
މި ލޯބި ލޯބި މަޢުސޫމުގެ ފުރާނައައް ހެޔޮރަހްމަތް ލައްވާށި ވަކިވެގެން މިދިޔައީ އަގުބޮޑު ފުރާނައެއް ޢައިލާއައް ކއތްތެރިކަން ދެއްވާށި އާމީން
އަޙްމަދު ޒަކީ
13 November 2019
ވެމްކޯގެ ކުނި ލޮރީތައް، އަދި އެމްޕީއެލް، އެމްޓީސީސީގެ ބަސްތައް މިއީ އާދަޔާ ޚިލާފު ބާރު ސްޕީޑްގައި ދުއްވާ ވެހިކަލްތަކެއް.
ފުރެންޑު
13 November 2019
ދިވެހިން ނަކަަައް އަސްލު ނޭނގެ ޑްރައިވް ކުރާކައް....އެމީހަކާ އެމީހެއް!
ފަރަންޖީ
13 November 2019
އެހެންގައުމުތަކަގައި ތިބުނާ "ޑްރައިވް" ރަންގަޅުވަނީ، ގާނޫންތަކާ ލިބޭއަދަބާއި ކެމެރޭތަކާއި ފުލުހުންނާއި ކޯޓުތަކާ ހުރިހާކަމެއް ހަމަހޭގައި ތިބޭތީ. ދިވެހިންވިހާއިރު "ޑްރައިވް" ޖީން މަދުންހުންނާތީކީނޫން. ޓްރެފިކް އަދަބު ހަރުކަށިނޫން ހުރިހާ ގައުމުތަކުގައިވެސް މީއާންމުކަމެއް.
ޒިވާރު
13 November 2019
އަންޖުން އަކީ ޤުރުއާން ހިތުދަސްކުރަމުން ދިޔަ ލޮބުވެތި ދަރިވަރެކެވެ. ﷲ އަންޖުންގެ ފުރާނައަށް ރަޙުމަތް ލައްވާ ސުވަރުގެ މިންވަރު ކުރައްވާށިއެވެ!
ހެޔޮ ދުއާ ކުރަމެވެ
13 November 2019
އެ ކުއްޖާގެ ފުރާނައަށް ﷲ ގެ ހެޔޮ ރަހްމަތް ލައްވާށި އެވެ. މި ކުއްޖާއަކީ ވަރަށް ތައުލީމަށް ލޯބި ކުރާ ކިޔަވާ ހިތްވާ ކުއްޖެ ކެވެ. އިއްޔެ ހަވީރު ވެސް ޓީވީ އަށް މި ކުއްޖާ އިންޓަވިޔު އެއް ދެނިކޮށް ދުށީ މެވެ.އެކި ރޮގުރޮގުން ވަރަށް ގިނަ މެޑެލް ތަކާ ޕްރައިޒް ތަށް ހޯދާފައި ވެއެވެ. ވަރަށް ރީތި ކޮށް ޤުރުއާން ކިޔަވައެވެ.އެކަމަކު ބުނީ ވާން ބޭނުން ވަނީ ޑަކްޓަރަކަށް ކަމަށެވެ. ޤުރުއާން ކިޔެވުމުން ހުއްޓާ ނުލާނެ ކަމަށެވެ. މި ޕޮރޮގްރާމް އިއްޔެ ބެލީމެވެ