މޯދީގެ ދައުވަތަކަށް ގޯޓާބޭ އިންޑިއާ އަށް

އިންޑިއާގެ އެކްސްޓާނަލް އެފެއާޒް މިނިސްޓަރު ޖައިޝަންކަރު (ކ) ރައީސް ގޯޓާބޭއާ އިއްޔެ ބައްދަލު ކުރައްވަނީ. --ފޮޓޯ: ކޮލަމްބޯގެޒެޓް

ހަސަން އާމިރު، މިހާރު

20 ނޮވެމްބަރ 2019 - 13:21

5 comments

ކޮލަމްބޯ (ނޮވެމްބަރު 20) - އިންޑިއާގެ ބޮޑު ވަޒީރު ނަރެންދުރަ މޯދީގެ ދައުވަތަކަށް، ސްރީ ލަންކާގެ އާ ރައީސް ގޯޓާބޭ ރާޖަޕަކްސާ އަންނަ ހަފުތާގައި އިންޑިއާ އަށް ރަސްމީ ދަތުރުފުޅެއް ކުރެއްވުމަށް ނިންމަވައިފި އެވެ.

މިއީ މިދިޔަ ހޯމަ ދުވަހު މަގާމާ ހަވާލުވެވަޑައިގެންނެވި ފަހުން ގޯޓާބޭ ގައުމުން ބޭރަށް ކުރައްވާ ރަސްމީ ފުރަތަމަ ދަތުރުފުޅެވެ. ގޯޓާބޭ އިންޑިއާ އަށް ވަޑައިގަތުމަށް ބޮޑު ވަޒީރު މޯދީގެ ފަރާތްޕުޅުން ދައުވަތު ދެއްވީ އިއްޔެ ލަންކާ އަށް ވަޑައިގެންނެވި އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިޔަމް ޖައިޝަންކަރެވެ. މިއީ ރައީސްކަން ލިބިވަޑައިގެންނެވި ފަހުން ގޯޓާބޭއާ ބައްދަލު ކުރެއްވި ބޭރު ގައުމެއްގެ އެންމެ އިސް ޑިޕްލޮމެޓެވެ. މޯދީގެ ދައުވަތު ގޯޓާބޭ ވަނީ ގަބޫލް ކުރައްވައިފަ އެވެ.

ޖައިޝަންކަރު ކުރެއްވި ޓްވީޓެއްގައި ވިދާޅުވީ ގޯޓާބޭ އިންޑިއާ އަށް ވަޑައިގަންނަވާނީ މި މަހު 29 ވަނަ ދުވަހު ކަމަށެވެ.

ގޯޓާބޭ ވަނީ ވަކި ފަރާތަކަށް ނުޖެހޭ ޚާރިޖީ ސިޔާސަތެއް ކުރިއަށް ގެންދަވާނެ ކަމަށް ވިދާޅުވެފަ އެވެ. ނަމަވެސް ގޯޓާބޭގެ ބޭބޭފުޅު މަހިންދާ ރާޖަޕަކްސާގެ ވެރިކަމުގައި ވަނީ ޗައިނާއާ ގާތްގުޅުމެއް ބާއްވައިފަ އެވެ.

ސްރީ ލަންކާ އިންޑިއާ ނަރެންދުރާ މޯދީ

5 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރޫހާނީ.

21 November 2019

ގޮޓާބޭއަށް ލަންކާ ރައްޔިތުން ވޯޓުދިނީ އިންޑިއާގެ ފައިބުޑަށް ވެއްޓޭކަށްނޫން. ތިއަތަނުން ލިބޭނެހައިވެސް އެއްޗަކީ ގެރިއަކާ ރީނދޫ ފޯއްޔެއް. ރާޖަޕަކުސާ ހިންގެވި މަގުޗާޓު ބަލައިގެން އެގޮތަށް ކުރިއަށް ދޭބަލަ. ޖަޒީރާއަށް ވޯޓުލީ އެން މެން މިހާރު މިތިބީ މޮޔަހީވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

20 November 2019

އިންޑިޔާގެ ރޯ އެޖެންޓުން ސިރީލަންކާގެ ސިޔާސީމީހުންނަ ފައިސާދީގެން އިންޑިޔާގެ މުށުތެރެޔައް ލަންކާ ވެއްދުމުގެ ކަންތަ ފަށައިފި. ތަރައްގީ ވިޔަކަ ނުދޭނެ އިންޑިޔާއިން.