މިދިޔަ ހުކުރު ދުވަހު ބޭއްވި އެމްޑީޕީގެ ލީޑަޝިޕް އިންތިޚާބުގައި އުމުރުން ދުވަސްވީ މީހަކު ވޯޓުލާއިރު މީހަކު އޭނާ އަށް އެހީތެރިވެދެނީ.---ފޮޓޯ: ނިޝާން އަލީ/މިހާރު
25 ނޮވެމްބަރ 2019 - 01:20
16 comments
މިދިޔަ ހުކުރު ދުވަހު ބޭއްވި އެމްޑީޕީގެ ލީޑާޝިޕް އިންތިޚާބުގެ ވަގުތީ ނަތީޖާ އެ ޕާޓީން މިރޭ އިއުލާންކޮށްފި އެވެ.
ރާއްޖޭގެ އެންމެ ބޮޑު ސިޔާސީ ޕާޓީގެ ސެކްރެޓަރީ ޖެނެރަލް އަނަސް އަބްދުއްސައްތާރު ވިދާޅުވީ، ވަގުތީ ނަތީޖާ އިއުލާން ކުރީ ނައިބު ރައީސްކަމުގެ އިންތިޚާބުން ނާކާމިޔާބުވި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ހުށަހެޅުއްވި 11 މައްސަލައާ ގުޅޭ ކަންކަން ވެސް ސާފުކޮށްދިނުމަށް ފަހު ކަމަށެވެ.
"އަސްލަމް ހުށަހެޅުއްވި ކަންކަން ވެފައި އޮތް ގޮތް ލިޔުމުން ސާފުކޮށްދިނުމަށް ފަހު އަޅުގަނޑުމެން ނަތީޖާ މި އިއުލާންކުރީ،" އަނަސް ވިދާޅުވި އެވެ.
ރައީސް އޮފީހުގެ މިނިސްޓަރު މުހައްމަދު ޝިފާޒާ ވާދަކުރައްވައި ބޮޑު ތަފާތަކުން ބަލިވި އަސްލަމް މިއަދު ވިދާޅުވެފައި ވަނީ އިންތިޚާބު ގަބޫލު ނުކުރައްވާ ކަމަށެވެ. އަދި، އިންތިޚާބާ ގުޅޭ 11 ކަމެއް އޭނާ އެމްޑީޕީ އަށް ހުށަހެޅުއްވި އެވެ.
ވަގުތީ ނަތީޖާ ދައްކާ ގޮތުން މި އިންތިޚާބުގައި ވޯޓު ދިނީ 25،102 މީހެކެވެ.
އެމްޑީޕީ ލީޑަރޝިޕް އިންތިޚާބު 2019 ގެ ވަގުތީ ނަތީޖާ pic.twitter.com/cLKQQdtspu
— MDP Secretariat (@MDPSecretariat) November 24, 2019
އެމްޑީޕީގެ ލީޑާޝިޕް އިންތިޚާބުގެ ވަގުތީ ނަތީޖާ
ޕާޓީގެ ރައީސްކަމުގެ މަގާމު، ކުރީގެ ރައީސް މުހައްމަދު ނަޝީދު ދިފާއު ކުރެއްވީ 24،202 ވޯޓުންނެވެ. އެމަނިކުފާނު އެ މަގާމުގައި ދެވަނަ ދައުރަކަށް ހުންނެވުމަށް ނުފެންނަ ކަމަށް ވޯޓު ދިނީ 421 މީހެކެވެ. ރައީސްކަމުގެ އިންތިޚާބުގެ ސައްހަ ވޯޓުގެ އަދަދަކީ 24،623 ވޯޓެވެ. ބާތިލް ވޯޓުގެ އަދަދަކީ 479 އެވެ.
އެމްޑީޕީގެ ރައީސްކަމުގެ މަގާމަށް ނަޝީދު ފިޔަވައި އިތުރު މީހަކު ކުރިމަތި ނުލާތީ އެ މަގާމަށް ބޭއްވީ ފެންނަ ނުފެންނަ ވޯޓެކެވެ.
ވަގުތީ ނަތީޖާ ދައްކާ ގޮތުން ނައިބު ރައީސްގެ މަގާމަށް ދެވަނަ ދައުރަކަށް ޝިފާޒް ހޮވީ 13،815 ވޯޓުންނެވެ. އަސްލަމަށް ހޯއްދެވުނީ 10،840 ވޯޓެވެ. ސައްހަ ވޯޓުގެ އަދަދަކީ 24،655 އެވެ. ބާތިލް ވޯޓުގެ އަދަދަކީ 447 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަލަން
25 November 2019
ވަގުތީ ނަތީޖާ 22 ވަނަ ދުވަހުގެ ރޭގަވެސް އަދި 24 ވަނަ ދުވަހުގެ ރޭގަވެސް. ކޮން އިރަކުންތޯ ދާއިމީ ނަތީޖާ އިއްލާންކުރާނީ. އަދި އޭގެ ކުރިން ހުރިހާ ފޮށްޓެއްގެ ތަފްސީލުވެސް ރައްޔަތުންނަށް ހާމަކޮށް ސާފުކޮށް އެނގޭ ގޮތަށް އިއްލާން ކުރާނެކަމުގައި އުއްމީދުކުރަން. ނަމޫނާ ދައްކާ ޕާޓީ ވިއްޔާ ދޯ!
ޖަހޯބަރާ
25 November 2019
އަސްލަމް ރަނގަޅު ވާނީ ހަގީގަތް ގަބޫލުކޮށް ދެން ވެސް ރަނގަޅު ގޮތުގައި މަސައްކަތްކޮށް ކުރިއަށްދެ ވޭތޯ ބެލުން.. އަސްލަމް މޮޅު ވަަަަަަަަަމުންދަނީ ގޭދޮށުގަލާ ވޯޓުން ހިތަދޫ އުތުރުދާއިރާއިން. އަދި އެ ވޯޓް ފޮށީގެ އިންތިޒާމު ތައް ބަލަހައްޓަން ތިބެން ވާނީ އައްޑޫ މޭޔަރު ސޯބެ އާއި ފެށުނީއްސުރެ އޮންނަ ޖާނޭދޭގާ ޓީމް.. މިކުދިންނަން ވުރެ މޮޅަށް ވޯޓަަަށް މަކަރުހަދާ އަދި އޮޅު ވާލާނެގޮތް އެނގޭނެ ބައަކު ހީއެެއްްނު ވޭ ތިބޭނެހެން.. މީއެންމެންދަންނަ ބޮޑު ސިއްރެއް..!
އަށްޑޫ ކަތީބު
25 November 2019
ވޯޓް ބަލައެއް ނުގަނެވޭނެ، ބޮޑު އޮޅުވާލުމަކުން އޮޅުވާލާފަ އޮތް އިންތިހާބެއް. މިހެން ލިޔުނީމަ އައިޕީ ބަލާފަ ވަޒީފާއިންވެސް ކަނޑާލަފާނެ. މި ދިވެހި ރާއްޖޭގެ މިހާތަނަށް ވަޒީފާގެ އެންމެ ބޮޑު ބިރު ލިބުނީ މިސަރުކާރު އައިފަހުން. މި ބައިންގަނޑާ ގުޅޭގޮތުން އެންމެ އެއްޗެކޭބުނެފިޔަސް އައިޕީބަލާފަވެސް ދައްކަނީ ބިރު. ޔާމީނުބުނީ ހަމަ ރަންގަޅަށް. މިސަރުކާރަކީ ރައްޔިތުންނަށް ހުރި ބޮޑުބިރެއް. ކޯޓް އަމުރު އައިޕީބެލުމަށް.
މާރިޔާ
25 November 2019
ކޮން އޮޅުވާލުމެއް؟ މަމެން ތާއީދު ކުރާނީ ދެފުށް ފެންނަ މީހުންނަށް. ޝިފާޒުގެ އެފުށާއި މިފުށްވެސް ލީކުވި ވެބްކެމް ވީޑިއޯއެއްގަ ފެނި މަމެންގެ ލޯބި ޖެހިފަ އޮތީ. އަސްލަމްވެސް އެކަހަލަ ކަމެއްކުރީމަ އެމްޑީޕީގެ ތާއީދު ލިބޭނެކަމާމެދު ޝައްކެއް ނުކުރަން.
މާދުރު ތަރި
25 November 2019
ރައީސް ނަޝީދު ނޫން ގޮތެއް އެމްޑީޕީ އަށް ވަރަށް ބޭނުން ތެރި! ނަޝީދަކީ ގައުމީ ވަރަށް ބޮޑު ނުރައްކަލެއް އަދި އެމްޑީޕީ ކުރިއެރުމަށް އޮތް ވަރަށް ބޮޑު ހުރަހެއް! 2012 ފެބްރުއަރީ ގައި ކޯޓުގެ ގާޒީއެއް ގާނޫނީ ނިޒާމުން ބޭރުން ހައްޔަރުކޮށް (ރަހީނުކޮށް) ވެރިކަން ސުވާލުމާކަކަށް ދިޔައީ ނަޝީދުގެ ނާގާބިލް ކަމުން. 2012 އިން 2018 މި ވޭތިވެ ދިޔަ ވޭން އެމްޑީޕީއިން ނަގަން ޖެހުނީ ސީދާ ނަޝީދުގެ ހުދުމުހުތަަރު ކަމުން. ވިސްނަންވެއްޖެ!
އަޞްލު
25 November 2019
އަޞްލު ޑިމޮކްރަސީގެ ބައްޕައިންނަކީ އެ 421 މީހުންނެވެ. އެން.ޑީ.ޕީ.ގެ މެންބަރުން މިފަހަރު ލީ ކުޑަކާފު، ބޮޑުކާފު ވޯޓެކެވެ. އަޅެ ލަދުވެތިކަމުގެ ކަންފުޅެއްވެސް ނެތީއެވެ!
ނެގުނުކަތީބު
25 November 2019
މިހާރުގެ ޑިމޮކްރެސީގެ މާނައަކީ ބޮޑުތަނުން އޮޅުވާލުމާއި މަކަރާއި ޙީލަތުން ކަންކަން ކާމިޔާބުކުރުން.
ސައްތާރު
25 November 2019
އަސްލަމަކީ ގާބިލު މީހެއްނަމަހީ މިގައުމުގެ ވެރިއަކަށް ހުންނާނެ މީހަކަށް އަސްލަމް ވާނެ. ކޮންމެހެން އައްޑޫ މީހަކަށް ވެގެނެއް ނޫން. އައްޑޫ އެހހެންމީހުން ވެސް ޕާޓީތެރެއިން ފެއިލްވީ ހިންގުންތެރިކަމާެި ހީވާގިކަން ނެތުން. އަދި އެހެންމީހުންނާއެކު ގުޅިގެން މަސައްކަތް ކުރަން ނުދަތުން. ވަރުގަދަ ލީޑަރުންގެ އިޚްލާސްތެރިކަމާއި ހީވާގިކަން ފެންނާނެ ބަލާލި ކޮންމެ ދިމާލަކުން. ހަމަ އެކަނި ތިމާ ކުރަން ބޭނުންވާ ކަންކަމަށް ނޫނީ ވަކި މީހަކަށް އިޚްލާސްތެރިނުވާނެ
އަށްޑޫ ކަތީބު
25 November 2019
މޮޅުވާހަކަ ނުދައްކާ. ކޮންމެ ފަހަރަކުވެސް ވަކި މީހަކުގެ ނުފޫޒުން ކަނޑާފަ އެއްލާލަނީ. ޑރޑީޑީވެސް ކަނޑާފަ އެއްލާލީ ރިޔާސީ އިންތިހާބާ ދިމާކޮށް، ޑރ މުނައްވަރުވެސް ހަމަ އެހެން. ތިޔަ ކިޔާ ޑިމޮކްރަސީގެ ބާނީޔަކަށް ހަޖަމެއް ނުވާނެ އައްޑޫ މީހަކު މަތީމަގާމެއްގަ ހުރެފިނަމަ. މީ ހަގީގަތް
ރަދީފް
25 November 2019
ކޮބާ ބޮޑާ ހޭކި ގްރޫޕަށް ރާކަނިމަސް ކެވުނުތަ؟ މަރުހަބާ ޝިފާޒް ، މަރުހަބާ މުހައްމަދު ނަޝީދު.ވ.ވެދުން
އަލީބަލީ
25 November 2019
ކާމިޔާބު ކުރެއްވި ހުރިހާ ބޭފުޅުންނަށް މަރްހަބާ. އެހެން ޕާޓީތަކުންވެސް ޕާޓީގެ މެންބަރުންގެ ވޯޓަކުން ލީޑަރޝިޕް ހޮއްވެވުމަށް ގޮވާލަން. ޑިމޮކްރެޓިކް އުސޫލަކީ އެއީ.
އަށްޑޫ ކަތީބު
25 November 2019
ވައްކަން ކޮށްގެން ގުނާފަ ހުރި ވޯޓެއް ބަލައެއް ނުގަނެވޭނެ.
ޗެޔާމަން
25 November 2019
އަސްލަމް މެން ޅައީ ކަންކަމަށް. ނަގާ ތަބަކަށް ލާފަ ދިނީމަ މި ހޮވެނީ. އަންނި އަސްލަމް ޖަހައިގެން ކެންޕޭން ކުރެވޭ ކަމަށް ވަނީ. މިހާރު އެމްޑީޕީ ތެރޭގަވެސް އަންނި ދައްކާވާހަކަ ގަބޫލުކުރާ އުޅެނީ މަދުބަޔެއް. ހުކުރުދުވަހުނެގި ވޯޓުން ފެނުނީ އޭގެ ނަތީޖާ.