އެމްއާރްއެމް އުފެއްދުމަށް ބޭއްވި ޖަލްސާ. ކުރީގެ ސަރުކާރު އޮތް އިރު، އެޗްއާރުސީއެމުން ވަރަށް ބޮޑަށް އިހުމާލުވެފައިވާ ކަމަށް އެމްއާރުއެމް އިން ބުނޭ.-- ފޮޓޯ: ހުސައިން ވަހީދު/މިހާރު
10 ޑިސެމްބަރ 2019 - 14:16
14 comments
ކުރީގެ ސަރުކާރުގައި ސިޔާސީ ބޭފުޅުންނަށް ލާއިންސާނީ އަނިޔާ ދިން އިރު، ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރުސީއެމް) އިން ބީރުކަންފަތެއް ދީގެން އޮތީ ވަކި ބައެއްގެ ސިޔާސީ މަސްލަހަތު ނެގެހެއްޓުމަށް ކަމަށާއި އެ އިހުމާލުތައް ބަލައި ފިޔަވަޅު އަޅަން ޖެހޭ ކަމަށް މޯލްޑިވްސް ރިފޯމް މޫވްމަންޓް (އެމްއާރުއެމް) އިން ބުނެފި އެވެ.
ބައިނަލްއަގުވާމީ އިންސާނީ ހައްގުތަކުގެ ދުވަހާ ގުޅިގެން އެމްއާރުއެމް އިން ނެރުނު ބަޔާނެއްގައި ބުނީ މިދިޔަ ވެރިކަމުގައި އިންސާނީ ހައްގުތަކަށް އިހްތިރާމް ކުރުމާއި އަސާސީ އިންސާނީ ހައްގުތައް ކުރިއެރުވުމުގެ މަސައްކަތް ވަޅު ޖެހި، އިންސާނީ ހައްގުތަކަށް އަރައިގަތުމަކީ ވަރިހަމަކޮށްލެވޭ އާދައިގެ ކަމަކަށްވެގެން ދިޔައީ ކަންބޮޑުވާ ދަރަޖައަކަށް ކަމަށެވެ. އަދި މުސްތަގިއްލު ކޮމިޝަންތައް އުފެއްދި ބޭނުން އޮޅޭ މިންވަރަށް ކޮމިޝަންތަކުން އިންސާނީ ހައްގުތަކަށް އިހްތިރާމް ކުޑަކުރި ކަމަށް ބަޔާނުގައިވެ އެވެ.
އެމްއާރުއެމް އިން ބުނި ގޮތުގައި އެޗްއާރުސީއެމަށް ހުށަހެޅި އެތައް ޝަކުވާތަކެއް ނިމިގެން ދިޔައީ އަސާސީ ހައްގުތައް ނިގުޅައިގަތުމުގެ އަމަލު ހިންގި މީހުންގެ މަސްލަހަތުގަ އެވެ. ސިޔާސީ ބޭފުޅުންނަށް ޖަލުގައި ދެމުންދިޔަ ލާއިންސާނީ އަނިޔާ އާއި ބޭއިންސާފު ޝަރީއަތްތަކާ މެދު އުފުލަމުން ދިޔަ ޝަކުވާތަކަށް އެޗްއާރުސީއެމުން ދިނީ ބީރުކަންފަތެއް ކަމަށް ވެސް އެމްއާރުއެމް އިން ބުންޏެވެ.
"އިންސާނީ ގަދަރާއި ކަރާމާތް ކުރިއަރުވައި، އެހެން އެއްވެސް ކަމަކަށް ރިއާޔަތްކުރުމެއް ނެތި، ހަމައެކަނި އިންސާނަކަށްވީތީ ލިބެންޖެހޭ ހައްގުތައް އޭގެ ފުރިހަމަ މާނައިގައި ލިބިދެވޭކަން ކަށަވަރުކުރުމުގެ ޒިންމާ މަތިކުރެވުނު ކޮމިޝަނުން، އިންސާނީ ހައްގުތަކުގެ ކުރިއަށް މަގާމާއި، ސިޔާސީ މަސްލަހަތު އިސްކުރިކަމީ، ދިވެހި ތާރީހުން ދުވަހަކު ވެސް ފޮހެވިގެން ނުދާނޭ އަނދިރި ބާބެކެވެ،" ކުރީގެ ރައީސް އަބްދުﷲ ޔާމީންގެ ވެރިކަމުގައި އެޗްއާރުސީއެމުން އަދާކުރި ދައުރަށް ފާޑު ކިޔަމުން ބަޔާނުގައިވެ އެވެ.
އެހެންވެ، އެޗްއާރުސީއެމުން ނިންމި ބޭއިންސާފު ނިންމުންތަކާއި އިހުމާލުތަކުގެ މައްސަލަތައް ބަލައި ހައްގުތައް ގެއްލުނު މީހުންނަށް އިންސާފު ހޯދައިދިނުމަކީ ކޮންމެހެން ކުރަން ޖެހޭ މަސައްކަތެއް ކަމަށާއި އިންސާނީ ހައްގުތަކަށް އަރައިގަތުމާއި، އެފަދަ ކަންކަމުގައި އަޅަންޖެހޭ ފިޔަވަޅުތައް ނާޅައި އިހްމާލުވުމަކީ އާދައިގެ ކަމެއްގެ ގޮތުގައި ވެފައި އޮތްއޮތުން ބަދަލު ކުރަން ޖެހޭ ކަމަށް އެމްއާރުއެމްގެ ބަޔާނުގައިވެ އެވެ.
އެމްއާރުއެމް އިން ބުނި ގޮތުގައި އެޗްއާރުސީއެމްއާ މެދުގައި ގެއްލިގެން ދިޔަ އިތުބާރު އަލުން ގާއިމު ކުރެވޭނީ ވޭތުވެދިޔަ ތަނުގައި އެޗްއާރުސީއެމުން ހިންގި އިހުމާލުގެ އަމަލުތައް ރަނގަޅަށް ބެލި، ހައްގު ގެއްލުނު މީހުންނަށް އިންސާފު ލިބިދެވިގެންނެވެ.
އަސާސީ އިންސާނީ ހައްގުތަކަށް އަރައިގަތުމާއި އިންސާނީ ހައްގުތައް ނެގެހެއްޓުމުގައި ޒިންމާ މަތިކުރެވިފައިވާ މީހުން އެ އިންމާއާ މެދު އިހުމާލުވުމަކީ އެއްވެސް ގޮތަކަށް ބަލައިގަނެވޭނެ ކަމެއް ނޫން ކަން ހުރިހާ އަމަލެއްގައި ވެސް ސާބިތުކޮށްދީ އެ ކަށަވަރުކަން ދެމެހެއްޓުމަށާއި އެފަދަ ކަންކަމުގައި ހަރުދަނާ ފިޔަވަޅުތައް އެޅޭނެ އިންތިޒާމު ހަމަޖެއްސުމަށް ވެސް އެމްއާރުއެމް އިން ވަނީ އިލްތިމާސްކޮށްފަ އެވެ.
ވޭތުވެދިޔަ ތަނުގައި ރާއްޖެ ތަޖުރިބާކުރި، އިންސާނީ ހައްގުތަކަށް އަރައިގަތުމުގެ އަމަލުތައް ތަކުރާރުވިޔަ ނުދިނުމުގެ ގޮތުން އަޅަން ޖެހޭ ފިޔަވަޅުތައް އެޅުމުގައި ހުރިހާ ސިޔާސީ ޕާޓީތަކުންނާއި އާންމު ރައްޔިތުންގެ ފަރާތުން ސަރުކާރަށް އެއްބާރުލުން ދިނުމަށް ވެސް އެމްއާރުއެމްގެ ބަޔާނުގައި ގޮވާލި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
12 December 2019
ރައީސް މައުމޫނު ޖަލަށް ލުމުން އެޗްއާރުސީއެމުގެ ހުރިހާ މަސައްކަތް ހުއްޓާލާފައި ހުރިހާ މުއައްޒަފުން މައުމޫނުގެ މަޞްލަހަތައްޓަކައި އެކަނި މަސައްކަތް ކުރަން ޖެހޭކަމަށް ހީކުރުމަކީ ކުށް ހީއެއް. ދެން ވެސް ތިބީ ދިވެހި ރައްޔިތުން. ދުވާލަކު އެތައް ފަހަރަކު މައުމޫނުގެ އާއިލާ މީހުން ގުޅާނެ. ކޯޓުގައި މައުމޫނު މާގިނައިރު ބައިންދައިފިޔޭ ވެސް ބުނި. މިތަނުން ވެސް ބާރު ނުފޯރުވޭނެ ކަންކަން ހުންނާނެ.
ހަމުދީ
11 December 2019
ޔާސިރުބުނީ ހަމަތެދު. މިހުރިހާ ކޮމިސަންތަކާ ބޯޑުތަކަކީ ރައްޔިތުން ގުނބޯހައްދަން ހަދާފަހުރި ތަންތަން. ރައްޔިތުންގެ ފައިސާ ފޭރެން ހަދާފަހުރި ތަންތަން. މިގައުމަކު އަދިނެތް މިނިވަން އެންމެ ތަނެއްވެސް. ސަރުކާރުތަކުން އެމީހުން ބޭނުންވާހާ ގޮތްގޮތަށް ގާނޫނާ ގަވާއިދު ހަދައިން ޕަޕެޓުން ލައިގެން ރައްޔިތުންނަށް ހަރާންކޯރުވަނީ. ކާކުގެ ވެރިކަމެއްގަތަ ލާއިންސާނީ ކަންތަކާ ވައްކަން ނުކުރަނީ. ބަލާނެ މީހަކުނެތް.
ކަނބިލި
11 December 2019
1978 ން 2008 އަށް ދިވެ ހި ރައްޔިތުންނަށް ލިބުނު ބޭއިންސާފާއި އަނިޔާގެ މައްސަލަތައް ވެސް ބަލައި އިހހ ހުމާލުވި ފަރާތްތަކަށް އަދަބު ދޭންޖެ ހޭ.
އަރުވާލި އާދަނުގެ ސިޔާސީ ހާސަރު
10 December 2019
ހިގާ ބަލަމާ ތިޔަ ކަން ކުރާނެ ކުރެވިދާނެ ގޮތެއް. -1 ކޯލީޝަން ސަރުކާރުގައި ޔާމީން ސަރުކާރުގެ ބޭފުޅުން އެބަ ތިއްބެވި މައުމޫން އަދި ގާސިމް ސްލޮޓް ތަކުގައި. -2 ސަރުކާރު ހިއްސާވާ ކުންފުނި ތަކުގެ ބޯޑު ތަކުގައި ޚާއްސަކޮށް -3 މިނިވަން މުއަށްސަސާ ތަކުގައި ނުތިބެންވި ސަބަބެއް ނެތް. ސްޓޭޓް މިނިސްޓަރ މަގާމުގައިވެސް އެބަ ތިއްބެވި ދެން މިހާރު 1 އަހަރު މާޒީވެ 4 އަހަރު ބާކީ ދައުރުގައި ދެން ތިޔަކަން ކަން ވުމަށް ވުރެ ނުވުން ގާތީ.
ކޮލެޖު ބޯއި
10 December 2019
މެންބަރުން ވަކިކުރަންޖެ ހޭ. އޭރުންތާ މިސަރުކާރު ރު ހޭ ގޮތަކަށް ކަންތައް ނިންމާ ބަޔަކު ލެވޭނީ
falcon_autho
10 December 2019
އަސްލުގައި ވަރަށް ރަނގަޅުވާހަކައެއް. އެޗް.އާރ.ސީއެމް އާއި ޕޮލިސް އިންޓެގްރިޓީ ކޮމިޝަނާއި އޭ.ސީސީއާއި ކަރެކްޝަނަލް ސާވިސްގެ އިސްވެރިންނަށް ގާނޫނާއި ޚިލާފަށް ޢަމަލުކުރި މައްސަލަތައް ބަލައި ފިޔަވަޅު އަޅަންވާނެ. އަދި މީގެ ތެރޭގައި މީރާވެސް ކަސްޓަމްސް ވެސް ހިމަނަންވާނެ.
ޕޮލިޓިކަލް އެޑްވައިޒަރ
10 December 2019
ހިއުމަން ރައިޓްސް ކޮމިޝަން އަދި އެންޓިކޮރަޕްޝަން ކޮމިޝަން ފަދަ މުއައްސަސާ ތަށް ހިންގޭނީ އެކޮމިޝަން ތައް މިނިވަންވެގެން. މިފަދަ ކޮމިޝަންތަކުގެ ބޭނުމަކީ އާންމު ފަރުދުންނާއި ގުޅޭ ކުދި މައްސަލަތަށް ބެލުން އެކަންޏެއް ނޫން. ރައީސުލް ޖުމްޙޫރިއްޔާ އާއި މިނިސްޓަރުން، މަޖިލީހުގެ ރައީސާއި މެމްބަރުން ފަދަ ފަރާތްތަކުން ކުރާ ކަންތަށްވެސް މޮނީޓާރ ކޮށް ބެލޭ ވަރުގެ މިނިވަންކަން ލިބެންޖެހޭނެ. މިއަދުގެ ހާލަތަކީ އެފަދަ މައްސަލައެއް ބަލާނަމަ ވަކިކޮށްލަނީ...
ޔާސިރު
10 December 2019
މިހުރިހާ ތަންތަނަކީ ވެސް ޑިމޮކްރަސީ ތެރޭން މީސްތަކުން ބޮލަށް ޗިޕް ޖަހަން ހަދާ ކޮމިޝަންތައް، ދެން އޮންނާނީ ތަފާތު ހައްގުތަކޭ ކިޔާފަ އިސްލާމްދީނުގެ ހުރިހާ އުސޫލަކާ ހުކުމްތަކާ ދެކޮޅަށް މަސައްކަތް ކުރުން. ސިޔާސީ މަގާމު ތައްވެސް ގިނަ ކޮށް އެމީހުންގެ މަސްލަހަތުތައް އަދާކުރަން. އާއްމު ރައްޔިތަކަށް ފޯރާނެ ފައިދާ އެއް ނޯންނާނެ. އަނެއްކާ އިތުރު ކޮމިޝަނއްް ހަދަންވީ އެޗް އާރް ސީ އެމް ގެ ކުށްތައް ބަލަން.
ކަރީޕަހުމީ
10 December 2019
ބަލަންޖެހޭ މަސްއަލަ ވަރައް ގިނަ 1978 އަހަރު މިގައުމުގަ އޮއްކަމައް ބުނާ 98 އާގްބޯޓް މިއޭޝިއާގަ އޮއް އެންމެ ބޮޑުޝިޕިންގް ލައިން އައްވީގޮއް އަލިފުލައިލާ ވާހަކައިގަވެސް ނާދޭ މިވަރުގެ ޝިޕިންގް ލައިނެއް 30 އަހަރުތެރޭގަ ހުދުކާފޫރައް ވީވާހަކައެއް އެއަރމޯލްޑިވްސް ގެ މަތިންދާ ބޯޓްތަކުގެ މައްސަލަ ޕިޔޯނަކުވެސް ހައްޔަރުނުވޭ މީރައްޔަތުންގެ އެސެޓް މިހާރު ހަދައިގެން މިއުޅެނީ އެސެޓަކައް ރައްޔަތުން ފާޑުފާޑުގެ ނަންނަމުގައި ޖިޒީނަގައިގެން ޑިމޮކްރަސީގެ ނަމުގައި ވެދނ
ޗިލީސޯސް
10 December 2019
އިންސާނެއް ވިއްޔާ ލަދަކާ ހަޔާތަކާ އަގަލަކާ ވެސް ހުންނަން ޖެހޭނެ. އެކަމަކު މި ވަރެއް ނުދެކެން. ތިމާ ވެރިކަމުގަ ރައްޔިތުންނައް ކުރި އަނިޔާ މިއަދު ވީކަމެއްހެން ހަނދާން އެބަހުރި. ފުރަތަމ ރައްޔިތުންގެ ކިބައިންމާފައް އެދޭ. އޭގެ ފަހުގަ އާހިރަތް ހޯދަން މަސައްކަތް ކުރޭ. ނޫނީ އެދުވަހުން ސަލާމަތެއް ނޯންނާނެ. ޙަމަ ޔަގީނުންވެސް މަށައް ދިން އަނިޔާމެދު ހައްގު ސަޒާލިބޭނެ.