ބޯކޮށް ވާރޭވެހި މާލެ ފެނުއަޑީގައި

މާލޭއަށް މިއަދު ވެހުނު ވާރޭއާ އެކު މަގުތައް ފެންބޮޑުވެފައި ވަނިކޮށް ބަޔަކު ހިނގާފައި ދަނީ -- ފޮޓޯ: ނިޝާން އަލީ/ މިހާރު

ލަމްޔާ އަބްދުﷲ، މިހާރު

11 ޑިސެމްބަރ 2019 - 10:14

މާލެ އަށް މިއަދު ބޯކޮށް ވާރޭ ވެހި މަގުތަކުގައި ބޮޑުވެއްޖެ އެވެ. އެމްއެންޑީއެފް އިން މިހާރުވަނީ ފެން ހިންދުމުގެ މަސައްކަތް ފަށައިފި އެވެ.

އެމްއެންޑީއެފުން ބުނީ ފެން ހިންދުމުގެ މަސައްކަތް ކުރަން ފެށީ އައިޖީއެމްއެޗް ސަރަހައްދުންނާއި ވެސްޓް ޕާކް ސަރަހައްދުން ކަމަށެވެ.

މާލެ އަށް ވާރޭ ވެހެން ފެށީ މިއަދު ފަތިހުގެ ވަގުތެއްގަ އެވެ. އާންމުކޮށް ފެންބޮޑުވާ މަގުތަކުގެ އިތުރުން އެހެން މަގުތަކުގައި ވެސް މިއަދު ވަނީ ފެންބޮޑުވެފަ އެވެ. ބައެއް މަގުތަކުގައި ހެދިފައިވާ ފެންގަނޑު ކަށިމައްޗާ ހަމައަށް އަރަ އެވެ. އަދި ގޭގެ އަށް ފެންވަންނާތީ ދޮރުކުރިމަތީގައި ވެލި ބަސްތާ ޖެހުމުގެ މަސައްކަތް ވެސް މީހުން އަންނަނީ ކުރަމުންނެވެ.

މާލެއަށް މިއަދު ވެހުނު ވާރޭގައި މަގުތައް ފެންބޮޑުވެފައި ވަނިކޮށް ބަޔަކު މަގު ހުރަސްކުރަނީ -- ފޮޓޯ: ނިޝާން އަލީ/ މިހާރު

ވާރޭ ވެހެން ފަށާއިރަށް މާލޭގައި ފެންބޮޑުވުމަކީ، ދާއިމީ ހައްލެއް ހޯދިފައި ނުވާ މައްސަލައެކެވެ. މި ކަމަށް ހައްލެއް ހޯދަން މަގުތަކުގެ ކާނުތައް ސާފުކުރުމުގެ މަސައްކަތް މާލެ ސިޓީ ކައުންސިލުން ވަނީ މީގެ ދުވަސްކޮޅެއް ކުރިން ފަށާފަ އެވެ.

މީގެ އިތުރުން މެޓް އޮފީހުން ވަނީ މާލެ އަތޮޅާއި ދ. އަތޮޅާ ދެމެދަށް ޔެލޯ އެލާޓް ވެސް މިއަދު ހެނދުނު ނެރެފަ އެވެ. އެތަނުން ބުނީ ހެނދުނު 11:30 ގެ ނިޔަލަށް އެ އަތޮޅުތަކަށް ބޯކޮށް ވާރޭވެހި ގުގުރާނެ ކަމަށެވެ.

Alert yellow for torrential rain and thunderstorms pic.twitter.com/cx5mPe7hg5
— Maldives Meteorology (@MetMaldives) December 11, 2019

މެޓް އޮފީހުން ކުރި ޓްވީޓެއް

މެޓް އޮފީހުގެ އޮފިޝަލަކު ވިދާޅުވީ މި ދުވަސްވަރު ރާއްޖެ އަށް ވާރޭ ވެހެނީ މި ސަރަހައްދުގައި އުފެދިފައިވާ ލޯ ޕްރެޝާ ޓްރަފެއްގެ ސަބަބުން ކަމަށެވެ. އަދި ކުރިއަށް އޮތް ދެތިން ދުވަހު ރާއްޖޭގެ އެކި ސަރަހައްދުތަކަށް ބޯކޮށް ވާރޭ ވެހި، ގުގުރުން އެކަށީގެންވާނެ ކަމަށް ވިދާޅުވި އެވެ.

ކުރިއަށް އޮތް 24 ގަޑިއިރަށް ބަލާ އިރު މެދުތެރެ އާއި ދެކުނުގެ އަތޮޅުތަކަށް ބޯކޮށް ވާރޭ ވެހި ގުގުރާނެ ކަމަށް ވެސް މެޓް އޮފީހުން ބުނެފައި ވެ އެވެ. އަދި އުތުރުގެ ބައެއް އަތޮޅުތަކަށް ކެރީގެ އަސަރު ފޯރުކޮށް، ދިޔަވަރު ބޮޑުވާ ވަގުތު ދެކުނާއި މެދުތެރޭގެ ބައެއް ރަށްރަށަށް އުދަ އަރާނެ ކަމަށެވެ. އުތުރާއި މެދުތެރޭގެ ސަރަހައްދުތަކުގައި ކަނޑުގަދަ ވާނެތީ، ކަނޑު ދަތުުރުކުރާ މީހުން އެކަމަށް ސަމާލުކަން ދިނުމަށް ވެސް މެޓް އޮފީހުން އިލްތިމާސްކުރި އެވެ.

މޫސުން މާލެ އެމްއެންޑީއެފް މޫސުން ލަފާކުރާ ގޮތް

44 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުއްގުޑި

12 December 2019

މިކުޑަކުޑަ މާލެއަށް ވެހޭފެންފޮދު ހަތަރުފަރާތުން ކަނޑަށް ފަހިކޮށްލަން ނޭގުނުބަޔަކަށް ކޮންވެރިކަމެއް ކުރަން އެނގޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުނޭ

11 December 2019

އަދިވެސް މުއިއްޒު ވަނީތޯ؟؟؟! 100 ދުވަސް ވެއްޖެ...! 1 އަހަރު ވެއްޖެ! އަދިވެސް މުއިއްޒުތޯ މައްސަލަ އަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެ

11 December 2019

ރާއްޖޭގެ ޒަމާންވީ މިކަމައް ހައްލުހޯދައި ދިނުމައް އެދި އަމިއްލަ ފަރުދަކު ބޭރުގެ އެކްސްޕާޓް އެހީ އަދި ފައަސާގައި ފަހުން ލޯ އިންޓަރަސްޓަގައި ދައްކާ ގޮތައް ސަރުކާރައް ޕްރޮޕޯސަލް ލީމަ ވީމަ ކޮށްލީ ބޭރު ، ތިމަންނަމެން އަދުގަ ފައިސާ އެބަހުރިކަމައް ބުނެ ، އެކަމަކު އަމަލީ މަސައްކަތެއް ނުފެނޭ . މި މީހުންނައް ނުވާކަންކަން އަމިއްލަ ފަރުދުދުން ރައްޔިތުންގެ އުދަގޫ ފިލުވައިދުނުމުގެ ގޮތުންވެސް ނޯވޭ ކަމެއް ކޮށްދެވޭކައް މިއީ ހަގީގަތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޯޯ

11 December 2019

ބޭރު ޤައުމުތަކުގައި ހުންނަހެން ކާނުތައް ހުންނަންޖެހޭނީ ފެން ދައުރު ކުރާގޮތައް މޫދައް ބޭރުވާގޮތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

11 December 2019

ކޮބާތަ ސީޓީ ކައުންސިލް، ގައިމު މުއިއްޒެއް ދެން މިދައުރަކު ނުވާނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯޖް

11 December 2019

ވާރޭ ވެހި ނިމުނީމަ ކޮން ކުލަބަރިއެއްތަ މެޓު އޮފީހުންވެސް މި ނެރެނީ ނިކަން ކުރީބައިގަ ތި އެލާރޓް ނެރެބަލަ ގައިމު އެއިރު މީހުންނަށް ވެސް ގެއާ ގެދޮރުސަލާމަތް ކުރަން ބަސްތާ ޖެހިދާނެ ކުރީބައިގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަައިގައިދުރު

11 December 2019

ހިއްކަންވީކަނޑުތަކެއްނޫން. 5 މިނިޓް ވާރޭވެހުނީމަ ފެންބޮޑުވާމައްސަލަ ގާނޫނެއް ހަދައިގެން ނަމަވެސް ހައްލުކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން

11 December 2019

ސިފާ އިސްތިުފާދީފަ ގެއަށްދޭބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ރާޖާ

11 December 2019

ޔާމީނުގެ ވެރިކަމުގަ ރީނދޫ ކޮހުން: މަގުތައް ފެންބޮޑުވަނީ ވާކަމައް ހަރާން ކޮބާ މުއިއްޒު. ބލ އެއްނު. ރީނދޫ ކޮހުން މިހާރު: ވާރޭ ވެހުމާ ފެންބޮޑުވުން އެއީ މޫސުމީ ބަދަލުތައް. ގިނަގިނައިން ސަމިޓް ބާއްވަންވީ