އައިޖީއެމްއެޗް: ކިޑްނީ ޓްރާންސްޕްލާންޓްގެ ހިދުމަތް ފަށަން އަންނަނީ ތައްޔާރުވަމުން-- ފޮޓޯ: ނިޝާން އަލީ/ މިހާރު
13 ޑިސެމްބަރ 2019 - 14:20
14 comments
ރާއްޖޭގައި އަންނަ އަހަރު ކިޑްނީ ޓްރާންސްޕްލާންޓްގެ ހިދުމަތް ފަށަން އައިޖީއެމްއެޗުން ތައްޔާރުވެއްޖެ އެވެ.
"ރާއްޖެ ޓީވީ"ގެ ފަލަ ސުރުހީ ޕްރޮގްރާމްގައި، ސަރުކާރުގެ މައި ހޮސްޕިޓަލްގެ އެކްޓިން މެޑިކަލް ޑައިރެކްޓަރު ޑރ. ޔޫސުފް ޝާން ރޭ ވިދާޅުވީ މިހާރު ދެމުން އަންނަ ހިދުމަތްތައް ފުޅާކޮށް، އާ ހިދުމަތްތައް ތައާރަފްކުރަން ގިނަ މަސައްކަތްތަކެއް ކުރަމުން އަންނަ ކަމަށެވެ. އެގޮތުން، ގެސްޓްރޯއެންޓެރޮލޮޖީގެ ހިދުމަތް އަންނަ ހަފުތާގައި ފަށައި ކިޑްނީ ޓްރާންސްޕްލާންޓް ކުރަން އަންނަ އަހަރު ފަށާނެ ކަމަށް އޭނާ ވިދާޅުވި އެވެ.
ސްޕެޝަލިސްޓް ހިދުމަތްތަކުގެ ތެރެއިން ނިއުރޯ ސާޖަރީ، އޮންކޯ ސާޖަރީ، ކާޑިއޮލޮޖީ އަދި ނެފްރޮލޮޖީ ހިދުމަތް ފަށާފައިވާ ކަމަށް ޝާން ވިދާޅުވި އެވެ. އޭގެ އިތުރުން އެންޑޯސްކޮޕީގެ ހިދުމަތް ވެސް ފުޅާވާނެ ކަމަށް އޭނަ ވިދާޅުވި އެވެ.
"މިހާރު މި ހަދަނީ ޑައިގްނޯސްޓިކް އެންޑޮސްކޯޕީއެއް. އެކަމަކު ގޭސްޓްރޮއެންޓެރޮލޮޖީ ތައާރަފްވެގެން ތަރައްގީވެގެން ދާއިރު، ވރަށް ބައިވަރު އާ އިންސްޓްރޫމަންޓް ގެނެވި، އިންޓަވެންޝަަނަލް އެންޑޮސްކޮޕީ ކުރިއަށް ދާނެ. އެންޑޮސްކޯޕީ ކުރިއަށް ދާއިރު އެކި ފަރުވާ ދިނުމާއި ހާއްސަ ޓެސްޓުތަކެއް ވެސް ކުރެވިގެންދާނެ. ވަރަށް ބޮޑަށް ފުޅާވެގެންދާނެ،" ކަށީގެ ޚާއްސަ ޑޮކްޓަރު ވިދާޅުވި އެވެ.
ޝާން ވިދާޅުވި ގޮތުގައި، ޔޫރޮލޮޖީގެ ހިދުމަތް އައިޖީއެމްއެޗުގައި ފެށިއިރު ކުރީ ދުވާލަކަށް އެއް ސާޖަރީ އެވެ. ނަމަވެސް މިހާރު އެކަމަށް އޮންނަ ވަގުތު ކުޑަވުމާއި އިމަޖެންސީ ސާޖަރީތައް ގިނަވެފައިވާ ކަމަށާއި އޭގެ މާނައަކީ ރައްޔިތުންގެ އިތުބާރު އެކަމަށް އޮތުން ކަމަށް ވިދާޅުވި އެވެ.
ކިޑްނީ ޓްރާންސްޕްލާންޓް ހެދުމުގެ ކުރިން އޮޕަރޭޝަން ތިއޭޓަރު ތަރައްގީކޮށް އެކަމާ ބެހޭ ގަވާއިދުތަކެއް ހަދަންޖެހޭނެ ކަމަށާއި މިހާރު ކުރަމުން އަންނަނީ އެ މަސައްކަތް ކަމަށް ވިދާޅުވި އެވެ.
ޝާން ވިދާޅުވީ، ބައެއް ގައުމުތަކުގައި ކިޑްނީ ޓްރާންސްޕްލާންޓްގެ ހިދުމަތް ފަށަނީ ގަވާއިދުތަކެއް ނެތި ކަމަށާއި އެހެންވެ ކިޑްނީ ހޯދުން ފަދަ ކަންކަން ނަހަމަ ގޮތުގައި ހިނގާފައިވާ ކަމަށެވެ.
"ޑޯނާ އަކަށް ވެވޭނީ ކާކު ކަމާއި މި އެއްޗެހި ވަރަށް ރަނގަޅަށް ލިޔެވިފައި ހުންނަން ޖެހޭނީ. އޭރުން މިކަން ރަނގަޅަށް ދާނީ. އެތިކަލް އިޝޫ އަންނަ ކަމެއް މިއީ. ބައެއް ގައުމުތަކުގައި އެބަހުރި ގަވާއިދެއް ނެތި އެކަން ފަށާފައި. އެހެންވެ ނަހަމަ ގޮތުގައި ކިޑްނީ ހޯދުން ފަދަ ކަންކަން ގޮސްފައި ވަނީ. އެކަމުން ފިލާވަޅު ލިބި އެކަން ދާނީ ގަވާއިދުތަކެއް ހަދައިގެން،" ޝާން ވިދާޅުވި އެވެ.
އައިޖީއެމްއެޗްގައި ޓްރާންސްޕްލާންޓުގެ ފަރުވާ ފެށުމުން އަތުން ހަރަދެއް ނުކޮށް، އާސަންދައިން އެކަން ކަވަރު ކޮށްދޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިދަބިން
15 December 2019
ތިތަނަށް އަވަސްވީ ގޮތަކުން ހޯދަ ދޭންވީ މައިބަދައިގެ އޮޕަރޭޝަން ތަކުގެ ހާއްސަ ދެތިން ޑޮކްޓަރުން.ޝާން އެކަނި ލައިގެން އަހަރު 2 އަހަރު އޮޕަރޭޝަން ނުކުރެވި މަޑުކޮށްގެން އެބަ ތިބެން ޖެހޭ.ހާދަ ނިކަމެތި ކަމެކޭ މީ ބަލިމީހާއަށް.މުޅި ރާއްޖޭގަ ވެސް މިހުންނަނީ ސްޕައިން އަށް ހާއްސަ އެންމެ ޑޮކްޓަރެއް،އެއީ ޑރ.ޔޫސުފް ޝާން.އަމިއްލަ ކްލިނިކް ތަކުންވެސް ޑރ.ޝާންގެ އެޕޮއިންޓްމަންޓް ލިބުން މީ އުނދަކޫ ކަމެއް.ސަރުކާރުންވެސް މި ކަމާ ވިސްނާލަން ވެއްޖެ ކަންނޭނގެ
ޖަމީލު
14 December 2019
ކުޑަކުދިންގެ ހިތުގެ ޑޮކްޓަރުން އިތުރުކޮށް އެކުދިންނަން ބޭނުންވާ އެކިއެކި ޓެސްޓުތައް ހެދުމަށްޓަކައި އިކުއިޕްމެންޓް އިތުރު ކުރަން އެބަޖެހޭ. މިރާއްޖޭ ކުޑަކުދިންގެ ހިތުގެ އެންމެއް ޑޮކްޓަރ ހުރުމުގެ ސަބަބުން އެފަދަ ކުދިންނަށް ބޭސްފަރުވާ ކުރުމުގައި ދަތިތަކާ ކުރިމަތިލާންޖެހޭ ވާހަކަ ވެސް ދަންނަވަން. އޭ.ޑީ.ކޭ އަދި ޓްރީ ޓޮޕް ހޮސްޕިޓަލުން މިފަދަ ހިދުމަތް ބޭނުންވާ ޚިދުމަތް ލިބިގެން ދިއުމަކީ އުފަލެއް ކަމެއްކަމުގައި ދަންނަވަން.
ބޮޑުމީހާ
14 December 2019
މޮޅެތި އޮޕަރޭޝަންތައް ފަށަނީ ނަމެއްގަތަ. ހިދުމަތް ހޯދަންދާ މީހުންނަށް ރަގަޅު ހިދުމަތެއްނުދެވޭ އާދައިގެ އޮޕަރޭޝަނެއް ނުކުރެވޭ
ޝާންއަށް
13 December 2019
ޑރ. ޝާންއަށް އަށް ދަންނަވާލަން ރާއްޖޭގައި ރިއުމެޓޮލޮޖިސްޓެއްގެ ޚިދުމަތް ވެސް ފައްޓަވައި ދެއްވުމަށް. މިހާރު އެތެރެހަށީގެ ޑޮކްޓަރުންނާއި ކަށީގެ ޑޮކްޓަރުންނަށް ދައްކައިގެން މި ބަލީގެ މީހުންނަށް އެކަށީގެންވާ ފަރުވާއެއް ނުލިބި ވަރަށް ވޭނުގައި އުޅެމުންދަނީ.
ފަރޭ
13 December 2019
އުފާވެރި ޚަބަރެކެވެ. އޯގާވަންތަކަމާއި އަޅާލުމުގެ ޕުރޮގުރާމެއްވެސް ހިންގަންއެބަޖެހެއެވެ. އަހަރުމެންގެތެރެއިން އެއްބައި ޑޮކްޓަރުން ކިޔަވާ ޤައުމެއްގައި މިދެކަންތަކާއިމެދު އޮންނަގޮތް އެޑޮކްޓަރުންގެ ކިބައިން މަދުމަދުންނަމަވެސް ފެންނަމުންދެއެވެ. ޕުރައިވަޓް ތަންތަނުގެ އަގުތައްވެސް ސަރުކާރުގެ ކޮންޓްރޯލެއްގެދަށަށް ގެންނަންވެއްޖެ.
ތެދުތެދު
13 December 2019
މަރުހަބާ ! ވަރަށް އުފާވެރި ޚަބަރެކެވެ.
ޚަރު
13 December 2019
ސާބަސް އިބޫ
ސުބުޙާނައްﷲ
13 December 2019
ހެޔޮ ނުވާނެ މޮޅެތި ޑޮކްޓަރުން ބޮޑު މުސާރަ ދީގެން ނަަމަވެސް ގެނެސްދީ. އައިޖީއެމްއެޗްގަ އާދައިގެ އެޕެންޑިކްސް އޮޕަރޭޝަނެއް ކޮށްގެން މިފަހުން ކިރިޔާ މިހާކު މަރުނުވީ ގޭހޭ ކިޔާގެން. ނަސީބަކުން އަމިއްލަ ޚަރަދުގައި އިންޑިއާއަށް ގޮސް ބެލިއިރު 4 ލޯވަޅު އަޅާގެންވެސް އެޕެންޑިކް ނަގަން ޖެހޭ ބައި ރަނގަޅަށް ނުނަގާ ތަން ވިހަވެ ގޮހުރު ފިއްތާލާ ކާތަކެތި ދަތުރުކުރާ ހޮޅި ފިއްތާލާ ހަޖަމު ބައި އެއްވެސް ވަރަކަށް މަސައްކަތް ނުކުރޭ. ކިރިޔާ ފުރާނަ ސަލާމަތްވީ.
ޙައްހައްހާ
13 December 2019
އިންޑިއާއަށް ދިޔައީމަ ތިހެންކިޔާނެ. އޭރުންތާ އެމީހުންހެ ވިޔަފާރިއަށް ފައިދާވާނީ.
ހަކީމް
13 December 2019
ހަރުދަނާ ގާނޫނެއް ނެތި މިކަން ކުރުން ރަނގަޅެއް ނޫން.
ޙުސާމް
13 December 2019
ފުޅާ ވާ ވާހަކަ ވިދާޅު ވާއިރު ރައްޔަތުންނަށް ތިކަން ނޭގޭ. ޑރ. ޢެޕޮއިންޓުމެންޓު ނުލިބި 8 ނުވަތަ ނުވަ މަސް އެބަ ހޭދަ ކުރަން ޖެހޭ. ފަޚުރުވެރިކަމާ އެކު ވިދާޅު ވަމުން ދަނީ ޚިދުމަތް ތަޢާރަފް ކުރާ ވާހަކަ. މިތިބީ 21 ވަނަ ޤަރުނުގައި.
ްަގަބޫލެއްނުކުރެވޭ
13 December 2019
ވަކި ޑޮކްޓަރަކަށް ދައްކަން އުޅެނީތަ؟ ގަބޫލުކުރަން ދަތި. އެޕޮއިންޓްމަންޓް ކިއޫގެ ކިހާ ހިސާބެއްގަތަ މިހާރު އޮތީ؟ މި ނުބުނަނިސް ގަބޫލެއް ނުކުތެވޭނެ - މީގެ އެތައް އަހަރެއް ކުރީގެ ވާހަކަ ނުދައްކަބަލަ. ކިއޫ ޕޮސިޝަން/ނަންބަރު ބުނެބަލަ މިތާ!