16 ޑިސެމްބަރ 2019 - 11:48
11 comments
ލޯކަލް ކައުންސިލްތަކަށް ސަރުކާރުން ދޭ ބަޖެޓުގެ ތެރެއިން ވިޔަފާރިތައް ފެށުމަށް ޚަރަދު ކޮށްދިނުމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު އެދިވަޑައިގެންފި އެވެ.
އަންނަ އަހަރުން ފެށިގެން މާލީ ގޮތުން ކައުންސިލްތައް ބާރުވެރިކުރުވުމަށް ސަރުކާރުން ވަނީ ނިންމައިފަ އެވެ. ލާމަރުކަޒީ ގާނޫނަށް ގެނައި އެ އިސްލާހުގައި، ދައުލަތުގެ ބަޖެޓުން ހިލޭ އެހީގެ ގޮތުގައި، ރަށާއި އަތޮޅާއި ސިޓީ އަށް ލިބޭ އާމްދަނީގެ ވެސް ވަކި ޕަސެންޓެއް ކައުންސިލްތަކަށް ދޭން ވަނީ ކަނޑައަޅައިފަ އެވެ. މީގެ ނަތީޖާއާ އެކު، ކައުންސިލްތަކަށް މިހާތަނަށް ލިބުނު ބަޖެޓު ބޮޑުތަން އިތުރުވާނެ އެވެ.
ހުރިހާ ކައުންސިލްތައް ހިމެނޭ ގޮތަށް ކްރޮސް ރޯޑްސްގައި ކުރިއަށް ގެންދާ "ވިއަވަތި ރާއްޖެ" މަހާސިންތާގައި އިކޮނޮމިކް މިނިސްޓަރު ވިދާޅުވީ އެ ރަށެއްގެ އިގްތިސާދުގައި މަސައްކަތް ކުރަން ބޭނުންވާ ފަރާތްތަކަށް ކައުންސިލްތަކުން މަގު ތަނަވަސް ކޮށްދިނުމާއި ފައިނޭންސް ކޮށްދިނުން ވަރަށް މުހިންމު ކަމަށެވެ. އެފަދަ ކަންކަމަށް ސަރުކާރުގެ އެއްބާރުލުން ވެސް ލިބޭނެ ކަމަށް އޭނާ ވިދާޅުވި އެވެ.
ފައްޔާޒް ވިދާޅުވި ގޮތުގައި، ވިޔަފާރިތަކާ ދެކޮޅު ވިސްނުން ދިވެހިންގެ ތެރޭގައި އުޅެ އެވެ. އެކަމަކު، އެއީ ރަނގަޅު ގޮތެއް ނޫން ކަމަށް ވިދާޅުވި އެވެ. އޭނާ ވިދާޅުވީ، ސަރުކާރުން ބޭނުންވާ ކަންކަން ކުރުމަށް އަމިއްލަ ވިޔަފާރިތައް ކުރިއަރަން ޖެހޭ ކަމަށެވެ.
"ސަރުކާރުން ކުރާ ވިޔަފާރިތައް މަދުކޮށްފައި، ރައްޔިތުން ވިޔަފާރިކޮށްގެން މުއްސަނދި ވާން ޖެހޭ. އޭގެން ބައިކުޅަބައި ދައުލަތަށް ދީގެން އިޖުތިމާއީ ކަންކަމާއި އިގްތިސާދީ ކަންކަން ކުރިއަށް ގެންދެވޭނީ" މިނިސްޓަރު ވިދާޅުވި އެވެ.
ފައްޔާޒް ވިދާޅުވީ، ދަތުރުފަތުރުގެ ނިޒާމަކުން ރާއްޖޭގެ ރަށްތައް ގުޅާލެވިއްޖެ ނަމަ އިގްތިސާދީ ހަރަކާތްތަކެއް ހިންގުމަށް ރަނގަޅު އާބާދީއެއް ލިބޭނެ ކަމަށެވެ. މި ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީން ހުށަހަޅާފައިވާ ސިޔާސަތުތަކަކީ ވަށައި ޖެހޭ ކަންކަން ކަމަށާއި އެކިއެކި އިގްތިސާދީ ހަރަކާތްތަކުގެ ތެރެއިން ލިބޭ ފައިސާ އިން އިޖުތިމާއީ މައްސަލަތައް ހައްލު ކުރެވޭނެ ކަމަށް މިނިސްޓަރު ވިދާޅުވި އެވެ.
ކައުންސިލަރުންގެ މަހާސިންތާ ފެށުމަށް އިއްޔެ ބޭއްވި ރަސްމިއްޔާތުގައި ބައިވެރިވެވަޑައިގެންނެވި ބައެއް ބޭފުޅުން.---ފޮޓޯ: ނިޝާން އަލީ/މިހާރު
އިއްޔެ އިން ފެށިގެން މިއަދުގެ ނިޔަލަށް ކުރިއަށް ގެންދާ ބައްދަލުވުމުގައި ފިޝަރީޒް މިނިސްޓަރު ޒަހާ ވަހީދު ވަނީ މަހުގެ އުފެއްދުންތައް އުފައްދާ މިންވަރު ރަށްތަކުގައި ދަށްވެފައިވާ ކަމަށް ވިދާޅުވެފަ އެވެ. އެގޮތުން 2007 ވަނަ އަހަރު 8،700 ޓަނުގެ ހިކި ކަނޑުމަސް ރާއްޖޭން ބޭރު ކުރިއިރު މިދިޔަ އަހަރު އެ އަދަދު 1،570 އަށް ދަށްވެފައިވާ ކަމަށް އޭނާ ވިދާޅުވި އެވެ.
މިނިސްޓަރު ޒަހާ ވިދާޅުވީ އެފަދަ ވިޔަފާރިތައް މިހާރު ހިންގަނީ ބިދޭސީންނާއި މާލޭގައި އުޅޭ ބައެއް ކަމަށެވެ. އޭގެ ސަބަބުން ރަށްރަށުގެ އިގުތިސާދަށް ފައިސާ ނުވަންނަ ކަމަށާއި އެކަން ބަދަލު ކުރަން ޖެހޭ ކަމަށް ވިދާޅުވި އެވެ.
"ރަށުގެ އިގްތިސާދު ކުރިއެރުވުމަށް ރަށުން ލިބޭ ފައިސާ ކޮންމެވެސް ވަރަކަށް ރަށުގައި ހިފެހެއްޓެން ޖެހޭ. އަދި މިފަދަ މަސައްކަތްތަކަށް ރަށުގެ ރައްޔިތުން ކުރިމަތިލާން ވެސް ޖެހޭ،" ޒަހާ ވިދާޅުވި އެވެ.
އޭނާ ވަނީ ކޯޕަރޭޓިވް ސޮސައިޓީތައް ހިންގުމަށް ކުރި މަސައްކަތްތައް ކާމިޔާބު ވެފައި ނުވާތީ އެ ސޮސައިޓީތައް އަލުން ދިރުވައި ދިނުމަށް ކައުންސިލަރުންގެ ކިބައިން އެދިވަޑައިގެންފަ އެވެ.
ރާއްޖޭގެ ބާޒާރަށް ބޭނުންވާ ތަރުކާރީ އާއި މޭވާގެ އެތައް ބާވަތަކަށް އެތައް މިލިއަން ރުފިޔާއެއް ހަރަދުކޮށް އެތެރެކުރާ ކަމަށް މިނިސްޓަރު ވިދާޅުވި އެވެ. އޭގެ ތެރޭގައި ރާއްޖޭގައި އާންމުކޮށް ހެދޭ ދޮންކޭލާއި ކަރާ ފަދަ ތަކެތި ވެސް ހިމެނެ އެވެ.
ޒަހާ ވިދާޅުވީ، އޭގެ ތެރެއިން ގިނަ ބާވަތްތަކަކީ ރާއްޖޭގައި ހެއްދިދާނެ ތަކެތި ކަމަށާއި ރިސޯޓް މާކެޓަށް ވެސް ބޭނުންވާ ތަކެތި ރާއްޖޭގައި އުފެއްދުމަށް އިސްކަން ދޭން ޖެހޭ ކަމަށެވެ.
"ދޮންކެޔޮ 10،000 އަކަފޫޓުގައި 60،000ރ. ހަރަދުކޮށްގެން 110،000ރ. އެބަ ލިބޭ 12 މަސް ދުވަހުގެ ތެރޭގައި. ޑިއުޓީގެ އިނާޔަތް ދެވިފައި ވާތީ ގްރީން ހައުސް ފަދަ ތަކެއްޗަކީ މިހާރު ފަސޭހަ އިން ލިބިވަޑައިގަންނަވާ އެއްޗެހި،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަނޑުވެރިޔާ
17 December 2019
ޒަހާ ބުނެބަލަ އަހަރެމެން އައްޑޫ ދަނޑުވެރިޔާ ހައްދާ އެތިކޮޅު ވިއްކާނެ ގޮތެއް، ދަރަންޏެއް ނަގައިގެން ބޮޑު ޚަރަދެއްކޮށްފައި ހައްދާއެތިކޮޅު މިސާލަކަށް ކިއުކަންބާ 15ރ އަށް ކިލޯއެއް ދަނޑުން ގަނެގެން ވިކޭ ހިސާބަކަށް ގެންދެވެނީ މޯލްޑިވިއަން އަށް 18ރ /ކިލޯ ކާގޯ އަށް، ޕިަކަޕު، މުއައްޒަފު، ހެރެތެރެ ކެނެރީފް މެލޭޝިއާ ބޮސް ވިސާއާނުލާ ބަންގާޅިން ލައްވާ ގްރޯމޯރކިޔާފަ ރަށުގެއެބައިގަ ދަނޑު ހައްދަނީ، ޕާޗޭސް މެނޭޖަރަކަށް ހުންނާނީ ކުމާރު އޭނަ ގަންނާނީ އިންޑިޔާއިން
އޮނަރަބްލް އަފީފު ދީދީ
16 December 2019
ހާދަ ދެކޮޅުނުޖެހޭވާހަކަދައްކާ ވަޒީރެއް. ބައްލަވާ ކުޑަ އަދި މެދުފަންތީގައިވިޔަފާރިއެއްފަށާ ކުރިއަރައިދާނީ އިޤްތިސޯތީހަރަކާތެއްގެތެރެއިން ނުވަތަ ވިޔަފާރިހިގަމުންދާމާހައުލެއްގެއަރިމަތިންކަން އިޤުތިސޯދީވަޒީރަށްނޭގުމަކީ ދެރަވަރުކަމެއް. # ތިގޮތަށްދޭފައިސާއަކީ "ބޮލުގައި އަޅުވާ ދަރަންޏެއް" ނުވަތަ "ރައްޔިތުންގެ ކަރަށް މަހާލާ ދަންމަޅިއެއް" ކަން އެގިނުލައްވަނީތޯ؟ ވަޒީރު ރަސްމީއްޔާތެއްގެ ޝަރަފުވެރި މެހެމާނަކަށް ހެދުމުން ބީއެމްއެލްގެ މަތިން ހަދާން ނެތުނީތޯ؟
މުއާޒު
16 December 2019
ފައިސާ ލިބެނީ ވަކިބަޔަކައް ތިޔަ އެސް.އެމް.އީ އިންވެސް އެތަނުން ބުނީ ސަރުކާރު ޕްރޮޖެކްޓްތައް ހިފައިގެން އަންނަމީހުންގެ އެއްޗެހި އެޕްރީވް ވާލެއް އަވަސްކަމައް އެހެންވީމަ މިއީ ވަކިބަޔު ހިންގާ ސިންޑިކޭޓް ވިޔަފާރެއްކަމައް ބެލެވެނީ. ހަމައެއް ކަމެއް ވައްކަން ތަފާތުގޮތަކައް
ޖާބެ
16 December 2019
މިހާރުވެސް އެސް.އެމް.އީ އެޕްލިކޭޝަނައް ވެސް ޖަވާބުދޭން 3 މަސް ދުވަސް ފިނިހަކަ ސްޕީޑްގަ ހިގައިގެން ކހިނެއް ޕްރޮގްރެސް ގެންނާނީ
ގޮއިދޫހަސަނު
16 December 2019
ހަރުދަނާ ގޮތްގޮތަށް ހުށަހަޅާ ހުށަހެޅުންތަކުން ވައްކަންނުކޮށް ކައުންސިލްތަކާއި މައިސަރުކާރުން ތަރައްޤީއަށް މަސައްކަތްކޮށްފިނަމަ، ރާއްޖެ ތަރައްޤީވާނެއެވެ. މިހާރުހަމަޖެހިފައިއޮންނަނީ ކަޓުނެގުން ނުވަތަ މީހެއް ކަމެއް ހުށަހަޅައިފިނަމަ، އެކަމެއް ކޮށްދޭންތިބޭބަޔަކު ބޭނުންކޮށްލައި، އެމީސްމީހުން އެއިން ފައިދާނަގައި، އޮރިޖިނަލް ޚިޔާލު ފައުޅުކުރިމީހާ ކަޓުވާލުމެވެ. އެހެންހެދީމައި ވަނީ ތަރައްޤީއެއްނޫނެވެ. ޚިޔާލުތަނަވަސް ކަންކުރެވޭވަރުގެމީހުން ވަނީފޫއްސެވެ.
ބޮޑުފަޅި
16 December 2019
ތެދެއް މީނަގެ ޖީބަށް އެއްބައި ދޭ ގޮތަށް ވިޔަފާރި ކުރަން ބޭންނުން ނަމަ އެބަޔަކަށް މަސައްކަތް ހަވާލުކުރެވޭނެ. ދެރައީ ޔާމީނޭ އަދީބޭ ކިޔާތީ.
އިބިރިހިންބެއްޔާ
16 December 2019
ރަގަޅު ކައުންސިލަރުން ހޮވުމަށް އޮތްހަމަ އެކަނި ހުރަހަކީވެސް އަދި ހައްލަކީވެސް ސިޔާސީ ޕާޓީތައް. މިވަގުތު "ކަންތައް" ހުރިގޮތުންނާއި ރައްޔިތުންގެ އާއްމުފެންވަރު ހުރިގޮތުން އިންތިޚާބުތައް ކާމިޔާބުކުރެވެނީ ސިޔާސީޕާޓީތަކުން ހޮވަންބޭނުންވެގެން "ވޯޓް ހޯދާ" މީހުންނާއި "ވޯޓް ހޯދަން" ކެރިކުޅަދާނަ އަމިއްލަ ފަރުދުން. މެޖޯރިޓީ ރައްޔިތުން "ނުކުޅެދުންތެރި". ރައްޔިތުންގެ ފައިސާ ބޭނުންކުރާ ސިޔާސީ ޕާޓީތަކުން ރައްޔިތުންގެ ޙައްޤުގައި މަސައްކަޓްކުރަން ދަންނަވަން.
މަންނާނު
16 December 2019
ހައްޤު މިންވަރޭ ހަމައިސްކޮޅޭ މިކިޔަނީ ކަލޭމެން ވެރިކަމަށް އަންނަންވީމަ އެކަންނުދަންނަ ދިވެހިރައްޔިތެއް މި ދިވެހިރާއްޖޭގަ މަދުވާނެ އަދި ކަލޭމެން ސަރުކާރާއި ހަވާލުވިފަހުން ކަލޭމެންގެ އަންބޮޑި ބަނުންނޫންކަމެއް މނުކުރެވޭ
ގޮބޮރސް
16 December 2019
ރަށްރަށުގެ ކައުންސިލްތަކާ ރައްޔިތުންނަށް އުފާވެރިކަން ލިބި ހައްދުން ނެއްޓިފަ. ދެން ހިތްފަސޭހަ އަރާމު ދިރިއުޅުމެއް ލިބޭނި. ކައިރި ރިސޯޓްތަކުން ވަޒީފާ ލިބި ދާނެ މީހުން މަދުވާނި. ދެން ކަންމަތީ ފިހާރައަށް ދަރާ ތިބޭކަށް ނުޖެހޭނެ. މޯދީ ވަރަށް އެހީވެއްޖެ.
އޭޑީ
16 December 2019
ކައުންސިލުތަކުގައި ތިޔަފަދަ ގާބިލު މީހުނެއް މިވޭތުވެދިޔަ އަހަރުތަކުގައި އިންތިހާބުވެފައިނެތް! އޮފީސް ނިންމާފައި، ރަށުގޮނޑުދޮށަށް ދޮށިއުކަންދިއުމާއި، ވަދާ ދިއުންފަދަ ކަންކަމުގައި ކައުންސިލަރުން އުޅުނީ! ނަމަވެސް ލާމަރުކަޒީ ނިޒާމާއެކު ބާރުތަށް ދޫކުރުމަށް ސަރުކާރުން ނިންމާ، އެކަންކަން ކުރަމުންދާއިރު އިލްމީ ގާބިލު ކައުންސިލަރުން އިންތިހާބަށް ނުކުތުމުން ނޫނީ އަސްލު މަގުސަދު ހާސިލެއްނުވާނެ! އެމްޑީޕީގެ ފިކުރެއް ލާމަރުކަޒު ކުރުމަކީ!
އިބިރިހިންބެއްޔާ
16 December 2019
އެމްޑީޕީގެ ފިކުރެއް އެކްޓިވިސްޓުންނަށް ފައިސާލިބޭނެގޮތް ހެދުންވެސް. "އެންމެންގެ ވޯޓް އެމްޑީޕީގެ އެކްޓިވިސްޓުންނަށް" އެރައީސުގެ ގޮވާލުން.