ސީރިއާ އަށް ހަނގުރާމަ އަށް ދިޔަ ދިވެހިންތަކެއް: މީހުން މަރަން ފަސް ނުޖެހޭ ވަރަށް ހައްދުފަހަނާޅާފައިވާ 1،400 މީހުން ތިބި ކަމަށް ފުލުސް އޮފީހުން ވަނީ ހާމަކޮށްފައި.
16 ޑިސެމްބަރ 2019 - 14:56
88 comments
އިސްލާމްދީނުގެ ނަމުގައި އަނިޔާވެރި އަމަލުތައް ހިންގާ އިސްލާމިކް ސްޓޭޓް (އައިއެސް)ގެ ފިކުރަށް ތަބާވެ، އެ ފިކުރުގެ ދިފާއުގައި ޖެހިގެން ހުންނަ މީހާ މަރާލަން ފަސްނުޖެހޭ މިންވަރަށް ހައްދުފަހަނާޅާފައިވާ 1،400 އެއްހާ ދިވެހިން އެބަތިބި ކަމަށް ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.
ރާއްޖޭގައި ހަރުކަށި ފިކުރުގެ ނުރައްކާ އޮތް މިންވަރު އޭނާ ހާމަކޮށްދެއްވީ، ރާއްޖޭގެ ހުރިހާ ކައުންސިލްތަކަށް ދައުވަތުދީގެން ކްރޮސް ރޯޑްސްގައި ސަރުކާރުން ކުރިއަށް ގެންދާ "ވިއަވަތި ރާއްޖެ" މަހާސިންތާގަ އެވެ. ހައްދުފަހަނާޅައިދިއުމުގެ އަމަލުތަކާ ދެކޮޅަށް ހަރަކާތްތެރިވާން ކައުންސިލްތަކުގެ އެއްބާރުލުމަށް އެދިވަޑައިގެން ކޮމިޝަނަރު ވަނީ ތަފާސްހިސާބުން ހާލަތު އަންދާޒާކޮށްދެއްވައިފަ އެވެ.
ކައުންސިލަރުންނަށް އަދި އާއްމު ރައްޔިތުންނަށް އޭނާ ދޫކޮށްލެއްވި މި އަދަދުތައް މީގެ ކުރިން އޮތީ ގައުމީ ސަލާމަތާގުޅޭ ސިއްރެއްގެ ގޮތުގަ އެވެ. އެކަމަކު، އެ އަދަދުތައް ހާމަކުރެއްވީ، ހައްދުފަހަނާޅައި ދިއުމުގެ އަމަލުތައް ސިއްރުކޮށް، އަޅާނުލައި ތިބުމާ ދެކޮޅަށް މި ސަރުކާރުން ތެދުވެ، އެކަން ހުއްޓުވަން އެންމެންގެ އެހީތެރިކަމަށް އެދެމުން އަންނާތީ އެވެ.
ކޮމިޝަނަރު އާއްމު ކުރެއްވި ތަފާސްހިސާބު
- ސީރިއާގެ ހަނގުރާމަ ކުރަން ޝައުގުވެރިވެ އެ މަގަށް ރާއްޖޭގެ އެކި ކަންކޮޅުތަކުން 423 މީހުން މަސައްކަތް ކުރި.
- އޭގެތެރެއިން ސީރިއާ އަށް އެތެރެވެވުނު ކަމަށް އެނގެން އޮތީ 173 ދިވެހިން.
- ސީރިއާގައި މިހާރު ތިބީ 59 ދިވެހިން. އޭގެތެރޭގައި ގިނައީ ކުޑަކުދިން. ރާއްޖެ ގެނެވޭ ހާލަތުގައި ތިބީ ހަތަރު ފިރިހެނުން.
- ހަރުކަށި ފިކުރުގެ ތެރެއަށް ގެނބި، ޖެހިގެން ހުރި މީހާގެ ފުރާނަ ނަގާލަން ފަސްނުޖެހޭ ވަރުގެ ގާތްގަނޑކަށް 1400 މީހުން އެބަތިބި.
- ހަރުކަށި ފިކުރުގެ އެންމެ އިސް ފަރާތްތަައް ގާނޫނުގެ ކުރިމައްޗަށް ގެނެސް އަދަބު ދިނުމުގެ މަސައްކަތް އެބަދޭ.
ޕޮލިސް ކޮމިޝަނަރު ހަމީދު: އޭނާ ވިދާޅުވަނީ ހަރުކަށި ފިކުރާ ދެކޮޅަށް ފުލުހުން ފިޔަވަޅު އަޅަމުން އަންނަ ކަމަށް. --ފޮޓޯ/ރައީސް އޮފީސް
ކޮމިޝަނަރު ވިދާޅުވީ ހަނގުރާމަ އަށް ސީރިއާ އާއި އަފްގާނިސްތާނަށް ދިޔަ ދިވެހިންގެ ތެެރެއިން ބަޔަކު ރާއްޖެ އައިސް މިހާރު ވެސް އެ ފިކުރު ފެތުރުމުގައި ދަނީ ހަރަކާތްތެރިވަމުންނެވެ. އެކަމާ ދެކޮޅަށް ފިޔަވަޅުތަކެއް އަޅަމުން އަންނަ ކަމަށް ވިދާޅުވި އެވެ.
"ބައެއް ރަށްރަށުގައި މި ފިކުރު ފެތުރި ރައްޔިތުން ނުރައްކަލުގެ ތެރެއަށް ހުށަހެޅި، ނުރައްކާތެރި އަމަލުތައް ފެނިގެންދާ ދިއުން އެއީ ކަންބޮޑުވާން ޖެހޭ ކަމެއް،" އޭނާ ވިދާޅުވި އެވެ.
މީގެ ހައްލެއްގެ ގޮތުގައި އޭނާ ހުށަހެޅުއްވީ ކައުންސިލްތަކުން މިހާރަށް ވުރެން ބޮޑަށް ފުލުހުންނާ ގުޅިގެން މަސައްކަތް ކުރުމެވެ. އެ މަގަށް މަސައްކަތްތައް ތަރުތީބު ކުރައްވާނެ ކަމަށް ހަމީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެން އަތް ޖަހާ
17 December 2019
މިހަބަރާއެކު މީހުން އުފާ ވެގެން ލައިކް ވަނީ ކޮންކަމަކާއޯ؟ ދަރިންގެ މުސްތަގްބަލަށްވެސް ވިސްނާ ބައެއް ނޫން ދިވެހިން މީ.
ވެވު
17 December 2019
ކޮންފަދަ ދިރާސާއަކުން ހާމަވީ އަދަދެއްތޯ؟ ހަމަ އެއްޗެކޭ ވިދާޅުވަނީ...... #ފީކަޅާވާހަކަ
ހަސަންދީ
17 December 2019
މީހުން މަރަން ފަސްނުޖެހޭ 1400 ހަރުކަށި މީހުން ތިބިނަމަހީ މިރާއްޖޭގައި އަނިޔާވެރި ގޮތުގައި މަރާލެވޭ މީހުންގެ އަދަދު ހައިރާންވާހާ ގިނަވީހެވެ. އަދި އެމީހުންގެ އަތުގައި 4 މިލިއަން ހަރަދު ކޮށްގެން ކޮންޓްރެކްޓް އުސޫލުން މީހުން މަރާނެ ލާރި ހުރިނަމަ އެމީހުން ކޮށްފަ ނުކުރާނެ ކަމެއް ސިކުނޑިއަށް ތަސައްވަރު ނުކުރެވޭނެއެވެ. އަސްލު އޮޅުވާލިއަސް ބޮޑުވަރެވެ. 2020 ގައި އެންޓި ޓެރަރިޒަމް ޤާނޫނު ތަންފީޒުކުރަން ސްޓޭޖް ރެޑީކޮށް ސީން ކްރިއޭޓް ކުރަނީއެވެ.
ވަހީދު
17 December 2019
ނަމާދު ވަގުތު ޖެހުމުން މޫދުން ވުޟޫކޮށްގެން މަގުމަތީގައި ނަމާދު ކުރުމުން ރައީސް ނަޝީދު ވިދާޅުވީ އެއީ ހަރުކަށި ފިކުރުގެ ކަމެކޭ. ޢެހެންވީމަ ހަރުކަށި ފިކުރު މިންކުރާގޮތް ސާފެއްނޫން
ސަރަކަގުޑި
17 December 2019
މިސްކިތް ނެތިއްޔާ އޯކޭ، އެހެންނޫނީ ޗާންދަނީމަގު މަޖީދީމަގު ކަންމަތީގައިވެސް ބަންގި ގޮވާއިރަށް ނަމާދު ކުރަންވީނޫންތޯ...؟
ފިނިވައި
17 December 2019
އިންޑިއާގެ ސިފައިންނަކީ ވެސް މީހުން މަރަން ފަސްނުޖެހޭ ނުބައިބައެއް
ސަރަކަގުޑި
17 December 2019
ޗައިނާ އޯކޭދޯ...؟؟؟
17 December 2019
ސިޔާސީ ގޮތުން ބާރުވެެރިވާން ވެގެން ޕްރޮޕެގެންޑާ ވާހަކަތަށް ހަދަހަދާއިގެން ދަށްކާނެކަމެއް ނެތް..... މި ސަރުކާރު އާއި ފަހުން ތައްޔިތުންނަށް ކޮށްދިނީ ކޮންކަމެއް.... މަސްތުވާތަކެތި ގެންގުޅޭ ޕާޓޭން މުޅި މަގުގަ.... ޕާޓޭން މީހުންނަށް އަނިޔާދީ މީހުންމަރަނީ.... ސަރުކާރުން ޕާޓޭން ދޫކޮށްލާފަ ޕްރޮޕެގެންޑާ ހިންގުމުގަ.... ވޯޓް ދިނީ މިހެން ވާނެކަމަކަށް ނޫން
ސަރަކަގުޑި
17 December 2019
ފިތިފަ ހުރޭދެން 5 އަހަރު ނިމެންދެން...
އަޙުމަދު.
18 December 2019
ދެން ތިމާ މީހާދިން ވޯޓު އަނބުރާގެނަސްޔަސް 5 އަހަރުވަންދެން މަޑުކޮށްލާ.
ސައި
17 December 2019
ތިޔަބުނާ 1400 ދިވެހިންގެ ފުރިހަމަނަމާއި ފޮޓޯ އާއްމުނުކުރަން ތިއުޅެނީ ކީއްވެތޯ އަދި ތިބުނާ 4މީހުން ރާއްޖެގެނެސްގެން ނުވާނެ އޭރުން މިގައުމަށް ނުރައްކާވާނެ
ވަހީދު
17 December 2019
ރަށުކައުންސިލް އިންތިޚާބަށް ހަދާ ދޮގު އެހުންނަނީ.
ސަރަކަގުޑި
17 December 2019
އާނ ދޯ...ކުރީ ސަރުކާރުންބުނި ސީރިއާއަކު ދިވެހި ހަނގުރާމަވެރިންނެއް ނުތިބޭނޭ.....ލޮލް
ފޮނިޓައްޕު ހަސަނު
17 December 2019
ތި ނުލަފާ 1400 މީހުން ޓެގްއަޅުވާ. އަދި ތިފަދަ މީހުން ކުރާ ކުށްތަކަށް މަދުވެގެން 10 15 އަހަރުގެ ހުކުމެއް ކުރޭ. ތިފަދަ މީހުން ބަންދުކުރަން ތިލަފުށީގައި ޖަލެއް ހަދާފަ މަސައްކަތް ކުރުގައިގެން އެމީހުން ޖަލުގައި ބައިތިއްބަން ކުރަން ޖެހޭ ޚަރަދު ހޯދަމާ.
17 December 2019
ދީނީ ގޮތުން ހަރުކަށި މީހުން މަރަން ފަސްނުޖެހޭ 1400 މީޙުން އުޅޭ ކަމައްވަންޔާ، ދީނައް ފުރައްސާރަކޮ ދީނުގެ އަސާސްތަކައް ހަޖޫޖަހާ ކްރިސްޓިއަން މިޝަނަރީ ތަކުން ތަމުރީނުވެގެން މީހުން މަރަން ފަސްނުޖެހޭ 3000 މީހުން އުޅޭނެ!
ދޮންދީދީ
17 December 2019
ދީނީ ގޮތުންނޭ ނުބުނޭ. ތި ހަރުކަށި ވެގެން ތިއުޅޭ މީހުންނަކީ އެމީހުން އަމިއްލް ގޮތްތަކެއް ގެންގުޅޭ، އިސްލާމްދީނުގެ އަސާސްތަކަށް ފުށުއަރާ އާ ދީނެއްގެ ބަޔެއް. އެމީހުން ޖެހެނީ ޗައިނާގަ ހަދާހެން ޖަލުގައި ބައިތިއްބައިގެން އެވިސްނުން ބަދަލު ކުރުވަން.
ޚަރަދު
18 December 2019
ހަމަ ކައުންސިލް އިންތިހާބަށް ޖައްސާ ސްޓަންޓް!!..ހުރިހާ ކަމެއް ކުރާނެ ފައިސާ ލިބޭނެ ތިއުޅޭ ސިޔާސީ މީހުންގެ ޖީބުތައް ނުފުށައް ޖެހީމަ..!
އަޙްސަން
17 December 2019
ހައިރާން ވެ ބިރުގަނެ ހާސް ވާންވީ މި ލިޔުން ކިޔާފަ ކަމެއް ނޫނީ މި ލިޔުމުގަ މިވާ ކޮމެންޓްސް ކިޔާފަ ކަމެއް ނޭނގި ބަސް ހުއްޓިފަ މިހިރީ.
17 December 2019
މިއީ ހަމަ ސިޔާސީ ސްޓަންޓެއް...ކުރިން ވާހަކަ ދައްކަމުން އައީ ތިމާވެށި ހިމާޔަތް ކުރުމާއި ބެހޭގޮތުން. މިހާރު ގެންގުޅޭ ކާޑަކީ ޓެރެރިޒަމް. 80 ގައުމު ހިމެނޭ ކޯލިޝަނުން ސީރިޔާގެ އެތަށް އަވަށެއް ހަލާކުކުރަމުން އެދަނީ ޓެރެރިސްޓުން ފޮހެލުމުގެ ނަމުގަ. ޝަހީދުވެގެން ދަނީ މުސްލިމު ކުޑަކުދިންނާއި އަންހެނުން. އެވެރިން ނުރުހެނީ އިސްލާމްދީނަށް.
ސަރަކަގުޑި
17 December 2019
މިއީ ތެދެއް. 1400 މީހުން އެއްތާކު ތިބިވާހަކައެއްނޫން އަނެެއްކާ. އެކި އަތޮލު، ރަށްރަށުގައި. ސެލް ތަކެއްގެ ގޮތުގައި.
ޕޮގް
17 December 2019
ނަސޭހަތް ދީ ގަބޫލުނުކޮއްފި ކަމުގައި ވާނަމަ... ދީނުގައި އޮތް ގޮަތައް ހުކުމް ކުރަމާބަހީ.. އަަހަރެމެން ތެރޭ ކޮލެރާވެސް ފެތުރުނު.. ބޭސް ދީގެން ރަނގަޅުކުރުވީ... މިކަމަށްވެސް ރަނގަޅުފަރުވާ ދެވިއްޖެ ކަމުގައި ވާނަމަ. ތިޔަކަކަމުން މިލޮބުވެތި ވަތަން ސަލާމަތް ކުރެވިދާނެ.