ވިލިމާލޭގައި ފުޓްބޯޅަ ޓްރެއިނިން ސެންޓަރެއް އަޅަނީ

ވިލިމާލޭގައި އަޅާ ޓްރެއިނިން ސިންޓަރުގެ ބިންގާ އެޅުމުގެ ރަސްމިއްޔާތުގެ ތެރެއިން ސްޕޯޓްސް މިނިސްޓަރު މަހުލޫފް (ކ) އާއި އެފްއޭއެމްގެ ރައީސް ބައްސާމް.-- ފޮޓޯ: އެފްއޭއެމް/ އިބްރާހިމް ފާއިދު

އައްޒާމް އަލިފުޅު، މިހާރު

20 ޑިސެމްބަރ 2019 - 08:13

1 comments

އޭއެފްސީގެ ރައީސްގެ ހާއްސަ ޕްރޮޖެކްޓެއްގެ ދަށުން ވިލިމާލޭގައި އަޅާ ފުޓްބޯޅަ ޓްރެއިނިން ސެންޓަރުގެ ބިންގާ އަޅައިފި އެވެ.

އޭއެފްސީ ޕްރެޒިޑެންޓްސް އިންފްރާސްޓްރަކްޗަ އިނީޝިއޭޓިވް ޕްރޮޖެކްޓުގެ ދަށުން އަޅާ މި ޓްރެއިނިން ސެންޓަރުގެ ބިންގާ އެޅުމަށް އިއްޔެ މެންދުރު ވިލިމާލޭގައި ބޭއްވި ރަސްމިއްޔާތު ޝަރަފްވެރިކޮށްދެއްވީ ކުޅިވަރާބެހޭ ވަޒީރު އަހުމަދު މަހުލޫފާއި އެފްއޭއެމްގެ ރައީސް ބައްސާމް އަދީލް ޖަލީލެވެ.

ހަތަރު މަސް ދުވަހުގެ ތެރޭގައި ނިންމަން މި ޕްރޮޖެކްޓްގެ ހަވާލުކޮށްފައިވަނީ ފިއުޗާ ހޯމްސް ޕްރައިވެޓް ލިމިޓެޑާ އެވެ. މި ޕްރޮޖެކްޓްގެ ދަށުން ޓާފް ބޮޑު ދަނޑަކާއި އެކޮމަޑޭޝަން ބިލްޑިން އަކާއި ފެސިލިޓީ ބިލްޑިންއެއް އެޅުމަށް ވަނީ ނިންމައިފަ އެވެ. ފުރަތަމަ ޑިވިޝަނުގެ ކްލަބްތަކަށް ހާއްސަކޮށް ހަދާ އެކޮމަޑޭޝަން ބިލްޑިންގައި ދެ ކޮޓަރި ހިމެނޭ އަށް އެޕާޓްމެންޓް އެޅުމަށް ވަނީ ނިންމައިފަ އެވެ. ފެސިލިޓީ ބިލްޑިންގައި ހިމެނެނީ ދެ ޗޭންޖިން ރޫމާއި ފާހަނައިގެ އިތުރުން ރެފްރީންނަށް ހާއްސަ ކޮޓަރި އަކާއި އަކާއި މެޗު ކޮމިޝަނަރަށް ހާއްސަ ކޮޓަރިއެއްގެ އިތުރުން ކުޅުންތެރިންނަށް ހާއްސަ ސަރަހައްދެެކެވެ.

ބައްސާމް ވިދާޅުވީ މި ޕްރޮޖެކްޓާ އެކު ވިލިމާލޭގައި ގާއިމު މި ކުރެވޭ އޭއެފްސީ ފެންވަރުގެ ދަނޑުގައި ދެ ވަނަ އަދި ތިން ވަނަ ޑިވިޝަނުގެ މެޗުތައް ކުޅެވޭނެ ކަމަށެވެ. އަދި ޕްރޮޖެކްޓާ އެކު ގިނަ ވަޒީފާގެ ފުރުސަތުތަކެއްވެސް ހުޅުވިގެންދާނެ ކަމަށާއި ފެންވަރު ރަނގަޅު ކުޅުންތެރިންތަކެއް އުފެއްދުމަށް އިތުރު ފަސޭހަތަކެއް ވެގެންދާނެ ކަމަށް ވިދާޅުވި އެވެ.

ވިލިމާލެ އަކީ އެފްއޭއެމުން ރާވާ ހިންގާ ގިނަ މުބާރާތްތަކަށް ޓީމުތައް ނެރޭ އަވަށެކެވެ. ވިލިމާލެ އަށް ނިސްބަތްވާ މަޝްހޫރު ކްލަބް ވިޔަންސާ ވަނީ ފުރަތަމަ ޑިވިޝަނުގައި ރަނގަޅު ވާދައެއް ކޮށްފަ އެވެ. މީގެ ކުރިން ވެސް ވިލިމާލޭގައި ރަނގަޅު ފެންވަރެއްގެ ދަނޑެއް އެޅުމުގެ ވާހަކަތަށް ދެކެވުނު ނަމަވެސް އެކަން އޮތީ ނުކުރެވި އެވެ.

FIFA eheegai alhaa FAM ge aa imaaraathuge bingaa alhaifi

The most trusted news source in the Maldives

Mihaaru

އެފްއޭއެމުން ވަނީ ފީފާ ފޯވާޑް ޕްރޮގްރާމްގެ ދަށުން މާފަންނު ސްޓޭޑިއަމް ސަރަހައްދުގައި އަޅާ އެފްއޭއެމްގެ އާ އިމާރާތާއި ޓާފް ދަނޑުގެ މަސައްކަތް މިދިޔަ އޮކްޓޫބަރު މަހުގައި ފަށައިފަ އެވެ. އަދި ހުޅުމާލޭގައި އަންނަނީ އެފްއޭއެމްގެ ޓްރެއިނިން ސްކޫލެއްގެ މަސައްކަތްކުރަމުންނެވެ. އެފްއޭއެމުން އެންމެ ފަހުން މައުލޫމާތު ދިން ގޮތުގައި އަންނަ އަހަރު ކުރީކޮޅުގައި އެ ސްކޫލުގެ އަމަލީ ކަންތައްތައް ފެށިގެންދާނެ އެވެ. މިއީ 2018 ވަނަ އަހަރު ބިންގާ އެޅި މަސައްކަތެކެވެ. ތިން މަސް ތެރޭގައި ނިންމަން ތާވަލުކޮށް އޭރު ފެށި މި ޕްރޮޖެކްޓް ލަސްވީ ތަފާތު އެކި ސަބަބުތަކާ ހުރެ ކަމަށް އެފްއޭއެމުން ވަނީ ބުނެފަ އެވެ.