ބޮލީވުޑްގެ ޚަބަރުތައް ކުރުކޮށް

އަހުމަދު އަދްޝަން، މިހާރު

25 ޑިސެމްބަރ 2019 - 06:59

އަންނަ މަހުގެ 24 ގައި ރިލީޒްކުރާ ކަންގަނާ ރަނާވަތުގެ ފިލްމު "ޕަންގާ" ގެ ޓްރެއިލާ ދައްކާލައިފި އެވެ.

މި ފިލްމަކީ ކައިވެނިކޮށްގެން ދަރިން ލިބުނަސް އެއީ އަންހެނުން ދެކޭ ހުވަފެންތައް ހަގީގަތަކަށް ހަދަން ކުރާ މަސައްކަތްތައް ހުއްޓައިލަން ނުޖެހޭކަން ދައްކުވައިދޭ ފިލްމެކެވެ. "ޕަންގާ" ގައި ކަންގަނާ ފެނިގެން ދާނީ އާއިލާއެއް ބަލަހައްޓަމުން ގައުމީ ފެންވަރުގައި ކަބައްޑީ ކުޅޭ އަންހެނެއްގެ ރޯލުންނެވެ.

އަޝްވިނީ އައްޔަރު ތިވާރީ ޑައިރެކްޓްކޮށްފައިވާ މި ސްޕޯޓްސް ޑްރާމާގެ ކާސްޓުންގެ ތެރޭގައި ޕަންޖާބީ އެކްޓަރު ޖައްސީ، ގިލް، ނީނާ ގުޕްތާ އަދި ރިޗާ ޗައްޑާ ހިމެނެ އެވެ.

For everyone waiting for their hidden hope to shine again. This piece of my heart is yours. #PangaTrailer @foxstarhindi @kanganateam @jassiegill @RichaChadha @Neenagupta001 @YagyaBhasin @ShankarEhsanLoy @Javedakhtarjadu @saregamaglobal https://t.co/uwma8n95An
— Ashwiny Iyer Tiwari (@Ashwinyiyer) December 23, 2019

"ޕަންގާ" ގެ ސްކްރީންޕްލޭ ލިޔެފައި ވަނީ އަޝްވިނީގެ ފިރިމީހާ އަދި "ޑަންގަލް" އާއި "ޗިޗޯރޭ" ފަދަ ކާމިޔާބު ފިލްމުތައް ގެނެސްދިން ޑައިރެކްޓަރު ނިތޭޝް ތިވާރީ އެވެ.

"ޖަވާނި ޖާނެމަން" އަވަސްކޮށްފި

ކުރިން މިދިޔަ މަހު ގެނެސްދޭން ތާވަލުކުރި ސައިފް އަލީ ޚާންގެ ފިލްމު "ޖަވާނި ޖާނެމަން" އަންނަ އަހަރުގެ ފެބްރުއަރީ އަށް ފަސްކުރުމަށް ފަހު، ފިލްމު ރިލީޒްކުރުން އަނެއްކާ ވެސް އަވަސްކޮށްފި އެވެ.

#JawaniJaaneman in cinemas this 31st January. Add some colours to modern love this season 🔥@poojafilms #BlackKnightFilms #NorthernLightsFilms @nitinrkakkar #SaifAliKhan @AlayaF___ #Tabu @kubbrasait @vashubhagnani @jayshewakramani @PuriAkshai @honeybhagnani #JawaaniJaaneman pic.twitter.com/xUS5zV1qCn
— Jackky Bhagnani (@jackkybhagnani) December 24, 2019

ފެބްރުއަރީ މަހުގެ 7 އަށް ތާވަލުކުރި ފިލްމުގެ ފަސްޓްލުކް ޕޯސްޓަރާ އެކު ބުނެފައި ވަނީ ބެލުންތެރިންނަށް އަންނަ މަހުގެ 31 ގައި ފިލްމު ގެނެސްދޭން ނިންމާފައިވާ ކަމަށެވެ. "ޖަވާނި ޖާނެމަން" އަކީ ހިތް ޒުވާން މި ޒަމާނުގެ ބައްޕައަކާއި އޭނާގެ އަންހެން ދަރިއެއްގެ ވާހަކަ ކިޔައިދޭ އާބަން ޑްރާމާއެކެވެ. ފިލްމުގައި ސައިފްގެ ދަރިފުޅުގެ ރޯލުން ފެނިގެން ދާނީ އަލަށް ތައާރަފުކުރާ އަލައިއާ ފަރްނީޗަރުވާލާ އެވެ. އޭނާ އަކީ ކުރީގެ ބަތަލާ ޕޫޖާ ބޭދީގެ ދަރިފުޅެވެ.

އިނގިރޭސިވިލާތުގައި ޝޫޓްކޮށްފައިވާ "ޖަވާނި ޖާނެމަން" ގެ ކާސްޓްގައި ތައްބޫ އާއި ޗަންކީ ޕާންޑޭގެ އިތުރުން ކުބްރާ ސައިތު ވެސް ހިމެނެ އެވެ. މި ފިލްމު ޑައިރެކްޓްކޮށްފައި ވަނީ މި އަހަރު ކުރީކޮޅު "ނޯޓްބުކް" ގެނެސްދިން ނިތިން ކައްކަރެވެ.

"ސޫރަޖް ޕޭ މަންގަލް ބާރީ" ގެ ޝޫޓިން އަންނަ މަހު

މިދިޔަ ސެޕްޓެމްބަރު މަހު ރިލީޒްކުރި ސޯނަމް ކަޕޫރްގެ ފިލްމު "ދަ ޒޯޔާ ފެކްޓާ" ގެ ޑައިރެކްޓަރު އަބީޝެކް ޝަރުމާގެ އާ ފިލްމު "ސޫރަޖް ޕޭ މަންގަލް ބާރީ" ގެ ކާސްޓުން އިއުލާންކޮށް، ފިލްމުގެ ޝޫޓިން އަންނަ މަހުގެ 6 ގައި ފަށަން ނިންމައިފި އެވެ.

2020 ki sabse खरी भविष्यवाणी! आपकी मनोरंजक सेवा aur जनहित में जारी। अब पड़ेगा #SurajPeMangalBhari! With the very talented @diljitdosanjh and @BajpayeeManoj. A @ZeeStudios_ production, directed by #AbhishekSharma. Film goes on floor on January 6, 2020. @shariqpatel @abhishekv_77 pic.twitter.com/wQCNPpU5p8
— fatima sana shaikh (@fattysanashaikh) December 24, 2019

ޒީ ސްޓޫޑިއޯސް އިން ޕްރޮޑިއުސްކުރާ ފިލްމުގެ ކާސްޓުންނަކީ ފާތިމާ ސަނާ ޝެއިހާ އާއި ޕަންޖާބީ އެކްޓަރު ދިލްޖީތު ދޮސަންޖްގެ އިތުރުން މަނޯޖް ބަޖްޕާއީ އެވެ.

"ސޫރަޖް ޕޭ މަންގަލް ބާރީ" ރިލީޒްކުރާނެ ތާރީހެއް އަދި އިއުލާނެއްނުކުރެ އެވެ.

"ދަބަންގް 3" އިން 9 މިނިޓް އުނިކޮށްފި

މި މަހުގެ 20 ގައި ރިލީޒްކުރި ސަލްމާން ޚާންގެ "ދަބަންގް 3" ގެ ދިގު ވާހަކަ ކްރިޓިކުން ވެސް ފާހަގަކޮށްފައި ވަނިކޮށް ފިލްމުން ނުވަ މިނިޓާއި 40 ސިކުންތު އުނިކޮށްފި އެވެ.

Hum aur humari Khushi, lekar aaye h humare romance ka fasaana!#Awara https://t.co/nMUXH7ecSg @arbaazSkhan @sonakshisinha @saieemmanjrekar @PDdancing @KicchaSudeep @nikhil_dwivedi @SajidMusicKhan @wajidkhan7 @Salmanaliidol @singer_muskaan @SKFilmsOfficial @saffronbrdmedia @TSeries
— Chulbul Pandey (@BeingSalmanKhan) December 19, 2019

މީޑިއާތަކުން ބުނީ ޕްރަބޫދޭވާ ޑައިރެކްޓްކުރި ފިލްމުން އުނިކުރީ ސަލްމާނާއި އަލަށް ތައާރަފުކުރި ބަތަލާ ސައި މަންޖްރޭކަރް ފެނިގެންދާ ލަވަ "އާވާރާ" އެއްކޮށާއި ސަލްމާނާއި ސޮނާކްޝީ ސިންހާ ފެނިގެންދާ ލަވަ "ނައިނާ ލަޅޭ" ގެ ބައެއް މަންޒަރުތަކެވެ. "ދަބަންގް 3" ގެ އަސްލު ދިގުމިނަމީ 159 މިނިޓެވެ.

ފިލްމަށް ބޮކްސް އޮފީހުގައި ބޮޑު ތަރުހީބެއް ލިބެމުން އަންނަ އިރު، އިންޑިއާ އިން އެކަނި ފިލްމަށް ލިބުނު އާމްދަނީ ހޯމަ ދުވަހާ ހަމަައަށް ވަނީ 91.85 ކްރޯޑް ރުޕީސް (13 މިލިއަން ޑޮލަރު) އަށް އަރައިފަ އެވެ. ފިލްމު ރިލީޒްކުރި ދުވަހު އެކަނި އިންޑިއާ އިން 24.50 ކްރޯޑް ރުޕީސް (3 މިލިއަން ޑޮލަރު) ލިބުނެވެ.

މި އަހަރު ރިލީޒްކުރި ސަލްމާންގެ ފުރަތަމަ ފިލްމު "ބާރަތު" އަކީ ރިލީޒްކުރި ދުވަހު އެކަނި 42.30 ކްރޯޑް ރުޕީސް (6 މިލިއަން ޑޮލަރު) ގެ އާމްދަނީއެއް ހޯދި ފިލްމެކެވެ.

"ދަބަންގް 3" ވެގެން ގޮސްފައި ވަނީ 2015 ގެ ފަހުން ރިލީޒްކުރި ސަލްމާންގެ ފިލްމުތަކުގެ ތެރެއިން ރިލީޒްކުރި ދުވަހު އެންމެ ދަށްކޮށް އާމްދަނީ ލިބުނު ދެވަނަ ފިލްމަށެވެ. ރިލީޒްކުރި ދުވަހު އެންމެ ދަށްކޮށް އާމްދަނީ ލިބުނު ފިލްމަކީ 2017 ގެ "ޓިއުބްލައިޓް" އެވެ. އެ ފިލްމަށް ލިބުނީ 21.15 ކްރޯޑް ރުޕީސް (2 މިލިއަން ޑޮލަރު) އެވެ.