އަންނަ އަންގާރަ ދުވަހު ބޭންކް އޮފް މޯލްޑިވްސް (ބީއެމްއެލް) ބަންދުވާނެ ކަމަށް ބޭންކުން ބުނެފި އެވެ.
މިއަހަރު ނިމުމާ ދިމާކޮށް ބީއެމްއެލް އިން އަންނަ އަންގާރަ ދުވަހު ހުރިހާ ހިދުމަތެއް ބަންދުކުރާ އިރު ދެން ބޭންކްގެ ހިދުމަތް ހުޅުވުމަށް ހަމަޖެހިފައިވަނީ ޖެނުއަރީ 5 ވަނަ ދުވަހު އެވެ. ބޭންކް ބަންދުކުރާ ދުވަސްތަކުގައި ހުރިހާ ބްރާންޗެއްގެ ހިދުމަތް ބަންދު ކުރި ނަމަވެސް ސެލްފް ސާވިސް އެޓީއެމްތަކާއި، އެ ބޭންކްގެ ކޮންޓެކްޓް ސެންޓަރަށް ގުޅައިގެން އެހީތެރިކަން ހޯދޭނެ ކަމަށް ބީއެމްއެލުން ބުނެ އެވެ. އަދި ބޭންކްގެ ފޭސްބުކާއި ޓުވިޓާ މެދުވެރިކޮށް މެސެޖުން ވެސް މައުލޫމާތު ލިބޭނެ ކަމަށް ބުނެ އެވެ.
ބީއެމްއެލްގެ އިތުރުން، ރާއްޖޭގެ އެހެން ބޭންކްތައް ވެސް ޑިސެމްބަރު 31 ގައި ބަންދުކުރާނެ އެވެ.
އަމިއްލަ ފަރުދުންނާއި ވިޔަފާރިތަކާއި ކޯޕަރޭޓްތަކަށް ރާއްޖޭގައި އެންމެ ފުޅާކޮށް މާލީ ހިދުމަތް ފޯރުކޮށްދެނީ ބީއެމްއެލުންނެވެ. ބީއެމްއެލުން އަންނަނީ، ޒަމާނީ އާ ޓެކްނޮލޮޖީއާ އެކު ދޭ ހިދުމަތްތަކުގެ ފެންވަރު ރަނގަޅުކުރަމުންނެވެ.
