ސަލާމަތީ ކަންކަން ވަރުގަދަކޮށް މުޅި ރާއްޖެ އަށް ސިފައިން "ޔެލޯ އެލާޓް 2" ނެރެފި

ސިފައިން އޮޕަރޭޝަނެއްގައި: މުޅި ރާއްޖޭގެ ސަލާމަތީ ކަންކަން ވަރުގަދަކޮށްފައިވާ ކަމަށް ސިފައިން ބުނޭ.---ފޮޓޯ: ހުސައިން ވަހީދު/މިހާރު

ފަޒީނާ އަހުމަދު، މިހާރު

24 ޑިސެމްބަރ 2019 - 19:02

95 comments

ރާއްޖޭގެ ހުރިހާ ސަރަހައްދުތަކުގައި ސަލާމަތީ ކަންކަން ވަރުގަދަކޮށް، "ޔެލޯ އެލާޓް 2" ނެރެފައިވާ ކަމަށް ސިފައިން މިރޭ ބުނެފި އެވެ.

މޯލްޑިވްސް ނެޝެނަލް ޑިފެންސް ފޯސް (އެމްއެންޑީއެފް) އިން ނެރުނު ނޫސް ބަޔާނެއްގައި ބުނީ މިރޭ 7:00 އިން ފެށިގެން އެލާޓް ސްޓޭޓަސް މައްޗަށް ޖައްސައި "ޔެލޯ 2" އަކަށް ބަދަލުކޮށްފައިވާ ކަމަށެވެ. މި އެލާޓް ނެރެނީ، ގައުމުގެ ސުލްހަމަސަލަސްކަމާއި އަމަންއަމާންކަމަށް ބުރޫއަރާ ފަދަ ކަމަކާ ކުރިމަތިވާނެ ކަމަކަށް ބެލެވުމުން ނުވަތަ އެފަދަ މައުލޫމާތެއް ލިބުމުންނެވެ.

މި އެލާޓާ އެކު ރާއްޖޭގެ އެކި ސަރަހައްދު ތަކުގައި ސިފައިން ހަތިޔާރާ އެކު ހަރަކާތްތެރިވާނެ ކަމަށް ވެސް ބަޔާނުގައި ބުންޏެވެ. ސަލާމަތީ ގޮތުން އަޅަން ނިންމާފައިވާ ފިޔަވަޅުތަކުގެ ތެރޭގައި ކަނޑުމަތީގެ އުޅަނދުފަހަރު ހުއްޓުވައި ޗެކްކުރުން ހިމެނެ އެވެ.

"މި ކަމަކީ ގައުމުގެ މަސްލަހަތާއި ރައްޔިތުންގެ ސަލާމަތާއި ރައްކާތެރިކަން ދެމެހެއްޓުމަށްޓަކައި ކުރެވޭ ކަމެއް ކަމަށްވުމާ އެކު ރައްޔިތުންގެ ފުރިހަމަ އެއްބާރުލެއްވުން ލިބޭނެ ކަމަށް ޔަގީން ކުރަމެވެ،" ބަޔާނުގައިވެ އެވެ.

ރާއްޖޭގައި ސަލާމަތީ ފިޔަވަޅުތައް މި ވަރުގަދަކުރި އިރު، ދުނިޔޭގެ އެކި ކަންކޮޅުތަކުގައި ފާހަގަކުރަމުން އަންނަ ކްރިސްމަސްއާ ދިމާކޮށް، އެކި ގައުމުތަކުގައި އިސްލާމިކް ސްޓޭޓް (އައިއެސް) އިން ހަމަލާތަކެއް ދީފާނެ ކަމުގެ ބިރު އޮތް ކަމަށް ބައިނަލްއަގުވާމީ ތަހުގީގީ އިދާރާތަކާ ހަވާލާދީ ބޭރުގެ ބައެއް މީޑިއާތަކުން ރިޕޯޓްކޮށްފައިވެ އެވެ. އެ ހަމަލާގެ ފަހަތުގައި އޮތީ، އައިއެސްގެ ލީޑަރު ބަޣްދާދީގެ މަރުގެ ބަދަލު ހިފުން ކަމަށް ވެސް ލިއެފައިވެ އެވެ.

ހައްދުފަހަނާޅާފައިވާ ފިކުރާ ދެކޮޅަށް ދިވެހި ސަރުކާރުގެ މުއައްސަސާތަކުން އަންނަނީ ގިނަ މަސައްކަތްތަކެއް ކުރަމުންނެވެ. މުޅި ރާއްޖޭގައި އެ ފިކުރުގެ ނުރައްކާ އޮތް މިންވަރާއި މީހުން މަރަން ފަސް ނުޖެހޭ ދަރަޖައަށް ހައްދުފަހަނާޅާފައިވާ 1400 އެއްހާ ދިވެހިން ތިބި ކަން ސަލާމަތީ ޚިދުމަތްތަކުން މީގެ ހަފުތާއެއްހާ ދުވަސްކުރިން ވަނީ ހާމަކޮށްފަ އެވެ.

މި ފިކުރުގެ ނުރައްކާ ކުޑަކުރަން، މިދިޔަ ހަފުތާގައި ސަލާމަތީ ޚިދުމަތްތަކުން ވަނީ ރ. މަޑުއްވަރީގައި އޮޕަރޭޝަނެއް ހިންގައި ތިން މީހަކު ހައްޔަރުކޮށްފަ އެވެ.

ގައުމުގެ އަމާންކަމާއި ރައްކާތެރިކަން ގާއިމްކުރަން ސިފައިން ކުރާ މަސައްކަތުގައި ރައްޔިތުން ދޭ އެއްބާރުލުމަށް ބަޔާނުގައި ސިފައިން ވަނީ ޝުކުރު އަދާކޮށްފަ އެވެ.

އެމްއެންޑީއެފް ދިވެހި ސިފައިން ސެކިއުރިޓީ ހައްދުފަހަނައެޅުން

95 ކޮމެންޓް, 344 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްތަފާ

26 December 2019

ސަރުކާރުން އެޅުއްވި ވަރަށް ރަނގަޅު ފިޔަވަޅެއް، އަބަދުވެސް ތިކަން އޮންނަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެކިއުރިޓީ ގާޑް

25 December 2019

ްޤައުމުގެ އިސް ސަފުގައި ތިބޭ ވެރިން ކްރިސްމަސް ފާހަގަ ކުރަން ޗުއްޓީއަށް ދާއިރު ގައުމު އެލާޓަށް އައިސް އެމީހިން ޗުއްޓީއިން އަންނަދެން ސިފައިން ގައުމު ބަލަހައްޓަން ޖެހޭނ ނޫންތޯ??