06 ޖެނުއަރީ 2020 - 09:33
9 comments
ސްރީ ލަންކާގެ ފުލުހުންގެ ބެލުމުގެ ދަށަށް އިއްޔެ އާއި ރޭ ގެންދިޔަ 12 ދިވެހިންގެ ތެރެއިން ފަސް މީހަކު މިހާރު ދޫކޮށްލާފައިވާ ކަމަށް ފޮރިން މިނިސްޓްރީން މިއަދު ބުނެފި އެވެ.
ފޮރިން މިނިސްޓްރީގެ ޑިރެކްޓަރު އޮފް ކޮމިއުނިކޭޝަންސް މިއުވާން މުހައްމަދު ވިދާޅުވީ، ލަންކާގެ ފުލުހުންގެ ބެލުމުގެ ދަށަށް އެންމެ ފަހުން ގެންދިޔައީ ވިސާ ހަމަވުމުން ވެސް އެ ގައުމުގައި މަޑުކުރި މީހެއް ކަމަށެވެ. އެ މީހާގެ އިތުރުން އަންހެނަކާއި ތިން ކުދިން ރޭ ދޫކޮށްލާފައިވާ ކަމަށް މިއުވާން ވިދާޅުވި އެވެ.
މި ފަސް މީހުންގެ އިތުރުން އެހެން މީހުންގެ ބަންދާ މެދު ގޮތެއް ނިންމަން ލަންކާގެ ކޯޓަކަށް މިއަދު ހާޒިރު ކުރާނެ ކަމަށް ކުރިން ބެލެވުނު ނަމަވެސް، އެނގިފައިވާ ގޮތުގައި އެ މީހުން ކޯޓަށް ނުގެންގޮސް ދޫކޮށްލަން މިހާރު ވަނީ ހަމަޖެހިފަ އެވެ.
ރާއްޖޭގެ ފޮރިން މިނިސްޓްރީން ރޭ ފުރަތަމަ ބުނީ ލަންކާގެ ފުލުހުންގެ ބެލުމުގެ ދަށަށް ގެންދިޔައީ ހަ ދިވެހިން ކަމަށާއި ކޮލަމްްބޯގައި ހުންނަ ރާއްޖޭގެ އެމްބަސީގެ މުވައްޒަފުން އެ މީހުންނަށް ކޮންސިއުލާ ހިދުމަތް ދެމުން އަންނަ ކަމަށެވެ.
ލަންކާގައި ހުންނަވާ ރާއްޖޭގެ ސަފީރު އުމަރު ރައްޒާގު "މިހާރު" އަށް ރޭ ވިދާޅުވީ އެ ހަ މީހުން ހައްޔަރުކޮށްފައި ނުވާ ކަމަށާއި އެމީހުން ފުލުހުންގެ މަރުކަޒަކަށް ގެންދިޔައީ އާއްމު އުސޫލުން ސުވާލުކުރި އިރު ލިޔެކިޔުން ނެތުމުން ކަމަށެވެ.
ލަންކާގައި މިދިޔަ އަހަރު ދިން ޓެރަރިސްޓް ހަަމަލާތަކަށް ފަހު އެ ގައުމުގެ ސަލާމަތީ ކަންތައްތައް ވަނީ ކުރިއަށް ވުރެ ވަރުގަދަކޮށްފަ އެވެ. އެގޮތުން، އެކި ސަރަހައްދުތަކަށް ފުލުހުން ގޮސް ބިދޭސީންނާ ސުވާލުކޮށް، ލިއެކިޔުންތައް ހުރިތޯ ބެލުމުގެ އޮޕަރޭޝަންތައް ދޭތެރެދޭތެރެއިން ހިންގަ އެވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުބްލާ
06 January 2020
މައްސަލަ އަކީ ފޮރިން މިނިސްޓްރީން ތިމީހުން ސަލާމަތްކޮށްދޭތީ. މިހާރު އެނގޭނެ ދެން ފަހަރަކުން ވެސް ސަލާމަތްކޮށްދޭނެކަން. އެހެން ވީމަ ތިކަމެއް ނުހުއްޓުވޭނެ.
ާއުނިމާ
06 January 2020
ދިވެހިންވެސް މިހާރު ހާދަ މިޝްހޫރޭ
ޑޯން
06 January 2020
ރާއްޖެމީ ފައްކާ ގައުމެއް. ބިދޭސީން ހިތުހުރި ގޮތަކަަށް އުޅެވޭ މިކަހަލަ ދެވަނަ ގައުމެއް ހިޔެއްނުވޭ މިދުނިޔޭގަ އޮތްހެނެއް، ކިތައް ބަންގްލާދޭޝް މީހުން ޕާސްޕޯޓް ފޮރުވައިގެން އެބައުޅޭ.ވާކަމެއް ހަރާން
މަހާރަދުން
06 January 2020
ޢާނ!!! އެހެންނުން ވާނީ މިގައުމުގަ އެކަންޏޭ ބޮޑު މުސާރަ ނައިގެން މަޖިޅިސް 3 މަހުން ޗުއްޓީ...ފުލުހުން އޭސީގަ ގޮނޑި ހޫނުކުރަން ދެންތިބި ބަޔަކު ވިއްޔާ ދީން ފަހާދުވަނީ....މިގައުމަށް ވުރެ ނުބައި މުނާފިގު ބަޔަކު މިހާ ރަކު ނެތޭ!!!
ައަބުދުއްލާ
06 January 2020
އަމިއްލަ ގޭގަ ތިބިނަމަ ހައްޔަރުނުކުރާނެ ލަންކާފުލުހުން އައިސް...
ސަލީމާ
06 January 2020
މިހެން މިދިމާންވާން ޖެހުނީ ލަންކާއަށް އޮން އެރައިވަލް 90 ދުވަސްލިބޭކަމަށް ފޮރިން މިނިސްޓުރީން ބުނުމުން
ހިޝާ
06 January 2020
އެހެންވީމަ އެއްވެސް ހަމައެއް ލަމައެއް ނެތި ބިދޭސީންނަށް އުޅެވޭ ހަމައެކަނި ތަނަކީ މިއީ ދޯ. މިހާރު ބެލިއަސް މަޖީދީމަގު އޭޑީޖީ ފިހާރަ ކުރިމަތީ އުޅޭނެ 100
ޑޯން
06 January 2020
ޔާ أَللّٰهُ ބަންގާޅިން ކިބައިން މިގައުމުސަލާމަތް ކޮއްދެއްވާފާދޭވެ
ސުލައިމާނު
06 January 2020
އާމީން.