ކޮލަމްބޯ- އެޕްރީލް 21: ކޮލަބޯގައި ދިން ބޮމުގެ ހަމަލާތަކާ ގުޅިގެން ފައްޅިތަކުގެ ބޭރުގައި ސަލާމަތީ ފިޔަވަޅުތައް ވަރުގަދަކޮށްފައި --ފޮޓޯ:އޭއެފްޕީ
06 ޖެނުއަރީ 2020 - 17:16
15 comments
ސްރީ ލަންކާގެ ފުލުހުންގެ ބެލުމުގެ ދަށަށް އިއްޔެ ގެންދިޔަ 12 ދިވެހިންގެ ތެރެއިން ހައްޔަރުކުރީ، ވިސާ އާއި ޕާސްޕޯޓުގެ މުއްދަތު ހަމަވިތާ ގިނަ ދުވަސްތަކެއް ވީ އިރު ވެސް އެ ގައުމުން ބޭރު ނުވެ ހުރި މީހެއް ކަމަށް ރާއްޖޭގެ ފޮރިން މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ޑިރެކްޓަރު އޮފް ކޮމިއުނިކޭޝަންސް މިއުވާން މިއުވާން މުހައްމަދު ވިދާޅުވީ، އެ މީހާގެ ވިސާގެ މުއްދަތު ހަމަވިތާ ނުވަ މަސް ވެފައިވާ ކަމަށެވެ. އަދި ޕާސްޕޯޓުގެ މުއްދަތު ހަމަވިތާ ވެސް އަށް މަސް ދުވަސް ވެފައިވާ ކަމަށް މިއުވާން ވިދާޅުވި އެވެ.
އެ ފިރިހެން މީހާގެ މައްސަލަ ލަންކާގެ ފުލުހުން މިހާރު ވަނީ ކޯޓަށް ފޮނުވާފައި ކަމަށް މިއުވާން ވިދާޅުވި އެވެ.
ލަަންކާ ފުލުހުންގެ ބެލުމުގެ ދަށަށް ގެންދިޔަ މީހުންގެ ތެެރެއިން، ވިސާ ނެތި ލަންކާގައި އުޅޭތާ ދެވަނަަ އަށް އެންމެ ގިނަ ދުވަސްވީ އަންހެނެކެވެ. އޭނާގެ ވިސާ ހަަމަވިތާ ވީ ހަ މަހެވެ. އެމަކު އޭނާ ޖޫރިމަނާއެއް ދައްކަން އަންގައި، ކަފާލާތުގެ ދަށުން މިހާރު ވަނީ ދޫކޮށްލައިފަ އެވެ.
ލަންކާގެ ފުލުހުންގެ ބެލުމުގެ ދަށް އިއްޔެއާއި ރޭ ގެންދިޔަ އެހެން އެހެން އެންމެން ކުރިން ވަނީ ދޫކޮށްލައިފަ އެވެ. އެގޮތުން، އެންމެ ފުރަތަމަ ދޫކޮށްލީ ލިޔެކިޔުންތައް ނެތުމުން ގެންދިޔަ އަންހެން މީހާ އާއި އޭނާގެ ތިން ކުދިންނެވެ.
ލަންކާގައި މިދިޔަ އަހަރު ދިން ޓެރަރިސްޓް ހަަމަލާތަކަށް ފަހު އެ ގައުމުގެ ސަލާމަތީ ކަންތައްތައް ވަނީ ކުރިއަށް ވުރެ ވަރުގަދަކޮށްފަ އެވެ. އެގޮތުން، އެކި ސަރަހައްދުތަކަށް ފުލުހުން ގޮސް ބިދޭސީންނާ ސުވާލުކޮށް، ލިއެކިޔުންތައް ހުރިތޯ ބެލުމުގެ އޮޕަރޭޝަންތައް ދޭތެރެދޭތެރެއިން ހިންގަ އެވެެ.
ފޮރިން މިނިސްޓްރީން ބުނީ ޕާސްޕޯޓް ނުވަތަ ކާކުކަން އަންގައިދޭ ލިޔުމެއް ނެތި އާއްމު ތަންތާނގައި ނޫޅުމަށާއި ގޭގައި އުޅޭ އިރު ވެސް ކަމާބެހޭ ފަރާތްތަކުން ބަލަން ބޭނުން ވެއްޖެ ހިނދެއްގައި ފަސޭހައިން ނެގޭ ގޮތަށް ޕާސްޕޯޓްތައް ބެހެއްޓުމަކީ ލަންކާ ސަރުކާރުން، އެ ގައުމުގައި ދިރިއުޅޭ ބޭރު މީހުންނަށް އަންގާފައިވާ ކަންކަން ކަމަށެވެ. އެކަންތައްތަކަށް ސަމާލުވުމަށް ލަންކާގައި ހުންނަ ރާއްޖޭގެ އެމްބަސީން ދިވެހިންނަށް އަބަދުވެސް އިލްތިމާސް ކުރަމުން ގެންދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
07 January 2020
ފެނޭތަ ލިޔެކިޔުން ނެތް މީހުން ހޯދާގޮތް! މިރާއްޖޭގެ ފުލުހުންގެ ޒިންމާއަކީ ސައިކާލާއި ކާރުގެ ލިޔެކިޔުން ހުރިތޯ ބެލުން. ދެން ޕާކްކުރާނެ ޖާގަ ނުދައްކާ ސްޓިކާ ޖެހުން. 2020 ވަނަ އަހަރުގަ ބަޖެޓްގަ އެބައޮތް ސްޓިކާޖަހައިގެން ލާރި ހޯދަން.
ޑޯން
07 January 2020
މި ކުޑަ ދިވެހިރާއްޖެ އަކީ ފައްކާ ގައުމެއް. ބަންގާޅިން ހިތުހުރި ގޮތަކަަށް އުޅެވޭ މިކަހަލަ ދެވަނަ ގައުމެއް ހިޔެއްނުވޭ މިދުނިޔޭގަ އޮތްހެނެއް. ލަންކާ މިސާލަކަށްބަލައިގެ މިގައުމު ރަގަލު ކުރަން ފެނޭ
ޕޮއްނެއްޔާ
07 January 2020
މިދިވެހިން ނަކީ ގޮތެއް ފޮތެއް ހުރި ބައެއް ނޫން
ގައުމީ ލޯބީގާ
07 January 2020
މީގެ ކުރީގަ ލަންކާމީހުންނަކީ ދިވެއްސެކޭ ބުނެފިނަމަ ލޯބިން ފިދާވާން ތިބޭބައެއް މިހާރު ލަންކާމީހުން ދިވެހިންނަށްއެއްވެސް އަހްމިއްޔަތުކަމެއްނުދޭ . ފިހާރަޔަކަށް ވަދެލިއަސް ކޮންމެވެސް އެކަކު ހުސްވެހުރެ ބޭނުންވާކަމެއް ވޭތޯ އިހްތިރާމާއެކު ގާތުގަ ވިއްދާފަ ހުރޭ މިހާރު އޭގެ ބަދަލު ގަ ކުރަނީފުރައްސާރަ . ވަރަށް ދަށް ދެރަ ބައެއްގެ ގޮތުގަ ދިވެހިންނާމެދު ދެކެނީ .އެއްވެސް އަހްމިއްޔަތު ކަމެއް ނުދޭ . މަކަރުވެރި ދޮގު ވެރިދޮގު ހަދާބައެއްގެ ގޮތުގަދެކެނީ .
ޝާހިދާ
07 January 2020
ދިވެހިންނަށް ހޭނިފަ ނެތް އާދައެއް އައިޑީ އެއް ފަދަ އެއްޗެއް ހިފައިގެން ބަެރަށް ނުކުމެ އުޅެން. ބޭރު ޤައުމުތަކަށް ގޮސް އުޅޭ އިރު ވެސް އާދަނުވަނީ މިސަބަބާ ހުރެ ކަމަށް ވެދާނެ. ބޭރު ޤައުމުތަކުގަ އެޤައުމެއްގެ ރައްޔިތުން ވެސް އައިޑީ ގެންގުޅެން ޖެހޭ. ޜަނގަޅު ގޮތަކީ ވެސް މި. ޜާއްޖޭގަ ވެސް އައިޑީ ގެންގުޅެން އަންގާ ސިފައިން ޗެކް ވެސް ކުރަންވީ. ޜަނގަޅު ކަމެއް އެއީ
އާދަމް ޒާހިރު
07 January 2020
ދިވެހިރާއްޖެ އަކީ ބަންގާޅިންނާއި އެނޫންވެސް ބިދޭސިންނަށް ހާދަ ނިއުމަތް ބޮޑުގައުމެކެވެ، މިގައުމުގަ ބިދޭސީންނަށް ވިސާއާއި ނުލާ ދިރިއުޅެވެއެވެ. މިކަހަލަ ކަންތަކާ ދިވެހި ސަރުކާރުން އަޅައެއް ނުލައެވެ. ބޭނުންކަމެއް ބޭނުން ވިޔަފާރި އެއް ކޮއްގެން އުޅެވެއެވެ. ކިހާ ބޮޑު ނިއުމަތެއް ތޯ އެވެ. އަދި އެތަށް ހާސް ގަވައިދާ ހިލާފަށް އުޅޭމީހުން ރަސްމީ ބޯޅަދަނޑަށް ވައްދާ ދަނޑުތައް ފުރާލާ ކެމްޕޭންގަ ވީ ވައުދެއްވެސް ފުއްދައިފި އެވެ. އެފޮޓޯތަށް ސަޅިތޯ އެވެ.
މަރިޔަމް ޝައްފަ
06 January 2020
ލަންކާ އަކީ އެމްބެސެޑަރެއް ވެސް ހުރިތަނެއް ނޫނޭ ބުންޏަސް ދޮގަކަށް ނުވާނެ. ލަންކާ އެމްބެސެޑަރ އުމަރު ގެ ބައްޕަ އަކީ ލަންކާ މީހެއް. ވީމާ އޭނާ ދިވެހިން ދެކެ ހަގީގީ ކުލުނު ޖެހި ލޯތްބެއް ނުވާނެ. ވީމާ އޭނާ ދިވެހިންގެ ކަންތަކާ އުޅޭނީ ވެސް %50 އަށް. ލަންކާ ގަ ބޮން ގޮއްވީމާވެސް ދިވެހިންގެ ކަންތައް ވަރަށް ގާތުން ބަލަމޭ ކިޔާފަ ހެދީ ހުސް ދޮގު !
މުސްތަފާ/ސްރީ ލަންކާ
07 January 2020
އުމަރު ދިވެހި ބަހުން ވާހަކަ ދައްކަނީ ވެސް ފާޑަކަށް. ރަންގަޅަށް ދިވެހި ބަހުން ވާހަކަ ދައްކަން ނޭންގެންޏާ ދިވެހިންނާ މުއާމަލާތު ކުރާނީ ކިހިނެތް ؟ ދިވެހިންނަށް ވަރަށް އުނދަގޫ.
ހުމްޕ
07 January 2020
ޕާޓީ މީހަކު ކޮންމެ ތަނަކަށް ލެވުނީމަ އެ ނިމުނީ. ވަރިހަމަވާނެ ކަމެއް ނުވިއަސް، ވާހަކަ ދައްކަން ނޭނގުނަސް.
އަހަންމާދި
06 January 2020
މިކަމާބެހޭ އެއްވެސް ޚަބަރެއްގައި އަސްލު އެމީހުން ހައްޔަރުކުރި ނުވަތަ ހިފެހެއްޓި ގޮތުގެ އެއްވެސް މައުލޫމާތެއްނެތް. ހަމައެކަނި ލިޔުންތައް ނެތިގެންނޭ އޮންނަނީ. ސުވާލަކީ މަގުމަތިން ދަނިކޮށް ރޫޓިން ޗެކެއްގައި ސުވާލުކުރިއިރު ޕާސްޕޯޓް އަތުގަ ނެތިގެން ހައްޔަރުކުރީތޯ، ނުވަތަ ކޮންމެސްް ޝައްކެއްވެގެން އެބަޔަކު އުޅުނު ތަަނަކަށް ފުލުހުންވަދެ ޗްކްކުރީތޯ. ހީވަނީ ފަހުން މިބުނިގޮތްހެން. އެއީ މަގުމަތިން ހުއްޓުވާތަން ވަރަށް ނުފެނޭ. މީހަކުވެސް ނުބުނޭ
އަހުމަދުއަލޯ
06 January 2020
މިކަހަލަ ގައުމުގެ ނަން ކިލަނބު ކުރާ މީހުން ރާްއްޖެ އައީމަ ޖަލަށް ލާންވީ!
ހާމިދު ޝާހިދު
06 January 2020
މިޔޮއް ކުޑަކުޑަ ގައުމުގެ މީހުން ކިހާ މަޝްހޫރު. ބޭނުން ގޮތަކަށް ބޭރު ދުނިޔޭގައި އެއުޅެލަނީ...! ސާބަހޭ ކަލޭ މެންނަށް...! ވީސާ އާނުކޮށް ދިވެއްސެއް ރާއްޖޭން ބޭރުގައި އުޅޭތާ 1 ގަޑި އިރުތެރޭގައި ރާއްޖޭގެ އިމިގްރޭޝަނަށް އެކަން އިނގޭނޭ އޮޓަމެޓިކް ސިސްޓަމެއް ހަރުކޮށް ސަސްޕެކްޓަޑު މީހުން ހަމަމަގަށް އެޅުވުމަށް ކަމާ ބެހޭ ބޭރުގެ އިދާރާތަކާ ގުޅިގެން މަސައްކަތް ނުކުރަނީ ކީއްވެބާ. މިހެން އުޅޭމީހުން ހަނގުރާމައަށްވެސް ގޮސް އުޅެނީ.