އޮސްޓްރޭލިއާގެ އަލިފާނުގެ ހާދިސާ އަށް ކްރިސް ހެމްސްވޯތު ފަރާތުން މިލިއަން ޑޮލަރު ހަދިޔާކޮށްފި

އަހުމަދު އަދްޝަން، މިހާރު

09 ޖެނުއަރީ 2020 - 05:52

އޮސްޓްރޭލިއާގައި ރޯވެފައިވާ އަލިފާނުގައި ލިބުނު ގެއްލުންތަކަށް އެހީވުމުގެ ގޮތުން، އެ ގައުމަށް އުފަން ހޮލީވުޑްގެ މަޝްހޫރު އެކްޓަރު ކްރިސް ހެމްސްވޯތު އެއް މިލިއަން ޑޮލަރު ހަދިޔާކޮށްފި އެވެ.

ތޯގެ ކެރެކްޓާ ކުޅޭ 36 އަހަރުގެ އެކްޓަރު އިންސްޓަގްރާމްގައި ހިއްސާކުރި ޕޯސްޓެއްގައި ބުނީ އެއް މިލިއަން ޑޮލަރު ހަދިޔާ ކުރީ އޭނާ އާއި އާއިލާގެ ފަރާތުން ކަމަށެވެ. އަދި ވީހާ ވެސް ގިނަ ބަޔަކު އޮސްޓްރޭލިއާ އަށް އެހީވުމަށާއި އެ ގައުމަށް މި ދަނޑިވަޅުގައި ފޯރުކޮށްދެވޭ އެންމެ ލާރިއަކީ އަކީ ވެސް ވަރަށް އަގުހުރި އެއްޗަކަށް ވާނެ ކަމަށް ބުންޏެވެ.

ކްރިސް އަކީ ދާދި ފަހުން ލަވަކިޔުންތެރިޔާ މައިލީ ސައިރަސް ގާތުން ވަރިވި ހޮލީވުޑްގެ އެކްޓަރު ލިއަމް ހެމްސްވޯތު، 29، ގެ ބޭބެ އެވެ.

View this post on Instagram

Hi everyone. Like you, I want to support the fight against the bushfires here in Australia. My family and I are contributing a million dollars. Hopefully you guys can chip in too. Every penny counts so whatever you can muster up is greatly appreciated. In my bio I’ve added links to support the fire fighters, organisations and charities who are working flat out to provide support and relief during this devastating and challenging time. Beyond appreciative to everyone around the world for their well wishes and donations. It really does make a difference, so dig deep! Love ya.

A post shared by Chris Hemsworth (@chrishemsworth) on Jan 6, 2020 at 6:34pm PST

އޮސްޓްރޭލިއާގެ އަލިފާނުގެ ހާދިސާތަކުގައި މިހާތަނަށް 20 އަށް ވުރެ ގިނަ މީހުންނާއި އެތައް ބިލިއަން ޖަނަވާރު މަރުވެފައިވާ އިރު، އެތައް ބަޔަކު ތިބީ ގެދޮރު ގެއްލި ބިކަވެފަ އެވެ.

View this post on Instagram

Our family’s support, thoughts and prayers are with everyone affected by the fires all over Australia. We are donating $500,000 to the Rural Fire Services who are all doing and giving so much right now.

A post shared by Nicole Kidman (@nicolekidman) on Jan 4, 2020 at 3:10pm PST

ކްރިސްގެ އިތުރުން އޮސްޓްރޭލިއާ އަށް އުފަން އެހެން މަޝްހޫރު ބައެއް ފަންނާނުން ވެސް އަންނަނީ އެ ގައުމަށް އެހީވުމަށް ގޮވާލައި، ވީވަރަކުން އެހީ ފޯރުކޮށް ދޭން މަސައްކަތްތައް ކުރަމުންނެވެ. އޭގެ ތެރޭގައި އެކްޓަރު ރަސަލް ކްރޯ އާއި ބަތަލާ ނިކޯލް ކިޑްމަންގެ އިތުރުން ކޭޓް ބްލެންޝެޓް ފަދަ މަޝްހޫރު ތަރިން ހިމެނެ އެވެ.

އަދި އެހެން ގައުމުތަކުގެ މަޝްހޫރު ބައެއް ފަންނާނުން ވެސް އެހީ ދީފައިވެ އެވެ. އޭގެ ތެރޭގައި އެމެރިކާގެ ލަވަކިޔުންތެރިޔާ ސެލީނާ ގޮމޭޒާއި ޕިންކް ހިމެނެ އެވެ.