ޚަބަރު / އިބްރާހިމް އަމީރު، ކުރީގެ ފިނޭންސް މިނިސްޓަރު

ބަންދުގައި މީހުން ބޭތިއްބުމާއި ރިހެބިލިޓޭޓް ކުރުމަށް މިދިޔަ އަހަރު 400 މިލިއަން ރުފިޔާ!

މިރޭގެ ރަސްމިއްޔާތުގައި ފިނޭންސް މިނިސްޓަރު އަމީރު ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު

އާމިނަތު ޝިފްލީން، މިހާރު

08 ޖެނުއަރީ 2020 - 23:24

ބަންދުގައި މީހުން ބޭތިއްބުމާއި އެ ފަދަ މީހުން ރިހެބިލިޓޭޓް ކުރުމަށް މިދިޔަ އަހަރު އެކަނި ވެސް 400 މިލިއަން ރުފިޔާ ހަރަދު ކޮށްފައި ވާނެ ކަމަށް ލަފާ ކުރެވޭ ކަމަށް ފިނޭންސް މިނިސްޓަރު އިބްރާހިމް އަމީރު މިރޭ ވިދާޅުވެއްޖެ އެވެ.

ފުލުހުންގެ 31 ވަނަ ތަމްރީނު ކޯހުން ދަސްވެނިވި މީހުންނަށް ސެޓްފިކެޓް ހަވާލުކުރުމަށް ދ. ވާނީގައި ބޭއްވި ޖަލްސާގައި އަމީރު ވިދާޅުވީ، މިދިޔަ އަހަރު ހިންގާފައިވާ، ފައިސާއާ ގުޅުން ހުރި ކުށްތައް ގިނަ ކަމަށެވެ. އެގޮތުން، ވައްކަމާއި ޗެކް ބައުންސް ވުމާއި ފޭރުމާއި ފޯޖަރީގެ އިތުރުން، ޓްރެފިކް ގަވައިދާ ހިލާފުވުމާއި މަސްތުވާތަކެއްޗާއި ގެވެށި އަނިޔާގެ 13،800 އަށް ވުރެ ގިނަ މައްސަލަ ހުށަހަޅާފައިވާ ކަމަށް އޭނާ ވިދާޅުވި އެވެ.

މިނިސްޓަރު ވިދާޅުވި ގޮތުގައި، ރަނގަޅު ދިރާސާއެއް ކޮށްފި ނަމަ، އެ ކުށްތަކުގެ އިގްތިސޯދީ ގެއްލުން 100 މިލިއަން ރުފިޔާ އިން ގުނޭނެ އެވެ.

31 vana Police Recruit Training Course gai 119 fuluhaku baiverive, 91 baiverin (12 Anhen adhi 79 Firihen) vanee course in kanda alhaafaivaa mingadah faasvefai.#PoliceAcademy pic.twitter.com/MBmLhvTGiE
— Maldives Police (@PoliceMv) January 8, 2020

ފުލުހުންގެ 31 ވަނަ ތަމްރީނު ކޯހުން ދަސްވެނިވި މީހުންނާ ގުޅޭ ގޮތުން ފުލުހުން ކުރި ޓުވީޓް

"މިއީ ރާއްޖެ ކަހަލަ ކުޑަ، ވަސީލަތްތައް މަދު ގައުމަކަށް ނެގޭނެ ބުރައެއް ނޫން،" ޕޮލިސް ކޮމިޝަނަރު މުހައްމަދު ހަމީދާއި ފުލުހުންގެ އިސް އޮފިސަރުން ބައިވެރިވެވަޑައިގެންނެވި ޖަލްސާގައި އަމީރު ވިދާޅުވި އެވެ.

"ފުލުހުންގެ ރޯލް މުހިއްމު ވަނީ މި ކަންކަން ހޯދުމުގެ އިތުރުން ހުއްޓުވޭނެ ގޮތެއް ވެސް ބެލުމަށް."

ފުލުހުންގެ 31 ވަނަ ތަމްރީނު ކޯހުން ދަސްވެނިވި ފުލުހަކަށް ޕޮލިސް ކޮމިޝަނަރު ހަމީދު އިނާމު ދެއްވަނީ.---ފޮޓޯ: ހުސައިން ވަހީދު/މިހާރު

މުޅި އެކު، 91 ފުލުހަކު ތަމްރީނުވެ، ސެޓްފިކެޓް ހަވާލުކުރި އެ ރަސްމިއްޔާތުގައި ފިނޭންސް މިނިސްޓަރު ވިދާޅުވީ އަމާން ގައުމެއްގެ ގޮތުގައި ރާއްޖެ، ދިވެހިންނަށާއި ބޭރު މީހުންނަށް ދައްކައި ދެވޭނީ ބުރަ މަސައްކަތްތަކެއް ކޮށްގެން ކަމަށެވެ. އަދި ގައުމުގެ އިގްތިސާދު ކުރިއަރުވަން ބޭނުންވާ އެންމެ މުހިއްމު އެއް ބަހާ އަކީ، އެހެން މީހުންނަށް އެތަނުގެ ރައްކާތެރިކަން ދައްކައިދިނުން ކަމަށް ވިދާޅުވި އެވެ.

ދިރާސާތަކަށް ރިއާޔަތްކޮށް އަމީރު ވިދާޅުވި ގޮތުގައި، ރާވައިގެން ހިންގާ ކުށްތަކާއި ކޮރަޕްޝަނަކީ ގައުމުގެ އިގްތިސާދަށް ހުރަސް އަޅާ އެންމެ ބޮޑު ކަންތައް ތަކެވެ. އެހެންވެ، އެކަންކަން ހުއްޓުވުމަށް ފުލުހުންގެ ދައުރު ބޮޑު ކަމަށް އޭނާ ވިދާޅުވި އެވެ.

ފުލުހުންގެ 31 ވަނަ ތަމްރީނު ކޯހުން ދަސްވެނިވި ފުލުހުން، ފިނޭންސް މިނިސްޓަރު އަމީރާއި ސީޕީ ހަމީދާ އެކު ގުރޫޕް ފޮޓޯއެއް ނަގަނީ.---ފޮޓޯ: ހުސައިން ވަހީދު/މިހާރު

އަމީރު ވިދާޅުވީ، ރަނގަޅު އިގްތިސާދެއް ގާއިމް ކުރެވޭނީ އިޖްތިމާއީ ހަމަހަމަކަމާއި ޒިންމާދާރު އަދި ޑިމޮކްރެޓިކް ހަރަކާތްތައް ހިންގުމާ އެކު ގާނޫނުތައް ނަގަހައްޓައިގެން ކަމަށެވެ.

"ރިސާޗުން ދައްކާ ގޮތުން ރޫލް އޮފް ލޯ ވަރަށް ބޮޑަށް އޮންނަ ގައުމުތަކާއި ވަރަށް ދަށް ގައުމުތަކުގެ އިގްތިސާދު ކުރިއެރުމުގައި ތިން ޕަސެންޓްގެ ތަފާތު ހުރޭ،" އަމީރު ވިދާޅުވި އެވެ.

ފިނޭންސް މިނިސްޓަރު ވަނީ ތަމްރީނުން ދަސްވި އެއްޗެހީގެ ބޭނުން ހިފައި، ފުލުހުންގެ ވާޖިބު އެންމެ ފުރިހަމަ އަށް އަދާކުރުމަށް އެދިވަޑައިގެންފަ އެވެ.

ކުށްކުރުން ފުލުހުން އިބްރާހިމް އަމީރު، ކުރީގެ ފިނޭންސް މިނިސްޓަރު ގައިދީން ޖަލުތައް ފިނޭންސް މިނިސްޓަރު

29 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫އަލިބެ

09 January 2020

‫ފައިސާ ޚަރަދު ކުރޭ ކިތަންމެ ވަރަކަށްވެސް. ނަމަވެސް މީހުން ރިހިބިލޭޓް ކުރެވޭ ތަނެއް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަވީލާ

09 January 2020

މިގައުމުގައި ކޮރަޕްޝަން ހިންގީތީ އަނިޔާވެރިވީތީ އެކަމާ ދެކޮޅަށް ނިކުމެ ވޯޓުދިން ދޮޅުލައްކަ މީހުން ކޮބައިތަ؟ ދީނީވެގެން ހަމަ ހެޔޮލަފާކަމުން ކަންކަން ހުއްޓަން ވޯޓްދިން މީހުން އެހާ ގިނަކަމަށް ދެއްކިއިރު މިގައުމުގައި ތިޔަ ވަރަށް ކުށްތައް މިދިޔަ އަހަރު އާލާވުމުން މިސަރުކާރަށް ކަންކަން ނުހުއްޓެވުމަކީ ކިހާވަރެއްގެ ނާގާބިލްކަމެއް ދައްކައިދޭ ކަމެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

09 January 2020

ޖަލުތަކުގައި ކައިބޮއި އުޅެނީ އެމީހުންގެ ގެދޮރުގައި ކައި އުޅުނު ވަރަށްވުރެ މާ ފެންވަރުގަ! ޖަލަށް ކާން ތައްޔާރުކޮށްދިނުން މިއީ ބަޔަކު މުއްސަދި ވާން އޮތް ބޮޑު ދޮރެއް. ކުށްވެރިން ބެލެހެއްޓުމަށް ކުރާ މިކަހަލަ ހޭދަ ކުޑަކުރެވެން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންނާނު

09 January 2020

ކިހިނެއްތޯވީ އެހެންވީމަ ކަލޭމެންނަން އޮތްބާ މަދުވަނީތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާމީ

09 January 2020

މިފާއިތުވި ސެންޗަރީގައި އުފެދުނު ގިނަމައިންބަފައިން ތަރުބިއްޔަތު ކުރި ކުދިން ޖަލުތަކުގައި ތިބީ އެހެންކަމުން ޖެހެނީ އެ މައިންބަފައިން ތަރުބިއްޔަތު ކުރެވޭނެ ނިޒާމެއް ގާއިމު ކުރަން އެއިރުން ހީވޭ ރަނގަޅުވެދާނެހެން. އަލަގަހަކުން ކެޔޮގަހެއް ނުފަޅާނެއޭ ކިޔާތި އަޑު އިވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

09 January 2020

ތިއީ މުޅި ގައުމަށް. ބަދަލު ދިނުމޭ ކިޔާފަ އެންމެ ކުންފުންޏަކަށްވެސް ތިއަށްވުރެ ގިނައިން ދީފަ މިދިޔަ އަހަރު އެބަހުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައުކަލޯ

09 January 2020

ގައުމުގެ އިންކަމް ޓެކްސް އާމްދަނީ ބަޖެޓް 600 މިލިއަން, 400 މިލިއަން ޚަރަދު (އާމްދަނީގެ f) ޕާޓޭންނަށް! ސަޅިއެއްނު!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫރާނީމާ

09 January 2020

މި ބޮޑު ޚަރަދު ނުކޮށްވާނެ ގޮތަކަށް ޤަވްމު އަލުން ބިނާކުރަން އެބަޖެހޭ.. ސަލާމަތުން ދިރިއުޅޭ މީހުންނަށް ވުރެ ކުށްވެރިންނަށް ކުރާ ޚަރަދު ބޮޑުވުމަކީ ކިހާދެރަކަމެއް. މަންމަގެ އުނގުންފެށިގެން ކަށްވަޅަށްދާންދެން ކިޔެވުމަކީ ރަނގަޅު އަޚްލާގު ދަސްކުރުން.. "ތަރުބިއްޔަތެއް ނެތި ދަރިޔަކަސް ތަޢްލީމަކީ ލިބިދޭ، މަރު ހެޔޮނުވާފަދަ ޒަހަރެކޭ ޤަވްމަށް އެއިން ވިހަދޭ" ޅެންވެރިޔާ ކިޔުއްވާފަ އޮންނަނީ ވަރަށް ފުރިހަމަ ތެދެއް. ކުދިން ތަރުބިއްޔަތަށް އެންމެންވެސް ވިސްނަންވ